د خلافت د تاسيس پر مټ اشغال شوی کشمير ازادولی شئ Featured
- خپور شوی په پاکستان
د پاکستان د سياسي او نظامي مشرتابه د چوپتيا له امله، هند په اشغال شوي کشمير کې خپلو وحشتونو ته دوام ورکوي
د ۲۰۱۸م د مې پر ۶ مه هندي ځواکونو په اشغال شوي کشمير کې د پوهنتون د یوه استاد په ګډون نږدې ۱۰ مسلمانان شهیدان کړل. هندي ځواکونو د سرينګر په سوېل د شاپيان د ولسوالۍ د باديګم په کلي کې هغه کور کلابند کړ، چې پنځه مجاهدین پکې وو. هغوی ټول له هندي ښکېلاکګرو ځواکونو سره د ډزو په تبادله کې شهيدان شول. د اشغال شوي کشمير په سوېلي برخو کې د مجاهدينو د شهادت له امله د خلکو له لورې لاریونونه پيل شول. هندي ځواکونو د خلکو د تیتولو په موخه ډزې وکړي، چې په پايله کې یې پنځه نور مسلمانان هم شهیدان کړل.
د هند دغه روان وحشتونه له دې امله په اشغال شوي کشمير کې دوام لري، چې د پاکستان سياسي او نظامي مشرتابه په اشغال شوي کشمير کې پر سرحدونو او د کنترول پر ليکه د بريدونو پر وړاندې د امريکایي تګلاره «ډډه کول» څاري. الله سبحانه وتعالی فرمايي:
﴿يَا أَيُّهَا الَّذِينَ آمَنُواْ قَاتِلُواْ الَّذِينَ يَلُونَكُم مِّنَ الْكُفَّارِ وَلِيَجِدُواْ فِيكُمْ غِلْظَةً وَاعْلَمُواْ أَنَّ اللّهَ مَعَ الْمُتَّقِينَ﴾
[التوبه: ۱۲۳]
ژباړه: ای مومنانو! له هغو کفارو سره جګړه وکړئ، چې تاسې ته نږدې وي، تر څو دوی (کفار) په سختۍ کې ښکېل شي او پوه شئ چې الله سبحانه و تعالی له پرهېزګارانو سره دی.
ایا د پاکستان سياسي او نظامي مشرتابه نه دي هڅول شوي، چې د شانګهای همکارۍ سازمان په لارښوونه د ۲۰۱۸م په سپټمبر کې له هند سره یو ځای په روسيه کې په نظامي تمريناتو کې د برخې اخيستلو وړانديز قبول کړي او يا دا چې هند هڅوي، ترڅو په اشغال شوي کشمير کې د مسلمانانو وژنې ته نور هم دوام ورکړي او د کشمير په دره کې لا زيات وحشتونه ترسره کړي؟ ایا هند نه دی هڅول شوی، چې خپلو تېري کوونکو تګلارو ته د مسلمانانو پر وړاندې له کومې وېرې پرته دوام ورکړي؟ په داسې حال کې چې د پاکستان سياسي او نظامي مشرتابه په دوامداره ډول هند ته بلنه ورکوي، چې د چين-پاکستان اقتصادي دهليز سره يوځای شي.
دا څرګنده ده، چې د پاکستان سياسي او نظامي مشرتابه د هند پر وړاندې د امريکا د «مخنيوي» تګلاره تعقيبوي، تر څو په سيمه کې د امريکا د بهرنۍ تګلارې موخې خوندي کړي او دغه چارواکي هڅه کوي چې له روسيې او چين سره د اړيکو په پراخولو سره خپل خيانتونه پټ کړي. په ډاډ سره ويلای شو چې پاکستان په سيمه کې له تېرو ۷۰ کالونو راهيسې د امريکا د ګټو د ساتلو په چوپړ کې بوخت دی، خو په دې ترڅ کې امريکا له پاکستان سره د اشغال شوي کشمير د ازادېدو په برخه کې هیڅ نه دي کړي، نو ښکاره ده چې روسيه او چين به هم هيڅکله له موږ سره په دې تړاو کوم څه ونه کړي دوی ټول کفار دي او د اسلام او مسلمانانو دښمنان دي.
اې د پاکستان د پوځ مخلصو چارواکو! ملګري ملتونه، نړيواله ټولنه، امريکا، روسيه، چين او نور قدرتونه به زموږ د ګټو د ساتلو او د اشغال شوي کشمير د ازادولو په موخه له موږ سره هيڅ مرسته ونه کړي. موږ د نبوت پر تګلاره د خلافت له تاسیسولو پرته بل کوم بديل نه لرو، چې د مسلمانانو خاورې، پوځونه او سرچينې سره يوځای او مسلمانان پياوړي کړي. په پای کې به د راشده خلافت تر مشرۍ لاندې د جهاد بيرغ د اشغال شوي کشمير د ازادۍ لپاره لوړ او په دنيا او آخرت کې به بری در په برخه شي. الله سبحانه وتعالی امر کوي:
﴿فَمَنِ ٱعْتَدَىٰ عَلَيْكُمْ فَٱعْتَدُواْ عَلَيْهِ بِمِثْلِ مَا ٱعْتَدَىٰ عَلَيْكُمْ﴾
[البقره: ۱۹۴]
ژباړه: هر هغه څوک چې پر تاسې بريد کوي، تاسې هم پر هغوی ورته بريد وکړئ.
حزب التحرير- ولايه پاکستان مطبوعاتي دفتر
