د حزب التحریر مرکزي مطبوعاتي دفتر ویاړي چې د یاد مطبوعاتي دفتر د انټرنېټي پاڼو تعقیبوونکو او لیدونکو ته د «حلقة علی الهواء مع احمد القصص» د الواقیه تلویزیون له خپرونو نوې خپورنه خپروي، چې په دغې خپرونه کې ښاغلی استاد احمد القصص د «اسلام نظام» کتاب تدریسوي، له موږ سره اوسئ.
د اسلام نظام ۳۵مه حلقه
د اسلامي دعوت لېږدول او موخې ته رسېدل!
وړاندې کوونکی: پیاوړی استاد احمد القصص
حزب التحریر – ولایه لبنان
۱۴۳۹هـ.ق، د رجب ۱۵مه، دوشنبه/ ۲۰۱۸م، د اپریل دویمه

چهارشنبه د شوال شپږمه، چې د ۲۰۱۸م د جون له ۲۰مې سره سمون لري د ملي تنظیمي ځواکونو د استازو یوې ډلې د عیسی الیو په مشرۍ د هغه مرستیال حسن الساماني، سیاسي ریس حسن عبدالحمید او د حرکت د اصلاحاتو مرستیال مشر حسن عثمان ریزیګ د حزب التحریر ولایه سوډان په دفتر کې د حزب التحریر ولایه سوډان د مرکزي اړیکو د کمېټې له مشر استاد ناصر رضا او د دې کمېټې له غړي استاد عبدالله حسین سره وکتل.

د ملي تنظیمي ځواکونو استازو چې پکې ۱۵ اسلامي او ملي ګوندونه موجود دي، خپلې پروژې بحث ته وړاندې کړې، چې د دوی په اند د دغو پروژو په مټ به هیواد له ناورین څخه وایستل شي، د هېواد د تجزیې او ټوټه کېدو مخه به ونیول شي او د واکمن رژیم نفوذ او حاکمیت به وساتل شي. خو استاد ناصر رضا یې په بدل کې د حل په موخه د حزب التحریر لیدلوری وړاندې کړ او واقعتونو ته په کتو سره یې لاندې ټکي په ګوته کړل:

لمړۍ: حقیقت ته د رسېدو په موخه اسلام یوازینی اساس جوړ کړئ.

دوهم: د هیواد یووالی وساتئ، ترڅو د ټوټه کېدو پر وړاندې یې ثابت قدمه پاتې شی.

دریېم: د هیواد شتمني مو د پانګونې او نورو تر نومونو لاندې له ورکېدو او ضایع کېدو څخه وژغورئ او له اسلامي اصولو سره سم یې داسې تنظیم کړئ، چې ولس ته مو سوکالي ورپه برخه کړي.

څلورم: خلافت د یوې قانوني لارې په توګه اسلام پلی کوي، د هیواد د وګړو یوموټی والی او د هغوی شتمني ساتي.

د بحث په پای کې د ملي تنظیمي ځواکونو استازو یو لیک ترتیب کړ، چې پکې د ملي تنظیمي ځواکونو رسمي دریځ راغلی و او دغه راز یې پکې د غونډو او خبرو اترو پر دوام ټینګار کاوه.

ابراهیم عثمان ابوخلیل دحزب التحریر ولایه سوډان رسمي ویاند