[, ۰۱ ذو الحجة ۱۴۳۸هـ| ۲۰۱۷/۰۸/۲۳م
ساعت: مدینه منوره
Menu
القائمة الرئيسية
القائمة الرئيسية

  •   مطابق  
د TTP له خوا د بې ګناه خلکو وژل، اسلام ته نېک نوم نه شي ورکولی!
بسم الله الرحمن الرحيم
د TTP له خوا د بې ګناه خلکو وژل، اسلام ته نېک نوم نه شي ورکولی!

خبر:

د دوشنبې ورځې له غرمې ورسته د ایرفا کریم ای ټي ټاور ته نږدې د  لاهور د فېروز پور پر سړک د یوه ماین د چاودنې له امله، لږ تر لږه ۲۶ تنه مړه او ۵۸ نور ټپيان شول. ویل کېږي چې نهه تنه د پولیسو افسران هم په وژل شوو کې شامل دي. د دې حملې موخه هغه افسران وو، چې د لاهور د پراختیا  د کارکوونکو امنیت یې پر غاړه و.

تبصره:

له حملې ورسته ډېر ژر د پاکستان طالبانو تحریک (TTP) د دې حملې مسؤولیت پر غاړه واخیست او په ډاګه یې کړه: « زموږ پیغام د اسلام د دښمنانو د لومړۍ کرښې متحدانو ته دا دی، چې زموږ له لارې لرې شئ او یا له داسې برخلیک سره د مخ کېدو تیاری ولرئ.» له دې ډول حملو نه یوازې هغه خلک ګټه پورته کوي، چې د خارجي دولت او بادارانو خدمت کوونکی دي. په دې پېښو کې تل هغه خلک قرباني ورکوي، چې د خپلو وږو بچیو د خېټو مړولو لپاره د یوې ګولې ډوډۍ په لټه کې دي.  په دې پېښو سره دوی په یوه ډبره دوه مرغۍ له منځه وړي. له یوې خوا خلک له اسلامه وېروي او له بلې خوا د خلکو تر منځ تفرقه اچوي او د غوسې او وحشت په رامنځته کولو دوی دې باور ته رسوي، چې تاسې د ترورېزم په وسیله احاطه شوی یاست او باید پر ضد یې وجنګېږئ.  

TTP د خپل امنیت له ټينګښت نه په بشپړه ټوګه ډاډه دی او دولت د ټولو پلانونو او کارونو پلانوونکی وي. نو پر دغه اساس د  TTPله خوا د بې ګناه خلکو دا وژنه اسلام ته نېک نوم نه شي ورکولی. الله سبحانه وتعالی د دوی په موخه پوهېږي. TTP دا پیغام د دښمن د متحدانو لپاره نه دی لېږلی؛ بلکې د عامو خلکو لپاره یې لېږلی دی او دوی به تر هغه په همدغه ذلت کې وي چې د غرب په خدمت کې وي او د دوښمن په پېژندلو کې کوشش ونه کړي. هغه وخت دغه ټول جهالت ته د پای ټکی اېښودی شو، چې د رسول الله صلی الله علیه وسلم په طریقه د یوه داسې قوي ځواک بنسټ کېږدو، چې پکې د امت د وینې ارزښت په پام ونیول شي. لکه څنګه چې رسول الله صلی الله علیه وسلم فرمایي:

«لَا يُلْدَغُ الْمُؤْمِنُ مِنْ جُحْرٍ وَاحِدٍ مَرَّتَيْنِ»

(بخاري او مسلم)

ژباړه: مومن له یوې سوړې دوه ځله نه چیچل کېږي.

د اسلامي خاورې د غصب او اشغال یوه پېړۍ کېږي، چې په دې موده کې د اسلامي امت ډېرې وینې تویې شوې دي او تر دې ټکان ورکوونکې دا چې مسلمان، مسلمان وژني. تر کله به د دې خاینو رهبرانو فریب خورئ؟ نو پر اسلامي امت لازمه ده، چې دوه ځله یوه تېروتنه ونه کړي او یو بل د واقعي اسلام خبرولو او پوهولو ته وهڅوي او د نورو لپاره الګو شي. پر اسلامي امت لازمه ده، چې د خپلو وروڼو او خویندو او خپلې وینې ارزښت درک کړي او پوه شي، چې د دې وینو رېښتونی درک هغه وخت کېږي، چې یو ځل بیا خلافت د نبوت پر منهج پر ځمکه ظهور وکړي. تر دغه چتر لاندې دلیل یوازې د الله سبحانه وتعالی رضایت دی او د شهیدانو لپاره هم د الله تعالی له لوري لوړه مرتبه ده.

لیکواله: اخلاق جهان

د حزب التحریر د مطبو عاتي دفتر لپاره

نظر ورکړئ

back to top

اسلامي خاورې

اسلامي خاورې

غربي هېوادونه

ټول لینکونه

د پاڼې برخې