پنجشنبه, ۱۷ رمضان ۱۴۴۵هـ| ۲۰۲۴/۰۳/۲۸م
ساعت: مدینه منوره
Menu
القائمة الرئيسية
القائمة الرئيسية

آزادو شویو سیمو ته د لاریونونه یو ځل بیا راګرځېدل د پاڅون د ټینګښت او ثبات څرګندونه کوي

  • خپور شوی په سوریه

د ۲۰۱۸م کال د سپټمبر پر۷ د شام هوډمن خلک د جمعې د لمانځه تر اداینې وروسته، د لاریونونو په موخه لارو او کوڅو ته را ووتل. د دوی دا حرکت د دې څرګندونه کوي، چې د دوی په سینو کې لا د پاڅون لمبې بلې دي او نه دي مړې شوي او د غرونو په څېر ټینګې او ثابتې پاتې دي.

له شکه پرته داسې خوځښتونه د عامه رایې په رهبري کې خورا اهمیت لري او ان د ظالمو رژیمونو په ملاتړ یا له منځه وړلو کې ستر رول لوبوي. په دمشق کې د شام پاڅون د سپېڅلې انګېزې پر بنسټ د لاسپوڅي رژیم پر وړاندې راپورته شو. دغه پاڅون د رژیم مشروعیت له منځه یووړ او ان د دغه رژیم ستنې يې ولړزولې، له دې امله نړیواله ټولنه وهڅېدله چې د لاسپوڅي جنایتکاره رژیم د ملاتړ لپاره په دمشق کې لاس په کار شي او رژیم ته یو ځل بیا مشروعیت ور په برخه کړي.  د نړۍ سترو هیوادونو له کلونو راهیسې د شام پاڅون پر وړاندې دسیسې جوړولې، څو د خپلو نه ستړې کېدونکو هڅو پر مټ نوموړی پاڅون اداره او لوری یې ور بدل کړي.

دا له چا پټه پاتې نه ده، چې د شام پاڅون هم په نظامي او هم په ټولنیزه برخه کې له ماتې او زیانونو سره مخ شو، ځکه خپلې پرېکړې یې په نړیوالې ټولنې او ملاتړ کوونکو هیوادونو پورې وتړلې، چې له امله یې د پاڅوانوالو پرېکړې محدودې شوې، لوری یې بدل شو او پاڅون وال يې دې ته اړ کړل، چې له خپلو ځینو اساسي غوښتنو تېر شي. په پایله کې پاڅوانوال ناهیلي شول او جنایتکاره رژیم وژغول شو.

د یوه نوي عمومي خوځښت لپاره دا اړینه وه چې په پوره پاملرنې سره یې ګام اخستی وای، د هغو تباه کوونکو خطاګانو له بیا ځلې تکرار څخه یې ډډه کړې وای چې په تېر کې يې ترسره کړې وې، په سوریه کې د ښکېلو هیوادونو په ګټه د پرېکړو په اړه خبر وای یا د هغو غوښتنو، موخو یا شعارونو په اړه یې پوهاوی لرلی چې د دغو هیوادونو له لوري پر مخ وړل کېږي.

له دې امله نوی خوځښت باید خپل ځان اصلي موخې ته له انحراف څخه وژغوري، ترڅو د شام وګړي خپلې سترې سرښندنې او قربانۍ له لاسه ور نه کړي. هغه څو ټکي چې د یو خوځښت او پاڅون په پیاوړتیا کې مرسته کوي، په لاندې ډول یې بیانوو:

۱: د یوه څرګند پلان او پروژې شتون اړین دی، چې پر مټ یې خلک یو موټي شي. نوموړی پلان باید د دوی له عقیدې سره سم غوره شي، څو دوی یووالي ته وهڅوي، خبره یې یوه کړي او موخې یې څرګندې کړي. د محاسبې لپاره داسې معیار غوره شي چې پر بنسټ یې هیڅوک د دې توان و نه لري چې د خوځښت له موخو څخه مخ واړوي یا یې لوری بدل کړي.

۲: د پاڅون لپاره اړینه ده چې په راس کې له یو هوښیار او رښتینې سیاسي مشرتابه څخه برخمن وي، ترڅو کړنې یې د موخو په ترلاسه کولو کې اغېزمنې ثابتې شي او له عملي پلوه یې پلان او پروژه  د یو نظام په اډانه کې پلې شي.

۳: د پاڅوانوالو لپاره اړینه ده چې د پاڅون اصول (اساسات) په کلکه عملي کړي، چې د اوږدې مبارزې په ترڅ کې یې اصول خورا څرګند دي او هغه دا دي، چې د اوسني رژیم سټه او جرړې به له بېخه لرې کوي، له هغو ملاتړو هیوادونو سره به اړیکې پرې کوي، چې په وینا یې د پاڅون مرسته کوونکي ګڼل کېږي او پر ځای به يې له نبوي طریقې سره سم راشده خلافت رامنځته کوي.

دا خبره روښانه ده، چې پاڅون اوس هم رغنده رول لري او له مصونیت څخه برخمن دی، هیڅوک به ونه شي کولی چې نامشروع ګټه ورڅخه واخلي یا یې له خپلې کړنلارې څخه لوری بدل کړي، ځکه د خپلو بنسټیزو اصولو پر بنسټ د موخو ترلاسه کولو لپاره یې په پرله پسې توګه  هڅې نه بدلېدونکې دي.

ښکېلاکي کفري هیوادونو یو په بل پسې د شام د رښتیني ولس او پاڅون پر وړاندې سترې دسیسې جوړې کړې دي. موږ یې باید په اړه خبر وو، ترڅو له پوره چمتوالي سره یې په لومه کې ونه نښلو، د ستر رب پر قانون منګولې خښي کړو، پر ستر رب توکل وکړو او پر خپلو سپېڅلو موخو کلک پاتې شو. په همدې کې زمونږ لپاره خلاصون، آزادي او بریا شته.

الله تعالی فرمايي:

﴿وَقَدْ مَكَرُوا مَكْرَهُمْ وَعِندَ اللَّهِ مَكْرُهُمْ وَإِن كَانَ مَكْرُهُمْ لِتَزُولَ مِنْهُ الْجِبَالُ فَلَا تَحْسَبَنَّ اللَّهَ مُخْلِفَ وَعْدِهِ رُسُلَهُ إِنَّ اللَّهَ عَزِيزٌ ذُو انتِقَامٍ

[ ابراهیم:۴۶-۴۷]

ژباړه: هغوی خپلې ټولې دسیسې وکارولې، خو د هغوی د هرې دسیسې له منځه وړل له الله سره دي؛ سره له دې چې د هغوی چلونه دومره پیاوړي دي چې غرونه پرې له ځایه بې ځایه کېږي. نو اې پېغمبره! ته هیڅکله دا ګومان مه کوه چې الله به له خپلو پېغمبرانو سره د کړو وعدو پر خلاف کار وکړي. الله برلاسی او غچ اخستونکی دی.

د حزب التحریر- ولایه سوریې د مطبوعاتي دفتر مشر

احمد عبدالوهاب

ژباړن: حمزه خالد

د مطلب ادامه...

مصعب ابن عمیر او طلب النصرة

  • خپور شوی په فقهي

د جهاد پوښتنه:

السلام عليکم

بخښنه غواړم، د مصعب ابن عمیر د طلب النصرې په تړاو څه ثبوت شته، هغه مهال چې  يوازې یې په مدينه کې دعوت مخ ته وړی؟ هيله لرم چې قانع کوونکی ځواب ترلاسه کړم.

د عطیه جبرین پوښتنه:

زموږ امیر او شیخ ابو یاسین!

اسلام علیکم ورحمة الله و برکاته

د طلب النصرې د موضوع په اړه د یوې پوښتنې په ځواب کې راغلي دي (هغه څوک چې بری ځنډوي او يا يې پرېږدي) او (... يا دا چې ایا د طلب النصرې په برخه کې مصعب ابن عمیر تر رسول الله صلی الله عليه وسلم زیاته هڅه کوله؟ او همدارنګه راغلي دي چې (... رسول الله صلی الله عليه و سلم په لس‌ګونو ځله د طلب النصرې غوښتنه وکړه، خو مثبت ځواب يې ترلاسه نه کړ، په داسې حال کې چې ده صلی الله عليه وسلم خپل رسالت په ډېره غوره طريقه مخ ته وړی... خو مصعب رضي الله عنه مثبت ځواب ترلاسه کړ...)

شيخ صاحب! ته کولی شې موږ ته هغه شواهد او ثبوت وړاندې کړې، چې مصعب ابن عمیر رضي الله عنه د مدينې له خلکو د طلب النصرې غوښتنه کړې ده، ځکه موږ د سيرت له کتابونو او شيخ تقي الدين نبهاني د اسلامي نظام کتاب له لوستلو وروسته پوه شو، چې مصعب ابن عمیر خلک اسلام ته رابلل او موږ هغه څه نه دي لوستي، چې ګواکې ده د دين لپاره طلب النصره کړې وي. الله دې برکت درکړي، موږ او تا دې الله سبحانه و تعالی د اسلامي نظام په ژر راتګ سره یو ځای کړي.

ځواب:

وعليکم سلام ورحمته الله وبرکاته

ستاسو دواړو پوښتنې سره ورته دي او ځواب يې په لاندې ډول دی:

۱- زه يادې پوښتنې حيران کړم، تاسې دواړه هغه ثبوتونه غواړۍ چې مصعب رضي الله عنه په مدينه کې د طلب النصرې غوښتنه کوله، په داسې حال کې چې دی د جِهاد ورور له وينا سره سم په مدينه کې دعوتګر و! يا د عطیه ورور له پوښتنې سره سم یې خلک اسلام ته رابلل! ايا همداسې ده؟! ايا طلب النصره له دعوت سره توپير لري؟ ايا طلب النصره اسلامي دعوت نه دی؟

یو دعوتګر خلک، د خلکو په منځ کې عامه رايه، د ځواک او دفاع څښتنان اسلام ته رابولي. مصعب ابن عمیر رضي الله عنه عام وګړي اسلام ته رابلل او د ځواک او دفاع څښتنان يې هم اسلام ته رابلل او هم یې ترې د طلب النصرې غوښتنه کوله. وروسته تر دې چې رسول الله صلی الله عليه وسلم ته د پیاوړي او برلاسي الله سبحانه و تعالی له لوري امر وشو، چې طلب النصره وکړي. دی صلی الله عليه وسلم د ځواک او دفاع د خاوندانو قومي مشرانو ته ورغی او هغوی يې اسلام ته را وبلل. هغو مشرانو چې مثبت ځواب يې ورکاوه، نو ده صلی الله عليه وسلم به له نوموړو څخه د طلب النصرې غوښتنه کوله. که به قومي مشر د ځواک او دفاع څښتن نه و او له عامو خلکو څخه به و يا به يې قوم کوچنی و او ځواک او دفاع به يې نه درلوده، رسول الله صلی الله عليه وسلم به اسلام ته راباله او د طلب النصرې غوښتنه به يې نه ترې کوله.

۲- دغه کار د مصعب ابن عمیر رضي الله عنه و؛ چې ده د مدينې خلک اسلام ته رابلل، قرآن يې تر هغه مهاله تدريسوو چې اسلام خپور شي او مصعب به رسول الله صلی الله عليه وسلم ته ويل، چې اسلام هر کور ته لاره موندلې او د هر کور يو شمېر خلک په اسلام مشرف شوي دي، یعنې مسلمانان د شمېر له پلوه ډېر شوي دي. خو د ځواک او دفاع څښتنان د ګوتو په شمار دي: ۷۳ نارينه او دوې ښځې دي. کله چې مصعب رضي الله عنه وتوانید چې ملاتړ ترلاسه کړي، نو د بعثت په ۱۱کال رسول الله صلی الله عليه وسلم ته ورغی او هغه صلی الله عليه وسلم ته یې وړاندیز وکړ، چې د ځواک او دفاع خاوندان باید له تاسره د بعثت په ۱۲ کال ناسته وکړي، ترڅو دوی ته د طلب النصرې اړوند خپل شرطونه وړاندې کړې، ځکه دا کسان چمتو وو.

۳- زه هغه څه چې د اسلامي نظام په کتاب کې په دې تړاو ترې يادونه شوې، تاسو ته رانقلوم:

«... کله چې د حج موسم راغی، دی مکې ته ولاړ او د الله رسول ته یې یو ځل بیا په مدینه کې د مسلمانانو د شمېر په اړه، د دوی د ټوکېدونکي ځواک، د اسلام او په بېړه یې د خپریدو په اړه خبر ورکړ. دغه راز یې په مدینه کې د ټولنې د حالت په اړه او دا چې څرنګه خلک په مدينه کې د الله د رسول په اړه خبرې کوي او څرنګه اسلام هلته مرکزي ځای نيولی دی، په اړه هم څرګندونې وکړې. مصعب رضي الله عنه د مسلمانانو د پياوړتيا او د دوی د ستر ځواک په اړه چې پر مټ يې اسلام په مدينه کې حاکمېدلی شي، خبرې اترې وکړې. ده همدا رنګه رسول الله صلی الله عليه وسلم ته د هغو مسلمانانو په اړه چې عقيده يې پياوړې شوې وه او د دعوت رسولو په موخه یې ټینګ هوډ درلود او د الله له دين څخه د دفاع لپاره تر پخوا ډېر ژمن و او په دې اړه چې په همدې روان کال کې به دوی مکې ته راشي، خبر ورکړ.

رسول الله صلی الله علیه وسلم د يادو خبرونو په اورېدو ډېر خوښ شو او پر دغو خبرو يې اوږد او جدي فکر وکړ او د مکې ټولنه يې له مدينې سره پرتله کړه. ده صلی الله عليه وسلم په مکه کې د دین د دعوت په موخه پرله پسې ۱۲ کاله تېر کړل، له خپلو ټولو هڅو يې کار واخيست، په دې لاره کې یې خپل ټول وخت قرباني کړ، هيڅ موکه يې له لاسه ور نه کړه، بېلا بېلې سختۍ، کړاوونه او ظلمونه يې وګالل. پر دې ټولو سربېره د مکې ټولنه هم هغسې سرټمبه پاتې وه او دعوت پکې هيڅ کار ور نه کړ. خو په مدينه کې حالاتو توپير درلود، د يوه کال په تېرېدو سره د خزرج يوې ډلې اسلام قبول کړ، چې په ترڅ کې یې د عقبې لومړی تړون رامنځته شو. تر دې کال وروسته د مصعب ابن عمیر رضي الله عنه هڅو په مدينه کې اسلامي فضا رامنځته کړه او د خلکو لپاره يې لاره هواره کړه، ترڅو په بې سارې توګه اسلام ته دننه شي».

۴- لکه څرنګه چې وينو، له رسول الله صلی الله عليه وسلم سره د ځواک او دفاع څښتنانو له ليدو کتو څخه وړاندې، مصعب رضي الله عنه مکې ته ولاړ، رسول الله صلی الله عليه وسلم ته يې په مدينه کې د اسلام د خپرېدو په تړاو خبر ورکړ او د الله رسول ته يې وويل، چې په يادو خلکو کې د ځواک او دفاع څښتنان غواړي په راتلونکي کال کې له تا سره وويني، ترڅو دوی ته خپل شرطونه وړاندې کړې. پېغمبر صلی الله علیه وسلم په هغه څه چې مصعب وويل خوښ شو او ده صلی الله عليه وسلم ومنله چې راتلونکی کال به له دوی سره ليده کاته کوي. دا هغه څه دي چې پېښ شول او راتلونکی کال دوی راغلل. د بعثت ۱۲ کال و او په ترڅ کې یې د عقبې دویم تړون رامنځته شو.

۵- اوس موږ د اسلامي نظام له کتاب څخه لاندې متن را اخلو: «ځکه د الله رسول د حاجيانو راتګ ته په تمه و. دا د دعوت ۱۲ کال و، چې له ۶۲۲ ميلادي کال سره يې سمون درلود. حاجيان ډېر وو چې له دوی څخه ۷۵ مسلمانان (۷۳ نارينه او ۲ ښځې) وې. له ښځو څخه یوه نوصيبه بنت کعب اماره له بنو مازين ابن النجار او بله اسما بنت عمرو ابن عدی له بنو سلمه وه او په ام ماني سره هم مشهوره وه چې په یاده ډله کې یې ګډون درلود... د الله رسول له دوی سره په پټه وکتل... او دوی په دې ناسته کې ژمنه وکړه، چې له ده صلی الله عليه وسلم سره به په عقبه کې د تشريق د ورځو په ترڅ کې ناسته کوي. ده صلی الله عليه وسلم دوی ته وويل: «هيڅوک مه خبروئ او مه هغه چاته په تمه کېږئ چې حاضر نه وي». کله چې د شپې دريمه برخه تېره شوه، دوی د دوو ښځو په ګډون د الله له رسول صلی الله عليه وسلم سره د ليدو لپاره په پټه عقبې ته ولاړل... دوی د الله رسول ته په تمه و، تر هغې چې هغه صلی الله عليه وسلم راغی، دوی وويل، ته اوس موږ ته خپله وينا وکړه، اې د الله رسوله! د ځان او د خپل رب لپاره هغه څه غوره کړه چې ته يې غواړې». رسول الله صلی الله عليه وسلم د قران کريم تر تلاوت او اسلام تر ستايلو وروسته خبرې وکړې او ويې ويل:

«أبايعكم على أن تمنعوني مما تمنعون منه نساءكم وأبناءكم»

«زه تاسو داسې بیعت ته رابولم چې زما ساتنه به داسې کوی، لکه څرنګه چې يې د خپلو مېرمنو او ماشومانو کوی».

البرا خپل لاس د بېعت لپاره پورته کړ او ويې ويل: « اې د الله رسوله، موږ له تا سره بېعت کوو، په الله قسم موږ جنګيالي يو او وسلې لرو چې له خپلو پلرونو څخه را پاتې دي...». دوی وويل، چې موږ د الله د رسول صلی الله عليه وسلم له لوري دغو شرطونو ته غاړه ږدو او وروسته يې وپوښتل: « اې د الله رسوله، زموږ د وفادارۍ په بدله کې څه شته؟» د الله رسول صلی الله عليه وسلم په ډاډ سره ورته وويل، (جنت) دی».

له پورته بيان څخه لاندې موضوعات په ډاګه شول:

رسول الله صلی الله عليه وسلم د بعثت په لسم کال د عقبې له لومړي تړون څخه وروسته مصعب رضي الله عنه له ۱۲ تنو سره مدينې ته ولېږه. ده رضی الله عنه په مدينه کې خلک، د ځواک او دفاع د څښتنانو په ګډون اسلام ته را وبلل، د ځواک او دفاع له څښتنانو څخه يې د الله سبحانه و تعالی د دين لپاره د طلب النصرې غوښتنه وکړه. مصعب د بعثت په يوولسم کال مکې ته ولاړ او پېغمبر صلی الله عليه وسلم يې د مدينې له حالت څخه خبر کړ. ده همدا رنګه د اسلام خپرېدنه، د ځواک او دفاع څښتنانو حالت او د دوی چمتووالی، چې له پېغمبر صلی الله عليه وسلم سره به د بعثت په دولسم کال کې ناسته کوي، ترڅو پیغمبر صلی الله عليه وسلم د دين د بري لپاره خپل شرطونه ورته وړاندې کړي.

پیغمبر صلی الله عليه وسلم په مدینه کې د مصعب له کار څخه راضي شو، د ده چارې ورته د منلو وړ وې او دی صلی الله عليه وسلم په هغو پایلو چې د الله سبحانه و تعالی په اراده لاس ته راغلې وې، ډېر خوښ شو. نو پر همدې اساس د بعثت په دولسم کال د ۷۳ نارينه و او د ۲ ښځو په ګډون د عقبې دویم تړون رامنځ ته شو، ورپسې هجرت او بیا د دولت تاسيس پيل شو.

پر همدې بنسټ په مدينه کې د طلب النصرې په لاره کې د مصعب رضي الله عنه چارې یو بنسټیز ستون جوړوي. الله سبحانه و تعالی د ځواک او دفاع څښتنانو پر مټ د خپل دين د ملاتړ لپاره بری رامنځته کړ. زه یو ځلې بیا هغه څه تکراروم چې مصعب رضي الله عنه پیغمبر صلی الله عليه وسلم ته وويل: «مصعب د مسلمانانو د پياوړتيا او د دوی د ستر ځواک په اړه، چې پر مټ يې اسلام په مدينه کې حاکم کېدلی شي، رسول الله صلی الله علیه وسلم خبر کړ. ده همدا رنګه د مسلمانانو په اړه چې عقيده يې پياوړې شوې وه، د دعوت د رسولو په موخه د دوی له ټينګ هوډ څخه او تر پخوا د الله له دين څخه د دفاع په اړه، رسول الله صلی الله عليه وسلم ته خبر ورکړ».

الله سبحانه و تعالی پر مصعب رضي الله عنه ولورېد او ور څخه راضي شو، ده ته یې لویه بریا ورپه برخه کړه او دغه بریا د رسول الله صلی الله علیه وسلم لپاره د عقبې د دویم تړون د رامنځته کېدو، د هجرت د پیل او دولت د تاسیس لامل شوه. ټوله ستاينه هغه الله لره ده، چې د نړۍ پالوونکی دی.

ان‌شاء الله همدومره به بس وي

 

ستاسې ورور عطا بن خليل ابو الرشته

پوښتونکي: جهاد جهاد او عطیه الجبرین

ژباړن: صديق احمدزی

د مطلب ادامه...

الواقیه تلویزیون: سیاسي تحلیل «د ادلب، ایغور او د ټرمپ د امرونو په اړه سیاسي خواخوږی»

په الاقصی مبارک مسجد کې د سیاسي مفکر احمد الخطواني (ابو حمزه) اونیز سیاسي تحلیل 

  ۱۴۳۹ه.ق، د محرم الحرام ۱۶مه، چهارشنبه/ ۲۰۱۸م، د سپټمبر ۲۶مه

د مطلب ادامه...

الواقیه تلویزیون: د موضوع توضیح «په سوریه کې د امریکا مکر!»

د حزب التحریر د مرکزي مطبوعاتي دفتر د رییس دکتور عثمان بخاش (ابو عبیده) اونیز سیاسي تحلیل               

                                ۱۴۳۹ه.ق، د محرم الحرام ۱۷مه، پنجشنبه/ ۲۰۱۸م، د سپټمبر ۲۷مه

د مطلب ادامه...

الاقصی مسجد: له القبلې مسجد څځه غږ «مبارکه خاوره (فلسطین) نه د سرکس نندارتون دی، نه د ګډا (رقص) خونه او نه د مفسیدینو مرکز!»

وړاندې کوونکی: استاد ابو مهدي بیضون      

     ۱۴۳۹ه.ق، د محرام الحرام ۱۸مه، جمعه/ ۲۰۱۸م، د سپټمبر ۲۸مه

د مطلب ادامه...

مبارکه خاوره: رسنیز تحلیل «د ښځو سازمانونه د فلسطیني خلکو د فاسدولو ابزار دي او د یادو سازمانونو مسئولین د مسلمانانو په عزت باندې سوداګري کوي!»

د حزب التحریر -مبارکې خاورې (فلسطین) د مطبوعاتي دفتر د غړي دکتور ابراهیم التمیمي رسنیز تحلیل                     

                            ۱۴۳۹ه.ق، د محرام الحرام ۱۷مه، پنجشنبه/ ۲۰۱۸م، د سپټمبر ۲۷مه

د مطلب ادامه...

د ایغور له زرګونه مسلمانو مېرمنو سره د رواني ناروغانو غوندې چلند کېږي او د مغز وینځلو پرګرامونو لپاره ګډو مرکزونو ته لېږل کېږي

خبر:

د سپټمبر په ۱۳مه، تنیر ګریر په Foreign Policy کې یوه مقاله خپره کړه چې په چین کې د ایغور له مسلمانانو سره سخت چلند ښیي. نوموړی په دغه مقاله کې د چین د تر ټولو غربي سیمې د ۱۲میلیونه ایغور او قزاق اوسېدونکو د کنټرول لپاره د نظارت او وحشت پراخ سیسټم تشریح کوي. ده له هغو ۴۸ لارو څخه یو څو لېست کړی چې ګډو مرکزونو ته د یوه کس د داخېلېدو سبب کېږي، ډېری یې مستقیما له اسلامي قوانينو سره تړلې مېرمنې په نښه کوي، ځینې یې خورا خندوونکي دي او دلته یې یادوونه کوو:

- ټیکری پر سر کول.

- نورو ته دا خبره کول چې قسم مه کوئ.

- له لمرختو مخکې د سهار چای څښل.

- اضافه خواړه لرل.

- ډېر ماشومان لرل.

- قبله نما لرل.

- الکول نه څښل.

- چارواکو ته د دې اجازه نه ورکول چې په خوب ځای کې مو پرېوځي، خواړه مو وخوري او په کور کې مو و اوسېږي.

- سګرټ نه څکول.

- جنازه کول.

- حجاب اغوستل (که تر ۴۵ کلو ټیټ عمر واله وي).

- نور له ګناه منع کول.

- مذهبي نښې لرونکې جامې اغوستل.

- جومات ته تګ.

- د پولیسو په اداره کې له ثبت پرته خپل کور ته د ډېرو کورنیو بلنه.

- له هغو سره اړیکه لرل چې دا پورته کارونه کوي.

تبصره:

په چین کې زموږ پر خویندو او وروڼو روان ظلم ته باید په کمه سترګه ونه ګورو او هغه څه چې غربي رسنیو یې په اړه راپور ورکړی دی، خورا کم دي. د تش په نامه جرمونو لېست کې وګورو چې ډېری یې مستقیما په مسلمانو ښځو پورې تړلي، همداسې میلیونونه ښځې او ماشومان د وحشتناک تېري قرباني کېږي. امنیتي ادارې په منظمه توګه د دوی DNA راټولوي، د دوی رادیو ګرافي سکن اخلي او همدارنګه د دوی له ډيجیټلي وسایلو څخه د دوی غږونه ثبتوي. د دوی د حرکاتو د څارلو او پر خصوصي ژوند یې د تیري لپاره د ډیجیټل کوډ شوو پېژندپاڼو کاروونه او په کورونو، کوڅو او مارکېټونو کې یې د  CCTV کامرو کاروونه عادي شوې. دا میتودونه د ښځینه‌وو عزت او مقام ته سپکاوی دی او د اسلام د ټولنیز نظام قوانین یې پر وړاندې حساس دي.

یو وحشتناک مصیبت چې مسلمانې مېرمنې ورسره مخ دي دا دی چې دوی د سیاسي زده‌کړو لویو کمپونو ته لېږل کېږي او د ایغور خلک چې پر خپل مورني کلتور باندې کلک ولاړ دي له سره ورباندې زده کړې کوي. په دغو مرکزونو کې له ۶۰۰،۰۰۰ نه تر ۱.۲ میلیونه نارینه او ښځې ساتل کېږي. نړیوال درواغجن قوانین چې د دوی د ازادۍ د ساتنې ټټر وهي په دې اړه چوپ پاتې دي، بده خو لا دا چې خپل اسلامي مشران یې هم په غم کې نه دي چې میلیاردونه ډالر په پوځي تجهیزاتو لګوي او بیا یې د غرب په اشاره په یمن او نورو سیمو کې د خپلو مسلمانانو وروڼو پر وړاندې کاروي. په چین کې زموږ خویندې؛ په برما، سوریه، د فلسطین سپېڅلې خاوره او غرب کې مېشتو خویندو په څېر په ستونزو کې دي. په غرب کې خو د اسلام اظهارول جرم دی او د هغو روښانفکرانو غوندې ارزښت نه ورکول کېږي چې نه غواړي د لېبرالو ارزښتونو غلامان وي. موږ الله سبحان و تعالی ته دعا کوو چې په چین کې زموږ خویندې په دغو امتحانو کې صابرې پاتې شي، د نړۍ په سطحه د مسلمانانو غږ د هغو پر وړاندې پورته شي چې بې ګناه او مخلص مسلمانان یې ځورولي او هغه ظالم حکام افشا کړي چې له ظلم او تېري سره یې مرسته کړې.

موږ د خلافت د ژر تر ژره بیا راتګ لپاره دعا کوو، هغه خلافت چې د اسلام سیاسي نظام پر ټوله نړۍ یو ځل بیا حاکم کړي او اسلامي خاورې سره متحدې کړي. د خلافت بیا تاسیس به د نړیوالو ته دا ستونزمنه کړي چې د مسلمانانو پر وړاندې یو شي او ظلم پرې وکړي. د بشري حقونو د څار ادارې(HRW)  د سینګ یانګ د ناورین په اړه د « د ایډیولوژیکي وایروس محوه »: د سینګ د مسلمانانو د ځپلو لپاره د چین دولت کمپاین؛ تر عنوان لاندې ۱۲۵ مخه رپوټ خپور کړی. مګر که خلافت راشي، اسلام به وایروس نه، بلکې د نړیوالو لپاره د ریښتینو بشري حقونو او په سیاسي معاملاتو کې د ریښتینولۍ لارښوود وي. الله سبحانه و تعالی د خپلو مومنانو هڅې نه هېروي او موږ باید باوري شو چې موږ د قران د ایتونو پر بنسټ پر حقه یو، چې موږ ته لارښوونه کوي چې قران او سنتو ته ژمن وو، پرته له دې چې موږ دوی په نظر ونیسو چې له موږ څخه غواړي چې قران او سنت پرېږدو.

﴿الَّذِينَ يَنقُضُونَ عَهْدَ اللَّهِ مِن بَعْدِ مِيثَاقِهِ وَيَقْطَعُونَ مَا أَمَرَ اللَّهُ بِهِ أَن يُوصَلَ وَيُفْسِدُونَ فِي الْأَرْضِ أُولَٰئِكَ هُمُ الْخَاسِرُونَ

[بقره: ۲۷]

ژباړه: هغه کسان چې خپلې ژمنې وروسته له هغه ماتوي چې دوی عهد کوي او هغه څه پرې کوي چې الله یې د وصلېدو امر کړی دی او پر ځمکې کې فساد کوي، سخت تاوان کوونکي دي

د حزب التحریر مرکزي مطبوعاتي دفتر لپاره

 د حزب تحریر د مرکزي مطبوعاتي دفتر غړې عمرانه محمد

د مطلب ادامه...

نویو پېښو ته کتنه

«۱۹۷»مه ناسته                                                          په اهواز کې پر وسله والو ځواکونو بریدونه!                                        د خپرونې مېلمه: انجنیر محمود جرادات (ابو اسماعیل)
د خپرونې وړاندې کوونکی: استاد هیثم الناصر (ابو عمر)
حزب التحریر-ولایه اردن                                               ۱۴۳۹هـ.ق، د محرم الحرام ۱۸مه، جمعه/ ۲۰۱۸م، د سپتمبر ۲۸مه

د مطلب ادامه...

مرکزي مطبوعاتي دفتر: د الرایه جریدې (۲۰۱مې) ګڼې ته کتنه

د ادلب په اړه سیمیز او نړیوال دریځ                         وړاندې کوونکی: استاد خالد اللشقر (ابو المعتز)     ۱۴۳۹هـ.ق، د محرم الحرام ۹مه، چهارشنبه/ ۲۰۱۸م، د سپتمبر ۱۹مه  

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې