سه شنبه, ۰۲ رجب ۱۴۴۱هـ| ۲۰۲۰/۰۲/۲۵م
ساعت: مدینه منوره
Menu
القائمة الرئيسية
القائمة الرئيسية

pr header

 

 

هجری قمری نېټه :     27 ذولقعده 1440

میلادی نېټه :     سه شنبه, 30 جولای 2019 م

شمېره:      ۱۴۴۰/۶۲

ولایه سوډان
مطبوعاتي دفتر

مطبوعاتي اعلامیه
بي انصافه او ظالم رژیم د الابیاد زده کوونکو لپاره د ډوډۍ برابرولو وس نه درلود، خو په مرمیو د هغوی ویشتلو او وژلو ته چمتو و.

(ژباړه)

د الابیاد ښار زده کوونکي په سوډان کې د ناوړه حالت په ځانګړي ډول د ډوډۍ او ټرانسپورټ د کمښت پر وړاندې له ښوونځیو څخه بهر لاریون ته راووتل. د واکمن رژیم ځواکونو پر دغو زده کوونکو په چارو کې د والي د ناغېړۍ په اعتراف ډزې وکړې، پنځه کسان یې ووژل او په لسګونه نور یې ژوبل کړل. لاریونونه د سوډان په پلازمېنه خرطوم کې پیل شول. په سوډان کې نور ښارونه د الابیاد دغه پېښه غندي او د دغه ظلم ترسره کوونکو ته د جزا غوښتنه کوي.

له همغه وخته اقتصاد او خدمتي حالت خراب شو، کله چې خلک د دغه رژیم پر وړاندې راووتل. دغو کسانو د عدالت او غوره ژوند غوښتنه کوله، خو دوی له بې عدالتۍ، وژلو، تاوتریخوالي او ځورېدو سره مخ شول. د دې تر څنګ د خوراکي او نورو توکو بیې لوړې شوې، د خوړو او په ځینو حالاتو کې د نوور توکو له کمښت سره مخ شول.

د ډوډوۍ د کمښت او د سوډان په ټولو ښارونو کې د ټرانسپورټ لپاره لوړې تعرفې سربېره، په ځانګړي ډول په پلازمېنه خرطوم کې دغه حالت مخ په ډېرېدو دی.  

دغه هرڅه هغه وخت پېښ شول کله چې د اختلاف د دواړو لورو (نظام او د بدلون خپلواکو ځواکونو) تر منځ خبرې په کور دننه او بهر بې پایلې پاتې ته ورسېدې او له ماتې سره مخ شوې. دواړو لورو د واک په لاس کې اخیستلو غوښتنه کوله. .

کله چې په الابیاد او نورو سیمو کې قهرجن ځوانان د لاریون په موخه راوځي، نو د دوی برخلیک دا دی چې په ګولیو ویشتل کېږي، اوښکې بهوونکی ګاز ورباندې کارول کېږي او په سوټیو وهل کېږي. د بدلون او ازادۍ ځواک او ځینې نور سیاسي ځواکونه د وینو په بیه ظلم کوي او د سوډان خلک ټپیانوي. همدارنګه هر وخت له دوی نه ګټه اخلي، تر څو د خپلو ګټو لپاره پر یادو حزبونو او خلکو فشار راوړي.

موږ د حزب التحریرـ ولایه سوډان د بې دفاع او بې ګناه خلکو د وینو تویولو له پایلې د جونتا نظامي ځواکونو ته خبرداری ورکوو ، چې الله سبحانه وتعالی د بې ګناه کسانو وژل حرام کړي دي.

[وَمَن يَقْتُلْ مُؤْمِناً مُّتَعَمِّداً فَجَزَآؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً]

[نساء: 93]

ژباړه: څوک چې په قصدي توګه یو بې ګناه انسان وژني، نو جزا یې دوزخ دی او هلته به تل مېشت وي او د الله لعنت او عضب به ورباندې وي او ده به ډېر لوی عذاب وي..

موږ همدارنکه د بدلون او ازادۍ ځواکونو او  د نورو سیاسي ډلو ځواکونو ته، چې د ځوانانو پر وینو باندې د ډېرې کوچنۍ ګټې لپاره سوداګري کوي خبرداری ورکوو، چې تش مدني نظام هېڅ شرعي بنسټ نه لري او همدارنګه اسلامي نظام نه مدني نظام دی او نه هم پوځي، بلکې راشده خلافت دی چې د رسول الله صلی الله علیه وسلم پر منهج جوړېږي، لکه څنګه چې رسول الله صلی الله علیه وسلم فرمايي: 

«كَانَتْ بَنُو إِسْرَائِيلَ تَسُوسُهُمْ الْأَنْبِيَاءُ كُلَّمَا هَلَكَ نَبِيٌّ خَلَفَهُ نَبِيٌّ وَإِنَّهُ لَا نَبِيَّ بَعْدِي وَسَتَكُونُ خُلَفَاءُ تَكْثُرُ»قَالُوا: فَمَا تَأْمُرُنَا؟ قَالَ: فُوا بِبَيْعَةِ الْأَوَّلِ فَالْأَوَّلِ وَأَعْطُوهُمْ حَقَّهُمْ فَإِنَّ اللَّهَ سَائِلُهُمْ عَمَّا اسْتَرْعَاهُمْ»

ژباړه: بني اسراییل د خپلو انبیاوو له لارې سرپرستي کېدل؛ کله به چې یو نبي مړ شو، پر ځای به یې بل راغلی. تر ما وروسته بل نبي نشته او  خلفا‌ء به وي او ډېرېږي به [یو پر بل پسې به راځي] . دوی له رسول الله صلی الله علیه وسلم څخه پوښتنه وکړه، نو هغه وخت موږ څه وکړو؟ ده وویل، تاسو له هغه سره بیعت وکړئ، دوی ته خپل حق ورکړئ. ځکه الله سبحانه وتعالی به له دوی څخه د خپل مسوولیت پوښتنه وکړي.

دا یوازې مشروع نظام دی چې اسلام موږ ته پرېښی دی او دا یوازینی نظام دی چې د بې ګناه خلکو وینې نه تویوي او درناوی ورته لري. د مجرمینو مخه نیسي او د مسلمانانو پر سپڅلو ځایونو له تیري څخه مخنیوی کوي. همدارنګه خلکو ته غوره او په عدالت کې ژوند ور په برخه کوي.

[فَمَنِ اتَّبَعَ هُدَايَ فَلا يَضِلُّ وَلا يَشْقَى * وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً]

[طه: ۱۲۳-۱۲۴]

ژباړه: هر څوک چې زما د لارښوونو پیروي وکړي، نه به لاروکی شي او نه به وځورېږي او هر څوک چې زما له لارې مخ ولاړوي، سخت او تنګ ژوند به ولري

ابراهیم عثمان ابو خلیل

د حزب التحریر ـ ولایه سوډان رسمي ویاند

نظر ورکړئ

اسلامي خاورې

اسلامي خاورې

غربي هېوادونه

ټول لینکونه

د پاڼې برخې