چهارشنبه, ۱۹ رجب ۱۴۴۲هـ| ۲۰۲۱/۰۳/۰۳م
ساعت: مدینه منوره
Menu
القائمة الرئيسية
القائمة الرئيسية

رژیم د حزب التحریر غړي یو ځل بیا په داسې حال کې ګواښي، چې دوی د «اې مسلمانانو، خلافت بیا تاسیس کړئ!» تر عنوان لاندې کمپاین پيل کړی دی

  • خپور شوی په تونس

د ۱۴۴۲هـ.ق کال، د رجب په ۵مه، چې د ۲۰۲۱م کال د فبرورۍ له ۱۷مې نېټې سره سمون خوري، حزب التحریر د خلافت د ړنګېدلو د سلمې کلېزې په پوره کېدلو سره د «اې مسلمانانو، خلافت بیا تاسیس کړئ!» تر سرلیک لاندې کمپاین پیل کړ. د کمپاین په لړ کې، په سیدي بوسعید ښارګوټي کې امنیتي ځواکونو د حزب التحریر د غړي، ظهیر العمري په کور چاپه ووهله. تر سختې پلټنې وروسته یې د هغه په کور کې ټول کتابونه له ځان سره یوړل. دغې پېښې د هغه پر کورنۍ باندې سخت وحشت او ډار خپور کړ. امنیتي ځواکونو د پیښې د ځای د پرېښودلو په وخت کې د نوموړی د احضار امر هم پرېښود.   

دا څووم ځل دی، چې د حزب التحریر له دغه غړي سره ورته کړنه تکرارېږي. څو ځلې د ده کور تر برید لاندې راغلي او دی امنیتي ادارو ته غوښتل شوی دی. داسې ښکاري چې په تونس کې امنیتي ځواکونه، د رسول الله صلی علیه وسلم د امت د مخلصو ځوانانو، له ازار پرته، چې د امت د بیا احیا او د کفارو د حاکمیت څخه د ژغورني لپاره شپه او ورځ کار کړي بل کار نه لري. هو دا هغه ځوانان دي چې یوازینۍ هیله یې د دغه کفري او فاسد نظام څخه د مسلمانانو ژغورل او د نړیوال ډیموکراتیک ترورېزم او د هغه د ملاتړو د ناوړه دسیسو افشا کول او له منځه وړل دی.   

د خلافت له نه شتون څخه سل کال پوره شول، چې د مسلمانانو تاج، د دوی د عظمت سمبول او  ویاړ د ځینو عربو او ترکانو، د خیانت او له کافر غرب سره د همکارۍ په پایله کې نړول شوی دی. دغې پېښې له اسلامي امت څخه د دفاع ډال واخیست او مسلمانان یې د بې سر پرسته یتیمانو په څېر، د ژوند په لویه دښته کې وحشي ځناورو ته  یوازې پرېښودل. د امت د دغه ځورونکي حالت د کابو کولو لپاره حزب التحریر د مبارزې ډګر ته راودانګل، دا هغه حزب دی چې رهبران یې مسلمانانو ته دروغ نه وايي. د دغه حزب مخلصو ځوانانو د الله سبحانه وتعالی سره وعده کړې، چې دوی به په دغه لاره کې د هېڅ ډول ستړیا احساس ونه کړي او د دوی پرېکړه به تر هغه وخت بدلون ونه مومي، څو چې یې د نبوت پر منهج دویم راشده خلافت تاسیس کړی نه وي.    

اې امنیتي ځواکونو! د خپلو خلکو په اړه له الله سبحانه وتعالی څخه ووېرېږئ  او د کفر استعماري وسیلې مه کېږئ. په دې باندې پوه شئ چې د خلافت د تاسیس وخت را رسېدلی دی او یوازې ستاسو نیک اعمال کولای شي تاسو ته خیر ورسوي. لکه څنګه چې رسول الله صلی علیه وسلم تاسو ته د قسطنطنیې د فتحې زېری درکړی وو، په همدې ډول هغه مبارک د نبوت پر منهج د خلافت د تاسیس زیری هم ورکړی دی، نو راولاړ شئ او د (اې مسلمانانو، خلافت بیا تاسیس کړئ!) تر سرلیک لاندې د کمپاین برخه وګرځئ، رسول الله صلی علیه وسلم فرمایي.

«بَشِّرْ هَذِهِ الْأُمَّةَ بِالسَّنَاءِ وَالرِّفْعَةِ وَالدِّينِ وَالنَّصْرِ وَالتَّمْكِينِ فِي الْأَرْضِ، فَمَنْ عَمِلَ مِنْهُمْ عَمَلَ الْآخِرَةِ لِلدُّنْيَا لَمْ يَكُنْ لَهُ فِي الْآخِرَةِ نَصِيبٌ»

ژباړه: «دغه امت ته په ځمکه کې د عظمت، لوړې مرتبې، دین، بریا او ځواک زیری ورکړئ، خو هغه څوک چې د دوی په منځ کې د اخرت کارونه د دنیوي ګټې په موخه ترسره کوي، هغه د اخرت لپاره هېڅ ګټه نه لري.»  (له احمد څخه روایت شوی)

#أقيموا_الخلافة
#ReturnTheKhilafah
#YenidenHilafet
#خلافت_بیا_تاسیس_کړئ

د حزب التحریرـ ولایه تونس مطبوعاتي دفتر

 

د مطلب ادامه...

د خلافت د سقوط د سلمې کالېزې په یاد؛ څه فکر کوئ، مسلمانانو د خلافت د له منځه تلو له امله څه له لاسه ورکړل؟

  • خپور شوی په سیاسي

مسلمانانو د خپل دولت د له منځه تلو له امله، ډېر امتیازونه، چې الله سبحانه وتعالی ورکړي وو، له لاسه ورکړل.

۱- یووالی؛ پخوا مسلمانان یو امت و، سپېڅلې اسلامي عقيدې راټول کړي وو، د یوه جسم په څېر وو، که د دغه جسم کوم غړي به شکایت وکړ، نورو غړو به يې درد احساساوه او د درمنلې لپاره به يې هڅه کوله. اوس مسلمانان تیت پرک دي. له یوبل سره دښمنۍ کوي، توکمپالنه يې سره بېلوي؛ چې دا عرب، کرد او فارس دی او یا هم مصري، یمني او سوریه یي... توکمپالنې د اسلامي اخوت ځای، اسلامي خاورې د وطن پالنې او د عقيدې ځای نیولی دی. خو مخکې  نه توکمپالنې  بېلولی شوای او نه هم رنګ، ځای د دوی تر منځ هېڅ توپير نه وو، معیار یوازې تقوا وه.

 لکه څرنګه چې رسول الله صلی الله علیه وسلم فرمايلي دي:

«يَا أَيُّهَا النَّاسُ أَلَا إِنَّ رَبَّكُمْ وَاحِدٌ وَإِنَّ أَبَاكُمْ وَاحِدٌ، أَلَا لَا فَضْلَ لِعَرَبِيٍّ عَلَى أَعْجَمِيٍّ وَلَا لِعَجَمِيٍّ عَلَى عَرَبِيٍّ وَلَا لِأَحْمَرَ عَلَى أَسْوَدَ وَلَا أَسْوَدَ عَلَى أَحْمَرَ إِلَّا بِالتَّقْوَى»

ژباړه: اې خلکو! پوه شئ چې رب او پالونکی مو یو دی، پلار مو یو دی، نه عرب پر عجم غوره دي او نه عجم پر عرب، نه سور په تور غوره دی او نه تور په سور؛ مګر په تقوا کې.

۲- دولت یې له لاسه ورکړ؛ هغه دولت چې د عقیدې ښکارندوی يې . مسلمانانو د خپلې عقيدې له جنس څخه دولت درلود او د الله سبحانه و تعالی پر شریعت به يې حکم کاوه، د دښمن برید يې دفع کاوه، خپلې چارې به يې تنظیمولې، اسلام به يې نورو ملتونو ته رساوه؛ خو اوس  د کوچنیو ملي دولتونو تر حاکمیت او کفري وطنپالنې لاندې راغلي او پردي نظامونه، چې له عقيدې څخه یې نه دي، پرې پلې کېږي. همدارنګه اساسي قانون يې ښکيلاګرو کفارو جوړ کړی دی. حاکمیت نه لري، او داسې هېوادونه دي چې د نورو تر واک لاندې دي او حکام يې د استعمارګرو کفري دولتونو نانځکې دي.

په ختيځ او لوېديځ کې د سیاسي نظام په لټه کې یو؛ داسې لکه چې همدا نن نړۍ ته راغلي وو او دولت نه لرو، په داسې حال کې چې له زرو کلونو يې ډېر په نړۍ حاکمیت کړی دی.

۳- ډېری اسلامي خاورې يې له لاسه ورکړې؛ په سر کې فلسطین د کفارو لاس ته ورغی. د خلافت له سقوط سره، ډېری اسلامي خاورې د کفارو په لاس سقوط شوې او ځواک يې کفارو په لاس کې واخیست. فلسطین لومړنۍ قبله او د نبي الامین اسراء د غاصب یهود په لاس سقوط وکړ، هلته يې په ښکاره د ځان لپاره دولت جوړ کړ او د کفري استعمارګرو دولتونو په زور یې تقویه کړ؛ غلامو حکامو هم له هغه څخه ملاټر وکړ.

همدارنگه کشمیر، شیشان، بوسني، هرزګوین، افغانستان، عراق او نورې اسلامي خاورې اشغال شوې، هر ورځ کفار زموږ یوه خاوره اشغالوي. خپله وېښتیا مو د دې سبب کېږي چې زموږ زړونه د یادو پېښو له امله وځورېږي او څوک چې لا هم ویده دي، هغه بله فاجعه ده.

۴- پانګه او خپل شته يې له لاسه ورکړل؛ اسلامي امت چې الله سبحانه وتعالی ډېر نعمتونه ورکړي، له فقر او محرومیت څخه ځوریږي، په داسې حال کې چې پانګه يې د استعمارګرو کفارو په لاس کې ده او د خپلو شرکتونو او جعلې قراردادونو په وسیله هغه پانګه لوټوي او یا يې غلام حکام د خیالي معاملاتو، څوکۍ ساتلو په مقابل کې ډالۍ کوي؛ خلک د اسلامي خاورو پانګه په سترګو نه ويني.

۵- وینه او کرامت يې له لاسه ورکړ؛ هره ورځ په ډېری اسلامي خاورو کې د مسلمانانو وینه د کفارو په لاس تويېږي، پرته له دې چې کوم جرم تر سره کړي، څومره وژنې، کډوالۍ او د خپلو وروڼو شکنجې مو په میانمار، شیشان، کشمیر، فلسطین، بوسني، هرزګوين، شام، عراق، افغانستان او نورو اسلامي خاورو کې لیدلي او اورېدلي دي!؟ ان مسلمانان په غربي هېوادونو کې له وژنو په امن نه دي؛ په نیوزیلنډ کې د مسلمانانو عاموژنه، د صليبيانو د کينې ښه بېلګه ده او د حیرانتیا وړ هم نه ده. اوس موږ د هغو يتیمانو په څېر یو چې واک مو له نادانانو سره دی.

۶- دین او عقیده يې له لاسه ورکړه؛ وروسته د خلافت له سقوط، اسلام په اسلامي خاورو کې  له حکم او حکومتولۍ لرې شو، د جومات په کونج، فردي او اخلاقي اعمالو کې محدود شو او له دې پرته نور څه ته  اجازه نه ورکوي. هره ورځ مزدور کفار، حکام او د غربي ثقافت ملاتړي، ټول هڅه کوي، چې له دين او علماوو سره مبارزه وکړي او د دعوت حاملین بندي کړي، همدارنګه د سیکولاریزم او د هغه د عناصرو لپاره کار کوي؛ لکه څرنګه چې دغه وضعیت په سعودي او نورو خاورو کې جریان لري، غربي ارزښتونه او مفاهیم لکه؛ ډیموکراسي، مدني دولتونه ترویج کېږي، د دې لپاره چې د اسلام، مفاهیمو او دولت ځای ناستي شي. په کفري دولتونو کې هره ورځ د اسلام دښمنان خپله جګړه د اسلام، پیغمبر او اسلامي کتابونو پر وړاندې کوي؛ څومره تکراري توهین او مسخرې مو د پیامبر صلی الله علیه وسلم په اړه اورېدلې وې او څومره صحنې به مو ليدلې وي چې کفارو قران کریم سوځولی دی!؟ پر اسلام څومره یرغلونه شوي او په تروریزم متهم دی. د اسلام پر ضد ډېری تړونونه او په غربي هېوادونو کې  د جوماتونو او اسلامي مرکزونو د تړلو هڅې شوې دي. پر مسلمانانو د سیکولاریستي ارزښتونو تحمیلول، د دې لپاره  چې مسلمانان په کفري ټولنو کې مدغم کړي او کفري قوانین پرې تطبیق کړي، دومداره هڅې کېږي. لکه په فرانسه او چین کې  بیا د اویغور مسلمانانو په حق کې داسې ظلم کېږي.  نور کفري دولتونه هم د اسلام او مسلمامانانو پر وړاندې جګړه کوي، چې هغه هم اورو او وینو.

پایله: د یوه مسلمان په توګه باید له ځان پوښتنه وکړو، که دولت او خلیفه مو لرلی، چې زموږ چارې رعایت کړي، د دوښمن مخه ډپ او له اسلامي خاورې د هر حېرص پر وړاندې ملاتړ يې کولی، ایا د اوسني ظلم، قتل او د دښمنانو له یرغل څخه به ځورېدلی.

ایا زموږ پر ضد يې جرات کولی شوای؟ یا يې د یرغل په اړه فکر کولی شوای، په داسې حال کې چې پوهېدلی  چې پر یوه مسلمان یرغل، د ټولو مسلمانانو پر وړاندې د جګړې اعلان دی!؟

اې مسلمانانو! په تاسو ټولو واجب ده، چې د خپل دین د حاکمیت لپاره، له خپلو ناتوانه وروڼو او له رسول الله صلی الله علیه وسلم سره یاري وکړئ؛ د دغه کار لپاره له حزب التحریر سره  یوځای شئ، چې د خلافت دولت، چې اسلام پلی کوي او دین د خیر او هدایت په توګه نړیوالو ته لېږدوي، تاسیس کړي. هغه دولت چې د سید مخلوقاتو زیرۍ  دی او په دغه کار کې د دنیا او اخرت خیر نغښتی دی.  د اسلام د حاکمیت وخت را نیږدې شوی وروسته له دې چې پانګوال نظام په خپل مرکز کې سقوط وکړ او وروسته له دې چې بد بوی يې ټول ځای ونیو اوس د الله سبحانه و تعالی په اذن سره د هغه د پای وخت را نیږدې شوی دی.

الله سبحانه و تعالی فرمایلي دي: 

﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً﴾ [النور:55]

ژباړه: الله سبحانه و تعالی هغو کسانو ته چې ایمان يې راوړی او غوره کړنې ترسره کړي، ژمنه ورکوي چې هغوی به د ځمکې حاکمان کړي، لکه څرنګه يې چې مخکې نسلونو ته خلافت ورکړ. د هغوی لپاره به دین پر محکمو بنسټونو ودروي، چې الله سبحانه و تعالی ورته خوښ کړی دی. د وېرې حالت به په امن بدل کړي. هغوی دې زما بنده ګي کوي او زما سره دې کوم شی نه شریکوي او څوک چې له دې وروسته کفر غوره کړي، نو همداسې کسان فاسقان دي.

#أقيموا_الخلافة
#ReturnTheKhilafah

خلافت تاسیس کړئ#

لیکوال: محمد طرموش

د حزب التحریرـ ولایه یمن مطبوعاتي دفتر له خوا د مرکزي دفتر راډیو ته

ژباړن: الهام پردېس

 

د مطلب ادامه...

خلافت بیا تاسیسوو، خپلو جوماتونو او مقدساتو ته له سره ژوند ورکوو او کفر پر خپل ځای کېنوو!

  • خپور شوی په سیاسي

(ژباړه)

په نړۍ کې میليونونو کسانو د یوه کال په موده کې له نړيوالو او داخلي رسنیو څخه، د حاکمو نظامونو، نهادونو او صحي وزارتونو واقعیتونه لیدلي او د ماتې شاهدان يې دي. د دغو نهادونو په سر کې د روغتیا نړيوال سازمان دی. د کرونا وبا پر وړاندې د مقاماتو او مسوولینو ماتې، چې زرګونه کسان يې مړه کړل، سیاسي  او سازماني بې غوري، د مړينو چټک زیاتېدل، د صحي تجهیزاتو کمښت او د حل موندې ورو حرکت، خلک سخت اندېښمن کړي دي. خو دغه ماتې هېڅ د حېرانتیا وړ نه ده؛ ځکه بشر د ژوند په  ایماني، سیاسي، اقتصادي، ټولینزو، پوهنیزو، خدماتي او صحي  برخو  کې، د سقوط په حال کې دی. روغتیايي برخه هم په ټولنه کې د نورو برخو په څېر په نړيوال نظام کې، د یوه بازار په څېر ده، چې واکسین، دارو او خوراکي مواد پکې پلورل کېږي. لکه څنګه چې بیولوژيکي او د تحقیقاتي وسلو فابریکې، په سخت حالت کې د بشریت په وژلو کې لومړی ځای خپل کړی. دغه جنایت په داسې حال کې تر سره کېږي، چې نړۍ په علمي او ټکنالوژيکي ډګر کې پرمختګ کړی دی. وروسته له هغې چې اسلامي خلافت په ۱۳۴۲ هـ.ق کال د رجب په ۲۸ مه، چې د ۱۹۲۴م، د مارچ له درېیمه سره برابره ده، سقوط وکړ او په سلو کلونو کې د پانګوال نظام په پلي کولو سره، دغه ډول پېښې د بشر او امت لپاره یو طبیعی امر دی.

  د نړۍ پر رهبرانو د پوره باور نه شتون، نا امني  او د داسې حاکم نه شتون، چې د خلکو امور سرپرستي کړي، داسې  یوه صحنه ده، چې مسلمانان يې هره ورځ ګوري. مخکې له دې چې الله سبحانه وتعالی کرونا وبا راولي، اسلامي امت له دې څخه په سختو او خطرناکو بلاوو او مصیبتونو کې ګیر دی. ټولشموله او واقعي وبا د مسلمانانو لپاره دا ده، چې په خپله خاوره کې يې کفري نظامونه پلي کېږي، د داسې کسانو غلامان شوي، چې مصیبتونه او بلاوې پرې راولي. په داسې حال کې چې اسلام د ژوند اړوند هېڅ څه نه دي پټ کړي، خو دا چې هغه يې ښکاره کړي؛ لکه څرنګه چې الله سبحانه وتعالی ټول شرعي احکام په فرد، ټولنه او دولت پوري تړاو لري، نازل کړي، څو بشر باثباته او ارام ژوند ولري. هغه څه چې یوازې حکام یې باید وکړي دا دي چې قران کریم او د رسول الله صلی الله علیه وسلم سنتو ته مراجعه وکړي. دغه راز لارښوونه ورته کوي چې څرنګه له مصیبتونو سره مبارزه وکړي. له غرب سره د اسلامي خاورو هېوادونو وفاداري د دې لامل شوې، چې مسلمانان منحط کړي. دغه ډول پېښې د پانګوال نظام اصلي څېره ده، دا هغه اېډیالوژي ده چې پر نړۍ د ګډ سياسي او مادي ګټې پر اساس حاکمیت کوي. دغه راز د انسان ژوند ته هېڅ راز ارزښت نه ورکوي؛ ریا، نفاق، بې عدالتي، ظلم او دېته ورته معیارونه او خطرناکه لارې چارې یې په مسلمانانو کې عامې کړي دي.

په اسلامي خاورو کې حاکم سیکولار مشران او نظامونه یې د ښکېلاکګرو په مرسته او له کرونا وبا څخه په استفادې د اسلام پر وړاندې خپلې جګړې ته لار شدت ورکوي. د نړيوالو کفري سازمانونو او روغتیا نړيوال سازمان د لارښوونو له مخې په ټوله نړۍ کې مسلمانان د جمعې له لمانځه منع شوي. تر هغه ځایه چې د جوماتونو ملا امامان يې نیولي او لمونځ کوونکي يې وهلي او ډبولي دي. په اشغال شوي فلسطین کې يې الاقصی جومات بند کړ او مسلمانان له لمونځ کولو محروم شول. په داسې حال کې چې دروازې يې د یهودیانو او سیل کوونکو پر مخ پرانيستې دي. همدارنګه په مصر او تونس کې هم مسلمانان د جمعې لمانځه ته د تللو پر مهال له وهلو او شکنجې په امن کې پاتې نه شول.  

دغو مفسدینو جوماتونه بند کړي، په داسې حال کې چې فساد کوونکي په ډاډه زړه خپل فساد ته دوام ورکوي. دغه راز بازارونه، تجارتي مرکزونه، بانکونه او رسټورانټونه فعالیت کوي. دغه نظامونه اجازه ورکوي، چې لوی دولتي فعالیتونه او کنفرانسونه جوړ شي، پرته له دې چې د وبا د مخنیوي لپاره يې څه کړي وي. هغوی غواړي چې مسلمانان له خپل دين څخه لرې کړي او د لمانځه حلقه وشلوي. جوماتونه بند کړي، لمونځ کوونکي وځوروي او غواړي په دې ډول خپله توطیه په ډاګه کړي. ځک له هغه وخته د فلسطین مبارکه خاوره او الاقصی لومړنۍ قبله او درېیم حرم اشغال شوی. ځکه چې هغه وخته د بما انزل الله حاکمیت او اسلامي دولت سقوط وکړ او د مسلمانانو حالت خراب شو؛ هغه څه چې الله سبحانه وتعالی نازل کړي وو او هغه دولت چې اسلام یې پلی کاوه، له منځه لاړ.

له ابو امامه رضی الله عنه څخه روایت دی چې رسول الله صلی الله علیه وسلم فرمايلي دي:

«لَتُنْتَقَضَنَّ عُرَى الْإِسْلَامِ عُرْوَةً عُرْوَةً، فَكُلَّمَا انْتَقَضَتْ عُرْوَةٌ تَشَبَّثَ النَّاسُ بِالَّتِي تَلِيهَا، وَأَوَّلُهُنَّ نَقْضًا الْحُكْمُ وَآخِرُهُنَّ الصَّلَاةُ» (رواه ابن حبان في صحيح)

ژباړه: د اسلام حلقې يو پر بل پسې شلېږي، هر کله چې یوه حلقه وشلېږي، خلک پر بله منګولې لګوي، لومړۍ حلقه چې وشلېده د اسلام حاکمیت و او وروستۍ يې لمونځ دی.

که څه هم میلیونونه مسلمانان په نړۍ کې ژوند کوي، خو بیا هم مکي حرم  له لمونځ کوونکو خالي دی، د جماعت او جمعې لمونځ نه اداکېږي، د مکې دروازه د مسلمانانو پر مخ تړل شوې ده، چې دا د مسلمانانو لپاره تر ټولو بد حالت دی. دا هغه څه دي چې د خلیفه پر نشت دلالت کوي. څوک چې د اسلام او د هغه د شعایرو لپاره، په ورته حالاتو کې پاڅون کوي. مسلمانانو نور د اسلامي خلافت نشت درک کړی دی. هغه دولت چې مسلمانانو ته وحدت وربښي او له الله سبحانه وتعالی څخه د مسلمانانو په اړه وېره لري. دغه راز د امورو سرپرستي، له عقایدو یې دفاع، له ذهنونو، بدن، خاورو او پانګو څخه يې هر اړخیزه ساتنه کوي.

د خلافت او د بما انزل الله تعالی له حاکمیت پرته، کفار پر نړۍ حاکم شوي او پرته د مسلمانانو له خلیفه، ځواکمن دولت او ځواکمنې اردو له سر خوږي حکومت کوي. اسلامي امت یو واحد امت دی، خو نن وخت يې وحدت یو دولت نه شي تمثیلولی. پر هغه واحد خلیفه چې یوازې اسلام پلی کوي، حکومت نه کوي. له همدې امله اسلامي امت، سیاسي، اقتصادي او نظامي پرېکړې نه شي کولی. د مسلمانانو دښمنان، د اسلامي خاورو د بېلولو، د مسلمانانو له وژلو او کډوالو څخه لاس نه اخلي، تر دې پورې چې مسلمانان يې مجبور کړي، چې کفري هېوادونو ته کډوال شي، لکه؛ د سوريې، اشغال شوي فلسطین، افغانستان، چیچین، عراق، کشمیر، هند، افریقا، مصر، سوډان، لیبيا، قبرس او اندلس مسلمانان. دغه راز مسلمانان په دغو خاورو کې بې چاره او کمزوري دي. استعمارګر کفار د تړونونو، خاینانه هوکړو، استعماري فرعی او اساسي قوانینو په وسیله پرې حاکم شوي دي. مسلمانان بېوزله شوي، په داسې حال کې چې خپله د ډېرو پانګو مالکان دي. پر حیثیت يې لوبې کېږی، په داسې حال کې چې خپله عفت او پاکي لري. د دین او دنیا په چارو کې غافل او جاهل شوي دي، خو خپله د علومو، فنونو، روغتیا، ریاضیاتو او نجوم برخو بنسټګر دي. ذلیل او حقیر دي، په داسې حال کې چې نیکونه يې فاتحان او مجاهدین وو؛  نیکونه يې هغه کسان وو چې په خپلو وینو يې دنیا وګټله او د تاریخ په لویه برخه (د خلافت په زرین  او فعال اسلامي ژوند کې) پر نړۍ حاکم وو؛. هو! د مسلمانانو د ژغورنې یوازینۍ لار دا ده چې بېرته اسلامي خلافت تاسیس کړي، څو چې اسلامي امت ته بېرته ژوند ورکړي، امت واحد شي او دولت يې راشي، چې له دې سره به الله سبحانه وتعالی راضي شي.  دا هغه څه دي چې هر فعال مسلمان يې باید وکړي.

الله سبحانه وتعالی فرمایلي دي:

 ﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ﴾

[سورة الأنفال: 24].

ژباړه: اې! هغو کسانو چې ایمان مو راوړی؛ د الله سبحانه وتعالی او پیغمبر صلی الله علیه وسلم دعوت ومنئ، کله چې تاسو ته د هغه شي په لوري بلنه درکړي، چې تاسو ته ژوند درکوي.  پوه شئ چې الله سبحانه وتعالی د انسان او د هغه د زړه تر منځ حایل دی او د قیامت په ورځ به د هماغه لوري ته ورغونډ شئ.


لیکونکی: غادة محمد حمدي – ولاية السوډان

ژباړن: الهام پردېس

د مطلب ادامه...

اصلي ستونزه د حزب‌التحریر په فعالیت کې نه؛ بلکې د افغانستان په قوانینو کې ده

د افغانستان د ولسمشر لومړي مرستیال ویلي: «حزب التحریر له عدلیې وزارت سره ثبت نه دی. نو دا حزب چې ترڅو ثبت شوی نه وي، د غونډو او تبلیغ حق نه لري.» همدارنګه هغه یادونه کړې، چې د افغانستان دولت حزب‌التحریر په رسمیت نه پېژني او د دغې ډلې له ادرسه هر ډول فعالیت ناقانونه دی، چې ډېر ژر به د دغه حزب له غړو سره د چلن د څرنګوالي پر پالیسۍ بحث او خبرې وشي.

د حزب التحریر ـ ولایه افغانستان مطبوعاتي دفتر د دغو خبرو په اړه د لاندې ټکو یادونه کوي:

د افغانستان دولت د حزبونو د ثبت لپاره په عدلیې وزارت کې د «اساسي قانون» او «حزبونو قانون» منل یو اساس ګڼي. دا قوانین هم له واقعیت سره جوړ نه دي او هم د اسلام له احکامو سره په ټکر کې دي. پر دې سربېره په نافذو قوانینو کې دا هم یو شرط دی، چې حزبونه باید په افغانستان کې دننه محدود وي. په داسې حال کې چې اسلام ټول اسلامي امت ته د یو واحد امت او مومنانو ته د وروڼو خطاب کوي او پر دې سربېره یې د امت یووالی د خلافت دولت په چوکاټ کې پر مسلمانانو واجب کړی دی. نو د اوسنیو استعماري پولو په چوکاټ کې د مسلمانانو یووالی او د اسلام پلي کول امکان نه لري او دې مسئلې د حزب ثبت او راجسترول ناشوني کړي دي. 

په داسې حال کې چې ډېرو ډیموکراتیکو حزبونو او بنسټونو ټول هغه قوانین تر پښو لاندې کړي، چې اوس یې د حزب التحریر د راجستر کولو لپاره د قانوني خنډونو په توګه رامخې ته کړي دي؛ خو لوړ پوړو چارواکو هېڅکله د هغوی پر وړاندې دا ډول غبرګون نه دی ښودلی. د بېلګې په توګه؛ په قانون کې راغلي چې ډلې باید بهرنۍ سرچینې ونه لري یا دا چې حزبونه نه شي کولی چې تر پولو واوړي؛ په داسې حال کې چې په افغانستان کې داسې سیاسي حزبونه او مدني بنسټونه شته چې په منظم ډول له پولو بهر غربي بنسټونو سره په اړیکه کې دي. له هغوی څخه امر اخلي، هغوی ته راپور ورکوي او هغوی یې تمویل او لارښوونه کوي.

د افغانستان دولت او خلک باید پوه شي، چې د حزب التحریر هېڅ فعالیت له اسلام سره په ټکر کې نه دی. دا د افغانستان د قوانینو ستونزه ده، چې پر شرعي استنباط او تقنین ولاړ نه دي او د هغو له مخې د اسلامي حزبونو فعالیت له ستونزې سره مخ کېږي او برعکس ډیموکراتیک او د افغانستان د خلکو د عقیدې خلاف حزبونه په ازاده توګه د هغو تر چتر لاندې فعالیت کوي. نو حللاره دا ده، چې د افغانستان دولت دې د خپلو قوانینو اساس د ډیموکراسۍ پر ځای په مطلق ډول په اسلام بدل کړي او د حزبونو د فعالیت په ګډون ټول واقعیتونه باید د شرعي اجتهاد له لارې د اسلام د سرچینو (قرآن، سنتو، د اصحابو اجماع او قیاس) پر اساس معالجه کړي. که څه هم دا کړنه په دولت-ملت او ډیموکراټیکو نظامونو کې امکان نه لري. یا دا چې د ځینو نورو هېوادونو په څېر د سیاسي حزبونو د فعالیت لپاره عدلیې وزارت ته یوازې خبر ورکول کافي وګڼي، په دغه حالت کې به حزب راجستر شي او ښکاره او رسمي دفترونه به ولري. دا حالت په ځینو هېوادونو کې شته او حزب هلته خپل ځان ثبت کړی دی. د یادونې وړ ده چې د افغانستان په تاریخ کې د حزبونو نه ثبتول بې‌ مخینې نه دی، لکه څنګه چې جهادي حزبونو د شوروي پر وړاندې د جهاد پر مهال د وخت له کمونېستي رژیم څخه د فعالیت جواز نه و اخیستی، ځکه چې د دوی فعالیت په اسلام کې رېښه درلوده او جواز اخیستو او ثبت ته یې اړتیا نه لرله. 

یو ځل بیا یادونه کوو چې حزب‌التحریر یو سیاسي حزب دی، چې په نړیواله کچه کار کوي او له امت سره یو ځای د خلافت د تاسیس او الله سبحانه وتعالی د دین د حاکمیت لپاره مبارزه کوي. د حزب‌التحریر د فعالیت طریقه فکري او سیاسي ده او هر ډول ډيموکراټيک، مادي او د تاوتریخوالي فعالیت د خپلې مبارزې په طریقه کې ردوي. حزب‌التحریر د الله سبحانه وتعالی دغه قول ته په ځواب ویلو سره تاسیس شوی دی:

﴿وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ ۚ ﴾ [آل عمران: ١٠٤] 

 باید په تاسو کې یوه ډله خیر (ټول اسلام) ته دعوت او پر معروف امر او له منکر څخه منع وکړي!

نو په پای کې حزب‌التحریر خپل مشروعیت د الله سبحانه‌وتعالی له دغه حکم څخه اخیستی دی؛ ځکه د اسلام د پلي کولو او خلافت دولت د تاسیس لپاره مبارزه د الله سبحانه وتعالی یو حکم دی، چې  پر ټولو مسلمانانو فرض دی او د هغه لپاره کار او فعالیت د جمهوري او سیکولر دولتونو د قوانینو اجازې ته اړتیا نه لري. همدارنګه حزب یوه «مجهوله» ډله نه ده، بلکې تر شپږو لسیزو زیاته د مبارزې تجربه لري او د نړۍ په ۶۰ هېوادونو کې فکري او سیاسي فعالیت لري.

د حزب‌التحریر - ولایه افغانستان مطبوعاتي دفتر

د مطلب ادامه...

« ای مسلمانانو، خلافت بیا تاسیس کړئ!» دا کمپاین د تونس د کافر اشغال پر وړاندې پیل شوی دی، نو ولې د امت د امنیتي ځواکونو زامن دغه دعوتګر نیسي؟!

  • خپور شوی په تونس

د رجب په لومړۍ نېټه حزب التحریر د اسلامي خلافت د نړېدو په مناسبت کمپاین پیل کړ، په دغه کمپاین کې حزب د «ای مسلمانانو، خلافت بیا تاسیس کړئ!» تر عنوان لاندې پر ټولو مسلمانانو غږ کوي چې خلافت بیا تاسیس کړئ. کله چې د حزب التحریر غړو هر یو لکه: عفیف خلیف او عمر احمد غوښتل چې د سفکس په ښار کې د کمپاین تر سرلیک لاندې بینر ځړول، د پولیسو یو موټر را غللو او امنیتي ځواکونو د دوی د سیاسي فعالیت مخه ونیوله. په زور یې د سکایت ایزیت ښار ګوټي امنیتي حوزې ته بوتلل.

دوی د نیولو پر مهال له عفیف ورور سره بد سلوک وکړ، په داسې حال کې چې ده خپل طبیعي حق او قانوني مکلفیت ترسره کاوه چې د اسلامي قدرت حاکمیت و. د هغو خلکو د نومونو له تحقیق وروسته چې دا اعلانات یې کول د وکیل په حضور کې یو راپور جوړ شو. زموږ دوه وروڼه ازاد شول او عفیف ورور د درملنې لپاره روغتون ته یوړل شو. موږ د حزب التحریر-ولایه تونس غړي، لکه څنګه چې موږ د رسمي سیاسي طبقې او شخصیتونو تړاو له اشغال سره ښکاره کوو او له دوی څخه غواړو چې د امت او دهغه له مسایلو سره په څنګ کې ودریږي. موږ د ځینو سر تېرو رتبو ته حیران یو چې تر اوسه  یې هم غوږ نیولی دی او پرته له دې چې خپلې عقیدې ته وګوري او د الله سبحانه و تعالی او رسول الله صلی الله علیه وسلم له مومنانو سره یو ځای شي او پر ښو کارونو امر وکړي او له بدیو څخه منع، دوی د نورو اوامر پلي کوي.

سره له دې چې، د سیاستمدارانو پر خیانت دوی ټول پوهېږي او همدا سیاستمداران د هیواد د بدبختۍ اصلي لامل دي. سره له دې چې، د دې سیاستمدارانو د اوامرو په پایله کې دوی بې عزته کیږي. یو له هغې څخه په دا وروستیو لاریونو کې د دوی سپکاوی و. چې د ظالم بن علي فرار یې تر ټولو وروستۍ پېښه وه.

ايا دوی نه پوهیږي چې دا د اشغال اوامر چې د دوی د سیاستمدارانو او ځینو کادرونو له خوا دوی ته رسیږي دوی د دښمن د لاس اله ګرځوي، دوی یې له خلکو څخه جلا کوي او دریځ یې راټیټوي؟ ایا دوی نه پوهیږي چې الله سبحانه وتعالی به د قیامت په ورځ له دوی څخه د هغه څه پوښتنه وکړي چې په دغه موقف کې یې کړي وو؟ د دوی باداران به دوی دروغجن وګڼي.

[إِذْ تَبَرَّأَ الَّذِينَ اتُّبِعُواْ مِنَ الَّذِينَ اتَّبَعُواْ]

ژباړه: «کله چې هغه سزا ورکړي، په هغه وخت کې به حالت داسې وي چې هماغه مشران او رهبران چې به دنیا کې یې پیروي کیدله، له خپلو پیروانو څخه به بېزاري څرګنده کړي.» [بقرة: ۱۶۶]

ایا دوی نه پوهیږي چې په دغه دعوت کې کړاو یوازې د حزب التحریر استحکام او قوت ډېروي. د الله سبحانه وتعالی په لار کې نیول او زنداني کیدل د حزب د غړو په شخصیت کې عزم او ډاډ حک کوي. د دوی اخلاص لوړوي د بې عدالتۍ پر وړاندې د دوی مبارزه پیاوړې کوي او د خلکو د راتلونکې د رهبري کولو لپاره د دوی ثبات نور هم ټینګوي؟

«اي مسلمانانو، خلافت بیا تاسیس کړئ» دا د حزب التحریر له لوري ټولو مسلمانانو ته یو رښتینۍ پیغام دی چې خلافت بیا تاسیس کړئ او خپل ژوند ته د اسلامي نظام په چوکاټ کې ادامه ور کړئ. په دغه دعوت کې د امنیتي او نظامي ځواکونو مقام لومړی دی، ځکه چې دوی زموږ اهل قدرت او د سلاح حاملین دي، نو دوی باید د حق په صف کې وي او د واکمنانو خیانت یې رد کړي د الله سبحانه و تعالی دا قول ولولئ:

[أَرَأَيْتَ الَّذِي يَنْهَى * عَبْدًا إِذَا صَلَّى * أَرَأَيْتَ إِن كَانَ عَلَى الْهُدَى * أَوْ أَمَرَ بِالتَّقْوَى]

ژباړه: «ایا ته نه ګورې هغه څوک چې منع کوي* د یوه بنده (منع کوي) کله چې هغه لمونځ کوي* ستا څه ګومان دی که (هغه بنده) په سمه لاره وي* یا د پرهېزکارۍ حُکم کوي» [علق: ۱۲]

نو لکه څرنګه چې ابوجهل ماتې وخوړله او د رسول الله صلی الله علیه وسلم دعوت کامیاب شو، همداسي به د خلافت دعوت کامیاب شي او ټول هغه کسان چې له دې سره دښمني کوي مات شي. رسول الله صلی الله علیه وسلم فرمایي: «...او بیا به د نبوت پر منهج راشده خلافت وي».

#أقيموا_الخلافة
#ReturnTheKhilafah
#YenidenHilafet
#خلافت_بیا_تاسیسړئ

د حزب التحریر-ولایه تونس مطبوعاتي دفتر

 

د مطلب ادامه...

د یو دعوتګر مړینه

  • خپور شوی په فلسطین

(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ
وَمِنْهُمْ مَنْ يَنْتَظِرُ وَمَا بَدَّلُوا تَبْدِيلاً)
ژباړه: «له مومنانو څخه ځينې داسې شخصیتونه شته چې له الله سبحانه و تعالی سره یې کړې ژمنه رښتیا کړې ده: له هغو څخه چا خپل نذر پوره کړ او څوک د وخت راتلو ته انتظار باسي. هغوی په خپله کړنلاره کې هېڅ بدلون رانه وړ.» [احزاب: ۲۳]

حزب التحریر د فلسطین په سپېڅلې خاوره کې د خپل یو رښتیني غړي په مړینه ډېر خواشینی دی:

شیخ عطاء الله طه صالح ریا ـ (ابو طه)

چې خپل روح یې د ۲۰۲۱م کال، د فبرورۍ په ۱۶مه په بیت المقدس کې خپل خالق ته وسپاره، هغه په ژوند کې د الله سبحانه و تعالی او د هغه د رسول صلی الله علیه وسلم په پيروۍ او د دعوت په لاره کې اسلام ته وفادار پاتې شو.

مرحوم یو له باخبره غړو څخه و، موږ هغه ته د خپل رب څخه بښنه او د اسمان او ځمکې په اندازه جنت غواړو. هغه د حزب التحریر سره دعوت پر مخ بېولو او د حق پیاوړی مدافع و، د ظالمانو پر وړاندې کلک ولاړ و او د الله سبحانه و تعالی په لاره کې د خلکو له ملامتیا نه وېرېده، د خلکو تر منځ د پخلاینې او ښېګڼې په لټه کې و، چې ډېری جوماتونه د هغه د خبرو شاهد دي. لکه څنګه چې له هغه څخه داسې ناسته پاتې نه شوه چې هغه د الله سبحانه و تعالی لوري ته خلک نه وي رابللي، په ښېګڼو یې امر کاوه او له بدیو څخه منع.

الله سبحانه و تعالی د زموږ پر ګران ورور ابو طه رحم وکړي، هغه تر وروستیو شېبو پورې له دعوتګرو سره مینه درلوده، روشنفکره او متواضع سړی و، چې دا یې له خپلو وروڼو سره په تیلفوني پيغام کې څرګند کړل، چې ویل یې:

«تاسو ماته ګران یی، زما وروڼه او زما د سر تاج یی او زه د الله سبحانه و تعالی شکر ادا کوم چې کله زه له دې نړۍ څخه لاړ شم، زه دا نړۍ داسې چا ته پرېږدم چې هغوی ټینګ عزم او ثابت ګامونه پورته کوي او زه ویاړم چې له دوی سره پېژنم او له دوی سره مې دعوت پر مخ وړلو.»

موږ له الله سبحانه و تعالی څخه غواړو چې پر خپل بنده رحم وکړي او هغه له انبیاوو، صدیقینو، شهداوو، صالحینو او غوره ملګرو سره یې جنت ته داخل کړي.

ټول په الله سبحانه و تعالی پورې اړه لري، چې څه ورکوي او څه اخلي. موږ د الله سبحانه و تعالی یو او هغه ته ورګرځو.

د فلسطین په سپېڅلې خاوره کې د حزب التحریر مطبوعاتي دفتر

 

 

د مطلب ادامه...

غربي تمدن او چټلۍ یې!

(ژباړه)


خبر:
 په ۲۰۲۱/۱/۱۲ نېټه د فرانسې لوفیګارو ورځپاڼې یو راپور خپور کړ چې په کې راغلي دي: «د فرانسې سنا مجلس په اکثريت رایو، یو قانون تصویب کړ چې اوس ۱۳کلن نجونې او هلکان د رضایت په صورت کې کولی شي جنسي اړیکې ټینګې کړي.  
تبصره:
غربي تمدن انسان د هلاکت کندې ته غورځولی او منحط کړی یې دی. دا په داسې حال کې ده چې د دوی حاکمان په اسلام او اسلامي ارزښتونو برید کوي، هغه ارزښتونه چې انسانان یې لوړو پوړیو ته رسولي او له بېلاریو یې ژغورلي دي. په غرب کې د نفس هوا، چې انسان بېلاریو ته رابولي، د حلالو او حرامو معیار ده. دغه راز د بې وزلو هېوادونو پانګه لوټول، اشغال او له هغوی سره تاوتریخوالی خپل حق بولي او د بشر حقونو ادعا هم کوي. په لومړۍ او دویمه نړیواله جګړه کې د لسګونو ملیونو انسانانو وژنه، د دې تمدن له ناوړه لاسته راوړنو څخه ده، چې زنا پکې قانوني مشروعیت اخیستی. نه یوازې دا، بلکه د کوچنيو ماشومانو جنسي اړیکې هم د دوی تر منځ تصویب شوې، تر هغه چې د رضایت پر اساس د  جنسي اړيکو  حقوقي عمر ديارلس کلونو ته را ښکته شو. ان همجنس بازانو په ځینو هیوادونو کې مشري کړې، د آیرلینډ، سربیا او لوګزامبورګ اوسني ولسمشران همجنس بازان دي. له دې مخکې د بلجیم او آیسلیند ولسمشران همجنسبازان وو. تېره ورځ د امریکا متحده ایالاتو د ترانسپورت نوي وزیر په ښکاره ډول اعلان وکړ، چې هغه همجنسباز  دی او خپل ملګری یې رسنیو ته ورښود!
دا نو څه ډول تمدن دی!؟ چې له جګړې، تباهي، جنایت، اشغال، کډوالۍ، ناروغۍ، زنا، همجنس بازۍ، د مخدره موادو قاچاق او ځان وژنې پرته بله لاسته راوړنه نه لري.

د غربي تمدن له واک ته رسېدو سره سم موږ له الله سبحانه وتعالی څخه غواړو چې د له منځه تلو توان یې راکړي. په دغه تمدن کې پر پاکلمنۍ برید وشو او د فساد لمن پراخه شوه او همدارنګه د ژوند معیارونه له منځه ولاړل او پردي شول. د لوط ع د قوم په څیر چې د عفت په وړاندې وجنګېدل د لوط (ع) او پیروانو پر وړاندې یې وویل: دوی له خپلې سیمې وباسئ ځکه دوی هغه څوک دي چې عفت او پاک لمني غواړي.
عاقلانو ته پکار ده، چې لاندې کړنو ته ورودانګي:
مسلمانان باید د الله سبحانه وتعالی له شریعت سره سم عمل وکړي اوپه کلک هوډ سره خپل مسوولیتونه تر سره کړي. غیر مسلمانان، په ځانګړي توګه هغه څوک چې په اسلامي خاورو کې اوسیږي ، د اهل کتابو (یهودیان او عیسویان)په ګډون باید غربي تمدن، مشران او اجیران یې پریږدي ، او خپلو پیروانو او خلکو ته یې پایلې او ضررونه روښانه کړي.
موږ د الله سبحانه وتعالی شکر ادا کوو، چې د اسلام په برکت سره، یې انسان راویښ کړ او د کمال درجې ته یې ورساوه، چې هغه تلپاتې او رښتینې خوښي ده.

یا الله! له موږ سره د اسلام په حاکمولو کې مرسته وکړې! موږ ته توان راکړې، چې باطل له منځه یوسو او هغه ژمنې ریښتیا کړې، چې تا موږ ته په ځمکه کې د خلیفه ګرځولو لپاره راکړې دي.

لیکوال: شيخ دوکتور محمد ابراهيم

د حزب التحریر ولایه – لبنان د مطبوعاتي دفتر رییس

ژباړن: محمد فاتح

 

د مطلب ادامه...

لویدیځ د خلافت د تاسیس په اړه!

  • خپور شوی په سیاسي

لورد کورزون د بریتانیا د بهرنیو چارو وزیر، چې د نوموړي د دندې پر مهال خلافت ونړول شو، وویل: «موږ نور د ترکیې مخه ونیوله او له دې وروسته به بیا هېڅکه هم خپل حال ته راونه ګرځي. ځکه چې موږ د دوی ځواک او توان ونړاوه او دغه قدرت په دوو څیزونو کې نغښتی و، لومړی اسلام او دویم خلافت.»

تېر شل کلونه د مسلمانانو لپاره داسې وو، چې د اسلام، مسلمانانو او پانګوالو هېوادونو تر منځ سیالیو پکې زور واخیست. دا ځکه چې په تېرو لسیزو کې اسلامي امت یوازې په ایدیولوژیک، روحي او فکري معلوماتو کې پلټنه کوله. که له ۱۹۹۰-۲۰۰۰کلونو ته پام وکړو نو د اسلام مبلغینو او نورو ډلو تر منځ د خلافت د بیا تاسیس د فرضیت په اړه بحثونه کېدل. اوس له شریعت څخه د سم درک وروسته، نه دا چې یوازې د خلافت بیا تاسیس د فرضیت په هکله خبرې کوي، بلکې په دې اړه هم بحث کوي، چې د خلافت بیا تاسیس باید د رسول الله صلی الله علیه وسلم په تګلاره وي. نور د ځینو اسلامي ډلو او عالمانو تر منځ د امت یووالي پر سر کوم شک نشته. دغه موضوع یو ځل بیا په اسلامي نړۍ کې په پراخه کچه د پام وړ ګرځېدلې، ځکه مسلمانانو پرېکړه کړې ده، چې یو ځل بیا په نړیواله کچه خلافت تاسیس کړي.

له بده مرغه اوس هم ځینې مسلمانان د سېکولرېزم او ډېموکراسۍ په ناوړه، درواغجنو او د روشنفکرۍ په پلیتو مفکورو باورمند دي او د اسلامي خلافت په بیا راتګ او د هغه په روښانه راتلونکي شک لري، په دې باور نه لري،  چې هغه دولت به یو ځل بیا اسلام په ټوله نړۍ کې حاکموي او عدالت به پکې رامنځته کوي. دغه راز د خلکو پام به ځانته راواړوي او د دوی ستونزې به بنیادي او له بشریت سره په همغږۍ حل کړي. د خلافت د بیا راتګ په اړه د دوی ګومانونه بېلابېل دلایل لري، لکه دوی وایي، چې دغه د مدیریت سیستم پخوانی او له وخته تېر دی، اوس په نوي عصر کې نه شي کولای، چې د بشر ستونزې حل کړي. مسلمانان کمزوري دي او نه شي کولای چې دا ډول پروژې عملي کړي. دا ډېموکراسي او ازادي ګانې یې نن ورځ ستونزې په ښه ډول حل کوي.

په داسې حال کې چې اوسمهال ټوله نړۍ د مسلمانانو او اسلام د بیا حاکمیت پر وړاندې یو موټی ده او د دوی ایډیولوژي جوړوونکي د نړۍ په کچه د اسلامي دولت د بیا راتګ د مخنیوي په اړه په ډاګه خبرې کوي. خو د دې برعکس زیاتره مسلمانان د اسلام په بیا حاکمیت باندې اېمان او باور لري او د حاکمېدو لپاره یې په چټکۍ سره هلې ځلې روانې کړې دي.

لاندې به زه ستاسو محترم حضور ته د اوسنیو لویدیځو رهبرانو او د دوی د ایدیولوژي جوړوونکو ځینې راپورونه، څېړنې، بیانونه او تشویشونه د خلافت د بیا راتګ په هکله وړاندې کړم.

لومړی: ویلادمیرپوتین؛ د روسیې ولسمشر په ۲۰۰۲م، کې وویل: نړیوال ترورېزم به د روسیې پر وړاندې جنګ اعلان کړي او د اسلامي دولت (خلافت) په تاسیس سره به له پاشل شویو هېوادونو څخه یو واحد دولت رامنځ ته کړي. نوموړي دغه خبرې په داسې حال کې وکړې، چې له تلویزیون سره یې په ژوندۍ بڼه د روسیې له دوو میلیونو خلکو څخه ۵۰ پوښتنو ته ځوابونه ورکاوه.

دویم: هنري کېسېنجر د ۲۰۰۴م، د نومبر په ۶مه په هند کې د هندوستان ټایمز په دویم کنفرانس کې پوځي مشرانو ته په وینا کې وویل: له داسې ترورونو وېره نه ده پکار، لکه څنګه مو چې د ۲۰۱۱م، د سپټمبر په میاشت کې ولیدل؛ بلکې خطر له بنیادي او افراطي اسلام څخه پکار دی، ځکه بنیادي مسلمانان معتدل مسلمانان نه خوښوي او بنیادګرایان غواړي، تر څو معتدل اسلام له منځه یوسي او د اسلامي دولت (خلافت) له لارې اسلام تطبیق کړي.

درېیم: د ۲۰۰۵م، د جنوري په ۱۵مه د  الحیات په نوم ورځ پاڼې یو راپور خپور کړ، چې د امریکا د رویټرز اژانس له خوا چاپ شوی و، په دغه راپور کې د نړۍ د پنځو لویو وچو د زرګونو متخصیصینو تر منځ د جلسې په اړه لیکل شوي و، چې تر ۲۰۲۰م، پورې د سناریو په هکله یې خبرې اترې او وړاندوېنې یې کړې وې. د راپور موخه دا وه چې تر څو له استخباراتي چارواکو او پالیسي جوړوونکو سره مرسته وکړي او دوی وکولای شي په راتلونکو کلونو کې د مخالفتونو مخنیوی وکړي. له راپور ښکاري چې باید تروریستي بریدونو ته په تمه واوسو. یاد راپور څلورو مهمو سناریوګانو ته اشاره کړې وه چې یوه یې په نړۍ کې د ځينو پېښو د برملا کولو لپاره او دری نورې یې د نوي خلافت د بیا راتګ د برملا کولو لپاره جوړې کړې وې. 

څلورم: ټوني بلېر د بریتانیا لومړي وزیر د ۲۰۰۵م، د اوومې میاشتې په شپاړسمه وویل: موږ له هغه حرکت سره مخالف یو، چې غواړي د اسرایلو دولت له منځه یوسي، غرب له اسلامي خارو څخه وباسي او یوازې یو اسلامي دولت جوړ کړي او دغه دولت به په اسلامي نړۍ کې د خلافت په وسیله شریعت پلی کړي. همدارنګه نوموړي د ۲۰۰۵م، په سپټمبر میاشت کې وویل: اوس له عراق څخه زموږ د ځواکونو  ایستل مناسب کار نه دی، ځکه ښایي په منځني ختیځ کې اسلامي خلافت تاسیس شي.

پنځم: چارلېس کلرک د بریتانیا د کورنیو چارو وزیر د ۲۰۰۵م، د اکتوبر په شپږمه یو پخواني انستیتیوت ته په خبرو کې وویل: نور به دلته د اسلامي خلافت د بیا راتګ په بحث خبرې نه کوو، لکه څنګه چې د اسلامي شریعت د تطبیق په اړه خبرو ته اړتیا نشته، په همدې توګه د خلافت د بیا تاسیس پر سر هم بحث ته اړتیا نه لیدل کېږي.

شپږم: جیورج بوش د ۲۰۰۵م، د نومبر په ۸مه په ولسمشرۍ ماڼۍ کې خلکو ته وویل: زه باور لرم چې که دوی یوازې د یو دولت د نظامي ځواک قدرت تر لاسه کړي، دوی به د اسلام پر پوره تطبیق باندې پیل وکړي. وروسته دوی کولای شي چې له سیمې څخه ټول میانه رو دولتونه پاک کړي او بیا کولای شي چې بنیادي اسلامي دولت یا امپراتوري رامنځ ته کړي او پراخوالی به یې له فرانسې څخه تر اندونیزیا پورې ورسېږي.

اووم: ډونالډ رمسفیلډ د امریکا د دفاع وزارت سکرتر د ۲۰۰۵م، د ډسمبر په ۵مه د جوهان هاپکېنز په پوهنتون کې زده کوونکو ته د عراق د راتلونکي وضعیت په اړه معلومات ورکول، نوموړي وویل: عراق به د راتلونکي اسلامي دولت (خلافت) د راتلو د پیل ځای وي. وروسته به دوی په منځني ختیځ باندې د واکمنېدو لپاره حرکت راوکړي او په اروپا، افریقا او اسیا کې به دا مشروع دولتونه له لوی ګواښ سره مخ کړي. دا د دوی پلان دی او دوی به دغه په ښکاره سره اعلان کړي. که چېرته موږ دغه لوبه وبایلو نو موږ به لویه غلطي کړې وي او که دا زده نه کړو، چې څنګه یو بل ته غوږ ونیسو او څنګه یو له بل څخه زده کړو. 

اتم: کارل وییک امریکایي څېړونکي د ۲۰۰۶م، د جنوري په ۱۴مه واشنګټن پوسټ ته په یوه اوږده راپور کې وویل: د اسلامي دولت (خلافت) بیا تاسیس د مسلمانانو تر منځ د بحث لومړۍ موضوع ګرځېدلې ده، چې د امریکا ولسمشر بوش هم خپل مخالفت ورسره څرګند کړ. نوموړي دېته اشاره وکړه چې حزب التحریر په بېلابېلو هېوادونو کې د دغه موخې (خلافت) د بیا تاسیس لپاره هڅې کوي.

نهم: ډاکټر القاديدي په تانزانیا کې بهرنی وګړی دی. په  ۲۰۰۵م کال د مې په ۱۷مه یې قطر کې یوې ورځپاڼې ته یوه مقاله لیکلې وه، چې عنوان یې (امریکایي عالمان ګومان کوي چې تر ۲۰۲۰م کال پورې به خلافت تاسیس شي) و. د یاد راپور په ۸۳مه پاڼه کې راغلي: په راتلونکو څو ورځو کې به د رابرټ لافون له خوا یو راپور نشر شي او عنوان به یې دا وي: (امریکایي استخباراتي چارواکي تر ۲۰۲۰م کال پورې راتلونکې څنګه ارزوي؟) نوموړي زیاته کړه، چې تر ۲۰۲۰م، پورې به سیاسي اسلام په ډېره پراخه او نړیواله کچه تاسیس شي. موږ ګومان کوو، چې اسلامي نژادي او وطنپرسته حرکتونه به سره یو  شي او داسې یو دولت به رامنځ ته کړي چې ملي سرحدونه به له منځه یوسي.

لسم: په اشغال شوي عراق کې د بین المللي اېتلاف مشر، ریچارډ مېیر وویل: د متحده ایالتونو پر وړاندې په نړیواله کچه د رادیکال اسلام خطر دی، ځکه دوی غواړي اسلامي خلافت تاسیس کړي او دوی په اوو هېوادونو کې شته دي. دغه راډیکالېزم په سیمه کې د عراق په پرتله ډېر پیاوړی هم دی. په هر حال همدارنګه دوی په عراق کې هم هڅې کوي او په عراق کې د امریکا پر وړاندې په فزیکي ډول غواړي جنګیالي راپورته کړي.

یوولسم: د فرانسې ولسمشر نیکولاس سرکوزي د ۲۰۰۷م، د اګیسټ په ۲۴مه وویل: دوی دغه احساسات نه لري چې په دولتي ادارو کې کار وکړي. دغه ټکر د افراط ګرایي ډلو لکه القاعدې کار دی، دوی پلان لري چې له اندویزیا څخه تر نایجیریا پورې یو واحد دولت (خلافت) تاسیس کړي او اوسنۍ ټولې ازادي ګانې او  نوښتونه له منځه یوسي او پر ځای یې خپل فکر حاکم کړي. که د دوی ځواکونه خپلو دغو ناوړه موخو ته ورسېدل نو له شک پرته به ۲۱مه پېړۍ د تېرې پېړۍ په پرتله ډېره له ستونزو ډکه وي، ځکه چې د دوی له سختو ایدیولوژیکي هڅو څخه په ډاګه معلومېږي.

دوولسم: نعمان حنیف د ۲۰۰۶م کال د جنوري په ۳۱مه د مېډیا مانیټور په وېب سایټ کې یوه مقاله خپره کړه، نوموړي په خپله مقاله کې د غرب او اسلام تر منځ د موخو او نظریو د قاطعیت په هکله خپل تشویش وړاندې کړی و. د نوموړي په خبره دغه جوش به یوې پایلې ته ورسېږي، غرب پرته له دې چې اسلامي  خلافت ته تسلیم نشي بل انتخاب نه لري. همدارنګه په مقاله کې راغلي وو، چې اسلامي خلافت د نړیوال سیستم لپاره یو لوی ګواښ دی. نوموړي زیاته کړې وه چې په بنیادي اسلامي حرکتونو کې د اسلامي خلافت د بیا تاسیس عقیده ډېره پیاوړې ده چې دغه عقیده د غرب د فردګرایۍ د مفکورې لپاره یو لوی ګواښ دی. ښایي د اسلامي حرکتونو تر منځ د خلافت د بیا تاسیس په اړه د دوی د سرچینو (قرآن او اسلامي تاریخ) تر منځ اختلاف موجود وي چې د خلافت بیا تاسیس لپاره جهاد وکړي که اصلاح راولي یا هم سیاسي فعالیتونه وکړي. له دغو ټولو اختلافونو سره سره بیا هم د دغو حرکتونو موخه یوه ده چې هغه د اسلامي دولت (خلافت) بیا تاسیس دی.

دیارلسم: د سپینې ماڼۍ دولتي وېب سايټ په ۲۰۰۶م، کې د جیورج بوش خبرې خپرې کړې وې، نوموړي ویلي و، چې بنیادګرایان غواړي د خلافت په نوم اسلامي دولت حاکم کړي. بیا غواړي چې د دغه دولت په واسطه خپله ایدیولوژي له اندونیزیا څخه تر هسپانیا پورې ورسوي. 

څوارلسم: ډونالډ رمسفېلډ د امریکا د دفاع وزارت سکرتر د خپلې خدای پامانۍ په وخت کې وویل: دوی غواړي چې میانه رو اسلامي دولتونه او حاکمان یې له منځه یوسي او پرځای یې اسلامي دولت (خلافت) بیا تاسیس کړي. 

پنځلسم:  نوح فېلډمن د هاروارډ پوهنتون قانونپوه په ۲۰۰۸م، کې یو کتاب چې نوم یې(د اسلامي دولت نړېدل او بیا تاسیس) و  چاپ کړ. نوموړي تایید کړه چې د اسلامي قانون حاکمیت یو ځل بیا حتمي دی، که څه هم مخکې نړول شوی دی؛ خو اوس بیا هم کولای شي چې اسلامي خلافت یې رهبري کړي.

أقيموا_الخلافة#
#ReturnTheKhilafah

خلافت تاسیس کړئ

د حزب التحریر مرکزي مطبوعاتي دفتر ته

لیکوال: فردوس سلیم زاده

 

 

 

د مطلب ادامه...

د امت د ماتیې لامل شرعي قوانینو ته شا کول دي

  • خپور شوی په سیاسي

موږ داسې یو امت یو چې د ژوند د هرې برخې د تنظیم لپاره یوه برنامه لرو. د الله سبحانه وتعالی په قول، ټول اسلامي امت د یوې کمې برخه په استثنا په ستراتېژیکو سیمو کې مېشت دی. خو د امت یوه برخه له لوږې ځورېږي، په داسې حال کې چې د امت یوه بله برخه په عیش عشرت او مزو کې ډوبه ده. په ځینو اسلامي خاورو باندې شپه او ورځ بمونه ورېږي، هېڅ داسې ځای به پیدا نه شي چې هلته د ډېر وخت لپاره بم نه وي لوېدلی او په ځینو نورو خاورو باندې بیا د اسلامي خاورو د چارواکو له خوا په قصدي ډول بمبار کېږي. دوی کولای شي چې دغه اور مړ کړي. دا د نویو تاوتریخوالو یوه برخه وه، چې پورته مو ذکر کړل.

له ژوند څخه د سیاسي اسلام له بېلوالي سره سم مسلمانانو نه یوازې دا چې له خپلو سرچینو څخه بې برخې شول، بلکې مهمه دا ده چې د خپل خالق د ایدیولوژۍ او دین تطبیق، چې د بشري ژوند د ټولو ستونزو لپاره یې سمه حلاره وړاندې کړې وه، هم له لاسه ورکړ.

اقتصادي برخه: ‌څنګه چې تاسو ته ښه معلومه ده، اوس پر نړۍ د پانګوالۍ اقتصادي سیستم چلېږي. نړۍ د بانکي قرضونو په واسطه نیول شوې ده، د خلکو عامه دارایي یې شخصي ملکیت ته راوړې او غریب خلک یې د سرمایه لرونکو خلکو له ګټو څخه محروم کړي او اسلامي هېوادونه هم له دې څخه مستثنا نه دي.

ټولنیزه برخه:‌ کله چې نړۍ اسلامي دولت (خلافت) له لاسه ورکړ، نو مسلمانو ښځو د خپل شرف، عزت او افتخار ساتونکی له لاسه ورکړ. ټول د فیمینېزم او عیاشۍ تر منځ د یو لوی ناورین سره مخ شول.

تعلیمي سیستم: ‌‌‌دغه امت یوازې دا نه چې هغه لوی لوی شخصیتونه، چې تاریخ یې په اساسي ډول بدل کړ له یاده وایستل، بلکې د نړۍ د خالق  هغه اساسي لارښوونې یې هم له یاده وایستلې او خلکو ته یوازې د یوه مقدس شي په شان ښکارېدل. د دغو د وېشلو په اړه موږ څه ویلای شو؟

د اخلاقو برخه: د الله سبحانه وتعالی د قانون د نه تطبیق په پایله کې بشر په پراخه کچه د بېلابېلو ګناهونو ترسره کولو ته مخه کړه، چې دا ټول ګناهونه بیا د بشر له طبیعت سره په ټکر کې وو. فحشا، بې دیني، ناوړه ګټه اخیستنه، غلا، دروغ،  د الکولي مشروباتو څښل، نشه یي توکو او داسې نورو څخه چې په اسلامي هېوادونو کې معمول نه وو، وکارول شول. 

نړیوال سیاست: مخکې به د مسلمانانو له خلیفه څخه د اسلام دښمنانو وېره درلوده او د نوموړي تر مخ به یې د مسلمانانو پر وړاندې به یې تاوتریخوالی نه شوای تر سره کولی. خو اوسمهال د مسلمانانو چارواکي د نړۍ تر ټولو ذلیل چارواکي دي او په ډېرو کوچنیو مسایلو بوخت دي. یوازې دا نه چې د مسلمانانو په حق کې یې لوی خیانت کړی، بلکې په اصل کې دوی له الله سبحانه وتعالی سره خیانت کوي. همدارنګه د ټولنې ټول اړخونه په ناقانونه ډول پرمخ روان دي. په پایله کې ویلای شو چې د مسلمانانو ماتې له ژوند څخه د سیاست له بېلولو او له اسلامي نظام (خلافت) څخه د لېرېوالي سره مستقیمه اړیکه لري. کله چې اسلامي امت دغه حق ایدیولوژي هېره کړه، نو بیا امکان نه لري چې اسلام د نورو سیاسي سیستمونو په قالب کې پلی شي او کله چې کفارو پر مسلمانانو تسلط پیداکړ نو، بیا د خیر په پوله ورته کېناستل. که چېرته اسلامي امت د دغو ستونزو لپاره حل په نورو غلطو ایدیولوژیو کې لټوي، نو په دې مانا چې شات (عسل) او قیر سره یوځای کوي او دا به یوازې زموږ هغه پخواني شان او شوکت ته سخته ضربه ورسوي. 

اوس یوه لار شته چې د اسلام پوره تطبیق بیا د ژوند هرې برخې ته راستون شي، هغه دا چې رسوال الله صلی الله علیه وسلم په تګلاره یو ځل بیا خلافت تاسیس کړو. رسول الله صلی الله علیه وسلم فرمایي:

«قَدْ تَرَكْتُكُمْ عَلَى الْبَيْضَاءِ لَيْلُهَا كَنَهَارِهَا لَا يَزِيغُ عَنْهَا بَعْدِي إِلَّا هَالِكٌ» (رواه: ابوداود)

ژباړه: ما تاسو ته روښانه لاره پرېښې ده، چې په توره شپه کې د ورځې په شان ښکارېږي او هرڅوک چې له دغې لارې څخه منحرف شو، نو هلاک دی.

أقيموا_الخلافة#
#ReturnTheKhilafah
خلافت تاسیس کړئ#

د حزب التحریر مرکزي مطبوعاتي دفتر ته

لیکوال: دینیسلام

 

 

د مطلب ادامه...

د خلافت د سلمې کلیزې په رارسېدلو سره، د شام خاوره هیله لري چې بیا د اسلام د کور د ملا تیر وي

  • خپور شوی په سوریه

د ۱۳۴۲ هـ.ق کال، د رجب په ۲۸ مه چې د ۱۹۲۴م کال، د مارچ له ۳مې سره سمون خوري، خلافت دولت ونړول شو. دغه پېښه د اسلامي امت په تاریخ کې یوازې یوه وړه او تصادفي پېښه نه وه، بلکې دا د امت په تاریخ کې یو لوی ناورین او ستره غمیزه وه چې امت ورسره مخ شو. دغه پېښې امت له خطرناک برخلیک سره مخ کړ، چې تر نن ورځې پورې د هغه پر وړاندې د غلي پاتې کېدلو له امله درنده بیه پرې کوي.

د خلافت له سقوط سره یو ځای، مسلمانانو د اسلامي عدالت، مهربانۍ، ویاړ او قوت تر سیوري لاندې خپل ژوند له لاسه ورکړ او کفري غرب، د دوی توان، زور او دولت له منځه یووړل. اسلامي خاوره د کافرانو تر ولکې لاندې راغله، د بشر په لاس جوړ شوي کفري نظام پرې پلی شو او واک او اختیار د غرب منګولو ته ولوید، په داسې حال کې چې له هغه وړاندې حاکمیت د اسلام و.

د خلافت د سقوط سره د امت اساسي او بنسټیزه قضیه هېره شوه، له ژوند سره د دین اړیکې پرې کړل شوې او همدا د قوانینو او حکومتولۍ لپاره اساس جوړ او د مسلمانانو په ژوند کې پلی شو. په دې ډول د جهالت او ناپوهۍ ژوند یو ځل بیا صحنې ته راغی. بربریت پیل شو، زنا او د جنسي تیریو کچه  په بې ساري ‌ډول زیاته شو. سود، شراب، غلا، بې عدالتي، ظلم، ډلییزې وژنې او د خلکو د شتمنیو چور او له هغه څخه غیر قانوني ګټه اخیستل، خپل اوج ته ورسېدل او په ټوله کې د اسلامي نظام شتون او پلي کېدلو ته د پای ټکی کښېښودل شو.

د خلافت له سقوط سره، مسلمانانو خپل سیاسي، نظامي، اقتصادي او جغرافیوي یووالی له لاسه ورکړ. په داسې حال کې چې دوی د خلافت تر سیوري لاندې یو امت او له نورو څخه غوره او بي نظیره خلک وو. د خلافت له ړنګېدلو څخه وروسته دغه واحد امت په بېلا بېلو برخو ووېشل شو او د غرب په لاس د مصنوعي سرحدونو د رامنځته کولو له لارې تار په تار شو. مسلمانان چې د خلافت په شتون کې د نړۍ غوره خلک وو، د تر ټولو ناوړه او فاسدو خلکو تر حاکمیت لاندې راغلل، شکنجه شول، د ماشین د پرزو په څېر استفاده او بې عزته شول، په داسې حال کې چې الله سبحانه وتعالی یې په اړه فرمایلي دي:

﴿إِنَّ هَٰذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ﴾

ژباړه: «په حقیقت کې دغه تاسې (امت) یو امت یئ او زه ستاسو رب یم، پس زما عبادت وکړئ»  [انبیا:۹۲]

د خلافت له سقوط سره په دولت او ټولنه کې د شریعت حاکمیت پای ته ورسېد او واک د هغه جابرو او ظالمو کسانو لاس ته ولوید چې له خلکو څخه د کاذب شعار (ډيموکراسي) تر نامه لاندې د ماشین د پرزو په څېر استفاده کوي. په دې ډول شریعت خپل حاکمیت او مسلمانانو خپل صلاحیت له لاسه ورکړ.

د خلافت له سقوط سره فتوحات په ټپه ودرېدل، چې په پایله کې یې نړۍ ته د اسلام د پیغام رسولو پروسه هم بنده شوه. امت په نړۍ کې خپل ځای او ريښتینولي (د بشر لپاره تر ټولو غوره امت) له لاسه ورکړ. امت د نورو ملتونو ترمنځ خپل حیثیت او مقام وبایله او په دې ډول پرې خپل دښمن حاکمیت ترلاسه او اسلامي شرعیت له صحنې څخه و ایستل شو. دغو ټولو د پانګوال نظام د ایډیالوژۍحاکمیت ته لاره هواره کړه، چې نن ورځ یې ټوله نړۍ د خپل لاس جوړ شوو قوانینو، د هغه د ناسمو او فاسدو حل لارو په پایله کې له نه جبرانېدونکو ستونزو سره مخ کړې ده.

د خلافت له سقوط سره مسلمانانو له خپل عامه ملکیت او شتمنیو څخه د ګټې اخیستلو حق له لاسه ورکړ او د دوی خاوره د پیسو د ترلاسه کولو او د پردیو د ګټو د خوندي کولو په ډګر بدله شو. مسلمانان د هغه یتیمانو په څېر شول چې د ډوډۍ د وران شوي مېز په شاوخوا راټول شوي وي. ژوند یې له نیستۍ، لوږې، سختۍ او بې وسۍ  سره مخ شو، په داسې حال کې چې د دوی ظالم حاکمان د دوی پر شتمنۍ باندې مزې او چړچې کوي.
اې د شام (دارالاسلام د خاورې) مسلمانانو!

ایا له خپل ځان څخه نه پوښتئ چې مسلمانانو د دغو بشري نظامونو تر پلي کېدلو لاندې له سپکاوي، بې عزتۍ، ظلم، غلامۍ، غربت، نیستۍ، عذاب، شکنجې او ذلت پرته بل څه ترلاسه کړي؟

الله سبحانه وتعالی فرمایي:

﴿وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً وَنَحْشُرُهُ يَوْمَ الْقِيَامَةِ أَعْمَى﴾

ژباړه: «څوک چې زما له ذکر (د نصحیت له درس) څخه مخ واړوي، د هغه لپاره به په دنیا کې تنګ ژوند او د قیامت په ورځ به ړوند راپاځول شي.» [طه:۱۲۴]

پس همدا یې وخت دی چې له خپلو وروڼو سره یو ځای د الله سبحانه وتعالی د نازل شوي حکم سره سم او د نبوت پر منهج د ریښتیني خلافت د تاسیس له لارې ژوند ته د اسلام د بیا راګرځېدلو لپاره کار وکړئ. پرېږدئ چې د رسول الله صلی الله علیه وسلم دغه ستر زیری ستاسو پر لاسونو باندې تحقق ومومي، په دې ډول به تاسو په دنیا او اخرت دواړو کې له لوی خیر څخه برخمن شئ. په دغه دنیا کې به خپل تیر عزت، حیثیت او خوښي ترلاسه کړئ او د اخرت لپاره به د الله سبحانه وتعالی خوښې او رضایت له ځان سره ولرئ.

اې د شام د بختورې خاورې مسلمانانو!

کافر غرب د نبوت پر منهج د راشده خلافت د تاسیس د مخنیوي لپاره هر ډول خنډونه رامنځته کوي، ځکه دوی پوهېږي چې د خلافت د تاسیس وخت رارسېدلی، په همدې خاطر دوی د هغه د مخې د ډب کولو لپاره د هر ډول هڅې څخه دریغ نه کوي. موږ باید په یاد ولرو چې غرب نه پرېږدي، چې اسلام زموږ دولت او ټولنې ته داخل شي، په همدې خاطر پر موږ باندې په زور او جبر سره بشري نظامونه پلي کوي او د هغو داعیانو پر وړاندې مبارزه کوي، چې د امت د بیدارۍ او خلافت د تاسیس لپاره یې مټې بډ وهلي دي، خو د دوی دغه هڅې به هېڅکله هم د نبوت پر منهج د خلافت د لمر راختلو مخه ډب نه کړي، ځکه دا د الله سبحانه و تعالی وعده او د رسول الله صلی علیه وسلم زیری دی.

«ثُمَّ تَكُونُ خِلَافَةً عَلَى مِنْهَاجِ النُّبُوَّةِ»
ژباړه: «وروسته به د نبوت پر منهج خلافت تاسیس شي.»

موږ له الله سبحانه وتعالی څخه غواړو چې د ده له لښکرو او هغو شاهدانو څخه واوسو، چې د شام سیمه بېرته د دارالسلام خاوره وګرځوي.

#أقيموا_الخلافة
#ReturnTheKhilafah
#YenidenHilafet
#خلافت_بیا_تاسیسړئ

احمد ابن عبدالوهاب

د حزب التحریرـ ولایه سوریه د مطبوعاتي دفتر مشر

 

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې