پنجشنبه, ۱۷ رمضان ۱۴۴۵هـ| ۲۰۲۴/۰۳/۲۸م
ساعت: مدینه منوره
Menu
القائمة الرئيسية
القائمة الرئيسية

په رمضان میاشت کې په لوږه روژې نیول؛ په غزه کې زموږ خویندې تر وخت وړاندې زیږون کوي او ماشومان یې مړه کېږي

خبر:

د ملګرو ملتونو د نفوس صندوق راپور ورکړی چې، «ښځې د وېرې او وحشت له تر وخت وړاندې زیږون کوي». ځايي روغتایي کارکوونکي هم تاییدوي چې ګڼ شمېر ښځې پر بدن د فزیکي فشار، مناسبو خوړو نشتوالي او په لوړه کچه رواني اغېزو له امله تر وخت وړاندې زیږون کوي. د دې ناوړه پایلې دا دي چې ډیری ماشومان مړه کېږي، ځکه چې تر وخت وړاندې زیږېدلو ماشومانو د ساتنې لپاره ماشینونه او نور اړین تجهیزات نشته.

تبصره:

دا خبر ښيي چې زموږ د فلسطیني امت مظلومیت یوه بې ساري ناورین ته رسیدلی. ډیری نړیوال څارونکي د غزې بشري ناورین بې ساري بولي. دا چې یو نوی زېږېدلی ماشوم د امکاناتو د نشتون په سبب نه شي ژغورل کېدلی او پرېښودل کېږي چې مړ شي؛ یو نه بښل کېدونکی جنایت دی چې د قیامت پر ورځ به یې د امت خاینین ځواب وايي.

د امت خویندې له یوه داسې حالت سره مخ دي چې د خپلو نویو زیږېدونکو ماشومانو د نوم ایښودو په اړه د فکر کولو پر ځای، د هغوی د خښولو د ځای په فکر کې وي.

دغه ناوړه کړنې د اسلام د تاریخ په نني فصل کې یوه نوې عادي خبره ده. د سږکال روژې میاشت څومره بدله ده؛ د خلافت دولت پر مهال روژه د جهاد او سترو فتحو میاشت وه. د زرګونه ښځو او ماشومانو ټول‌وژنه پر خپل ځای ده، اوس به د مړو په شمېر نازیږېدلي ماشومان هم ورزیاتوو. دا داسې خیانت دی چې یوازې د غرب د لاسپوڅو حکامو په لرې کولو کولو له منځه ځي. موږ د محمد صلی الله علیه وسلم امت ته وایو چې یوازې صدقه او دعا په دغه ابتلا کې راګېر مسلمانان نه شي ژغورلی. د الله حکم د عمومي افکارو یا احساساتو خبره نه ده. د اسلام دښمنانو د دسیسو پر وړاندې حللاره یوازې د اسلام حاکمول دي؛ موږ باید د اسلام د حاکمولو لپاره د الله سبحانه وتعالی پر نصرت متمرکز پاتې شو تر څو زموږ راتلونکی نازیږېدلی امت هیڅکله له داسې ګواښ سره مخ نه شي.

«قُلْ تَعَالَوْاْ أَتْلُ مَا حَرَّمَ رَبُّكُمْ عَلَيْكُمْ أَلاَّ تُشْرِكُواْ بِهِ شَيْئًا وَبِالْوَالِدَيْنِ إِحْسَانًا وَلاَ تَقْتُلُواْ أَوْلاَدَكُم مِّنْ إمْلاَقٍ نَّحْنُ نَرْزُقُكُمْ وَإِيَّاهُمْ وَلاَ تَقْرَبُواْ الْفَوَاحِشَ مَا ظَهَرَ مِنْهَا وَمَا بَطَنَ وَلاَ تَقْتُلُواْ النَّفْسَ الَّتِي حَرَّمَ اللّهُ إِلاَّ بِالْحَقِّ ذَلِكُمْ وَصَّاكُمْ بِهِ لَعَلَّكُمْ تَعْقِلُونَ» [انعام : ۱۵۱]

ژباړه: «ورته ووایه، راشئ، زه تاسو ته هغه څه ووایم چې ستاسو رب پر تاسو حرام کړي؛ له الله سره څوک مه شریکوئ او له مور او پلار سره ښه چلند کوئ، د لوږې له ویرې اولاد مه وژنئ او موږ تاسو او هغه ته روزي ورکوو، کبیره ګناهونه مه کوئ که هغه د خلکو په وړاندې وي که په پټه او څوک له (قصاص پرته) مه وژنئ چې الله حرام کړی دی. دا هغه کړنې دي چې خدای په کلکه تاسو هغو ته رابولي ترڅو پرې وپوهیږئ او له عقل څخه کار واخلئ.»

د حزب التحریر مرکزي مطبوعاتي دفتر ته

عمرانه محمد

د حزب التحریر د مرکزي مطبوعاتي دفتر غړي

 

۱۴۴۵هـ.ق کال، د رمضان ۸مه

۲۰۲۴م کال، د مارچ ۱۸مه

 

د مطلب ادامه...

د افغانستان او پاکستان ترمنځ د مسلمان‌وژنې فتنه د امریکا او هند د سیمه‌ایزو سیاستونو په ګټه ده Featured

د افغانستان په پکتیکا او خوست ولایتونو کې د پاکستاني ځواکونو د هوايي بریدونو په پایله کې یو شمېر ملکیانو ته مرګ ژوبله اوښتې. د دغو بریدونو په ځواب کې د افغانستان پوځیانو د ډیورنډ کرښې په اوږدو کې د پاکستاني لوري پر پوستو بریدونه کړي او تلفات یې ور اړولي. د دواړو هیوادونو د ټولنیزو رسنیو فضا له نشنلستي او یو بل څخه د غچ اخیستنې له احساساتو څخه ډکه ده.

د حزب التحریر – ولایه افغانستان مطبوعاتي دفتر د دواړو لورو د مسلمانانو ترمنځ روانه جګړه غندي او په اړه یې لاندې ټکي د یادونې وړ بولي:
لومړی: د ډیر تاسف او شرم ځای دی چې د اسلامي نړۍ تر ټولو پیاوړی پوځ او د اټومي وسلو لرونکی د «ترهګرۍ پر وړاندې مبارزې» په نامه د روژې په مبارکه میاشت کې په افغانستان کې ملکي خلک، ماشومان او ښځې د خپلو بریدونو هدف ګرځوي. په داسې حال کې چې له پنځو میاشتو راهیسې د پاکستاني جنرالانو د سترګو پر وړاندې یهودي دولت د فلسطین د خلکو د وینو ویالې بهوي او ټول‌وژنه یې کوي؛ خو د پاکستان خاین نظامیان پرته له دې چې کوچنی غبرګون وښيي، په ډیر ذلت د دغه وحشت ننداره کوي.
دويم: پاکستان په سیمه کې د امریکا مزدور دولت دی. د پاکستان دولت ځکه دا ډارن اعمال کوي چې امریکا په سیمه کې یوه نوې دنده ورته سپارلې. امریکا د پاکستان له پوځ څخه غواړي چې په قبایلو کې د پاکستان له مسلمانانو او د ډیورنډ کرښې په اوږدو کې د افغانستان له مجاهدینو سره ښکېل او بوخت وي. دلته دوه مسلمانان سره جنګېږي؛ هلته د مودي هندوپاله دولت، پرته له دې چې کوم مزاحمت ورته وشي، د هند دننه د مسلمانانو ځورونه او اذیت کوي او کشمیر اشغالوي. دا ټولې هڅې د دې لپاره کېږي چې هند د پاکستان له اړخه اندېښنه ونه لري او وکولی شي چې د چین د مهار لپاره د امریکا په سټراټيژۍ کې خپله دنده ترسره کړي. نو د دوو مسلمانو اړخونو ترمنځ د وروستیو نښتو ریښه د سیمې لپاره د امریکا په سیاستونو کې ده چې د پاکستان خاین حکام یې پلي کوي.
درېیم: د افغانستان مجاهدین، د قبایلو مجاهدین او د پاکستان په پوځ کې مخلص جنرالان باید له یو بل سره د جګړې، په کاذبو نشنلستي او وطني احساساتو کې د ښکېلېدو او یو د بل د هدف ګرځولو پر ځای د خپل ټوپک شپېلۍ سمې خواته ونیسي. په دغه حساس وخت کې د فلسطین د خلکو تر دفاع او د اشغال شوي کشمیر تر ازادولو بل مهم کار نشته. نو واجب ده چې د دغه ستر ماموریت لپاره ډیورنډ سرطاني کرښه له منځه یوړل شي او خپل قوت او انرژي د مسجدالاقصی او د فلسطین او کشمیر د خلکو د دفاع لپاره سره یو کړي. جزئي مسایل باید مسلمانان سره ونه ویشي او روانه فتنه باید د هند او امریکا په ګټه ختمه نه شي.
نو تر هغه چې د سیمې سیاسي نقشه د دولت-ملت له نظم څخه خلافت دولت ته وا نه وړي او د خاینو حکامو او لاسپوڅو جنرالانو لاس د امت له برخلیک څخه پرې نه شي؛ داسې فتنې به روانې وي. د تل لپاره د دغو ویجاړوونکو، اوږدو او تاریخي نښتو پای ته رسولو اساسي حللاره دا ده چې افغانستان، پاکستان او منځنۍ اسیا د نبوت پر منهج خلافت تر چتر لاندې سره یو شي. هغه خلافت چې د سیمې فکري، سیاسي، نظامي او اقتصادي ظرفیت سره یو کوي او مسلمانان پر نړیوال قدرت بدلوي.

﴿وَأَطِيعُوا اللَّهَ وَرَسُولَهُ وَلاَ تَنَازَعُوا فَتَفْشَلُوا وَتَذْهَبَ رِيحُكُمْ﴾ [انفال: ۴۶]
ژباړه:  د الله سبحانه و تعالی او د هغه د رسول [قران او سنتو] اطاعت وکړئ او له یو بل سره منازعه مه کوئ، ځکه چې په منازعې سره پاشل کېږی او ځواک او زور مو له منځه ځي.
د حزب التحریر – ولایه افغانستان مطبوعاتي دفتر

د مطلب ادامه...

په رمضان میاشت کې په لوږه روژې نیول؛ په غزه کې زموږ خویندې تر وخت وړاندې زیږون کوي او ماشومان یې مړه کېږي

خبر:

د ملګرو ملتونو د نفوس صندوق راپور ورکړی چې، «ښځې د وېرې او وحشت له تر وخت وړاندې زیږون کوي». ځايي روغتایي کارکوونکي هم تاییدوي چې ګڼ شمېر ښځې پر بدن د فزیکي فشار، مناسبو خوړو نشتوالي او په لوړه کچه رواني اغېزو له امله تر وخت وړاندې زیږون کوي. د دې ناوړه پایلې دا دي چې ډیری ماشومان مړه کېږي، ځکه چې تر وخت وړاندې زیږېدلو ماشومانو د ساتنې لپاره ماشینونه او نور اړین تجهیزات نشته.

تبصره:

دا خبر ښيي چې زموږ د فلسطیني امت مظلومیت یوه بې ساري ناورین ته رسیدلی. ډیری نړیوال څارونکي د غزې بشري ناورین بې ساري بولي. دا چې یو نوی زېږېدلی ماشوم د امکاناتو د نشتون په سبب نه شي ژغورل کېدلی او پرېښودل کېږي چې مړ شي؛ یو نه بښل کېدونکی جنایت دی چې د قیامت پر ورځ به یې د امت خاینین ځواب وايي.

د امت خویندې له یوه داسې حالت سره مخ دي چې د خپلو نویو زیږېدونکو ماشومانو د نوم ایښودو په اړه د فکر کولو پر ځای، د هغوی د خښولو د ځای په فکر کې وي.

دغه ناوړه کړنې د اسلام د تاریخ په نني فصل کې یوه نوې عادي خبره ده. د سږکال روژې میاشت څومره بدله ده؛ د خلافت دولت پر مهال روژه د جهاد او سترو فتحو میاشت وه. د زرګونه ښځو او ماشومانو ټول‌وژنه پر خپل ځای ده، اوس به د مړو په شمېر نازیږېدلي ماشومان هم ورزیاتوو. دا داسې خیانت دی چې یوازې د غرب د لاسپوڅو حکامو په لرې کولو کولو له منځه ځي. موږ د محمد صلی الله علیه وسلم امت ته وایو چې یوازې صدقه او دعا په دغه ابتلا کې راګېر مسلمانان نه شي ژغورلی. د الله حکم د عمومي افکارو یا احساساتو خبره نه ده. د اسلام دښمنانو د دسیسو پر وړاندې حللاره یوازې د اسلام حاکمول دي؛ موږ باید د اسلام د حاکمولو لپاره د الله سبحانه وتعالی پر نصرت متمرکز پاتې شو تر څو زموږ راتلونکی نازیږېدلی امت هیڅکله له داسې ګواښ سره مخ نه شي.

«قُلْ تَعَالَوْاْ أَتْلُ مَا حَرَّمَ رَبُّكُمْ عَلَيْكُمْ أَلاَّ تُشْرِكُواْ بِهِ شَيْئًا وَبِالْوَالِدَيْنِ إِحْسَانًا وَلاَ تَقْتُلُواْ أَوْلاَدَكُم مِّنْ إمْلاَقٍ نَّحْنُ نَرْزُقُكُمْ وَإِيَّاهُمْ وَلاَ تَقْرَبُواْ الْفَوَاحِشَ مَا ظَهَرَ مِنْهَا وَمَا بَطَنَ وَلاَ تَقْتُلُواْ النَّفْسَ الَّتِي حَرَّمَ اللّهُ إِلاَّ بِالْحَقِّ ذَلِكُمْ وَصَّاكُمْ بِهِ لَعَلَّكُمْ تَعْقِلُونَ» [انعام : ۱۵۱]

ژباړه: «ورته ووایه، راشئ، زه تاسو ته هغه څه ووایم چې ستاسو رب پر تاسو حرام کړي؛ له الله سره څوک مه شریکوئ او له مور او پلار سره ښه چلند کوئ، د لوږې له ویرې اولاد مه وژنئ او موږ تاسو او هغه ته روزي ورکوو، کبیره ګناهونه مه کوئ که هغه د خلکو په وړاندې وي که په پټه او څوک له (قصاص پرته) مه وژنئ چې الله حرام کړی دی. دا هغه کړنې دي چې خدای په کلکه تاسو هغو ته رابولي ترڅو پرې وپوهیږئ او له عقل څخه کار واخلئ.»

د حزب التحریر مرکزي مطبوعاتي دفتر ته

عمرانه محمد

د حزب التحریر د مرکزي مطبوعاتي دفتر غړي

 ۱۴۴۵هـ.ق کال، د رمضان ۸مه

۲۰۲۴م کال، د مارچ ۱۸مه

 

د مطلب ادامه...

یوناما د غربي قدرتونو وسیله او د جاسوسۍ ځاله ده؛ په افغانستان کې یې ماموریت باید ژر تر ژره ختم شي Featured

د ملګرو ملتونو امنیت شورا د رایو په اتفاق د یوه پرېکړه‌لیک په لاسلیک کولو سره په افغانستان کې د ملګرو ملتونو د مرستيالۍ دفتر (یوناما) ماموریت یو کال نور هم تمدید کړ. د ملګرو ملتونو د امنیت شورا دوره‌يي رییس په افغانستان کې د یوناما د شتون دوام «اړین» وباله او ویلي یې دي چې نړیواله ټولنه له طالبانو سره د «تعامل زیاتولو او باور جوړونې» په لټه کې ده.

د حزب التحریر-ولایه افغانستان مطبوعاتي دفتر د یوناما د ماموریت تمدید غندي او دا یو شيطاني او خبیثانه ماموریت ګڼي چې دوام یې هم د افغانستان د خلکو لپاره خطرناک دی او هم اوسني حکام د اسلام له بشپړ پلي کولو منحرفوي.
د یوناما ماموریت په حقیقت کې په افغانستان کې له اشغال او د لویو قدرتونو له سیاست سره تړلی دی.کله چې افغانستان اشغال شو؛ یوناما په ۲۰۰۲م کال کې د امنیت شورا له لوري په افغانستان کې د سیاسي، اقتصادي او ارزښتي اصلاحاتو راوستلو په موخه فعالیت پیل کړ. یوناما په حقیقت کې د جمهوریت تېر ۲۰ کاله د استعمار سیاسي او فرهنګي مټ و او د سیکولر کولو پروګرامونو، د ډیموکراسۍ پر بنسټ سیاسي اصلاحاتو او د اسلامي ارزښتونو تضعیفولو لپاره يې ډېرې هڅې وکړې. پکار خو دا وه چې د امریکا او ناټو تر شرمناکې ماتې وروسته د اشغالګرو د نورو سیاسي او فرهنګي سازمانونو او ماموریتونو پشان د يوناما لمن هم ورټوله شوې وای. خو نه یوازې دا چې دغه خطرناک ماموریت دوام وکړ، بلکې نن ورځ یوناما په یوه لوی چتر بدله شوې چې ۲۰ ادارې، صندوقونه او پروګرامونه پکې شامل دي او د بشردوستانه مرستو په نامه د لیبرال ارزښتونو ترویج او ډیموکراټیکو سیاسي اصلاحاتو ته کار کوي.
موږ ته تر ټولو ډیره خواشینوونکې خبره دا ده چې د افغانستان د حکومت رسمي ویاند د یوناما د ماموریت د تمدید هرکلی کړی. هغه ملي تلویزیون ته وویل: «ان‌شاء‌الله چې د افغانستان په خیر به وي؛ ځکه افغانستان له هیوادونو او سازمانونو سره اړیکو ته اړتیا لري. په دې برخه کې یوناما د اړیکو ټینګوونکې کېدی شي.» په داسې حال کې چې ملګري ملتونه، ماموریتونه او ادارې یې د جاسوسۍ په ځالو پورې تړلي او د غربي قدرتونو سیاسي وسیلې دي چې فعالیت یې له شر او بدبختۍ پرته بله پایله نه لري. نو له ملګرو ملتونو او نورو نړیوالو بنسټونو سره هر ډول اړیکه او د هغوی په اړه مثبت لید یوه ستره سیاسي تېروتنه ده چې خطرناکې پایلې لري.

يَا أَيُّهَا الَّذِينَ آمَنُوا لَا تَتَّخِذُوا بِطَانَةً مِنْ دُونِكُمْ لَا يَأْلُونَكُمْ خَبَالًا وَدُّوا مَا عَنِتُّمْ قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ ۚ قَدْ بَيَّنَّا لَكُمُ الْآيَاتِ ۖ إِنْ كُنْتُمْ تَعْقِلُونَ [آل عمران:118]
ژباړه: «اې هغو کسانو چې ایمان مو راوړی! له ځانونو (مسلمانانو) پرته بل څوک د رازونو محرم مه نیسئ؛ دوی ستاسو په حق کې له هیڅ ډول شر او فساد څخه دریغ نه کوي؛ هغوی (په زړه کې) ستاسو لپاره د رنځ او کړاو هیله لري؛ د دوی دښمني یې له خولو (خبرو) څخه ښکاره ده او څه یې چې په زړونو کې دي تر دې (ښکاره دښمنۍ) لوی دي؛ موږ تاسو ته نښانې بیانوو که تاسو له تعقل څخه کار واخلئ. »
د حزب التحریر - ولایه افغانستان مطبوعاتي دفتر

د مطلب ادامه...

په یهودي زندانونو کې مسلمانې ښځې: جنایت، وحشت او د عزت او شرف پر خلکو د مرستې غږ

(ژباړه)

د بندیانو چارو اړوند سازمانونو (د توقیف شوو د چارو کمیسیون، د فلسطین د بندیانو کلب، د بندیانو د چارو کمیسیون او الضمير، چې د بندیانو د ملاتړ او بشري حقونو ټولنه ده، د ښځو د نړیوالې ورځې په مناسبت، چې هر کال د مارچ په ۸مه لمانځل کیږي یو راپور خپور کړی، چې پکې لیکلي یې دي: «د کوچنیانو په ګډون د ښځو توقيف د پام وړ پاليسیو څخه ده چې د اکټوبر له ۷مې پېښې ورسته عملي شوې ده. د اکټوبر له ۷مې وروسته د توقيف شوو ښځو شمېر نږدې ۲۴۰ تنو ته رسېږي؛ په دې کې هغه ښځې شاملې دي چې په لويديځه غاړه، بیت المقدس او په ۱۹۴۸م کال کې اشغال شویو سيمو څخه نيول شوې. د هغو ښځو کره احصایه نشته چې په غزه کې نيول شوې دي او ځينې یې بېرته خوشې شوې. خو اوس هم د اشغالګرو په نظامي کمپونو کې توقيف شوې ښځې شته، چې له جبري ورکېدو سره مخ دي.»

دغه سازمان زیاتوي چې «د دغه راپور تر خپرېدو پورې، د اشغالګرو په زندانونو کې د ښځینه بندیانو شمېر ۶۰ تنو ته رسېدلی دی، چې ډېری یې په دامون زندان کې دي؛ په دغو بندیانو کې دوې ماشومانې، ۲۴ میندې، ۱۲ اداري بندیانې، ۱۲ زده‌کوونکې، ۲ ټپي بندیانې او ۱۱ داسې بندیانې شاملې دي چې له ناروغیو او روغتیايي ستونزو سره مخ دي. سربېره پر دې داسې بندیانې هم شته چې د نورو بندیانو او شهیدانو مېرمنې، خویندې او میندې دي.»

راپور وايي؛ ښځې ځکه یرغمل نيول شوې چې د کورنۍ پر غړو یې فشار راوړي چې ځان تسلیم کړي. په دې کې د بندیانو او شهیدانو میرمنې او همدارنګه له اویا کلونو زیات عمر لرونکي میندې هم شاملې وې. «دغه یرغمل او توقیف شوې ښځې شکنجه شوې؛ د کورنۍ د غړو یا خاوند د وژلو ګواښ ورته شوی اوی پر دې سربېره یې د نیولو پر وخت کورونه ویجاړ شوي، ماشومان یې له رعب او وحشت سره مخ شوي او دغه راز یې پیسې او ګاڼه ضبط او غلا شوي دي.»

دغه راپورونه او شمېرې د شرم او خپګان وړ دي؛ د ۲۰۲۳م کال، د اکټوبر له ۷مې وروسته د زنداني ښځو وضعیت زړونه ریږدوي؛ د دوی پر وړاندې ظلم تر دې کچې رسېږي چې پر شکنجې سربېره یې بربنډه تالاشي کېږي او پر عزت یې بريد کېږي. دا د دغه مجرم او ډارن دولت واقعیت ښيي چې هېڅ  ارزښت او باور ته درناوی نه لري. یهودي دولت د خپلو جنایتونو ترسره کولو لپاره د نارینه او ښځينه، بوډاګانو او ځوانانو تر منځ هېڅ توپير نه کوي او خپلو موخو ته د رسېدو لپاره ښځې او ماشومان یرغمل کوي.

دوی په داسې حال کې د ښځو نړیواله ورځ په درواغجنو او له فرېب څخه ډکو شعارونو لمانځي، چې په زندانونو کې او له زندانونو بهر د سپېڅلې خاورې د ښځو وضعیت ټولو ته څرګند دی. دا د غزې د ښځو حالت دی چې د ظالم جنایتکار دولت له لوري محکومې شوې؛ په عکسونو او ویډیوګانو کې یې ناوړه وضعیت ښکاره دی. په ټوله کې د سپېڅلې خاورې ښځې او په ځانګړي ډول د غزې ښځې د مایوسۍ له امله ژړا نه کوي؛ بلکې لامل يې د دوی دين او ايمان او د اسراء او معراج خاورې ته پر خپلو ژمنو ولاړ پاتې کېدل دي. که چېرې د دغو ښځو موخه د خپل دین او ديني اصولو پر وړاندې بغاوت او د ښځو د قوانینو او کنوانسیونونو لکه CEDAW او بیجینګ سره موافقت وی، نو غربي هېوادونه او د هغوی بنسټونه به مو ليدلي وی چې څنګه یې خپل غږ پورته کاوه او د دوی مرستې ته یې رادانګل. خو اوس نه یوازې دا چې د دغو جنایتونو پر وړاندې چوپه خوله دي، بلکې د دغه وحشت او ظلم له عاملینو سره مرسته او همکاري کوي. اسلامي نړۍ څه چې په ټوله نړۍ کې داسې څوک نه دي پاتې چې اوس په دغو درواغجنو شعارونو او پيروانو یې دوکه شي.

اې تر ټولو غوره امته!

ستاسو پر عزت؛ ستاسو پر خويندو تجاور کېږي؛ ټپې کېږي، زندانونو ته اچول کېږي، شکنجه کېږي او سپکاوی یې کېږي. دوی او ماشومان یې له لوږې سره مخ دي او په هغو خېمو کې ژوند کوي چې د سړې هوا مخه نه شي نيولی. اې مسلمانانو تاسو څه شی کوئ!؟

اې د مډالونو او رتبو څښتنانو، اې په مسلمانو پوځونو کې د قدرت څښتنانو!

رسول الله صلی الله علیه وسلم د بني قینقاع قبيله له یوې ښځې څخه د دفاع په موخه چې د یو یهودي کس له لوري یې سپکاوی شوی و، تبعيد کړه. معتصم د یوې مسلمانې اسیرې لپاره، یو غښتلی پوځ اماده او پر یوه چټک اس د هغې غږ ته د لبیک ویلو لپاره ورغئ، چې په پایله کې یې عموریه فتح شوه. محمد بن قاسم د یوې مسلمانې ښځې غږ ته لبیک ووایه او د سند پادشاهي یې محاصره کړه، ځکه چې د مسلمانې ښځو کښتۍ یې نيولې وې. قتیبه بن مسلم هغه کسان ونيول چې مسلمانې ښځې یې وېرولې وې او هغه سره او سپين زر چې د دوی له ډلې یو تن د خپل ځان د ژغورلو لپاره وړاندیز کړي وو قبول نه کړل او هماغه خپل مشهوره خبره یې بیان کړه، «نه، په الله تعالی قسم؛ یوه مسلمانه ښځه به هېڅکله ستا له امله ونه وېرېږي.» بیا یې امر وکړ چې هغه ووژنئ.

نو ستاسو په اړه به الله سبحانه و تعالی څه قضاوت کوي او تاریخ به مو په اړه څه لیکي!؟ ایا تاسو به د ضعیف النفس او بې عزته کسانو په نامه وليکل شئ او که به ستاسو په منځ کې داسې کسان هم وي چې د خپلو تېرو اتلانو او تر ټولو غوره رهبرانو پیروي کوي!؟ نو وړاندې له دې چې ناوخته شي، له الله سبحانه وتعالی څخه دخپل ځان په اړه ووېرېږئ:

[وَإِنِ اسْتَنْصَرُوكُمْ فِي الدِّينِ فَعَلَيْكُمُ النَّصْرُ] [انفال: ۷۲]

ژباړه: «کله چې څوک د دین لپاره له تاسو نصرت وغواړي، نو پر تاسو فرض ده چې نصرت ورکړئ.»

د حزب التحريرـ مرکزي مطبوعاتي دفتر د ښځو برخه

۱۴۴۵ هـ.ق کال، د رمضان ۳مه

۲۰۲۴م کال، د مارچ ۱۳مه

ژباړن: محمد حامد

د مطلب ادامه...

له سیمه‌ایزو او غربي هېوادونو سره نیږدې سیاسي تعامل په دنیا او اخرت کې زیان‌راوړونکې پایلې لري Featured

د ازبکستان یوه لوړپوړي پلاوي د دغه هیواد د بهرنیو چارو وزیر، بختیار سعیدوف په مشرۍ افغانستان ته سفر کړی او د افغانستان د حکومت له لوړپوړو چارواکو سره یې پر سیاسي، سوداګریزو، ټرانسپورټي او د اړیکو پیاوړي کولو اړوندو مسایلو د بحث په موخه کتلي. د دغه سفر پر مهال د ازبکستان د بهرنیو چارو وزیر وویل چې ازبکستان تل په نړیوالو ناستو کې د افغانستان ملاتړ کړی او ټینګار یې وکړ چې افغانستان باید د نړیوالې ټولنې برخه وي.

په وروستیو میاشتو کې له افغانستان سره د سیمې اړیکې زیاتې شوې؛ چین، روسیه، ایران، هند او د منځنۍ اسیا هیوادونه د افغانستان د اوسني حکومت له حکامو سره د مثبت تعامل غوښتونکي دي. د حزب التحریر – ولایه افغانستان مطبوعاتي دفتر د سیمې له هیوادونو سره د افغانستان د حکومت مثبت تعامل له غربي هیوادونو سره د نیږدې تعامل پشان خطرناک ګڼي او دا ذهنیت په کلکه تر پوښتنې لاندې راولي چې ګواکي د سیمې له هیوادونو سره له نیږدې اړیکو په سیمه کې د غرب د نفوذ او جیوپولیټیکو لوبو پر وړاندې کار اخیستی شو.
واقعیت دا دی چې د سیمې او د امریکا په مشرۍ غربي هیوادونه د خپلو ملي ګټو په پام کې نیولو سره په بېلو لارو مشترکه اجنډا تعقیبوي. دواړه غواړي چې په افغانستان کې بشپړ اسلام پلی نه شي. غرب او د سیمې دولتونه د افغانستان پر حکومت فشار راوړي چې بهرني مجاهدین محدود، مهار او بلاخره وځپي. غرب او د سیمې دولتونه غواړي افغانستان په اوسني نړیوال نظم کې ادغام شي. په داسې حال کې چې دا نړیوال نظم د یوه خطرناک جال او دام پشان دی چې هر کله یوه اسلامي ډله پکې واک ته ورسېږي او وغواړي چې د دغه نظم د قواعدو له مخې سیاست وکړي، پکې ذوبېږي او ورو ورو له خپلې اسلامي داعیې پر شا کېږي. هغه څه چې واقعیت مغشوشوي دا دي چې غرب مستقیماً او د فشار او تطمیع له لارې په افغانستان کې خپل سیاست پر مخ بیایي؛ خو د سیمې هیوادونه خپلې ګټې په خوږو الفاظو او نرمه لار تعقیبوي.
له بلې خوا، له مسلمانانو او اسلامي ډلو سره د سیمې هیوادونو له سخت چلند څخه له اسلام او مسلمانانو سره د دغو دولتونو او حکامو د دښمنۍ عمق کتلی شو. د ختیځ ترکستان له مسلمانانو سره د چین شدید چلند؛ د چیچن او مرکزي اسیا د مسلمانانو پر وړاندې د روسیې او مرکزي اسیا د جابرو حکامو جنایتونه؛ د هند او کشمیر د مسلمانانو پر وړاندې د مودي د هندو دولت اسلام‌ضد سیاست؛ د ایران، سوریې، عراق، یمن او فلسطین د مسلمانانو پر وړاندې د ایران د اخوندي رژیم د دښمنۍ سیاست لکه لمر روښانه دی چې دا دولتونه په سیمه کې د اسلام او مسلمانانو د لومړۍ درجې دښمن په توګه عمل کوي. نو اړینه ده چې له داسې دولتونو سره له سیاسي اړخه نیږدې شو؟
نو یو ځل بیا ټینګار کوو چې د سیمې او غربي هیوادونو سره هر ډول نیږدې او مثبت تعامل نه جبرانېدونکې سیاسي تېروتنه ده او اوسنیو حکامو ته د دغه کار له زیان راوړونکو دنیوي او اخروي پایلو خبرداری ورکوو. دا ډول سیاسي تعامل څو څو ځله په امت کې تجربه شوی چې په پایله کې یې حکام د اسلام له بشپړ پلي کولو منحرف کړي او د بدنامۍ او ناکامۍ سبب شوی. اساسي حللاره دا ده چې له دغو دوو کمپونو (غرب او سیمه) یا یوه سره یې د نیږدې‌والي پر ځای په امت کې درېیمه لار وکاږئ. دا کار هغه وخت شونی دی چې پر اسلامي ډلو او حزبونو او د امت پر ظرفیتونو باور وکړئ. په دې کې هیڅ شک نشته چې د افغانستان، پاکستان او منځنۍ اسیا مسلمانان یوازې اسلامي نظام، وحدت او د نبوت پر منهج د خلافت تاسیس غواړي او د دغې سترې پروژې لپاره هر راز قربانۍ ته تیار دي.

يَا أَيُّهَا الَّذِينَ آمَنُوا لَا تَتَّخِذُوا الْكَافِرِينَ أَوْلِيَاءَ مِنْ دُونِ الْمُؤْمِنِينَ ۚ أَتُرِيدُونَ أَنْ تَجْعَلُوا لِلَّهِ عَلَيْكُمْ سُلْطَانًا مُبِينًا
[نساء:144]
ژباړه: «اې هغو کسانو چې ایمان مو راوړی! د مومنانو پر ځای له کفارو سره دوستي مه کوئ؛ ایا غواړئ چې (په دغه کار) مو د خدای پر وړاندې د ځان په ضد ښکاره دلیل پیدا کړئ!؟»
د حزب التحریر – ولایه افغانستان مطبوعاتي دفتر

د مطلب ادامه...

څوک چې د بدلون راوستو لپاره د الله د رحمت په لټه کې نه وي؛ لکه په غفلت او بې پروايۍ چې د الله د قهر او غضب په لټه کې وي!

 (ژباړه)

له ابوهریره رضي الله عنه روایت دی، چې رسول الله صلی الله علیه و سلم وفرمایل:

«لَمَّا قَضَى اللَّهُ الخَلْقَ، كَتَبَ عِنْدَهُ فَوْقَ عَرْشِهِ: إِنَّ رَحْمَتِي سَبَقَتْ غَضَبِي» (رواه مسلم)

ژباړه:  کله چې الله تعالی خپل مخلوقات پیدا کړل، نو پر عرش یې ولیکل: زما رحمت له قهر څخه مخکې دی.

کله چې الله سبحانه وتعالی مخلوقات پیدا کړل، هغوی ته یې یوه ځانګړتیا ورکړه. دا ځانګړتیا د رحمت خوی او خاصیت دی؛ هغه رحمت چې د الله له نامه، رحمن او رحیم څخه اخیستل شوی او انسان د هغه په وسیله ژوند کوي، عزت مومي او پرمختګ کولی شي، خو له هغه پرته بدبخت او ذلیل کېږي. همدارنګه رسول الله صلی الله علیه وسلم فرمایي:

«لا تنزعُ الرحمةُ إلا من شقي»

ژباړه: رحمت یوازې له شقي (بدبخت) انسان څخه اخیستل کېږي.

د الله سبحانه وتعالی رحمت ټول شیان رانغاړلي دي، د انسان په توګه زموږ له پیداښت څخه پیل بیا سمې لارې ته زموږ تر هدایت پورې دوام کوي. رښتینی مومن له رسول الله صلی الله علیه وسلم سره د محبت او پیروۍ په اندازه له دغه رحمت څخه برخمن کېږي او رسول الله صلی الله علیه وسلم پخپله د الله سبحانه وتعالی لخوا هدایت‌کوونکی رحمت و:

«وَمَا أَرْسَلْنَاكَ إِلَّا رَحْمَةً لِلْعَالَمِينَ»

ژباړه:ې پیغمبره!) ته مو د نړیوالو لپاره یوازې د رحمت په توګه لېږلی یې.

د الله سبحانه وتعالی یو رحمت پر موږ د قرآن کریم نازلېدل دي، ترڅو هغه زده کړو او عمل پرې وکړو. الله سبحانه وتعالی قرآن د ژوند په ټولو برخو کې د یوه مفصل او هراړخیز نظام په توګه نازل کړی، ترڅو د انسان چلند تنظیم کړي او انسان د هغه پر اساس خپلو خبرو، عمل، خوراک، څښاک، ژوند او مرګ ته پام وکړي. خپل ټولنیز، سیاسي او اقتصادي ژوند له هغه سره داسې تېر کړي، چې د اخرت پر لوري مایل وي. په پایله کې خپلې روحي اړتیاوې پوره کړي او له حیوانیت څخه را وګرځي. خو دغه نظام زموږ د اوسني ژوند له واقعیت څخه کډه کړې او ځای یې هغو کمزورو نظامونو نیولی، چې له انسان څخه یې انسانیت اخیستی او د خپلو غریزو بنده یې ګرځولی دی. د انسان ژوند یې داسې له بدبختۍ او تباهۍ سره مخ کړی، چې نه جسمي هوساینه پېژني او نه رواني ارامي. دغه مهال د الله سبحانه وتعالی رحمت راځي او له موږ څخه غواړي چې د الله د قوانینو د پلي کولو لپاره لاس پکار شو، ترڅو اسلام زموږ په واقعي ژوند کې پلی شي او که چېرې داسې څوک نه وي، چې اسلامي پلی کړي، نو د هغه د پیدا کولو لپاره باید هڅه وکړو. لکه څنګه چې په اوسني وخت کې د اسلام پلی‌کوونکی نشته؛ نو ایا مسلمانان د ځان په اړه د الله سبحانه وتعالی د پراخ رحمت لپاره هڅې نه کوي؟ ایا د هغه کس د پیدا کولو لپاره به اقدام وکړي، چې اسلام په واقعي ژوند کې پلی کوي؟ ایا له هغو کسانو سره په ګډ کار کولو کې چې د نبوت پر منهج د خلافت د تاسیس لپاره هڅې کوي، د الله سبحانه وتعالی رحمت نه غواړي؟ ځکه څوک چې د بدلون راوستو لپاره د الله د رحمت په لټه کې نه وي؛ لکه په غفلت او بې پروايۍ چې د الله د قهر او غضب په لټه کې وي!

ژباړن: صهیب منصور

د مطلب ادامه...

روژه او خليفه، دواړه د مسلمانانو ډال او ساتونکي دي!

(ژباړه)

الله سبحانه وتعالی  پر مسلمانانو روژه فرض کړې چې متقیان شي؛ هغه سبحانه و تعالی فرمایي: 

﴿يَٰأَيُّهَا الَّذِينَ ءَامَنُوا كُتِبَ عَلَيْكُمُ الصِّیَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ﴾ [بقره: ۱۸۳]

ژباړه: «اې هغو کسانو چې ایمان مو راوړی دی! پر تاسو روژه فرض شوې ده، لکه څرنګه چې پر هغو کسانو فرض شوې وه چې له تاسو څخه مخکې وو، تر څو پرهېزګاران شئ.»

روژه له سترو عباداتو څخه ده؛ ځکه چې روژه نیوونکی په هر حالت کې ځان ته پام کوي او د تقوا جامې یې پر تن وي؛ دا پر نورو عباداتو د رمضان میاشتې او روژې فضیلت دی. هېڅ داسې عبادت نشته چې مسلمان دې په هغه کې تر روژې ډېر اخلاص ولري؛ خو باید روژه یې د ايمان له مخې او په اخرت کې د ثواب په هیله وي. الله سبحانه وتعالی د رمضان په سپېڅلې میاشت کې په اخلاص د دغې فریضې د ادا کولو لپاره له خپلو بنده‌ګانو سره مرسته کړې. ابن ماجه او ابن حبان له ابو هریره څخه روایت کړی دی چې رسول الله صلی الله علیه وسلم وفرمایل:

«إِذَا كَانَ أَوَّلُ لَيْلَةٍ مِنْ رَمَضَانَ صُفِّدَتِ الشَّيَاطِينُ، وَمَرَدَةُ الْجِنِّ، وَغُلِّقَتْ أَبْوَابُ النَّارِ، فَلَمْ يُفْتَحْ مِنْهَا بَابٌ، وَفُتِحَتْ أَبْوَابُ الْجِنَانِ فَلَمْ يُغْلَقْ مِنها باب، وَ نَادَی مُنَادٍ یَا بَاغِی الخَیرِ أقبِل، وَ یَا بَاغِی الشَرِّ أقصِر، وَ لِلهِ عُتَقَاءُ مِنَ النَّارِ»

ژباړه: کله چې د رمضان لومړۍ شپه رارسېږي، شیطانان او د جنیاتو سرکشه مشران تړل کېږي؛ د جهنم دروازې تړل کېږي او د جنت دروازې پرانیستل کېږي (یعنې د ګناه پرېښودو او ثواب ترلاسه کولو زمینه برابرېږي)؛ منادي غږ کوي چې اې د خیر غوښتونکیه! مخ راواړوه (ډېر نېک کارونه وکړه) او اې د شر غوښتونکیه! قصر وکړه (ګناه پرېږده او توبه وکړه) او د الله لپاره د دوزخ له اوره خلاصون موندونکي دي.

له دغه حدیث څخه داسې تعبيرېږي چې الله سبحانه وتعالی د شیطانانو په تړلو او د جنیاتو په شړلو له خپلو بنده‌ګانو سره مرسته کړې چې دا ستر عبادت وکړي او وروسته یې مومنانو ته د طاعاتو او عباداتو کولو او د منهیاتو پر پرېښودلو امر کړی؛ روژه یې د طاعاتو او عباداتو میاشت ګرځولې ده چې په هغې کې د جنت دروازې خلاصېږي او د د دوزخ دروازې تړل کېږي او هر څوک چې په دغه میاشت کې طاعت او عبادت وکړي، الله سبحانه وتعالی یې د هڅو په اندازه اجر ډېروي. په قدسي حدیث کې راغلي: 

«کُلُّ عَمل ابنَ آدَمَ لَهُ اِلَّا الصِیَام فَإنَّهُ لِی وَ أنَا أَجزِی بِهِ، وَ الصِّیَامُ جُنَّة، وَ إذَا کَانَ یَومُ صَومِ أحَدِکُم فَلَا یَرفَث وَ لَا یَصخَب، فَإن سَابَّهُ أحَدٌ أو قَاتَلَهُ فَلیَقُل إِنِّی امرُؤٌ صَائِمٌ»

ژباړه: بني ادم چې هر عمل کوي، د ځان لپاره یې دی؛ خو روژه ماته ځانګړې ده او زه یې پخپله اجر ورکوم. روژه (د جهنم د اور پر وړاندې) ډال دی؛ نو که مو روژه وه همبستري مه کوئ، ناوړه خبرې مه کوئ او شور مه جوړوئ؛ که څوک له روژه لرونکي سره ښکېل شول او ناوړه خبرې یې ورته وکړې؛ په دې ځواب کې دې ورته ووایي: ما روژه نیولې.

د دې لپاره چې روژه لرونکی کس په دغه حالت کې پاک پاتې شي او ښکنځلو او شخړې پر لور کش نه شي، روژه به یې ډال وي. طبراني په معجم الاوسط کې له ابو هریره څخه روایت کړی چې رسول الله صلی الله علیه وسلم وفرمایل: 

«الصِیَامٌ جُنَّةٌ مَا لَم یَخرِقهٌ. قِیلَ: وَ بِمَ یَخرِقُهُ؟ قَالَ: بِکَذِبٍ أو غِیبَةٍ»

ژباړه: روژه ډال دی، تر هغې چې (روژه لرونکی) یې ونه شکوي؛ وویل شول چې په څه شي یې شکوي؟ ویې فرمايل: په درواغو او غیبت.

نو څوک چې روژه د ايمان او په آخرت کې د ثواب په هیله نیسي؛ داسې چې هغه د الله سبحانه وتعالی طاعت او اخلاص ته وهڅوي او کومه ځان ښودنه او ریا پکې نه وي؛ روژه یې قبلیږي او تېر ګناهونه یې بښل کېږي· رسول الله صلی الله علیه وسلم فرمایي: 

«مَن صَامَ رَمضَانَ إیمَانًا وَ إحتِسَابًا غُفِرَ لَهُ مَا تَقَدَّمَ مِن ذَنبِه»

ژباړه: «هر څوک چې د ايمان او اخلاص له مخې روژه ونيسي، تېر ګناهونه یې بښل کېږي.»

دا د الله سبحانه وتعالی فضل او رحمت دی چې د شرعي عذر لرونکي د رمضان د قیام پر مهال، د هغو روژه لرونکو له ثواب څخه برخمن کېږي چې د ایمان او اخلاص له مخې یې روژه نيولې وي.

په یوه حدیث کې چې معاذ ابن جبل روایت کړی، راځي چې وايي: یوه ورځ له رسول الله صلی الله علیه وسلم سره په سفر وم، په داسې حال کې چې روان وو، هغه ته ورنږدې شوم او ومې ویل: اې رسول الله! ما له داسې یو عمل څخه خبر کړه چې جنت ته مې داخل او له دوزخ څخه مې لرې کړي؛ رسول الله صلی الله علیه وسلم یې په ځواب کې وفرمایل:

«لَقَدْ سَأَلْتَنِي عَنْ عَظِيمٍ وَإِنَّهُ لَيَسِيرٌ عَلَى مَنْ يَسَّرَهُ اللَّهُ عَلَيْهِ؛ تَعبُدُ اللهَ وَ لَا تَشرِکُ بِهِ شَیئًا، وَ تُقِیمُ الصَلَاةَ، وَ تُؤتِی الزَّکَاةَ، وَتَصُومَ رَمَضَانَ، وَ تَحُجُّ البَیتَ، ثُمَّ قَالَ: ألَا أدُلُّکَ عَلَی أبوَابِ الخَیرِ؟ الصَومُ جُنَّةٌ، وَ الصَّدَقَةُ تُطفِئُ الخَطِیئَةَ کَمَا یُطفِئُ المَاءُ النَّارَ»

ژباړه: واقعیت چې له ما څخه دې د یو لوی شي په اړه پوښتنه وکړه او پر هغه چا چې الله تعالی یې د ترسره کولو توفيق ورکړی وي اسانه دی: دا چې یوازې د الله عبادت وکړې او شریک ورسره ونه نیسئ؛ لمونځ وکړې، زکات ورکړې، د رمضان میاشتې روژه ونیسي؛ حج وکړې. (راوي وايي) بیا پیغمبر صلی الله علیه وسلم وفرمایل: ایا د خیر دروازو ته دې لارښوونه ونه کړم؟ روژه ډال دی او صدقه ګناه له منځه وړي؛ لکه اوبه چې اور مړ کوي.

نو که د روژه لرونکی ټول بدن روژه وي؛ سترګې یې له نامحرم کس څخه لرې وي، غوږونه یې د لهو او لعب له اورېدلو څخه لرې وي، ژبه یې د الله سبحانه وتعالی له کلام پرته خبرو او ناحق خبرو پاکه وي، لاسونه یې د حرام مال له ترلاسه کولو او پښې یې له باطل او حرامې لارې څخه لنډې وي؛ نو په ریښتیا هم چې دا روژه ورته ډال ده او دا د متقیانو عمل دی چې له الله سبحانه وتعالی څخه تقوا کوي؛ حلالو ته یې حلال او حرامو ته یې حرام وایي او کتاب یې پر خپل ځان تطبیقوي او د هغه له رسول الله صلی الله علیه وسلم له سنتو څخه چې د صلاح او د امت د کار د ساتلو په اړه یې داسې فرمایلي دي، پیروي کوي: 

«اِمَام جُنة یُقاتَل مِن وَرائِهِ وَ یُتَّقَی بِه»

ژباړه: امام هغه ډال دی چې تر شاه یې جګړه کوئ او هغه ته پناه وروړئ.

نو د داسې یو امام شتون چې تر شا یې له دښمن سره جګړه کوئ او د هغه په وسيله د دښمن له اذیت څخه سالم پاتې کېږئ، په حقيقت کې د امت لپاره ډال دی؛ لکه روژه چې د یو مسلمان کس لپاره ډال او ساتونکی دی. په دغه حديث کې ټينګار پر دې دی چې د یو داسې مسلمان حاکم شتون چې د الله سبحانه وتعالی حلال، حلال او حرام یې حرام وګڼي، پر ما أنزل الله حکم وکړي او د مسلمانانو خاوره پاکه او صافه کړي، ارزښتونه او عزت یې وساتي او تر شا یې له دښمن سره جګړه وشي، واجب او لازم دی. 

په پورتني حديث کې په صراحت سره غوښتل شوي دي چې د امت لپاره باید یو امين او خیر غوښتونکی حاکم وي. الله سبحانه وتعالی فرمایی: 

﴿إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَى أَهْلِهَا وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ إِنَّ اللَّهَ نِعِمَّا يَعِظُكُمْ بِهِ إِنَّ اللَّهَ كَانَ سَمِيعاً بَصِيراً﴾ [نساء: ۵۸]

ژباړه: « الله تعالی تاسو مومنانو ته حکم کوي چې امانتونه د هغو اهل ته وسپارئ. کله چې د خلکو په منځ کې فیصله کوئ، نو په عدالت سره یې وکړئ، الله تعالی په دې سره تاسو ته لوی نصيحت کوي. په باوري توګه الله تعالی اورېدونکی او ليدونکی دی.»

هو، خیر غوښتونکی حاکم او د امت ساتونکی؛ نه د اوسنیو فاسق او فاجر حکامو په څېر چې له ما أنزل الله پرته حکم کوي، د کفارو له قوانينو او شريعت څخه پیروي کوي او هغه حق خبره پرېږدي چې رسول الله صلی الله علیه وسلم  یې کوي. 

نو پر هر نارينه او ښځينه لازمه ده چې د داسې یو امام لپاره چې د امت ډال وي، له داسې کسانو سره چې د خلافت د تاسیس لپاره هڅې کوي، کار وکړي. ځکه د امت زامن، په ځانګړې توګه پوځونه باید د الله سبحانه وتعالی د طاعت لپاره قاطعانه لاس په کار شي او د نبوت پر منهج د خلافت د اقامې عاملانو ته نصرت ورکړي او له خپلو تېرو تقصيرونو څخه الله سبحانه وتعالی ته رجوع وکړي! الله سبحانه وتعالی فرمایي:

﴿إِنَّ الَّذِينَ اتَّقَوْا إِذَا مَسَّهُمْ طَائِفٌ مِنَ الشَّيْطَانِ تَذَكَّرُوا فَإِذَا هُمْ مُبْصِرُونَ﴾ [اعراف: ۲۰۱]

ژباړه: «په حقيقت کې چې څوک پرهېزګاران دي، د هغوی حال دا وي چې کله د شیطان له اغيزې څخه ناوړه مفکوره ورته پیدا کېږي، نو سمدلاسه متوجه کېږي او بیا په څرګنده توګه ويني چې د هغوی لپاره سمه کړنلاره کومه یوه ده.»

ليکوال: استاد ناصر رضا محمد عثمان

ژباړن: محمد حامد

د مطلب ادامه...

د اسلامي ورورولۍ بیا را ژوندي کول؛ راشده خلافت به د پاکستان د پوځ او قبایلو مسلمانان پر کفر د بري لپاره بسیج کړي

  • خپور شوی په پاکستان

(ژباړه)

د روژې په مبارکه میاشت کې د پاکستان د پوځ مسلمانانو او قبایلو مسلمانانو ترمنځ شدیدې جګړې پر مهال د مسلمانانو سپېڅلې وینه تويه شوه. د مارچ په ۱۷مه اووه پاکستاني سرتېري ووژل شول. بیا د مارچ په ۱۸مه په افغانستان کې د پاکستان د هوايي ځواک د بمباریو په پایله کې نور مسلمانان ووژل شول. بیا چې افغان طالبانو بریدونه وکړل، یوولس نور مسلمانان پکې ووژل شول. لسګونه مسلمانان مو یوازې د روژې مبارکې میاشتې په دغو درېیو ورځو کې له لاسه ورکړل او زرګونه نور مو بیا د دغې خپلمنځې جګړې په تېرو کلونو کې له لاسه ورکړي وو. یوه خوا هم نه پر شا کېږي او په دواړو لورو کې مومنان له لاسه ورکوو. دا په داسې حال کې ده چې پیغمبر صلی الله علیه وسلم، چې د دواړو خواوو پر مسلمانانو تر ځان ډیر ګران دی، فرمايلي:

«قَتْلُ الْمُؤْمِنِ أَعْظَمُ عِنْدَ اللَّهِ مِنْ زَوَالِ الدُّنْيَا»

ژباړه: د یوه مومن قتل د الله په نزد د ټولنې نړۍ تر ویجاړۍ لویه او سخته خبره ده. (نسائي)

په دغه حدیث کې دا مطرح نه ده چې مسلمان د کوم ځای وي یا یې قوم او نژاد څه وي. دا همداسې ده او باید همداسې وي. هغسې نه لکه د پاکستان د پوځ مشر چې د جنوري په ۲۴مه وویل: «کله چې د یوه پاکستاني وګړي د خوندیتوب او امنیت خبره کېږي، نو ټول افغانستان پرې محکوم او رټل کېدای شي». نه، هېڅکله داسې نه ده!

اې د پاکستان د پوځ او قبایلو مسلمانانو! هره هغه توره ماته کړئ چې مسلمان ته نیول کېږي. وسلې مو زموږ اصلي دښمنانو، کفري دولتونو ته ونیسئ چې زموږ پر وړاندې جنګېږي او خاورې مو اشغالوي. همدا کفري دولتونه غواړي چې زموږ ترمنځ جګړه اوږده شي. موږ چې په خپل منځ کې جنګېږو، دوی مو تر څنګ ولاړ وي. ومو لیدل چې څنګه د امریکا سفیر له ولسمشر زرداري سره وکتل چې په جګړه کې خپل ملاتړ ترې وښيي. د مارچ په ۱۸مه د امریکا د سفارت په اعلامیه کې ویل شوي: «سفیر په وزیرستان کې د وروستي ترهګریز برید په پایله کې وژل شوو پاکستاني سرتېرو په پار خپله غمشریکي وښوده او ولسمشر (زرداري) ته یې ډاډ ورکړ چې متحده ایالات د ترهګرۍ ضد جګړه کې د پاکستان تر څنګ درېږي». کفار له سوډانه نیولې تر پاکستانه، په ټوله اسلامي نړۍ کې زموږ خپلمنځي جګړه هڅوي؛ هر چېرې چې زموږ په منځ کې جګړه وي، امریکايي سفیران یې لکه شیطانان تحریکول کوي. زموږ قوت او ځواک د وروڼو او مومنانو په توګه زموږ په خپل منځ کې دی. الله سبحانه و تعالی فرمايي:

﴿الَّذِينَ يَتَّخِذُونَ الْكَافِرِينَ أَوْلِيَاءَ مِن دُونِ الْمُؤْمِنِينَ أَيَبْتَغُونَ عِندَهُمُ الْعِزَّةَ فَإِنَّ الْعِزَّةَ لِلَّهِ جَمِيعًا﴾ [النساء: ۱۳۹]

ژباړه: «هغه کسان چې له مسلمانانو پرته کافران په  دوستۍ نیسي، آیا دوی له هغوی څخه عزت او قدرت غواړي؟ حال دا چې قدرت او عزت ټول له الله تعالی سره دی.»

اې د پاکستان د پوځ او قبایلو مسلمانانو! زموږ ترمنځ جګړه هغه څه دي چې امریکا یې د سیمه‌يیز امنیت د توازن لپاره غواړي. په داسې حال کې چې موږ سره جنګېږو، زموږ دښمن او د امریکا متحد، هند پر موږ خپل تسلط ټینګوي. په داسې حال کې چې د پاکستان او افغانستان ترمنځ پر پوله اور بل دی؛ له هندو دولت سره پر پوله خیر و خیرت دی. په داسې حال کې چې د پاکستان پوځ او قبایلي جنګیالي د یوې بې پایه جګړې په دام کې نښتي؛ هندو پوځ ازادانه د سیمې له مسمانانو سره پر خپله دښمنۍ تمرکز کوي. اې مسلمانانو، دا باید همداسې وي!؟ الله سبحانه و تعالی فرمايي:

﴿مُّحَمَّدٌ رَّسُولُ اللَّهِ ۚ وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ﴾ [الفتح: ۲۹]

ژباړه: «محمد صلی الله علیه وسلم د الله رسول او څوک چې له هغه سره دي د کفارو پر وړاندې توند او سرسخته او په خپلو منځونو کې مهربانه او زړه‌سواندي دي».

ایا مسلمانان باید له یو بل سره په دښمنۍ او غچ اخیستو کې وي، یو بل ووژني، پر یو بل برید وکړي؟ ایا مسلمانان باید له کفر سره یوازې جوړجاړی وکړي، اړیکې عادي کړي او محدود شي؟ اې مسلمانانو، دا څنګه شونې ده!؟

اې د پاکستان د پوځ او قبایلو مسلمانانو! نن څنګه له یو بل سره جګړه کوئ؟ تاسو هغه کسان نه وئ چې لږ وخت وړاندې د یو بل ترڅنګ د کفر پر وړاندې جنګېدئ؟ تاسو هغه کسان نه وئ چې د یو بل په مرسته مو د شوري اشغالګر سرتېري وشړل؟ تاسو هغه کسان نه وئ چې د یو بل په مرسته مو په سیمه کې د مسلمانانو لپاره ټیکاو راوستی و؟ تاسو هغه کسان نه وئ چې په ګډه مو ډیورنډ کرښه خوندي او هوسا ساتلې وه او هلته له هند سره د کنټرول پر کرښه کلونه کلونه هندو پوځ له وېرې خوب نه شو کولی؟ د اسلام په سبب ستاسو ترمنځ هيڅ جګړه نه وه. نن ورځ مو هم دا جګړه اسلام ختمولی شي. په یاد ولرئ چې د مدیني قبیلې تر اسلام وړاندې سره په جګړه کې وې؛ خو تر اسلام وروسته په یوه صف کې د واحد پوځ په توګه د کفر پر وړاندې ودرېدې. الله سبحانه و تعالی فرمايي:

﴿وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا ۚ وَاذْكُرُوا نِعْمَتَ اللَّهِ عَلَيْكُمْ إِذْ كُنتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا﴾ [آل عمران: ۱۰۳]

ژباړه: « او ټول د الله پر رسۍ منګولې ولګوئ او وېشل کېږئ مه، د الله ‏هغه (ستر) نعمت درياد كړئ، چې تاسې يو د بل دښمنان وئ؛ خو هغه مو په زړونو كې مينه واچوله؛  نو په لورېینې یې (یو د بل) وروڼه شوئ»

اې د پاکستان د پوځ او قبایلو مسلمانانو! وضعیت د کفر او کفري دولتونو پر ضد بدل کړئ. د تاریخ څپه د اسلام او اسلامي امت په ګټه بدله کړئ. د الله سبحانه و تعالی د کتاب او د پيغمبر صلی الله علیه وسلم د سنتو په حاکمولو سره د مسلمانانو ترمنځ دښمني په یوه تېره ترخه خاطره بدله کړئ. پیغمبر صلی الله علیه وسلم فرمايي:

إِنَّ اللَّهَ عَزَّ وَجَلَّ قَدْ أَذْهَبَ عَنْكُمْ عُبِّيَّةَ الْجَاهِلِيَّةِ وَفَخْرَهَا بِالآبَاءِ مُؤْمِنٌ تَقِيٌّ وَفَاجِرٌ شَقِيٌّ أَنْتُمْ بَنُو آدَمَ وَآدَمُ مِنْ تُرَابٍ لَيَدَعَنَّ رِجَالٌ فَخْرَهُمْ بِأَقْوَامٍ إِنَّمَا هُمْ فَحْمٌ مِنْ فَحْمِ جَهَنَّمَ أَوْ لَيَكُونُنَّ أَهْوَنَ عَلَى اللَّهِ مِنَ الْجِعْلاَنِ الَّتِي تَدْفَعُ بِأَنْفِهَا النَّتْنَ (سنن ابي داود)

ژباړه: الله تعالی د جاهليت د وخت تکبر او پر پلرونو (قومونو) وياړ له تاسو څخه ايسته کړی دی (تاسو يې ترې منعه کړي ياست) سړی به يا پرهېزګار مؤمن او يا به بدمرغه او نافرمانه فاجر وي. تاسو ټول د ادم اولاد ياست او ادم له خاورې څخه و. خلک به يا خامخا پر خپلو قومونو وياړ پرېږي، ځکه پر قومونو وياړ کوونکي خلک د جهنم سون توکي دي او که نه (که پر قومونو فخر کول پرېنږدي) نو د الله تعالی پر وړاندې به تر هغې ګونګټې (تورې کوچنۍ حشرې) ډېر سپک او ذليل شي چې په خپلې پزې مراداري ټيلوهي.

د یو بل ترڅنګ د وروڼو پشان د راشده خلافت د تاسیس لپاره کار وکړئ. یوازې د نبوت پر منهج خلافت دی چې موږ ټول د اشغال شوي کشمیر او غزې د ازادولو لپاره بسیج کوي او مو دښمن پر شا تېښتې ته اړ باسي.

د حزب التحریر – ولایه پاکستان مطبوعاتي دفتر

۱۴۴۵هـ.ق کال د رمضان ۱۱مه

۲۰۲۴م کال د مارچ ۲۱مه

 

د مطلب ادامه...

ژوند، پرمختګ او عزت د دین له فهم پرته امکان نه لري

(ژباړه) 

ابن حجر عسقلاني د صحیح البخاري په شرحه، فتح الباري کې په کم بدلون سره په «من يرد الله به خيرا يفقهه في الدين» باب کې راوړي، چې معاویه رضی الله عنه له رسول الله صلی الله علیه وسلم څخه روایت کړی، چې فرمایي:

«من يُرِدِ الله به خيرا يُفَقِّهْهُ في الدين»

ژباړهالله تعالی چې هر چا ته د خیر اراده وکړي، هغه په دین کې فقیه کوي.

د فقهې علم زده کول او د دین فهم هغه ستر موضوعات دي، چې اسلام تل خلک ورته دعوت او هڅوي؛ ځکه د فقهې علم په ترلاسه کولو کې لوی خیر دی. ولې به داسې نه وي؟ په داسې حال کې چې دغه دین د ژوند د یوه نظام په توګه نازل شوی؛ هغه نظام چې د انساني ژوند د ټولنیز، اقتصادي، سیاسي، قضایي، ښوونیز او ان ټولو اړخونو درملنه کوي. ولې به داسې نه وي؟ په داسې حال کې چې الله سبحانه وتعالی د اسلام دین په هغو احکامو سره چې له دغه دین څخه یې سرچینه اخیستې او په هغو افکارو سره چې د همدغه دین پر اساس رامنځته شوي، د هر وخت او ځای مطابق جوړ کړی دی.

هر څومره چې امت خپل دین ته ژمن وي او له احکامو او قوانینو څخه یې خبر وي، پرمختګ او تقوایي زیاتېږي، عظمت او قدرت یې ډېرېږي. دغه پېښې د امت د تاریخ په بېلابېلو دورو کې تکرار شوې دي. په هغو پېړیو کې چې اسلام به په بشپړه توګه پلی کېده، مسلمانانو او نامسلمانانو به د یو او بل تر څنګ په خوښۍ او ارامۍ ژوند کاوه؛ خو کله چې امت د اسلام له پلي کېدو څخه لاس واخیست او کافر غرب ته یې اجازه ورکړه چې دوی ته احکام وټاکي، افکار ورته تعریف کړي، اساسي قانون ورته جوړ کړي او بیرغ او حکام ورته وټاکي، نو وضعیت یې د یوه متحرک مړي په څېر شو، چې یوازې د خوراک او څښاک لپاره ژوند کوي، له روح او روحانیت پرته خپل ژوند تېروي او تل له ماتې او بدبختۍ سره مخ وي. دغه وضعیت د هغه کار پایله ده، چې امت د خپل ځان په حق کې کړی دی؛ لکه څنګه چې الله سبحانه وتعالی په قرآن کریم کې فرمایي:

﴿وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا...﴾ [طه: ۱۲۴]

ژباړه: او هر څوک چې زما له یاد څخه مخ واړوي، ژوند به یې تنګ شي ...

نو اې مسلمانانو! د دغه امت د عزت او دبدبې د بېرته راوستلو لپاره - چې یوازې د نبوت پر منهح د دویم راشده خلافت په تاسیس سره امکان لري- اقدام وکړئ!

اې ربه! موږ ته د نبوت پر منهج راشده خلافت راکړه چې په مرسته یې د مسلمانانو ستونزې او سختۍ حل او له منځه لاړې شي او مصیبتونه او کړاوونه یې ختم شي. اې ربه! ځمکه د خپل کریم نور په واسطه رڼا کړه. اللهم آمین آمین!

ژباړن: صهیب منصور

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې