دوشنبه, ۱۵ ربیع الثانی ۱۴۴۲هـ| ۲۰۲۰/۱۱/۳۰م
ساعت: مدینه منوره
Menu
القائمة الرئيسية
القائمة الرئيسية

pr header

 

 

هجری قمری نېټه :     28 جمادی الثانی 1441

میلادی نېټه :     جمعه, 28 فبروری 2020 م

شمېره:      ۴۶/۱۴۴۱

ولايه پاكستان
مطبوعاتي دفتر

مطبوعاتي اعلامیه
پاکستاني چارواکي د افغان جهاد د ماتولو او په افغانستان کې د امریکا د دایمي شتون په موخه د ګمارل شوو مامورینو دنده لري

په جګړه کې د مسلمانانو د ماتې او سپکاوي اصلي لامل د دوی بې زړتوب نه دی، بلکې لامل یې د هغو لاسپوڅو چارواکو غلامي ده، چې د خپلو بادارانو د زړه لاسته راوړلو په موخه یې د امت ملا ماته کړې. د پاکستان د بهرنیو چارو د وزارت ویاندې د افغانستان د سولې په اړه په خپلو څرګندونو کې په ډېرې لېوالتیا سره وویل: «پاکستان تل د امریکا او طالبانو ترمنځ د مستقیمو خبرو اترو ملاتړ کړی. موږ د ۲۰۲۰م کال د فبروري په ۲۹ مه د سولې د تړون لاسلیکولو ته سترګې په لاره یو.» ایا مغروره امریکا اوس د هغو غرنیو مبارزینو په لاس له ماتې سره نه ده مخ شوې، چې یوازې پر الله سبحانه و تعالی توکل لري؟ امریکا په خپلو وحشیانه کړنو او وژنو سره ولې نور ملتونه دې ته هڅوي، ترڅو د دوی پر ګټو برید وکړي؟ په هر حال د باجوه-عمران رژیم په ډېره سپین سترګۍ سره هڅه کوي، ترڅو د جګړې په ډګر کې ماته شوې امریکا له وژونکي ګردابه وژغوري. دوی د طالبانو پر وړاندې د ګواښ او هڅونې له پالیسۍ څخه په ګټې اخیستنې سره غواړي په افغانستان کې د امریکا دایمي شتون یقیني کړي. له همدې امله دوی د امریکایي ځواکونو پوره وتلو، په افغانستان کې د امریکا د اجنټانو تر منځ د واک وېش، د نړیوالو پولو تشخیص او د تروریزم پر وړاندې د مبارزې له څرنګوالي مخکې اوربند منلو ته غاړه اېږدي. دغه مزدور واکمنان خپله پوره هڅه کوي، ترڅو طالبان قانع کړي چې د امریکایي ځواکونو د کمېدلو ترڅنګ د هغوی دایمي شتون ته هم غاړه کېږدي. په همدې اړه له نیویارک ټایمز سره د خبرو پرمهال د طالبانو د امیر مرستیال سراج حقاني په خواشینوونکي ډول وویل: «له دغو اوږدو خبرو اترو وروسته بیا هم د سولې تړون له دوه اړخیزه جوړجاړي پرته ناشونی دی.»

په دې ډول د پاکستان مزدور چارواکي چیغې وهي: «دا زموږ جګړه ده!» کله چې د امریکا نظامي عملیاتو په قبایلي سیمو کې د افغان جهاد د ملاتړ په کمزوري کولو سره امریکا له ماتې ونه ژغورله، نو له هغې وروسته یې دغو مزدورو چارواکو ته ماموریت ورکړ، ترڅو خلکو د سولې ګټې بیان کړي. دا څنګه امکان لري چې د امریکايي ځواکونو او خصوصي قراردادیانو د دایمي اډو په شتون کې دې افغانستان ته سوله راشي؟ ځکه له همدې اډو څخه امریکا د پاکستان په اېبټ اباد، دامادولا او سلاله سیمو کې د هوایي او ډرون بریدنو په ترسره کولو کې استفاده کړې او په سوریه، عراق او افغانستان کې هره ورځ په سلګونه بې ګناه خلک وژني. ایا زموږ ختیځ لور ته د هندو دولت او لودیځ لور ته د صلیبي امریکا او غرب شتون زموږ امنیت او اټومي وسلو ته جدي ګواښ نه دی؟ ولې امریکا په افغانستان کې د هند ملاتړ کوي او په پاکستان کې د «کلبوشن جادیو» شبکې خپرولو ته پراختیا ورکوي؟ ایا په افغانستان کې د امریکا د ځواکونو دایمي شتون د سلګونه زره شهیدانو، معیوبینو او ټپیانو سره د خیانت په معنا نه دی!؟

حزب التحریر-ولایه پاکستان د پاکستاني چارواکو هغه معامله په کلکو ټکو غندي، چې د جګړې په ډګر کې د ماتې شوې امریکا د بریا په موخه یې ترسره کوي. افغان جهاد ته باید تر هغه دوام ورکړل شي، ترڅو چې د امریکا ورستی فوځي هم په خورا ذلت څخه له دغې خاورې نه وي وتلی.

اې د پاکستان د وسلوالو ځواکونو زمریانو! څنګه اجازه ورکوئ چې ستاسو له وړتیا څخه دې زموږ د سرسخته دښمن (امریکا) د امنیت په خوندي کولو کې ګټه واخیستل شي؟ راشئ د نبوت پر تګلاره د خلافت د بیا تاسیس په موخه حزب التحریر ته نصرت ورکړئ، ترڅو خلافت د ټرمپ وفادارو رژیمونو ته د پای ټکی کېږدي.

حزب التحریر-ولایه پاکستان مطبوعاتي دفتر

نظر ورکړئ

اسلامي خاورې

اسلامي خاورې

غربي هېوادونه

ټول لینکونه

د پاڼې برخې