سه شنبه, ۰۴ جمادی الثانی ۱۴۳۹هـ| ۲۰۱۸/۰۲/۲۰م
ساعت: مدینه منوره
Menu
القائمة الرئيسية
القائمة الرئيسية

د اردن رژیم د حزب التحریر پر شبابو ظلم او د هغوی ځورونې ته دوام ورکوي

  • خپور شوی په اردن

(ژباړه)

له هغه لاریون وروسته چې حزب التحریر په ولایه اردن کې د اردن دولت له خوا د قدس د قضیې له تړلو وروسته د قدس او ټول فلسطین د بري لپاره وکړ، له حزب التحریر او  د دغه حزب له شبابو سره د کرکې دوام زیات شو.  د دغه دولت امنیتي ادارو  د پلازمېنې- عمان په موقابلین سیمه کې د حزب التحریر دوه غړي ونیول. په دغه لاریون کې حزب په اسلامي ځواکونو غږ وکړ، چې د امریکا له خوا د اشغالګرو یهودو د پلازمېنې په توګه د قدس د ټاکلو پر وړاندې د عملي اقدام لپاره د قدس په لور وخوځېږئ. ورور معتصم فایض السالم او علی وصفي حرب، چې د عمومي استخباراتو په زندان کې له بندي کېدو راهیسې یې کورنۍ، خپلوانو او وکیلانو ته د لیدلو اجازه نه ده ورکړل شوې، په دې اړه شکونه زیاتوي چې دوی به سخت شکنجه شوي وي او ټپونه به یې لا نه وي جوړ.

موږ، حزب التحریر ولایه اردن، په پشپړه توګه د علی حرب د امنیت او د حزب التحریر د نورو شبابو د نیولو په اړه د رژیم امنیتي ځواکونه، د عمومي استخباراتو رییس او د څېړنو افسران مسوول بولو. دغو زړورو خلکو رژیم محاسبه کړی او پر بې عدالتیو، دسیسو، فساد او بې پروایۍ یې د اردن ټول خلک خبر کړي. اردن؛ د رښتینو او ځوانمردو خلکو او د پیغمبر صلي الله علیه وسلم د پیروانو ځمکه او سیمه ده.

موږ د اردن د رژیم پر هغو کړنو باخبره یو چې د هغو رښتینو خلکو پر وړاندې یې تر سره کوي چې حقیقت اعلانوي، د اسلامي ژوند د بیا را ژوندي کولو او د اردن د مسلمانانو  د خلاصون لپاره کار کوي او یا هم د اسلامي لښکرو د ویښولو لپاره غږ پورته کوي. موږ ته دا د حیرانتیا خبره نه ده، ځکه دوی له سیاسي اړخه ماتې خوړلې، د دوی مخکینۍ ناکامۍ او په هېواد کې پر خلکو تاریخي ظلم څرګند شوی او دا کوم عرب یا عجم غولوونکي سیاسي، امنیتي او یا هم هغه اقتصادي مشران چې پانګوال چټل احاسات لري نه شي پټولی. رسول الله صل الله علیه وسلم فرمایې:

إِنَّ اللهَ لَيُمْلِي لِلظَّالِمِ حَتَّى إِذَا أَخَذَهُ لَمْ يُفْلِتْهُ»»

الله سبحانه وتعالی ظالم ته موقع ورکوي، خو کله یې چې محاسبه کړ بیا یې نه برېږدي.

حزب التحریر ولایه اردن،له الله سبحانه و تعالی، مسلمانانو او نړۍ سره خپل تړون یو ځل بیا  تازه کوي، چې د نبوت پر منهج به د حق اعلانولو ته ادامه ورکوو او یوه زره به هم له دې لارې کاږه نه شو. موږ د تهمت کوونکو له تهمتونو، د کرکجنو له اخطارونو او د ظالمانو له ظلمونو څخه نه وېرېږو. تر هغه چې الله سبحانه وتعالی په ټولو سیمو کې اسلام حاکم نه کړي او پر مسلمانانو د بري رحم ونه کړي خپل کار ته دوام ورکوو او یا به هم له الله سبحانه وتعالی سره په داسې حالت کې وګورو چې د هغه لپاره په کار بوخت وو. الله او دین ته یې ریښتیني او ژمن یو.

﴿إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الأَشْهَادُ * يَوْمَ لا يَنْفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

[الغافر:۵۱-۵۲]

ژباړه: باور ولرئ چې موږ په دې دنیا کې د خپلو پېغمبرانو او موءمنانو مرسته هرومرو کوو او په هغه ورځ به یې هم وکړو چې کله شاهدان ولاړ وي، په هغې ورځ چې ظالمانو ته د هغوی معذرت هیڅ ګټه نه رسوي او پر هغوی لعنت ورېږي او هغوی ته ډېر بد استوګنځی وررسیږي.

د حزب التحریر- ولایه اردن مطبوعاتي دفتر

ژباړن: علي عسکري

د مطلب ادامه...

د ټرمپ د ولسمشرۍ يو کلنه دوره؛ بريا که ناکامي؟

  • خپور شوی په سیاسي

امريکايان د ټرمپ د ولسمشرۍ د لومړي تلين په تړاو سره ويشلي دي، د امريکا متحده ايالاتو حکومتي ادارې ځکه تړلې وې چې حکومت له کانګريس سره د بودیجې په تصويب کې هوکړې ته و نه رسيد، یعنې ۷۵۰۰۰۰ حکومتي مامورين به له تنخواه پرته په کور کې وزګار ناست وي. ټرمپ ځان ښه لوبغاړی بولي، چې په وينا يې امريکا به بيا ځلې ستره کړي، خو تر يوه کال حکومت کولو وروسته، اوس بايد قضاوت وشي چې نوموړي څه لاسته راوړنې لرلې.

د امريکا د ولسي جرګې غړې لينډا سنچيز وايې: « دوی ثابته کړه چې نه شي کولای د حکومت لومړنۍ دندې ترسره کړې، لکه: د سړکونو پر سر د څراغونو روښانول... نو څرنګه موږ باور کولای شو، چې دوی به هغه ننګونې چې زموږ هيواد ور سره مخ دی، کابو کړي؟ » ټرمپ په خپل ټوېټ کې لیکلي و: « دغه زما د ولسمشرۍ لومړی تلين دی او ډيموکراتانو بايد ما ته يوه ښه ډالۍ راکړې وی.» ډيموکراتان ټرمپ پړ ګڼي او ټرمپ دوی پړ ګڼي!

ټرمپ د تور پوستانو، لاتيني امريکايانو، مکسيکويانو او ځايي امريکايانو پر وړاندې له نژادي توپير ډکه ژبه وکاروله، د دې تر څنګ هغه مسلمانان هم د ده د ادارې موخه دي، چې امريکا ته له بېلا بېلو هيوادونو راغلي نو ځکه دوی ورباندې بندیزونه لګولي دي. د ټرمپ د لوړې د مراسمو په لومړۍ ورځ او له هغې وروسته، د نوموړي پر ضد پراخ لاريونونه او اعتراضونه وشول، چې تاوتريخوالی او مرګ ژوبله هم ورسره مله وه. په يادو اعتراضونو کې هر چا نوموړی په سپکو سپورو يادولو. ډېری امريکايان پر هغه څه چې دی یې وايې، باور نه کوي.

ټرمپ به پر هغو بريد کاوه، چې له ده سره به مخالف وو. ده د خپل هيواد قضايه قوه، څارګر بنسټونه او مطبوعات بدنامه کړل. ده ډېری وختونه د خپل جمهوريپال ګوند غړي، خپل مامورين او د کابينې غړي بدنامه او سپک کړل، نو ځکه يو شمېر روغتيایي چارواکو په ډاګه د نوموړي دماغي حالت تر پوښتنې لاندې راوست.

له بل لوري نوموړي خپلې ځينې ټاکنيزې ژمنې پوره کړې، چې د آرام سمندر د هيوادونو د اقتصادي تړون (Trans Pacific Partnership)لاسلیک، د پاريس اقليمي بدلون له تړون(Paris Climate Accords) څخه وتنه او د متحده ايالاتو پر شرکتونو د پريمانه ماليې کمول پکې شامل دي. په داسې حال کې چې له نړيوالو تړونونو څخه د ټرمپ وتنه به په زياتېدوونکې توګه په څو قطبي نړۍ کې د امريکا مشري زيانمنه کړې. چين خپل سياسي او اقتصادي نفوذ پراخوي. په داسې حال کې، چې امريکا خپله اخلاقي مشري چې په وينا يې تش په نامه د آزادې نړۍ له اصطلاح څخه انکار کوي، له لاسه ورکوي. دا هغه څه دي چې ټرمپ وويل: « امريکا ځواکمنه کړئ. » امريکا متحده ايالاتونو تل امريکا ځواکمنه کړې ده، خو ټرمپ په ډاګه هغه نړيوال نظم چې د نړيوالو بنسټونو او اصولو لکه: د ملګرو ملتونو د ادارې له لوري چې اداره کېږي، له پامه غورځوي.

پخوانيو ولسمشرانو هم دغه کار کاوه، خو هيڅ يو هم دومره مغروره نه و لکه څومره چې ټرمپ دی. د امريکا متحدين او دښمنان په زیاته کچه د نوموړي له پاروونکو او ګواښوونکو ويناوو څخه د امريکا پر وړاندې حساس شوي دي.

د نړۍ رهبران د وينا نه، بلکې د سياسي واقعيتونو پر بنسټ پرېکړې کوي، خو ټرمپ هغه کسانه چې ده ته يې رايې ورکړې دي، د ځينو امتيازونو په ورکړه غلي کړل. همدا رنګه د نړۍ نور رهبران هم د امريکا د غرور له امله د خلکو له راټوکېدونکو فشارونو څخه خلاص نه دي. ټرمپ د چين د وېرولو لپاره د شمالي کوريا کړکيچ را پورته کړ، خو چين د پخوا په څېر خپل اقتصادي او سياسي ودې ته دوام ورکړ او شمالي کوريا د پام وړ توغنديز او هستوي وړتياوي ترلاسه کړې. ټرمپ نور هيوادونه د مکسيکو، وينزیويلا او ايران په ګډون وګواښل، خو په ټوله کې هيڅ يو هيواد هم د نوموړي ګواښونو ته سر ټيټ نه کړ، پرته له ځينو لاسپوڅو عربي هيوادونو څخه چې ډېر ژر سر په سجده شول.

د مې په مياشت کې له سعودي عربستان څخه د ټرمپ د ليدنې په ترڅ کې د ۳۸۰ ميليآردو ډالرو په ارزښت يو ستر تړون لاسليک شو. د ټرمپ د سفر په پای کې د سپينې ماڼۍ اقتصادي سلاکار ګاري کون وويل: ولسمشر وکولی شو چې داسې حيرانوونکي تړونونه وکړي چې په حقیقت کې هيڅکله هم يوې مخکنۍ ادارې نه دي ترسره کړې.

د دغو پيسو راټولول به سعودي عربستان په پښو کېنوي، سعودي عربستان لا تر اوسه د هغو پيسو د پيدا کولو په لټه کې دی، چې په ۲۰۱۲م کال کې یې د اوباما له ادارې سره د ۱۱۲ ميلياردو ډالرو په ارزښت له کاره لوېدلو وسلو د تړون د پيرلو له درکه لاسليک کړې وې. کانګريس تر هغه تضمين وروسته چې يهودي دولت به ډېرې پرمختللې وسلې له امريکا څخه اخلي، دغه تړون تصويب کړ. د ټرمپ په ولسمشرۍ کې ياد تړون د امريکا ستره لاسته راوړنه ده! ياد تش په نامه تړونونه يوازې او يوازې تفاهم نامي دي، چې لازمي بڼه نه لري.

له دې سره سره سعودي عربستان د امريکا د خوښي لپاره ګڼ خدمتونه ترسره کړي دي او وسلې هم په دې موخه پيري چې په يمن کې نور ډېر مسلمانان ووژني او له يهودي دولت سره ځنګ په ځنګ د ايران پر خلاف په جګړه کې د ډېرو مسلمانانو وينې تویې کړي او سرچينې یې ضايع کړي.دا د پيړۍ تر ټولو کرغيړن تړون دی چې پر بنسټ يې ټرمپ بيت المقدس د اسرایيل د پلازمېنې په توګه رسماً وپيژنده او فلسطيني ادارې ته يو ستر سپکاوی و.

 ټرمپ د خپلې يو کلنې دورې په ترڅ کې، خپل هيواد سره وويشلو، د امريکا متحدين يې له ځانه پردي کړل، په نړۍ کې د چين د نفوذ په مخنيوي کې پاتې راغی، هغه بنسټونه یې چې مخکې امريکا پرې تکيه کوله، کمزوري کړل او د اسلامي نړۍ چارواکي يې نور هم غلامۍ ته اړايستل. ټرمپ د ښکېلاکګرې امريکا څېره بربنډه کړه او په دې ډول يې خپلو موخو ته ځان نژدې کړ.

لیکوال:ډاکټر عبدالله روبین

د الرایه ورځپاڼې لپاره، ګڼه ۱۶۶

ژباړن: جمیل خان

د مطلب ادامه...

د بي بي سي څېړنه: ۷۰ سلنه افغانستان د طالبانو تر ګواښ لاندې دی

د بي بي سي يوې څېړنې موندلې؛ د هغو طالبانو د ماتې لپاره چې د امریکا تر ملاتړ لاندې ځواک پرې ملیاردونه ډالر مصرف کړي، اوس په ښکاره توګه د افغانستان په ۷۰سلنه خاوره کې فعال دي. د افغانستان په ګوټ ګوټ کې دغې میاشتینۍ څېړنې موندلې چې په ۲۰۱۴م کې د بهرنیو ځواکونو له وتلو وروسته د افغانستان ډېری سیمي د طالبانو تر ګواښ او یا هم کنټرول لاندې دي. په کابل او د افغانستان په نورو سیمو کې د طالبانو او د اسلامي دولت(داعش) په نامه ډلې وروستیو بریدونو ډېر خلک ووژل. د دغو بریدونو په ځواب کې افغان چارواکو او د امریکا ولسمشر ډونالد ټرمپ له طالبانو سره خبرې اترې رد کړې. تېر کال ټرمپ ویلي و، چې امریکایي ځواکونه به تر کمې مودې په افغانسان کې پاتې شي.

د بي بي سي د رپورټرانو شبکې په ټول افغانستان کې د ۳۹۹ ولسوالیو د محلي سرچینو له ۱۲۰۰ کسانو سره خبرې کړي، چې په دغې زماني موده کې د شورشیانو د حملو هر اړخیز انځور تر لاسه کړي. دا خبرې اترې یا په ټیلیفون او یا هم له  دوی سره مخامخ شوي دي. ټول تر لاسه شوي اطلاعات د دوو او په ځینو مواردو کې د شپږو منابعو لخوا کتل شوي دي. په ځینو مواردو کې د بي بي سي رپورټران د اطلاعاتو د بیا کتنې لپاره هغو اډو ته تللي، چې خلک ترې لرې سیمو ته سفرونه کوي. د دغه څېړنیز رپوټ پایله ښيي، چې ۱۵میلیونه تنه یعنې د افغانستان نیم نفوس په داسې سیمو کې ژوند کوي چې یا د طالبانو په کنټرول کې دي او یا هم په علني توګه پکې حضور لري او په پرله پسې د دوی تر بریدونو لاندې دي.

د بي بي سي څېړنه ښيي چې اوسمهال د افغانستان ۱۴ ولسوالۍ(د افغانستان څلور سلنه خاوره) د طالبانو په پوره کنټرول کې ده، همداراز په ۲۵۳ نورو ولسوالیو(۶۶ سلنه افغانستان) کې فعال او علني حضور لري. د طالبانو د قدرت دا کچه له هغې څو برابره زیاته ده، چې مخکې یې وړاندوینه کېده. په هغو سیمو کې چې طالبان فعال او علني حضور لري، شورشیان د دولتي ځواکونو پر اډو؛ د ملي ځواکونو پر کمپونو له ډله ییزو بریدونو نیولې ان د پولیسو او ځواکوتو کاروانونو ته تر کمینونو پورې، په انفرادي او ډله‌ییزه توګه بریدونه کوي.

کلونه کلونه کېږي امریکا او ملاتړي یې هڅه کوي پر افغانستان باندې د طالبانو د واکمنۍ حقیقي انځور پټ کړي؛ خو د افغانستان پر پلامېنه د طالبانو پرله پسې بریدونو یو ځل بیا څرګنده کړه، چې امریکا په افغانستان کې خپل کنټرول او واکمني له لاسه ورکړې ده.

لیکوال: عثمان طه

ژباړن: حبیب الله

د مطلب ادامه...

په اردو کې امريکايي "اصلاحات" او په افغانستان کې د قدرت د جوړښت بدلون

  • خپور شوی په سیاسي

په دې وروستيو کې د افغانستان جمهور ريیس د اردو د ۱۶۴ جنرالانو د تقاعد فرمان لاسلیک کړ. د دغه فرمان په ترڅ کې به تر راتلونکو دوو کلونو ۲۰۰۰ جنرالان او افسران، چې د افغانستان د اردو ۷۰٪ لوړ پوړي چارواکي جوړوي، تقاعد کوي او سلګونه نور افسران هم په دې پروسه کې د اداري او نظامي مراتبو د سلسلې له پلوه اغېزمن کېږي.

د افغانستان امنیتي ځواکونه د شوروي اتحاد د اشغال پرمهال د انګلیس او امریکا د ځينو پاتې شونو په ګډون بشپړ د کمونېزم له بې تجربې شاګردانو څخه رامنځ ته شول؛ خو د شوروي اتحاد له سقوط او د مجاهدینو د دولت له تاسیس سره سم ډېر مسلمان او جهادي عناصر د امنیتي ځواکونو په لیکو کې شامل شول. د یادونې وړ ده چې د کورنیو جګړو او د طالبانو دورې په اوږدو کې د هغه مهال د دولتمندانو د ځینو مجبوریتونو له مخې یو شمېر پخواني کمونیستان بیا د افغان امنیتي ځواکونو په لیکو کې تنظیم شول.

په ۲۰۰۱م کال کې د امریکا او ناټو ځواکونو له اشغال وروسته د نظامي ځواکونو زیات اراکین هغه پخواني مجاهدین او کمونیستان وو، چې له امریکایانو سره یې د طالبانو پر وړاندې جګړه کې د ځمکني ځواک په حیث مرسته کړې وه. که څه هم په همغه لومړیو کلونو کې امریکایانو د افغانستان مخکینۍ اردو منحل کړې وه، چې په ترڅ کې يې لسګونه زره کسان په تېره بیا هغه کسان چې د شوروي اتحاد پر وړاندې يې په جهاد کې ګډون درلود، د اردو له اډاڼې څخه ګوښه کړل او د یوې نوې اردو بنسټ يې کېښود. نوې اردو هم تر ډېره له مسلمانو عناصرو څخه جوړه شوه، چې تر څنګ یې د امریکا، انګلیس، پاکستان، ایران او کمونیستي شوروي اتحاد له جواسيسو، چې اوس د روسیې د نفوذ په حیث پېژندل کېږي، هم شتون لري.

که څه هم امریکا د ۱۷ کلنې جګړې په اوږدو کې د افغانستان له نوې اردو، د دې خاورې د مسلمانانو د ځپلو په موخه خورا غوره ګټه پورته کړه؛ خو د دغو ټولو خدمتونو تر څنګ بیا هم امریکا د هغې له سیکولر او ډيموکراتوالي رضایت نه درلود او د ځينو جنرالانو، افسرانو او پوځيانو له اسلامي احساساتو یې تل سخت تشویش کاوه. ځکه په ځلونو امریکايي ځواکونه د اردو د قطعاتو دننه تر خونړیو بریدونو لاندې راتلل او وژل کېدل. د همدغه تشویش له امله د افغانستان اردو په تېرو ۱۷ کلونو کې له پرمختللو وسلو او تجهیزاتو بې برخې وه او یوازې د ۲۰مې پېړۍ له خفیفه او توپچي وسلو سره د امریکا د پليو ځواکونو په توګه ترې ګټه اخیستل کېده.

خو له افغانستان سره د امریکا د ستراتيژیکو او امنیتي تړونونو له لاسلیک او د دې خاورې له لارې د سیمه‌ييزو او ستراتيژیکو موخو د تعقیب لپاره د دایمي حضور له تثبیت وروسته امریکا تصمیم ونیو، تر څو هر کال میلیاردونه ډالر او پرمختللي تجهیزات د افغانستان اردو ته ورکړي. له دې امله امریکا سخته اړتیا احساسوله، چې د "اصلاحاتو" په نامه د افغانستان اردو په ټولیزه توګه له مسلمانانو عناصرو، پخوانیو مجاهدینو او د امریکا د رقیبو هېوادونو له نفوذه پاکه کړي او یوه اجیره، پر مصرفه او امریکا ته اړ اردو، چې په مطلق ډول د عقیدې او احساساتو له نظره د افغانستان له مسلمان او مجاهد ولس څخه پردۍ وي، جوړه او د امت د قدرت واقعي مرکزونه، چې د یوه هېواد په پوځ کې راټولېږي؛ د ترکیې، مصر او پاکستان د پوځونو په څېر د امت او د هغه د وېښوونکو اسلامي حزبونو له لاسرسي څخه بهر کړي.

بله موخه چې په امنیتي سکتور کې د "اصلاحاتو" له لارې تعقیبېږي، دا ده چې په تاریخي توګه په افغانستان کې د خلکو نفوذ او واقعي قدرت د قومي او قبیلوي رهبرانو او سیاسي متنفذینو په لاس کې دی. دغه واقعیت په افغانستان کې د قدرت واقعي جوړښت پېچلی کړی او د تاریخ په اوږدو کې يې د دې خاورې کنټرول اشغالګرانو ته ستونزمن کړی. نو لکه څنګه چې امریکایان په افغانستان کې د لږ تر لږه ۵۰ کلن حضور لپاره پلان لري، له قومي او سیاسي رهبرانو سره، چې تر ډېره اسلامي افکار او احساسات لري، د قدرت شتون یو څرګند او پياوړی خطر ګڼي. نو امریکا په تدریجي او اوږدمهاله توګه په دې هڅه کې ده، ترڅو د افغانستان د قومي - قبايلي او سیاسي رهبرانو قدرت کم کړي او دا قدرت د یوې سیکولر او امریکایي فرمان منونکې اردو ته ولېږدوي، تر څو د افغانستان اداره اسانه شي او د امریکا پر وړاندې راتلونکي احتمالي خطرونه خنثی کړي.

نو د افغانستان مسلمان خلک، متنفذین او پخواني مجاهدین باید په دې پوه شي، چې امریکا ته د افغانستان د اردو له لارې ۱۷ کلنو خدمتونو ونشو کولای ترڅو په اردو کې پر مسلمانو عناصرو باندې د يرغلګرو باور ترلاسه کړي. اوس امريکا له دغه اردو څخه د ډېرو ناوړه استفادو وروسته د "اصلاحاتو" تر نامه لاندې دغه عناصر په بشپړه توګه له واکه ګوښه کوي او پر ځای یې هغه ځوانان چې په غربي او سیکولریستي لیدلوري روزل شوي، د قدرت پر ګدۍ کېنوي او یو ځل بیا د افغان ځوانانو له وینو په متفاوت اسلوب خپلو اوږدمهاله او ستراتیژیکو موخو ته د رسېدو لپاره ګټه اخلي. له دې امله ۱۷ کلنه امریکايي غولونه "له تروریزم سره جګړه"، چې په حقیقت کې د اسلام او مسلمانانو پر وړاندې جګړه ده، نوره باید ټولو ته افشا شوې وي؛ ځکه هغوی تر دغه پلمې لاندې هڅه کوي، ترڅو په اسلامي خاوروکې د قدرت، اقتصاد ... او د ځواک هر ډول عناصر په بشپړه توګه له منځه يوسي او د اسلامي خاورو د استعمار تر څنګ، د ځان پر وړاندې د راتلونکي اصلي ګواښ چې په سيمه کې د ريښتيني اسلامي دولت "دويم راشده خلافت" ظهور ګڼي، مخه ونیسي.

سیف الله مستنیر

د حزب‌التحریر - ولایه افغانستان د مطبوعاتي دفتر رییس

د مطلب ادامه...

د سوډان د ولسمشر مرستیال! د منافقت بیرغ مو د اقتصادي کړکېچ لامل شوی؛ نه د لا اله الله بیرغ

  • خپور شوی په سوډان

(ژباړه)

د سوډان د ولسمشر ابراهیم محمود حامد، مرستیال په یوه بیانیه کې داسې وویل: د لا اله الا الله بیرغ ته ژمنتیا مو د اقتصادي وروسته والي اصلي لامل دی، چې اوسمهال مو هېواد ورسره مخ شوی دی.

هغه څوک چې د دغه رژیم تر حاکمیت لاندې وي، ښه پوهیږي چې دا رژیم لا اله الا الله ته هېڅ لیوالتیا نه لري، بلکې د دغه بیرغ پر وړاندې ولاړ دی او ان له۱۹۹۰م راپدېخوا هغه کسان چې لا اله الا الله او د هغې حاکمیت ته دعوت کوي، نیسي او بندیانوي یي او د دې خاورې د مسلمانانو د ژوند په صحنه کې د منافقت بیرغ په بیا راوستلو کې د حمال حیثیت لري. لاندې موارد پر دغه امر دلالت کوي.

-آیا هغه قضایي نظام چې د سوډان د حاکمانو له لوري د دې خاورې پر مسلمانانو پلی کېږي، د جمهوريت د حکومت یو ډول نه دی، چې قاضي ته واک ورکوي ترڅو د خپلې خوښې پر بنسټ د قانون جوړونې شوراګانو له لارې قوانین جوړ کړي؟ په داسې حال کې چې د اسلام سیاسي نظام(خلافت) یو اصل دی او له الهي قوانینو پرته بل څه نه تطبیقوي.

-آیا هغه اقتصادي نظام چې د دغه رژیم له لورې پلی کېږي په خورا بده بڼه د پانګوالۍ نظام نه دی، چې سود یې په قطعي ډول مباح ګڼلی، د خلکو پانګې په ناقانوني ډول خوري او د دې خاورې پانګه یې د پانګې اچونې په نامه په کفارو لوټ کړه، چې په پایله کې د دې خاورې اوسېدونکي د ښکاره او پټو پانګو له لرلو سره سره له قحطۍ او لوږې سره مخ شوي دي؟

-آیا دا هماغه رژیم نه دی چې زراعتي او صنعتي پروژې یې لغوه کړې او وروسته یې له حرامې لارې د خلکو پیسې غصب کړې، چې دا کار یې د اقتصادي وروسته پاتې کېدو او له منځه تلو لامل شو؟ د دوی په اړه د حضرت علي رضی الله عنه دا خبره صدق کوي چې وایي:« څوک چې د خلکو توان ته په کتو سره خراج نه غواړي، قطعاً یې ځمکه تباه کړې خلک یې غریبان کړي او په خپله به هم ډېر ژر له منځه لاړ شي.»

هغه څوک چې د لا اله الا الله بیرغ په حق سره پورته کوي، قوانین یې کاروي او افکار یې له دغه بیرغ سره سم تنظیموي، الله سبحانه وتعالی خپل نعمتونه ورکوي او په مال کې یې برکت اچوي. الله سبحانه وتعالی فرمایي:

﴿وَلَوْ أَنَّ أَهْلَ الْقُرَىٰ آمَنُوا وَاتَّقَوْا لَفَتَحْنَا عَلَيْهِم بَرَكَاتٍ مِّنَ السَّمَاءِ وَالْأَرْضِ وَلَٰكِن كَذَّبُوا فَأَخَذْنَاهُم بِمَا كَانُوا يَكْسِبُونَ﴾

[اعراف: ٩٦]

ژباړه: که د ودانیو او ښارونو اوسېدونکو ایمان راوړی وی او تقوا یې غوره کړې وی، د ځمکې او اسمان برکتونه مو پرې نازلول؛ خو دوی حق پټ کړ، نو موږ هم دوی ته د خپلو کړنو جزا ورکړه.

او بیا الله سبحانه وتعالی فرمایي:

﴿فَمَنِ اتَّبَعَ هُدَايَ فَلَا يَضِلُّ وَلَا يَشْقَىٰ وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ﴾

[طه: ۱۲۴-١٢٣]

ژباړه: کله چې زما هدایت تاسو ته در ورسېد، که چا زما له هدایت څخه پیروي وکړه، نه ګمراه کېږي او نه به هم په غم کې وي او که څوک له ما څخه مخ واړوي، ستونزمن ژوند به ولري او د قیامت په ورځ  یې ړوند حشر وو.

اې ظالمو حکامو او رهبرانو! د مسلمانو ډلو په حق کې مو منافقت او غفلت ودروئ، ځکه خلک ستاسو د حاکم نظام له ستنو او د منافقت بیرغ له رپولو غافل نه دي. له الله سبحانه وتعالی ووېرېږئ او د محشر ورځ مه هېروئ،  قضیه اسلامي امت ته پرېږدئ، چې دوی الله سبحانه وتعالی او پیغبر صلی الله علیه وسلم ته له ژمن کس سره په اخلاص بیعت وکړي، له هغه چا سره چې د لا اله الا الله محمد رسول الله بیرغ ورپوي او الهي شریعت پر نړۍ نافذ کړي او د نبوت پر منهج د راشده اسلامي خلافت په راوستلو سره دا ذلیل ژوند په یوه اسلامي ژوند بدل کړي.

د حزب التحریر-ولایه سوډان مطبوعاتي دفتر

ژباړن: حبیب الله

د مطلب ادامه...

کوزی بایوف سلطان، د ظالم امام علي رحمن د طاغوتي زندان یو بل شهید

(شهادت هغه مقام دی چې د الله سبحانه و تعالی له لوري ورکول کېږي، نه د انسان له لوري)

(ژباړه)

﴿مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا﴾

[احزاب: ٢٣]

ژباړه: په مومنانو کې داسې کسان شته، چې له الله سبحانه و تعالی سره یې پر کړې ژمنه صادقانه ولاړ دي؛ ځیني پر خپل تړون تر پایه ولاړ وي (او په هغې لاره کې د شهادت جام تر لاسه کوي) او ځینې نور  انتظار کوي او هېځکله خپل عهد او پیمان نه بدلوي.

په دې وروستیو کې د حزب التحریر یو بل غړی کوزي بایوف سلطان په تاجکستان کې د علي رحمن په ظالم او طاغوتي زندان کې په حق ورسېد. سلطان چې ۴۷ کلن و، کابو خپل ۱۸ کاله عمر یې د تاجکستان په طاغوتي امنیتي زندان کې تېر کړ. هغه له دې امله زنداني شو چې په تاجکستان کې یې له حزب التحریر سره د اسلامي ژوند د بیا راوستلو لپاره هلې ځلې کولې.

کوزي بایوف سلطان (رحمه الله) په ۱۹۷۱م کال کې زېږېدلی و او د څلورو ماشومانو پلار و. هغه دوه تحصیلي مدرکه درلودل او زندانیانو به ورته دایرة المعارف متحرک ویلو. سلطان په ۱۹۹۹م کال کې له حزب سره یو ځای شو او د اسلام ته یې دعوت پیل کړ. سلطان د ۲۰۰۰م کال د جنوری په ۱۵مه د ظالم علي رحمن د ځانګړو سرویسونو له خوا ونیول شو او د دغه هېواد د امنیتي زندان «۳/۷ بلاک» ته له رسولو وروسته یې ډېر کلک شکنجه کړ.  سلطان په زندان کې ناروغ شو او وروسته یې له شکنجې راپاتې ناروغي د هډوکي په درد بدله شوه چې پښې ته یې نفوذ وکړ، پښه یې عملیات کړه، خو په پای کې همدغې ناروغۍ کمزوری کړ او ترې ومړ.

سلطان په ۲۰۰۴م کې په زندان کې له یوې معایېنې وروسته خوشې شو او له ځنډ پرته یې په تاجکستان کې د اسلامي دعوت د لېږدولو لپاره خپل فعالیتونه پیل کړل. خو په ۲۰۰۵م کې بیا زانداني شو او د اوږدې مودې  لپاره په زندان محکوم شو او د تاجکستان ظالم زندان «بلاک ۳/۳» ته(هغه زندان چې د زندانیانو په عذاب او شکنجه کې مشهور دی) ولېږدول شو. دغه زندان، داسې زندان دی چې زندانیان تل پکې تر څارنې او پوښتنې لاندې وي. همداراز د حزب التحریر ټول غړي په دغه راز زندانونو کې په بې سارې توګه تر شکنجې لاندې دي.  په پای کې سلطان په نري رنځ(توبرکلوز) اخته شو او یو څه وخت یې د زندان په روغتون کې تېر کړ. د رحمن د ادارې یوه کارکوونکي ژمنه وکړه چې سلطان به د یو شرط په منلو سره له ځنډه پرته ازاد کړي او هغه دا، چې سلطان باید ژمنه وعده وکړي چې د اسلام له دعوت څخه لاس اخلي؛ خو دغه مخلص داعي د دغه شرط له منلو ډډه وکړه. هغه ځکه له دغه کار څخه ډډه وکړه، چې په زندان کې یې له ناروغۍ څخه د ځورېدو پر مهال له  ځان سره کلک هوډ کړی و چې په هېڅ شرط او په هر قیمت که وي، ان د مرګ تر شېبو به د اسلام له دعوت څخه لاس وانخلي.

د حزب التحریر مرکزي مطبوعاتي دفتر د دغه ستر داعي رحمه الله کورنۍ ته ډاډ ورکوي او ورته تسلیت وایې او د الله سبحانه و تعالی له درګاه څخه د مرحوم کورنۍ ته جمیل او جزیل صبر غواړي او همدارنګه له الله سبحانه و تعالی څخه غواړي چې مرحوم سلطان د شهیدانو له ډلې حساب کړي؛ ځکه شهادت هغه مقام دی چې د الله سبحانه و تعالی له لوري ورکول کېږي، نه د بشر! او همداراز د الله له درباره غواړي، علي رحمن او د هغه ظالم رژیم له ټولو لارویانو او همکارنو سره یو ځای له بیخ او بنسټه نابود کړي او هغه مسلمانان زندانيان چې د امام او د امت د ډال(خلیفه) چې تر شا یې جګړه کېږي او هغه ته پنا وړل کېږي، د نسب لپاره کارکوي؛ ډېر ژر ازاد کړي. په رښتیا چې دا کار الله سبحانه و تعالی ته ډېر اسان دی او الله سبحانه و تعالی د هر کار په کولو توانا دی!

د حزب التحریر مرکزي مطبوعاتي دفتر

ژباړن: علي عمار

د مطلب ادامه...

امريکا ولې افغان ځواکمنان يو په بل پسې له واکه شړي!؟

خبر:

افغان جمهور ريیس د دفاع وزارت څه باندې ۱۶۴ جنرالان تقاعد کړل. نوموړي د یکشنبې په ورځ په خپله ټویټرپاڼه کې په يوه پيغام کې وویل: "د افسرانو د ذاتي چارو قانون د عملي کېدو لپاره، ما د ۱۶۴ جنرالانو احترامانه تقاعد لاسلیک کړ. موږ اصلاحات د جګړې او سولې د ګټلو لپاره غواړو، اصلاحات یوازې د اصلاحاتو لپاره نه غواړو، دا بهیر به زموږ د روښانه راتلونکي لپاره دوام ومومي". د امنيتي او دفاعي بنسټونو د دوو زرو جنرالانو او لوړ پوړو افسرانو د تقاعدۍ طرحه د تېر ميلادي کال د نومبر په مياشت کې د افغان پارلمان له خوا تصويب شوه، چې په ترڅ کې يې د افغانستان د دفاعي او امنيتي بنسټونو ۷۰ سلنه جنرالانو ته تقاعد ورکول کيږي.

تبصره:

امريکا او د هغې افغان حکومت د خپلې دغې پرېکړې له لارې غواړي د امت د ځواک مرکزونه چې د هغه په پوځونو کې راټول شوي، د مصر، ترکيې او پاکستان په څېر په بشپړه توګه د مسلمانانو او د هغوی د ويېښوونکو سياسي احزابو له لاسرسي څخه وباسي.

اوس ټولو ته ثابته شوې چې امریکا د افغانستان له جيوپوليټيک موقعيت څخه په سيمه کې د خپلې جنګي پروژې په توګه کار اخلي او په هغه کې د سولې او امن پر ځای جګړه، د پياوړي مرکزي حکومت پر ځای ضعيف او په کورنيو اختلافاتو کې ښکېل حکومت او ملت ته ترجيح ورکوي. مګر له دې سره په موازي ډول يې د افغانستان په قبايلي ټولنه او حکومتولۍ کې پراخ او بنسټيز ډيموکراتيک بدلون روان کړی دی. په تېر ۱۷ کلن بهير کې امريکا وکولای شول ترڅو په افغانستان کې د پخواني شوروي نفوذ کابو او د انګلستان، پاکستان، ايران او سعودي له نفوذ څخه په خپله ګټه کار واخلي.

امريکا لومړی د پخوانيو مجاهدينو او کمونيستانو زیات رهبران د خپلو ملګرو په توګه د کرزي حکومت په واکمنۍ کې شريک کړل، مګر بېرته يې د امريکا د پخواني سفير او ځانګړي استازي زلمي خليلزاد په سياسي او نظامي ملاتړ په تدریجي ډول په ډېر مهارت سره يو پر بل پسې له واکه وشړل او پرځای يې غربي تکنوکراتان مقرر کړل، چې د بېلګې په توګه استاد سیاف، امير محمد اسماعيل خان، یونس قانوني، بسم الله محمدي او په دې وروستيو کې احمد ضياء مسعود، جنرال دوستم او عطامحمد نور د یادولو وړ دي.

په واک د ورګډو کړو پخوانيو مجاهدينو لسګونه نور يې په ډېر ماهرانه ډول په فزيکي توګه له صحنې څخه ترور او حذف کړل، چې د بېلګې په توګه د حاجي قدير، برهان الدین رباني، جنرال داوود، جنرال سیدخيلي او احمدولي کرزي نومونه يادولای شو. له دې سره – سره يې لومړی د افغانستان په جنوب او اوس د افغانستان په شمال کې د بېلابېلو استعماري ميکانيزمونو په ترڅ کې سلګونه محلي ټولنيز رهبران ترور کړل، چې په افغانستان غوندې قبايلي ټولنه کې د غربي ډيموکراتيک بدلون او فرد پالنې پر وړاندې ستر خنډ ګڼل کېدل.

په افغاني ټولنه کې د امریکا له خوا د دغه بنسټيز بدلون پروسه لا نه ده بشپړه شوې، ځکه لا هم ځينې قومي مشران، پخواني مجاهدين او نظاميان شته، چې د امريکا پر وړاندې جګړې ته دوام ورکوي. هغوی به يا د ګلبدین حکمتیار په توګه د امريکايي ليبرالې سولې له پروسې سره په داسې حال کې یوځای کيږي، چې د تېرو ۱۷ کلونو ډيموکراتيکې لاسته راوړنې به مني او يا به د ټرامپ د جنګي ستراتيژۍ په ترڅ کې د هوايي بمباريو او ډرون په واسطه په بشپړ وحشت سره وژل کيږي. 

اشرف غني د امريکا له خوا د شنه څراغ په رڼا کې له يوې خوا ټوله مالي او اداري واکمني متمرکزه او تر خپله ولکه لاندې راوسته؛ چې په ترڅ کې يې د ملي امنیت پر شورا، د ملي تدارکاتو پر کمېټه، پر اقتصادي کمېټې، د اداري اصلاحاتو پر کميسيون، د ټاکنو پر کميسيون او نورو برخليک ټاکونکو دولتي ارګانونو خېټه واچوله او له بلې خوا يې په حکومت کې د ځوانو استعدادونو او تکنوکراتانو د ځای پر ځای کولو تر نامه لاندې په تدريجي ډول ډېری هغه اسلاميست او کمونیست عناصر له واکه ګوښه کړل، چې د پخواني شوروي اتحاد د يرغل، افغاني جهاد، کورنۍ جګړې او د امريکايي اشغال پر مهال د واک او نفوذ خاوندان شوي وو او دا دی اوس د همدغه بهير په ترڅ کې يې څه دپاسه ۱۶۴ جنرالان متقاعد کړل او په نژدې راتلونکې کې به په تدريجي ډول د امنيتي او دفاعي مسؤولينو ۷۰ سلنه په همدغه برخليک اخته کوي.

په افغاني ټولنه کې د امريکايي بدلون دغه پروسه به د ټولو هغو پاتې پخوانيو مجاهدينو او کمونیستانو لمن هم نیسي، چې لاتر اوسه په حکومت کې واک لري او يا هم په نژدې راتلونکې کې له حکومت سره د ليبرالې سولې د پروسې له لارې يو ځای کيږي. ځکه دا هغه سایکل دی، چې دردوونکی احساس يې يو ځل د بلخ والي عطامحمد نور په ژبه داسې راڅرګند شو: «امریکا موږ د پيپسي د بوتل په څېر وکارولو او له پيپسي څښلو وروسته يې ایسته وغورځولو.»

نو موږ د پخوا په څېر يو ځل بيا پر ټولو هغو اسلاميستانو مخلصانه غږ کوو، چې لا تر اوسه په حکومت، اسلامي ډلو او افغاني ټولنه کې د لږ او يا ډېر واک او نفوذ خاوندان دي، ترڅو نور د شرق او غرب ناوړه موخې او پلانونه درک کړئ او په وار- وار دغه ترخه تجربه تکرار نه کړئ. ځکه غرب د ټولنې د یوه نسل د بدلون په ترڅ کې خپل کفري بدلون ته لاره هواروي او تاسو يوازې د ځان د هدایت او خلاصون چانس نه، بلکې د ډېرو انسانانو د هدایت او خلاصون چانس لرئ، هغه دا چې بانفوذه، واکمنان او رهبران یاست. د هر ډول کفري هغه که شرقي وي او که غربي مفکورو او حل لارو (نظامونو) پر وړاندې راپاڅئ، د دنيا دغه لنډ ژوند د الهي ابتلا (افشا کېدو) پروسه وګڼئ، په خپلو تېرو ګناهونو او تېروتنو توبه وکړئ او د راتلونکي لپاره د کفر پر وړاندې د اسلامي امت له سپېڅلې مبارزې سره يوځای شئ، ترڅو په دنيا کې د امت د سترو قهرمانانو په څېر نېک نوم خپل کړئ او په آخرت کې له رسول الله صلی الله علیه وسلم سره د کوثر حوض پر غاړه د هسکې غاړې د ملاقات چانس بیامومئ.

سیف الله مستنیر

د حزب التحرير ولايه افغانستان د مطبوعاتي دفتر رییس

د مطلب ادامه...

د "اصلاحاتو" تر نامه لاندې له اسلامي عناصرو څخه د امنيتي ځواکونو پاکول Featured

د افغانستان ولسمشر د اردو د ۱۶۴ جنرالانو د تقاعد فرمان لاسلیک کړ. دا فرمان په امنیتي سکتور کې د "اصلاحاتو" د پروسې یوه برخه ګڼل شوې، چې په ترڅ کې به یې د امنیتي ځواکونو له صفونو څخه ۲۰۰۰ جنرالان او لوړپوړي افسران ګوښه کېږي.

موږ په امنیتي سکتور کې د "اصلاحاتو" پروسه، چې ظاهراً د ځوان او مسلکي کولو تر نامه لاندې پر مخ وړل کېږي یو بشپړ امریکايي بهیر بولو، تر څو د امت د قدرت واقعي مرکزونه، چې په اردو کې راټول شوي، د مصر، ترکیې او پاکستان د پوځونو په څېر د امت او د هغه د ويښوونکو حزبونو له لاسرسي څخه بهر کړي او د دې تر څنګ لاندې څو نورې جزئي موخې هم تعقیبوي:

  • له امنیتي سکتور څخه د اسلامي عناصرو او پخوانیو مجاهدینو ګوښه کول؛
  • د هغو قومي، قبیلوي او سیاسي رهبرانو او متنفذینو قدرت کمول، چې اسلامي احساسات او افکار لري او د دغه قدرت انتقال یوې سیکولر، غربي او د امریکایانو فرمان منونکې اردو ته؛
  • د افغان امنیتي ځواکونو له صفونو څخه د امریکا د سیمه‌ييزو رقیبانو د نفوذ له منځه وړل؛

ترڅو په امنیتي سکتور کې د دغو "اصلاحاتو" په پایله کې امریکا وکولای شي، چې یو تابع نظامي ځواک رامنځته کړي او په سیمه کې د راتلونکي اسلامي دولت (راشده خلافت) د رامنځ ته کېدو د مخنیوي او د خپلو سیمه‌ييزو او ستراتيژیکو موخو د لاسته راوړلو لپاره ګټه ترې واخلي.

د افغانستان مسلمان ولس، متنفدین او پخواني مجاهدین باید پوه شي، چې د افغانستان په امنیتي سکتور کې "اصلاحات" د امنیت د ټينګښت لپاره هېڅ ګټه نه لري، بلکې امریکايي موخو ته د رسېدو لپاره د افغان ځوانانو له انرژۍ او وینې څخه د وسیلې په موخه کار اخیستل کيږي، چې له امله یې امریکايي ځواکونه له جنګي ډګرونو څخه په شا کېږي، تر څو روانه جګړه د مسلمانانو د ځواکونو په وسیله خپله د مسلمانانو پر وړاندې پر مخ بوځي.

د حزب‌التحریر - ولایه افغانستان مطبوعاتي دفتر

د مطلب ادامه...

په افغانستان کې د خلکو اصلي قاتلین څوک دي!؟

  • خپور شوی په سیاسي

په دې وروستیو کې کابل ښار د درېیو خونړیو بریدونو شاهد و، چې سلګونه کسان یې مړه او ټپيان کړل. د دوو بریدونو مسوولیت طالبانو او د بل داعش پر غاړه واخیست. حال دا چې په افغانستان کې د امریکا نظامي چارواکو په ډېره بې شرمۍ او غولوونکې توګه دغه خونړي بریدونه پر طالبانو د هغوی د ځواکونو د حملو د شدت پایله وبلله. دې ته ورته د امریکا ولسمشر په نږدې راتلونکي کې له طالبانو سره خبرې اترې رد کړې. نوموړي د دې مسئلې په اړه داسې وویل: «... ښايي د دغه کار (خبرو اترو) لپاره وخت راورسي؛ خو په دې نږدې کې به نه وي.»

د وخت دجال (ټرامپ) رښتیا ویلي؛ حال دا چې د نړۍ خورا ستر دروغجن دی. امریکا دا مهال په افغانستان کې اصلاً د سولې اراده نه لري، بلکې غواړي چې افغانستان په سیمه کې د خپلې نظامي پروژې په حیث وکاروي. په همدې دلیل جګړه، ناامني، د متنفذینو او قدرت‌مندانو تر منځ بې اتفاقي، بې باوري او په افغانستان کې د کمزوری دولت ساتل هغه اسلوب دی، چې تر چتر لاندې یې د خپلو استخباراتي، نظامي او قراردادي ځواکونو موجودیت توجیه کوي او په وسیله یې خپلې سیمه‌ییزې موخې تعقیبوي.

د امریکا په وروستۍ ستراتیژۍ کې طالبانو ته د پناه ورکولو له امله پر پاکستان فشار زیات شوی او امریکا په افغانستان کې له وروستيو بریدونو څخه هم د همدې موخې لپاره ګټه پورته کوي. دا په داسې حال کې ده، چې د دغو بریدونو پېچلتیا او شدت ښيي، چې دا ډول سترې چاودنې په افغانستان کې د ښکېلو هېوادونو د استخباراتو له همکارۍ او مرستې پرته د وسله‌والو مخالفینو له توانه لرې ښکاري.

امریکایانو د افغان چارواکو له خیانته په ګټې اخیستنې د ستراتيژيکو او امنیتي تړونو له لاسلیک کولو وروسته خپل ځواکونه په اډو کې خوندي ساتلي او د دې جګړې یوازيني زیانمن یې افغانان ګرځولي. په دغه هیاهو کې د سولې پروسه د امریکا د جنایاتو د توجیه لپاره یوازینی په زړه پورې سرليک دی، چې يوازې د هغو وسله‌والو مخالفینو لپاره د عملي کېدو وړتیا لري، چې ۱۷ کلن ډیموکراتیک ارزښتونه مني او له جګړې لاس اخلي.

نو د امریکايي سولې پروسه هغه فرېب دی، چې د تازه دمو ځواکونو، تجهیزاتو او نظامي بریدونو له زیاتېدو سره، کوم چې د غیر نظامیانو وژنه ورسره تړلې ده، هره ورځ یې د خلکو ترمنځ د یوازینۍ هيلې په حیث د رسنیو او سیاسیونو له لارې ترویجوي. د دغو نظامي- استخباراتي لوبو په بهير کې باید د افغانستان مسلمان خلک پوه وي، چې که امریکا د سولې لپاره اراده درلودی، باید په تېرو ۱۷ کلونو کې راغلې وای، کومه چې تر اوسه نه ده راغلې.

باید ټینګار وکړو چې د سولې مسئله تر دې دمه یوازې له طالب وسله والو سره مطرح شوې، په داسې حال کې چې له داعش سره د سولې او خبرو اترو موضوع اصلاً شتون نه لري. پر دغو ټولو سربېره د داعش لپاره د جګړې او لوبې ډګر له څو کلونو راهیسې برابريږي؛ چې په افغانستان کې د امریکا تر نظامي حضوره او له یوې څخه بلې ته د جنګیالیو ډلو تر جامو تبدیلولو پورې به د جګړې او د خلکو د عاموژنې اور همداسې ګرم وي.

زما له نظره، په افغانستان کې حقیقي سوله هغه مهال امکان لري، چې خلک، د مجاهدینو مشران او نور ځواکمن د امریکا د ستراتيژيکو او امنیتي تړونونو پر وړاندې راپاڅېږي او د امریکايي سولې اغوا کوونکې پروسه رد کړي. همدارنګه وسله‌وال مخالفین د امریکا او ناټو د ماتولو لپاره له نورو دښمنانانو څخه مرسته قطعاً پرېږدي. دا هغه مهال ترسره کېږي، چې خلک، د مجاهدینو مشران، قدرت‌مندان او وسله‌‌وال مخالفین واقعاً د اسلامي دولت د تاسیس او د اسلام د تطبیق لپاره مبارزه وکړي او د داسې اسلامي نظام بنسټ کېږدي، چې غرب یې له تاسیسه تل په ډار کې دی.

سیف الله مستنیر

د حزب التحریر- ولایه افغانستان د مطبوعاتي دفتر رییس

د مطلب ادامه...

نویو پېښو ته کتنه

د اونیزو لیدنو لړۍ چې مهمو قضیو او نویو پېښو ته کتنه پکې شوې او تبصره پرې کېږي. «۱۶۲» مه ناسته

 په عفرین کې د ترکیې مداخله!
د خپرونې مېلمه: استاد حاتم أبو عجمية (أبو خليل)
وړاندې کوونکی: استاد هيثم الناصر (أبو عمر)
حزب التحریر ولایه اردن
۱۴۳۹هـ.ق، د جمادي الاول ۹مه، جمعه/ ۲۰۱۷م د جنوري ۲۶مه

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې