چهارشنبه, ۲۲ صَفر ۱۴۴۳هـ| ۲۰۲۱/۰۹/۲۹م
ساعت: مدینه منوره
Menu
القائمة الرئيسية
القائمة الرئيسية

په افغانستان کې نوی حکومت

  • خپور شوی په سیاسي

طالبانو پر افغانستان تر واکمنۍ او ځنډ وروسته نوی سرپرست حکومت اعلان کړ. د امریکا د رژیم تر ړنګېدو وروسته اوسمهال نړۍ طالبانو ته ځان ډېر نېږدې ویني. همدارنګه طالبان د حکومت تر اعلان وروسته له سیمه‌ییزو هېوادونو، ملتونو او له استخباراتي مشرانو سره لیده کاته کوي. د پنجشېر ولایت تر نیولو او د مقاومت جبهې تر ماتې وروسته طالبان پر دې وتوانېدل چې د سرپرست حکومت کابینه وروستۍ او اعلان کړي. 

د طالبانو پخوانیو چارواکو د سرپرست حکومت واکې په لاس کې واخیستې، پر دې سربېره چې د یو ټولشموله حکومت جوړېدو ژمنه کوي. له ۳۳ اعلان شوو واکمنانو څخه ۱۴ یې د طالبانو پخواني چارواکي دي چې له ۱۹۹۶ څخه بیا تر ۲۰۰۱ میلادي کاله واکمن وو، پنځه تنه بیا د «ګونتانامو» زندان بندیان او پاتې ۱۲ یې د طالبانو د اسلامي امارت د دویم نسل غړي دي. دغه ټوله کابینه به د طالبانو د اسلامي امارت د پخواني بنسټ اېښودونکي او د هغوی د مخکني حکومت د لومړي وزیر د مرستیال ملا حسن اخوند تر مشرۍ لاندې خپلو کارونو ته دوام ورکوي. ملاحسن اخوند د طالبانو په پخواني رژیم کې د بهرنیو چارو وزارت وزیر هم پاتې شوی دی.

اخوند اوسمهال د سرپرست حکومت مخته وړلو لپاره د ملګرو ملتونو تر فرمان لاندې دی. سراج الدین حقاني چې اوسمهال د «ایف، بي ای» په لېست کې دی، د کورنیو چارو وزارت سرپرست وزیر ګمارل شوی او د یاد وزارت چارې به مخته وړي. حقاني شبکه د تېرو شلو کلونو په جریان کې پر امریکایي او نورو بهرنیو سرتېرو د وژونکو بریدونو تر شاه وه.

د طالبانو د بنسټګر زوی ملا محمد یعقوب به د دفاع د سرپرست وزیر په توګه خپلې دندې ته دوام ورکوي او د بهرنیو چارو سرپرست وزیر به امیرخان متقي وي، چې د طالبانو لوړپوړی غړی دی. د طالبانو بل ستر غړی ملا عبدالغني برادر د رییس الوزرا لومړی مرستیال دی. نوموړی د طالبانو د اسلامي امارت د دوحې دفتر رییس هم و چې تېر میلادي کال یې له امریکا سره په دوحه کې د سولې هوکړه لاسلیک کړه. برادر له امریکا سره د سولې پروسې مخته وړلو لپاره په ۲۰۱۸ م کال کې له اتو کلونو وروسته له بنده ازاد شو. په ۲۰۲۰ م کال کې ملابرادر د طالبانو لومړنی مشر شو چې په مستقیم ډول د امریکا د وخت له جمهور رییس ډونالډ ټرمپ سره د ټلیفون له لارې خبرې اترې وکړي.

طالبانو د حکومت تر اعلان او جوړېدو وروسته ځانونه له سترو ننګونو سره مخ ولیدل. اوس دوی اړتیا لري چې له یو جنګي حرکت څخه حکومت ته بدل شي. طالبان اړ دي چې خلکو ته حکومتي خدمتونه چمتو کړي، سازمان وساتي او دولتي شتمني پراخه کړي، څو په افغانستان کې د پرمختګ لپاره ملاتړ رامنځته شي او اقتصاد یې وغوړېږي. د ۲۰۲۱ م کال د فبرورۍ د خپاره شوي راپور پر اساس، په افغانستان کې د لوږې اوسنۍ کچه ۷۲ فیصده ته رسېدلې ده.

طالبان به په ټیټه کچه د پخواني رژیم چارواکو ته اړتیا ولري، څو په دې سره د ورځنیو حکومتي کارونو ترسره کېدل ډاډمن شي. پر دې سربېره چې طالبان بېرون ته غځېدلی لاس لري، دا څه باید حقیقي بڼه غوره کړي. د غني د حکومت له هغو چارواکو څخه چې خدمت یې کړی، غوښتل شوي، څو بیرته افغانستان ته راوګرځي او د ملا حسن اخوند په مشرۍ د طالبانو حکومت ژمنه کړې چې د هغوی امنیت به خوندي وي. هغو کسانو او د امریکا پخوانیو ملاتړو ادارو ته هم عمومي عفوه شوې چې په افغانستان کې یې له ۲۰۰۱ م کال راهیسې کار کړی وي.

طالبانو هیله څرګنده کړې چې نړیواله ټولنه یې په رسمیت وپېژني او څنګه چې دوی غواړي، په همغه بڼه  له ګاونډیو او نورو هېوادونو سره قوي ډیپلوماټیکې اړیکې جوړې شي. دوی له نورو هېوادونو هم غواړي چې د افغانستان او هغوی تر منځ متقابل درناوی شتون ولري. هغوی زیاته کړې چې دوی به نړیوالو قوانینو او تړونونو ته درناوی ولري، چې هغه له اسلامي قوانینو او د هېواد له ملي ارزښتونو سره په ټکر کې نه وي. بلخوا به نړیواله ټولنه په دې اړه ژر غبرګون نه ښيي. طالبانو په سیمه کې چین هېواد د خپل اصلی ملګري پر ځای ټاکلی دی. له همدې امله چین هېواد له افغانستان سره د ۳۱ میلیونه ډالره بیړنۍ مرسته او درې میلیونه ډوزه د کویډ ۱۹ ناروغۍ واکسینو ورکړه اعلان کړهع. 

د نوي سرپرست حکومت د لومړیتوبونو او پالیسو په تړاو هېڅ اعلامیه نه ده خپره شوې، ځکه هېواد پر بهرنیو مرستو ولاړ دی. پر دې سربېره چې طالبان نوی حکومت اعلانوي، خو اوسمهال له سختو ګواښونو سره مخ دی.

أفغانستان#  #Afganistan  #Afghanistan

د حزب التحریر مرکزي مطبوعاتي دفتر

لیکوال: عدنان خان

ژباړه: بهیر «ویاړ»

 

د مطلب ادامه...

د (ترهګرۍ) پر وړاندې له ۲۰ کاله جنګ وروسته څه پېښ شول؟ Featured

د ۲۰۰۱م کال، د سپټمبر له ۱۱مې، کله چې په نیویارک کې پر نړیوالو سوداګریزو مرکزونو برید وشو، امریکا افغانستان او عراق اشغال کړل، چې «د ترهګرۍ پر وړاندې جګړه» نوم یې ورکړ، له هغه وخت راهیسې شل کلونه تېر شول او نن د ماتې پر مهال امریکا له افغانستان څخه وځي، هغو کسانو چې پرې باور کړی و هغه تر شا پرېږدي او د کابل په هوايي ډګر کې ژاړي.

شل کاله وړاندې، نړۍ په پرانېستو سترګو لیدل چې «د ترهګرۍ پر وړاندې جګړه» د امریکا له کاذبې پلمې پرته بل شی نه و. د دغه امر هدف د یو نظامي او سیاسي کمپاین پر لاره اچول و، چې اسلامي هېوادونه لاندې کړي، خلک یې تسخیر او شتمنۍ یې چور او مهار کړي، یا لکه څرنګه چې د امریکا ولسمشر د اعلان پر مهال دغه کار «صلیبي جګړه» اعلان کړه.

د نظامي اړخ په اړه، امریکا مستقیماً افغانسان او عراق اشغال کړل او د دغه اشغال په پلمه یې په منځني ختیځ هېوادونو، جنوب هېوادونو او مرکزي اسیا هېوادونو کې خپلې نظامي اډې ځای پر ځای کړې. وروسته د دغه نظامي خوځښت له حضور څخه په ګټه اخیستلو یې پر نورو وسله والو سازمانونو هم نفوذ پیدا کړ، تر څو د خپلې مبارزې د توجیه لپاره هغوی دخیل وګڼي.

د سیاسي اړخ په اړه، امریکا د اسلامي هېوادونو ټولو دولتونه اړ کړل چې د دغو هېوادونو په سیاستونو کې داسې قوانین او اصلاحات وضع کړي، چې په مستقیم او غیر مسیتقمه توګه د اسلامي قوانینو پر اساسي اړخونو سترګې پټې کړي او جرم یې وګڼي او پر ځای یې د غربي ارزښتونو د معرفي هڅه وکړه. په اسلامي هېوادونو کې د جهاد اصطلاحات او مفاهیم یې حذف کړل، د ښوونځیو په درسي پروګرامونو کې یې جنسي زده کړې ځای پر ځای کړې، د کورنۍ قوانین یې اصلاح کړل او د همجنسګرانو سازمانونو ته یې د فعالیت قانوني جوازونه ورکړل. د تکفیر او افراط په پلمه یې د علماوو مجالس او فتواوې تر مکرر فشار لاندې کړل، تر څو پرې ووايي چې د اعتقاد له مخې مسلمانان او غیر مسلمانان سره برابر دي.

د دې لپاره چې امریکا وکولای شي ډاډ تر لاسه کړي، تر څو مسلمانان یې پر وړاندې قیام ونه کړي او په نورو اسلامي هېوادونو کې له خپلې صلیبې جګړې څخه ساتنه وکړي او له اسلامي امت سره د نورو هېوادونو د خواخوږۍ دروازې وتړي، امریکا د نړۍ پر هېوادونو د «یا له موږ او یا هم له ترهګرو سره» تر عنوان لاندې پر دوی فشار راوړ، تر څو د اسلام د تحریف په کمپاین کې ګډون وکړي. د ګوانتانامو زندان یې تاسیس کړ، چې هلته د مسلمانانو له سپکاوي څخه ډک فلمونه خپرېدل، تر هغه وخت پورې چې دغه ډول چلند د نړۍ د نورو هېوادونو لپاره په الګو بدل شول. له همدې امله یې د نړۍ په ګوټ ګوټ کې مسلمانان له اخلاقي اړخه ملوث کړل او هغوی یې د اتهام په کونج کې واچول او دا پر هر مسلمان واجب شوه چې نړۍ ته ثابته کړي، چې دوی افراطي ترهګر او د بشریت دښمن نه دی! د مسلمانانو د ځپلو او ځورولو دغه کمپاین د خاینو مسلمانو واکمنانو لپاره شین چراغ ورکړ، له همدې امله یې واعظان وځپل، موسسات یې رخصت کړل او ټول هغه ځوان سړي او ښځې یې ونیول چې د ښکېلاکګرې امریکا پر وړاندې د جهاد د ملاتړ په اړه مظنون وو. کله چې امریکا په افغانستان او عراق کې له مقاومت سره مخ شول، خپلو سیاسیونو ته یې، لکه جان نګروپونته او د ده په څېر یې نور خلک غوره کړل، تر څو د یو بل پر وژلو تکیه وکړي. په پاکستان کې پروېز مشرف، په افغانستان کې حامد کرزی او په عراق کې نوري المالکي، تر څو د دوی شیطاني سیاستونه پلي کړي.

دغه وضعیت د بهار عربي د انقلاب تر پېښېدلو پورې په همداسې توګه پاتې شو او په دغه انقلاب کې د لاسپوڅو واکمنانو څخه د خلاصون هیله له ورایه ښکارېده. له همدې سره، د ملت خوښۍ رابرسېره شوې او ملت بیا ځل د شریعت د تطبیق په فکر کې شو او دا شعار یې پورته کړل «زموږ رهبر د تل لپاره محمد صلی الله علیه وسلم دی» تر څو خلافت تاسیس کړي. خلافت د خلکو په منځ کې پر عمومي افکارو بدل شو او بهار عربی تقریباً په بهار اسلامي تبدیل شو. غرب چې په سر کې یې امریکا ده خپله لاره ورکړه کړه او لیونی شو.

د دې انقلابونو مثالونه هېڅکله په تاریخ کې نه وو لیدل شوي، غرب چې د څو لسیزو په اوږدو کې کوم شی تر لاسه کړي وو هغه یې تر تهدید لاندې راوستل او د بدلون په لټه کې یې شول. امریکا بهار عربي په یوه شیطاني لومه کې راګیر کړ او په لومړیو کې یې ادعا کوله چې له انقلاباتو سره دی، وروسته بیا د دوی د له منځه وړلو لپاره یې د ترهګرۍ پر وړاندې د مبارزې تر عنوان لاندې د دوی د له منځه وړلو په لټه کې شول، تر دې پورې چې د امریکا ولسمشر اوباما یوه ورځ د پنټاګون په یوه ناسته کې وویل، چې د وېښتو د سپینوالي لامل یې د سوریې انقلاب دی! امریکا او عواملو یې د اسلامي امت ښارونه ویجاړ کړل، میلیونونه کسان یې ووژل او لسګونه میلیونه کسان یې بې ځایه کړل، وژنې په ورځنیو خبرونو بدلې شوې او زندانونه له شکنجو او تجاوزونو څخه ډک شول. جنګیالي د وژونکو ډلو سره یو ځای د نړۍ له ګوټ ګوټ څخه راوړل شول او د سیمې دولتونه یې تهدید کړل چې د انقلاب د مهارولو لپاره د امتیازاتو او سیاست په لټه کې شي.

د اسلامي امت پر وړاندې د غرب نظر په بشپړه توګه استعماري دی او دغه ملت نه شي کولای له غرب سره مقابله وکړي، مګر دا چې تصمیم ونیسي او د استعماري قدرتونو په توګه یې له خپلې خاورې جرړې وباسي. په همدې توګه اوسني مسلمان واکمنان چې د هېواد کلۍ یې په خپلو لاسونو کې دي او خپلې دروازې د استعمار لپاره پرانېزي. که له دوی څخه د دولت کلۍ وانه خیستل شي، موږ په شا کې د چاقو ضربه خورو او قیمت یې د ځان او عزت په بیه پرې کوو.

ښه اوس څه وکړو؟ ځواب دا دی چې د استعمار پاڼه واړوئ او پر اسلامي خاور یې نفوذ له منځه یوسئ او پام مو وي چې د اسلامي ملت د حل لپاره هر بل قضاوت پر ځای پاتې دی!

الله سبحانه و تعالی فرمايي:

[يَا أَيُّهَا الَّذِينَ آمَنُواْ لاَ تَتَّخِذُواْ الْكَافِرِينَ أَوْلِيَاء مِن دُونِ الْمُؤْمِنِينَ أَتُرِيدُونَ أَن تَجْعَلُواْ لِلَّهِ عَلَيْكُمْ سُلْطَاناً مُّبِيناً]

ژباړه: «اې مومنانو! د مومنانو پر ځای له کافرانو سره ملګرتیا مه کوئ، ایا تاسو غواړئ چې الله تعالی ته د ځان پر خلاف ښکاره سند ورکړئ؟» [نسا: ۱۴۴]

د هغو کسانو په اړه چې کولای شي دغه کار ترسره کړي او په اسلامي خاورو کې واقعي قدرت بېرته راوګرځوي.

الله سبحانه و تعالی فرمايي:

[وَحَرِّضِ الْمُؤْمِنِينَ عَسَى اللَّهُ أَن يَكُفَّ بَأْسَ الَّذِينَ كَفَرُواْ وَاللَّهُ أَشَدُّ بَأْساً وَأَشَدُّ تَنكِيلاً]

ژباړه: «... مومنان د جنګېدو لپاره وهڅوه. لیرې نه ده چې الله سبحانه و تعالی به د کفارو زور مات کړي. د الله سبحانه و تعالی زور تر ټولو ډېر او سزا یې تر ټولو سخته ده.» [نسا: ۸۴]

د دغه کار د تر سره کولو لپاره، د عمومي افکارو رامنځ ته کول دي چې اسلامي امت د قدرت څښتنان تر فشار لاندې راولي تر څو له الله سبحانه و تعالی ووېرېږي او له اسلامي امت سره اوږه په اوږه کار وکړي.

 الله سبحانه و تعالی فرمايي:

[وَقِفُوهُمْ إِنَّهُم مَّسْئُولُونَ]

ژباړه: «او دوی معطل کړئ، له دوی څخه پوښتنه کېږي.» [صافات: ۲۴]

حزب التحریر له تاسو څخه او ستاسو په منځ کې دی، ځان او کارکوونکي یې د نبوت پر منهج راشده خلافت د بیا تاسیس لپاره چمتو کړي او د حکومت او اداري لپاره اسلامي فرهنګ یې ستاسو په لاسرسي کې دی. چې ډېر ژر به خلافت تاسیس کړي او له تاسیس وروسته به لومړی هېواد وي چې د نړۍ د رهبرۍ لپاره به سیالي کوي ان شاءالله.

انجنیر صلاح الدین عضاضه

د حزب التحریرـ مرکزي مطبوعاتي دفتر مشر

#Afghanistan

#أفغانستان

#Afganistan

 

 

 

د مطلب ادامه...

د مسلمانانو بریاوې به د خلافت په تاسیس سره تعقیب شي

  • خپور شوی په سیاسي

(قَاتِلُوهُمْ يُعَذِّبْهُمُ اللّهُ بِأَيْدِيكُمْ وَيُخْزِهِمْ وَيَنصُرْكُمْ عَلَيْهِمْ وَيَشْفِ صُدُورَ قَوْمٍ مُّؤْمِنِينَ) [توبه: ۱۴]

ژباړه: له هغوی سره جګړه وکړئ، الله سبحانه وتعالی ستاسو په لاسونو هغوی ته جزا ورکوي او هغوی رسوا کوي. همدارنګه الله سبحانه وتعالی تاسو ته پر هغوی بریا درکوي، د یوې ډلې مومنانو سینه رغوي او پر زړونو یې ملهم ږدي.

هغه شپږ زندانیا چې ځانونه یې د «ګیلبوا» له زندان څخه ازاد کړل، د یهودیانو پر مخ کله څاپېړه وه. دا هغه کلکه څاپېړه وه چې د یهودیانو له ماتې سره مخ نظام د له منځه وړلو ښودنه کوي او ټول مسلمانان یې خوشحاله کړل. د شپږو مجاهدینو له خوا د یهودیانو د زندان ماتېدل او له هغوی څخه د یو تونل په مرسته تېښته د ټولو مسلمانانو د خوښۍ لامل شوه.

هغوی د دغو مجاهدینو اتلولۍ، عزم او صبر وستایل. تر دې څو ورځې وړاندې په افغانستان کې طالبانو امریکا ته په ماتې ورکولو سره اسلامي امت خوښ کړ. په افغانستان کې له شل کلنې جګړې وروسته طالبان پر دې وتوانېدل چې د امریکا اشغال ته د پای ټکی کېږدي او دا امر ښيي چې اسلامي امت څنګه چې رسول الله صلی الله علیه وسلم ویلي همغسې دی. رسول الله صلی الله علیه وسلم فرمایلي دي:

«مَثَلُ الْمُؤْمِنِينَ فِي تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى»

ژباړه: مومنان په مینه، مهربانۍ او احساس کې یو ډول دي، کله یې چې د بدن یو غړی درد وکړي، نو د بې خوبۍ او تبې له امله یې ټول بدن ورسره درد کوي.

ځکه عربي رسنۍ نه غواړي چې مسلمانان د  امت د رهبرانو په توګه پاتې شي، څنګه چې رسول الله صلی الله علیه وسلم امت د بدن د یوه غړي په توګه ستایلی دی. ټول خبري سایټونه د فلسطین د بندیانو پر مسله متمرکز وو. دا هر څه د بند سختوالی او د مقاومت پراخوالي ښيي. همدارنګه هغه فلسطیني بندیان چې له ناوړه روغتیایي او فزیکي حالت سره مخ وو. 

 موږ پوښتنه کوو: څوک به دغه بندیان وژغوري؟ زرګونه بندیان په ټول عمر بند محکوم شوي او د ماشومانو په ګډون ډېری کسان په نه باور کېدونکو ناروغیو اخته دي. څوک به دوی ازاد کړي؟

دا یوازې دوی نه دي چې په بند خونو کې شته ظلمونه زغمي، بلکې کله چې عثماني خلافت ړنګ شو، د فلسطین پاکه خاوره او خلک د یهودو له لوري اشغال شول او یهودیان هغو سیمو ته راوړل شول چې د دوی له لوري اشغال شوې وې. اوسمهال د فلسطین ډېری برخه خاوره په ستر زندان کې ده او هغه بندیان چې اوسمهال په بند کې دي، سخت ځورېږي. بې عدالتي، ظلم او لوږه اوج ته رسېدلي، د مسلمانانو پر کورونو او مقدساتو بریدونه کېږي او د رسول الله مصرا یا القصی مسجد هم په امن کې نه دی.

د فلسطین ټول خلک اوسمهال د ازادۍ غوښتونکي دي او هیله لري چې دغه سیمې بیرته د یهودیانو له شتون څخه ازادې شي. له لسیزو اشغال راهیسې د فلسطین خلک پر خپل ځای ولاړ دي، له خپلو غوښتنو نه دي تېر شوي او د اسلام د کلک ایمان په وسلو سمبال دي. همدارنګه فلسطینیان لکه غر غوندې پر خپله غوښتنه ولاړ دي. د الله سبحانه وتعالی پر زیري ډاډمن دي، چې هغه زیری به حتمن راځي. الله سبحانه وتعالی فرمایلي دي:

(وَكَانَ حَقّاً عَلَيْنَا نَصْرُ الْمُؤْمِنِينَ) [روم: ۴۷]

ژباړه: له مومنانو سره مرسته کول پر موږ د هغوی حق دی.

خو دا ثبات د کلک هوډ پر مټ پیلېږي چې اراده پیاوړې کړي او په پایله کې د خوشي کېدو او ازادۍ لامل شي. څوک کولی شي چې دغه خاوره د یهودیانو له منګولو ازاده کړي؟ څوک دا وړتیا او قدرت لري چې بندیان او مجاهدین ازاد کړي؟ 

فلسطین هغه مهال تقریبا د ۱۰۰ کلونو لپاره د صلیبیانو تر اشغال لاندې و او د صلاح الدین ایوبي له لوري ازاد شو، کله چې هغه اسلامي اردو منظمه کړه او دغه خاوره یې له صلیبیانو ازاده کړه. 

هغه ازادي چې د مسلمانو پوځونو له خوا تر لاسه شوه، کله چې د خلافت دولت تر چتر لاندې سره راټول شول او په پایله کې مسلمانان پر دې وتوانېدل چې د فلسطین خاوره ازاده کړي. څوک به د جهاد بیرغ پورته کړي او نه یوازې فلسطین، بلکې ټول اسلامي هېوادونه چې د کفارو تر ظلم لاندې دي، ازاد کړي؟ همدارنګه د هغو کسانو مخنیوی چې د دوی احکام او مصنوعي قانون پلی کوي.

پر همدغه اساس، که مسلمانان له الله سبحانه وتعالی او د هغه له رسول صلی الله علیه وسلم سره مینه لري، باید په ټول توان هڅه وکړي او له هغو کسانو سره یوځای کار وکړي چې د نبوت پر تګلاره د راشده خلافت او د اسلامي ژوند د بیا تاسیس لپاره کار کوي.

هغه وخت به حقیقي ازادي وي او له بریا څخه به په ډاډه زړه خوند اخیستل کېږي. هغه ازادي چې مسلمانانو ته بیا پت او عزت ورکوي او هغه مهال به ټول مسلمانان په امن کې پخپلو هېوادونو کې تګ راتګ وکړای شي، نه د هغو کسانو له لوري په څارولو سره چې خپل هېواد یې پلورلی دی. هلته امنیتي همغږي او جاسوسي نشته. که پیدا هم شي، اسلامي خلافت د داسې عناصرو پر وړاندې په کلکه درېږي.

اې مسلمانانو! د الله سبحانه وتعالی ملاتړ وکړئ، الله سبحانه وتعالی به له تاسو سره مرسته وکړي او ستاسو قدمونه به نور هم کلک او پیاوړي کړي. له الله سبحانه وتعالی سره پاتې شئ او الله سبحانه وتعالی به له تاسو سره وي.

اې مسلمان پوځه! ایا تاسو هغه مسلمانان نه یاست چې پر الله سبحانه وتعالی او د هغه پر رسول صلی الله علیه وسلم ایمان لري؟! ایا ستاسو زړونه نه غواړي چې په القصی مسجد کې لمنځونه وکړئ؟! د فلسطین خلک تاسو ته ژاړي، ایا تاسو یې ځواب نه ورکوئ، له هغوی سره مرسته او د هغوی ملاتړ نه کوئ؟!

ایا مسلمانان له الله سبحانه وتعالی پرته بل څوک لري؟ تاسو ښې وسلې او جنګي تجهیزات لرئ چې غوره مبارزه پرې کولی شئ. ایا په تاسو کې د ښه عقل څښتن نشته؟!

اې مسلمانو پوځونو! الله سبحانه وتعالی ته ځواب ورکړئ کله چې هغه سبحانه وتعالی فرمایي:

(يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ) [انفال: ۲۴]

ژباړه: اې هغو کسانو چې ایمان مو راوړی، د الله سبحانه وتعالی او رسول الله صلی الله علیه وسلم دعوت ومنئ، کله چې تاسو ته د هغه څه په اړه بلنه در کوي چې تاسو ته ژوند در کوي. پوه شئ چې الله سبحانه وتعالی د انسان او د هغه د زړه تر منځ کېږي. تاسو ټول د قیامت پر ورځ د الله سبحانه وتعالی لور ته ورګرځي.

د حزب التحریر مرکزي مطبوعاتي دفتر

د فلسطین سپڅلې خاوره

لیکوال: ام اسیم «عطاویل»

ژباړه: بهیر «ویاړ»

 

د مطلب ادامه...

د طالبانو او امریکا تر منځ ګډه اعلامیه؛ د ناکامۍ لپاره لارښود

خبر:

په افغانستان کې د سولې راوستلو لپاره د افغانستان اسلامی جمهوریت او امریکا ترمنځ ګډه اعلامیه!

تبصره:

د افغانستان مسلمانانو د امریکا په رهبرۍ د ۲۰ کلن اشغال په ختمولو او د دوی په اېستلو سره، خپل مقدس لقب (د امپراطوریو هدیره) وساته. له ټولو پوځي کمزورتیاوو سره سره یې، د لویو پوځي امکاناتو لرونکې امریکا دې ته اړ کړه، چې له افغانستان څخه ووځي. خو ایا دوی به وکولی شي چې د غرب نفوذ بند کړي؟ چې دا په حقیقت کې د ستونزو اصلي سرچینه ده.

کله چې امریکا او د هغوی متحدینو دوه لسیزې مخکې پر افغانستان برید وکړ، دوی له وحشي ځواکونو، مرګ او ویرانیو سره راغلل، چې مخکې له مخکې افغانان له جګړې ستړي وو. په ډېره لنډه موده کې یې د طالبانو رژیم نسکور کړ. دغه پوځي واکمني د امریکا د متحده ایالاتو غرور نور هم ډېر کړ. مګر ډېر ژر دوی له دې حقیقت سره مخ شول، چې پوځي اشغال دوامداره نه پاتې کیږي، ځکه د افغانانو اراده له اشغالګرو څخه د خلاصون او خپلو کارونو د تنظیمولو لپاره ډېره پیاوړې وه. دغه کار امریکا وهڅوله ترڅو طالبان د خبرو مېز ته راولي، چې کمزوري یې کړي. په داسې حال کې دوی په قوي موقف کې وو، لوړ لاس یې درلود او د دوی په مقابل کې یې هېڅ نه شوای کولی. همدارنګه په داسې حال کې چې متحده ایالات د دغه خبرو اترو یوازني ګټونکي وو. د امریکا له کمزوري دریځ سربېره دوی وکولی شول، چې پر طالبانو خپل نفوذ او امتیازات وکاروي.

تر دې کچې چې په دغه ګډه اعلامیه کې یې د « تروریزم ضد جګړه» داستان، چې امریکا او د هغې متحدینو، تر دغه نامه لاندې افغانستان او نور اسلامي هېوادونه اشغال کړل، د افغانستان په نوي اسلامي امارت هم قبول کړ. په دغه اعلامیه کې راغلي «دا په ښکاره ډول هغو کسانو ته پیغام دی، چې امریکا او د هغوی د متحدینو امنیت ته ګواښ پېښوي. په دې مانا چې په افغانستان کې د هغو کسانو لپاره ځای نشته، چې امریکا او د هغې متحدینو ته ګواښ پېښوي او له دغه ډول خلکو او ډلو سره به هېڅ ډول همکاري نه کوي.» که څه هم څو کاله مخکې د دوی خپله موخه «د ترهګرۍ ضد جګړه» شعار و.

همدارنګه د اګیست له ۱۴مې، ورسته د امریکا او طالبانو ترمنځ د استخباراتي معلوماتو شریکول، هم پیل شول. په همدې اونۍ کې یوازې څو ساعته وروسته د کابل هواي ډګر په یوه ګڼه سیمه کې چاودنه وشوه. جنرال کینیټ مک کمینزي د امریکا د مرکزي قومندانۍ قومندان د امریکا د دفاع وزارت، په یوه جلسه کې د امریکا او طالبانو تر منځ د استخباراتي معلوماتو شریکول افشا کړل.

هغه وویل چې طالبانو او امریکا د اګیسټ تر ۳۱مې، پورې د وتلو د روان ماموریت د پای ته رسولو «ګډه موخه» سره شریکه کړه. «تر څو چې موږ دغه ګډه موخه خوندي ساتو، له دوی سره همکاري ګټوره ده» مک کینزي وویل، چې هغه په طالبانو باور نه لري، چې د پنج شنبې بریدونو ته به یې قصداُ اجازه ور کړې وي، خو هغه ومنله چې ډېر مطمئن نه دی.

همدارنګه په دغه «ګډه اعلامیه» کې چې دواړو خواوو لاسلیک کړې ده، راغلي چې متحده ایالاتو په افغانستان کې د افغانستان اسلامي جمهوریت په خوښه، د نظامي مداخلې لپاره بیا تیاری اعلان کړی، تر څو د القاعدې او داعش هڅې ګډې وډې کړي. د دغې اعلامیې په منلو سره طالبانو نه یوازې دا چې خپل ځانونه د اشغالګرو په غولونکو بیانونو پورې محدود کړ، بلکي امریکا ته دا زمینه برابروي، چې د افغانستان د خلکو په داخلي چارو کې مداخله وکړي.

په ورته ډول طالبانو د امریکا له لارښونو سره توافق وکړ، چې له پخوانیو رهبرانو او مفکرینو سره چې د خپلو خلکو پر وړاندې یې له امریکا سره همکاري کړې وه، سیاسي جوړښت وکړي. که چېرته دغه نظریه په افغانستان کې د مختلفو قشرونو تر منځ د پخلاینې لپاره یو ابتکار وی، نو کېدای شي پایله ولري، که چېرته نه وي حد اقل د داخلي پخلاینې لپاره یوه هڅه خو ده. خو که دا د اشغلګرو وړاندیز وي، چې د دوی له لاسپوڅو سره کار وکړي، نو دا یوازې د امریکا د ګټو خوندي کول دي او د لوی ناورین لپاره لارښونه ده، چې دا به طالبان کمزوري کړيش، په داسې حال کې چې دوی مخکې قوي او د واک خاوندان وو.

دا یوازې د امریکا د متحده ایالاتو چل ورکوونکې کړنې دي، تر څو په سیمه کې خپل نفوذ وساتي. زموږ وروستي تاریخ ښودلې، چې یوازې د دښمن د فاسدو نظریو او نفوذ له ایستلو پرته، فزیکي ایستل کفایت نه کوي. ترڅو پورې چې د دوی یو تار له موږ سره وصل وي، موږ به هېڅ کله هم ازاد نه وو. په بشپړ ډول به موږ هغه ورځ ازاد وو چې کله د دوی له فساد، غلطو نظریو او سیسټم څخه ازاد شو. موږ یوازې د اسلام په واسطه سره یو کېدای شو، له اسلام پرته په بل هېڅ شي نه شو سره یو ځای کېدای.

د حزب التحریر مرکزي مطبوعاتي دفتر ته!

لیکوال: اوکې پولا، په نیوزرلنډ کې د حزب التحریر مطبوعاتي ویاند

د مطلب ادامه...

کریملېن، چې دا ۲۰کاله یې افغانې ښځې کونډې کړې، اوس په منافقانه ډول د دوی دسوکالۍ په اړه تشویش کوي

خبر:

په اېټالیا کې د G20 کنفراس، چې د جنسیت د مساواتو په اړه و، په اول ځل یې اصلي موضوع د افغانستان د ښځو حقونه وو. د جمهوریت لومړي وزیر ماریو دراغي، استازو ته په خپله وینا کې له ټولو څخه وغوښتل چې د افغان ښځو د بنسټیزو حقونو په ځانګړي ډول د تعلیم حق د خوندي کولو لپاره، له هرې ممکنې لارې هڅې وکړي. سرچینه: re.euronews))

تبصره:

په افغانستان کې طالبانو ته د واک په انتفال سره د ښکاره دروغو یوه څپه خپره شوه، چې غواړي دا افسانه قوي کړي چې « اسلام ښځې له تعلیم څخه منع کوي».

د دغه جملې د ردولو لپاره به زه لومړی د رسول الله صلی الله علیه وسلم دغه حدیث ذکر کړم چې وایي:

«طلب ‏العلم فريضة على كل مسلم»

ژباړه: د دین زده کړه په ټولو مسلمانانو فرض ده.

د فقې د اصولو (د اسلامي قوانینو بنسټیزه پوهې) پر اساس په قران او سنتو کې هر خبر نر او ښځې دواړو ته متوجه دی، تر څو چې کومه ځانګړې اشاره د دغه دوه جنسونو د مشخص کولو لپاره نه وي کارول شوې.

پردې اساس د ژوند لپاره د ضروري (اسلامي، ساینسي او بشري) علم ترلاسه کول د دواړو نر او ښځې مسوولیت دی.

د اسلامي حکومت تر سیورې لاندې د دغه ډول ساده مفهوم منځ ته راوړل د ښځو تعلیم ته وده ورکوي. چې د اسلام تاریخ په اوږدو کې د نامتو، عالمو او اختراع کوونکو ښځو د رامنځ ته کیدو لامل شو. د بېلګې په ډول:

د رسول الله صلی الله علیه وسلم ښځه حضرت عایشه رضی الله عنه، چې په اسلامي احکامو کې یې پراخه پوهه درلوده او له ۲۲۰۰ څخه یې ډېر احادیث روایت کړي او د رسول الله صلی الله علیه وسلم مشهور صحابه به د مشورې لپاره ورته راتلل.

شفا بنت عبدالله د دویم خلیفه عمر تر مشرۍ لاندې، د قاضی په توګه دنده مخته وړله. د سوداګرۍ او پیسو معاملې به یې حلولې.

لوبنا الاندلسیا د لسمې میلادي پېړۍ شاعره وه. هغې په ګرامر، بیان، ریاضیاتو او خطاطۍ کې ډېر لوړ لاس درلود. د دولت له غښتلو کاتبانو څخه وه او د رسمي کتابت باور یې ترلاسه کړی و.

فخر نسا ام محمد شهدا د لسمې پېړۍ د عربي خطاطۍ متخصصه وه. د المکتفي خلیفه تر حاکمیت لاندې کارمنده وه. داسې ویل شوي، چې د دې په وخت کې په بغداد کې داسې څوک نه و، چې لیکنه کې یې له دې سره پرتله کړې وای.

شرف الدین سابونچو اوغلو په ترکیه کې د پنځلسمې پېړۍ جراحه وه، چې په انادولو کې یې په ښځینه روغتون کې جراحي کوله.

لوبنا الکوردوبیا د لسمې پېړۍ په ریاضیاتو او ادبیاتو کې متخصصه وه. هغې وکولی شول چې په هندسه او الجبر کې سختې ستونزې حل کړي. هغې د دویم الحاکم خلیفه د منشي په توګه دنده ترسره کوله.

مریم اسطرلابیه الیجلیه د لسمې پېړۍ ساینس پوه، مخترع، ستوري پېژندونکې، اسطرلاب او د لمر او سیارو د موقیعت ښودونکو وسایلو ته پرمختګ ورکوونکې وه.

فاطمه الفهري یوه تکړه ایجینره وه. په ۸۵۹ کال کې یې د القراویین پوهنتون بنسټ کېښود، چې د ګاینیس د ریکارډونو په کتاب کې د لوړو زده کړو تر ټولو پخواني او دایمي پوهنتون په توګه پېژندل شوی دی.

سربېره پردې، محمد اکرم النداوي په خپل څلویښت ټوکه کتاب کې د ۸زره ښځینه ساینس پوهانو (علماوو) ژوندلیکونه ذکر کړي، چې د اسلامي تمدن په واسطه روزل شوې دي.

دا یوازې یو څو بېلګې دي چې اسلام څرنګه ښځو ته اصل ورکړی. نه یوازې دا چې په اسلامي دولت کې یې تعلیم ته پرمختګ ورکړی، بلکي همدارنګه یې په لوړو پوستونو هم کار کړی دی.

د دومره ډېر شمېر ساینس پوهو مسلمانو ښځو شتون دا څرګندوي، چې اسلام د ښځینه تعلیم سره تړلی دی، ځکه دا ښکاره ده، چې د دومره ښځو تعلیم بې له دې چې د ښځو د تعلیم عمومي کچه لوړه وي ناممکن دی.

اسلام دې مسالې ته خورا ارزښت ورکړی، ځکه ښځه یې د کورنۍ د لومړي ساتونکي په توګه ټاکلې ده او د هغه چا په توګه چې د دفاع د لومړۍ کرښې لپاره مسلمان ځوان نسل روزي او تعلیم ورکوي. سربېره پردې، نور فرصتونه هم لري چې له کوره بهر تعلیمي، ساینسي او ټولنیز فعالیتونه کنټرول او اداره کړي.

دې ته باید پام وکړو، چې په یوازې توګه، د ښځو دغه یادې شوې تعلیمې کچې لاسته راوړل د تش په نامه جنسیتي برابرۍ یا د کورنۍ د ارزښتونو په له منځه وړلو او د ټولنیزو ستونزو په جوړلو، لکه په اروپا کې چې رامنځته کیږي،  ناممکن دي. خو دا چې کله نر او ښځه یو ځای خپل اصلي او ټولنیز رول سرته ورسوي، چې دا د دولت او ټولې ټولنې سوکالي تضمینوي.

د ښځو د تعلیم په ډګر کې د دغه ځانګړې مفکورې بیا معرفي کول یوازې هغه وخت امکان لري چې د نبووت په منهج دویم راشده خلافت بیا تاسیس شي. چې دا به په نېږدې راتلونکي کې بې له شکه د الله سبحانه وتعالی په رضا سره وشي.

د حزب التحریر مرکزي مطبوعاتي دفتر ته!

لیکوال: د اکراین د حزب ا لتحریر د مطبوعاتي دفتر رییس فاضل امزایو

#افغانستان

#Afghanistan

 

 

د مطلب ادامه...

«د نبووت په منهج خلافت» حدیث

  • خپور شوی په فقهي

مامون صوفي ته!

پوښتنه

قدرمن شیخ عطاء ابن خلیل ابو الرشته

اسلام علیکم ورحمة الله وبرکاته!

د الله سبحانه وتعالی له لوی دربار څخه غواړم چې تاسو، کورنۍ مو او د فلسطین د سپېڅلې ځمکې شباب روغ او هوسا وئ. د هغه سبحانه وتعالی له دربار څخه غواړم چې موږ ته د ګران رسول الله صلی الله علیه وسلم په منهج د خلافت په بیا تاسیسولو سره عزت راکړي.

نوم مې مامون صوفي دی او د کاناډا له شبابو څخه یم. غوښتل مې د « د نبووت په منهج خلافت» حدیث د صحت په اړه وپوښتم، چې په مسند احمد کې په (۱۸۵۹۶) شمېره راغلی. تر اوسه مې په ټولو بحثونو کې یوازې دومره کړي چې د دغه حدیث یادونه وکړم، نور مخکې نه یم تللی. خو په دې وروستیو کې رانه وغوښتل شول چې د دغه حدیث صحت او اعتبار وګورم. دلته د دې خبرې یادول اړین بولم چې عربي مې لومړۍ ژبه نه ده، نو په څېړنه کې مې لاسونه تر یوې کچې تړلي وو.

زه له یوه سند سره مخ شوم چې داسې ادعا کوي:

د مسند احمد (۱۸۵۹۶) شمېره حدیث چې موږ یې راوړو، د هغه حدیث له ډېرو بڼو یوه ده چې وایي:« بیا به د نبووت په منهج خلافت وي ...». دغه وروستۍ برخه یې یوازې یوه کس روایت کړې، دا کس ابراهیم الوسیطي نومېږي، چې روایتونه یې متروک او د سند په توګه د باور وړ نه دي.

دلته مې یې په عربي ژبه د پي ډي اېف فایل ادرس راوړی، نوره شرحه دلته ده:

https://hawramani.com/wp-content/uploads/2018/12/idlibi_hadith_five_ages_islamic_state_prophethood.pdf

که دا موضوع راته روښانه کړئ، منندوی به مو یم.

برک الله فیکم یا شیخ عطاء!

الله سبحانه و تعالی خو مو دې له صراط المستقیم څخه نه کږوي!

آمین ثم آمین

مامون صوفي

ځواب

اسلام علیکم ورحمة الله وبرکاته!

۱. تاسو په خپله پوښتنه کې یادونه کړې: (د مسند احمد (۱۸۵۹۶) شمېره حدیث چې موږ یې راوړو، د هغه حدیث له ډېرو بڼو یوه ده چې وایي:« بیا به د نبووت په منهج خلافت وي ...».) په داسې حال کې چې په مسند احمد کې په (۱۸۵۹۶) شمېره د خلافت په اړه کوم حدیث نه دی راغلی! بلکې دا حدیث د نورو موضوعاتو په اړه دی چې د نبووت په منهج خلافت پورې اړه نه لري. د دغه حدیث عنوان د (د عبدالله ابن ابی اوفا (رح)) په څپرکي کې دی.

۲. د نبووت په منهج د خلافت حدیث  په بېلابېلو سرچینو کې موندلای شو:

الف - مسند احمد : ۱۷۶۸۰ – (سلیمان بن داوود الطیالیسي له داوود بن ابراهیم الوسیطي او هغه بیا له  حبیب بن سلیم النعمان بن بشیر څخه روایت کوي چې ویلي یې دي: موږ په جومات کې له رسول الله صلی الله علیه وسلم سره ناست وو؛ بشیر له رسول الله صلی الله علیه وسلم څخه ډېر احادیث نه روایت کول؛ ابو طلبه الخوشاني وویل: اې بشیر بن سعده! د حکامو په اړه دې د رسول الله صلی الله علیه وسلم حدیث په یاد دی؟ حذیفه وویل: زما یې وینا په یاد ده. ابو طلبه کېناست. حذیفه وویل: رسول الله صلی الله علیه وسلم فرمایي:

«تَكُونُ النُّبُوَّةُ فِيكُمْ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ فَتَكُونُ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ اللَّهُ أَنْ يَرْفَعَهَا ثُمَّ تَكُونُ مُلْكاً عَاضّاً فَيَكُونُ مَا شَاءَ اللَّهُ أَنْ يَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ مُلْكاً جَبْرِيَّةً فَتَكُونُ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلَافَةً عَلَى مِنْهَاجِ النُّبُوَّةِ ثُمَّ سَكَتَ »

ژباړه: تر هغه چې د الله تعالی خوښه وي، نبووت به له تاسو سره پاتې وي. بیا به د نبووت په منهج خلافت وي او تر هغه به دوام کوي چې څو د الله (سبحانه و تعالی ) خوښه وي؛ بیا یې که خوښه شوه هغه به هم واخلي. بیا به ارثي حکومت (ملكًا عاضًا) وي او تر هغه چې د الله تعالی خوښه وي، دوام به کوي. بیا یې که خوښه شوه دا به هم واخلي. ورپسې به ظالم حکومت (ملكًا جبرية) وي او تر هغه به روان وي چې څو الله سبحانه وتعالی غواړي. بیا یې که خوښه شوه پورته به یې کړي. بیا به د نبووت په منهج خلافت وي. بیا چوپ شو.

ب – د بیهقي په دلایل النبوة کې ۲۸۴۳ – ( ابوبکر محمد بن الحسن بن فارک (رح) له عبدالله ابن جعفر السبحاني او هغه له یونس بن حبیب او یونس بن حبیب له ابو داوو الطیالیسي څخه روایت کوي چې داوو الوسیطي – چې د باور وړ کس و- ویلي: ما له حبیب بن سلیم څخه اورېدلي چې ویل یې: ما له النعمان بن بشیر بن سعد څخه په یوه حدیث کې چې نوموړي ذکر کړی، اورېدلي چې : ابو طلبه راغی او ویې ویل: اې بشیر بن سعده، د حکامو په اړه دې د رسول الله صلی الله علیه وسلم حدیث په یاد دی؟ حذیفه له بشیر سره ناست و، نو حذیفه وویل: زما یې وینا په یاد ده، نو ابو طلبه کېناست او حذیفه وویل: رسول الله صلی الله علیه وسلم فرمایلي:

«إنكم في النبوة ما شاء الله أن تكون، ثم يرفعها إذا شاء، ثم يكون خلافة على منهاج النبوة تكون ما شاء الله أن تكون ثم يرفعها إذا شاء، ثم تكون جبرية تكون ما شاء الله أن تكون، ثم يرفعها، إذا شاء أن يرفعها، ثم تكون خلافة على منهاج النبوة»

ژباړه: تاسو تر هغه پورې په نبووت کې یئ، چې څو د الله تعالی خوښه ده. بیا یې که خوښه شوه دا به درنه واخلي. بیا به د نبووت په منهج خلافت وي او تر هغه به دوام کوي، چې څو د الله (سبحانه و تعالی ) خوښه وي؛ ورپسې به ظالم حکومت (ملكًا جبرية) وي او تر هغه به روان وي چې څو الله تعالی غواړي. بیا یې که خوښه شوه پورته به یې کړي. بیا به د نبووت په منهج خلافت وي.

ج – په مسند الطیالیسي کې، ۴۳۳ – ( ابو داوود روایت کوي: داوود الوسیطي – چې د باور وړ کس و - موږ ته وویل: ما له حبیب بن سلیم څخه واورېدل چې: ما له النعمان بن سعد څخه اورېدلي چې: موږ له رسول الله صلی الله علیه وسلم سره په جومات کې ناست وو، بشیر داسې کس و چې له رسول الله صلی الله علیه وسلم څخه یې ډېر احادیث نه دي روایت کړي، نو ابو طلبه راغی او ویې ویل: اې بشیر بن سعده! د حکامو په اړه دې د رسول الله صلی الله علیه وسلم حدیث یاد دی؟ حذیفه له بشیر سره ناست و، حذیفه وویل: زما یې وینا په یاد ده. طلبه کېناست او حذیفه وویل: رسول الله صلی الله علیه وسلم فرمایي:

«إِنَّكُمْ فِي النُّبُوَّةِ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ، فَتَكُونُ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ مُلْكاً عَاضّاً، فَيَكُونُ مَا شَاءَ اللَّهُ أَنْ يَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ جَبْرِيَّةً، فَتَكُونُ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ»

ژباړه: تاسو تر هغه پورې په نبووت کې یئ، چې څو د الله تعالی خوښه ده. بیا یې که خوښه شوه دا به درنه واخلي. بیا به د نبووت په منهج خلافت وي او تر هغه به دوام کوي، چې څو د الله (سبحانه و تعالی ) خوښه وي؛ ورپسې به ظالم حکومت (ملكًا جبرية) وي او تر هغه به روان وي چې څو الله تعالی غواړي. بیا یې که خوښه شوه پورته به یې کړي. بیا به د نبووت په منهج خلافت وي.

د –  د شهاب الدین احمد بن ابي بکر بن اسمعیل البوصیري (په ۸۴۰م کې وفات شوی) په «اتحاف الخرة المهرة» کې:

[ ۴۱۶۴/۱] ابو داوود الطیالیسي وویل: داوود الوسیطي – چې د باور وړ کس دی- روایت کوي: ما له حبیب بن سلیم څخه واورېدل، هغه له النعمان بن بشیر بن سعد څخه اورېدلي وو چې:  موږ په جومات کې له رسول الله صلی الله علیه وسلم سره ناست وو. بشیر له رسول الله صلی الله علیه وسلم څخه ډېر احادیث نه روایت کول، نو ابو طلبه ورته راغی او ویې ویل: اې بشیر بن سعده، د حکامو په اړه دې د رسول الله صلی الله علیه وسلم حدیث یاد دی؟ حذیفه له بشیر سره ناست و، حذیفه وویل: زما یې وینا په یاد ده. طلبه کېناست او حذیفه وویل: رسول الله صلی الله علیه وسلم فرمایي:

«تكون فيكم النبوة ما شاء اللّه أن تكون، ثم يرفعها إذا شاء أن يرفعها، تم تكون خلافة على منهاج النبوة، ثم تكون ما شاء اللّه أن تكون، ثم يرفعها إذا شاء أن يرفعها، ثم تكون ملكاً عاضّاً فتكون ما شاء اللّه أن تكون، ثم يرفعها إذا شاء أن يرفعها، ثم تكون ملكاً جبرية فتكون ما شاء اللّه أن تكون، ثم يرفعها إذا شاء أن يرفعها، ثم تكون خلافة على منهاج نبوة ثم سكت.»

ژباړه: تر هغه چې د الله تعالی خوښه وي، نبووت به له تاسو سره پاتې وي. بیا به د نبووت په منهج خلافت وي او تر هغه به دوام کوي چې څو د الله (سبحانه و تعالی ) خوښه وي؛ بیا یې که خوښه شوه هغه به هم واخلي. بیا به ارثي حکومت (ملكًا عاضًا) وي او تر هغه چې د الله تعالی خوښه وي، دوام به کوي. بیا یې که خوښه شوه دا به هم واخلي. ورپسې به ظالم حکومت (ملكًا جبرية) وي او تر هغه به روان وي چې څو الله سبحانه وتعالی غواړي. بیا یې که خوښه شوه پورته به یې کړي. بیا به د نبووت په منهج خلافت وي. بیا چوپ شو.

۳- له دغو احادیثو معلومېږي چې داوود بن ابراهیم الوسیطي د باور وړ کس دی. احمد یې په خپل مسند کې یادونه کړې، بیهقي یې په دلائل  النبوة کې نوم راوړی، الطیالیسي یې په خپل مسند کې ذکر کړی او بوصیري یې په اتحاف الخیرة المهرة کې. د حدیث د صحت لپاره همدا کفایت کوي. سربېره پر دې، ابن حبان دی په خپل کتاب «الطیقات» کې یو د باور وړ کس یاد کړی. دا کتاب اما الحفیظ ابی حاتم محمد بن حبان بن احمد التمیمي البستي لیکلی چې په ۳۵۴ ق یا ۹۶۵م کال کې وفات شوی.

۴-   خو صلاح الدین الادلیبي په خپله وېبپاڼه کې، چې تاسو یې لېنک لېږلی، د داوود ابن ابراهیم په اړه څېړنه کوي او وایي چې دا الوسیطي او یا العقیلي دی، بیا د داوود ابن ابراهیم العقیلي په اړه خبرې کوي او روایتونه یې متروک یادوي، بیا وایي: ( د قزوین قاضي، داوود بن ابراهیم، العقیلي دی) دی زیاتوي ( الاذدي ویلي چې دا ناپېژندل شوی او د باور وړ نه دی). نوموړی بیا وایي ( د ویلو ده چې داوود بن ابراهیم الوسیطي د ابو داوود الطیالیسي، چې مسند یې لیکلی، پر وړاندې د باور وړ و. نو دا د منلو ده چې نوموړی د هغه کس لپاره د باور او اعتبار وړ و چې له ده یې روایت کړی!) که څه هم الادلیبي د ده صحت او اعتبار نه قبلوي! او دی د ابن حبان لپاره د باور وړ نه دی!

دی زیاتوی: «که داوود بن ابراهیم الوسیطي د راویانو په لړۍ کې په درواغو تورن شوی وي، نو د روایت لړۍ او ځنځیر نیمګړی دی او که له ده پرته بل څوک وي، نو دا ځنځیر کومه ستونزه نه لري. بیا هم که کوم شک وشي، زموږ دنده دا ده چې ودرېږو.»

دلته شک له کومه شي؟ بیهقي له ده څخه په خپل (دلائل  النبوة) کې روایت کړی، الطیالیسي یې په خپل مسند او بوصیري یې په (اتحاف الخیرة المهرة) کې. د راویانو په ځنځیر کې هم د باور وړ کس یاد شوی، حدیث د دوی په واسطه استخراج او کره شوی. احمد یې هم په خپل مسند کې راوړی او ابن حبان دی، د باور وړ کس یاد کړی ... نو شک له کومه شي!؟

په پایله کې: «د نبووت په منهج خلافت» حدیث لویو محدیثینو روایت کړی او د روایت ځنځیر یې هم سم دی.

ستاسو ورور عطاء بن خلیل ابو الرشتة

 

د مطلب ادامه...

د تنظيم الدولة (داعش) له خوا د خلافت د اعلان په اړه د حزب التحریر د امير رسمي دريځ

  • خپور شوی په سیاسي

«ژباړه»

ټولو هغو وروڼو ته چې د الدولة ګوند له لوري د خلافت د قايمېدو ... د اعلان په اړه يې د تفسير غوښتنه کړې وه، د هغوی د نومونو له يادولو څخه ډډه کوم، ځکه چې نوملړ يې اوږد دی ...

اسلام عليکم ورحمه الله وبرکاته،

له شک پرته ما بايد پر خپل وخت ځواب درته لېږلی وای، خو دا دی درته ليږم يې:

درنو وروڼو:

۱. له شک پرته هر ګوند چې په يوه سيمه کې د خلافت د تاسيس د اعلان اراده ولري، پر هغو واجب ده چې د رسول الله صلی الله عليه وسلم د طريقې پيروي وکړي. دغه ګوند بايد په دغه خاوره کې څرګنده واکمني ولري، ترڅو د هغې له لارې خپل کورنی او بهرنی امنيت تامين کړي. دغه راز نوموړې سيمه چې خلافت په کې اعلانيږي، بايد په سيمه کې د يوه دولت د ارزښتونو او ظرفيتونو درلودونکې وي .... دا هغه شرايط دي چې په مدينه منوره کې د رسول الله صلی الله عليه وسلم له خوا د دولت له تاسيس څخه را پاتې دي. هلته سلطان (واکمني) د رسول الله صلی الله عليه وسلم وه، کورنی او بهرنی امان د اسلام او مسلمانانو د واکمنۍ له لارې ټينګ شوی و او مدينه هم په شاواخوا سيمه کې د يوه دولت د بشپړو وړتیاوو او ظرفيتونو درلودونکې وه. 

۲هغه ګوند چې اوس يې د خلافت اعلان کړی دی، نه په سوريه کې او نه هم په عراق کې سلطان (واکمني) لري او نه هم په کور د ننه او بهر امان راوستلی شي. آن هغه څوک چې د خليفه په توګه ورسره بيعت شوی دی، نه شي کولای په ښکاره او د خلکو په منځ کې را څرګند شي. بلکې د دولت له اعلان څخه د وړاندې حالت په شان پټ دی! د نوموړي دغه حالت هم د رسول الله صلی الله عليه وسلم له حالت سره مخالف دی. ځکه د دولت له تاسيس څخه وړاندې رسول الله صلی الله عليه وسلم ته اجازه وه چې د ثور په غار کې پټ شي، خو د دولت له تاسيس وروسته هغه صلی الله عليه وسلم د چارو سرپرستي، د لښکر رهبري، د دښمنيو قضاوت، د استازو لېږل او په ښکاره د نورو د استازو هرکلی کاوه. له همدې امله د دولت له تاسيس څخه وړاندې د رسول الله صلی الله عليه وسلم حالت د دولت له تاسيس څخه وروسته د هغه صلی الله عليه وسلم له حالت سره زيات توپير درلود ... په همدې دليل د ګوند له خوا د خلافت اعلان لغوه دی، ځکه هغه د خلافت هېڅ مضمون او محتوا نه لري او دا خليفه د هغو کسانو په شان دی چې مخکې يې د ځمکې د واقعيتونو او ظرفيتونو په نظر کې نيولو پرته، د خپلو نفسونو د ځينو غوښتنو د پوره کولو لپاره يې د خلافت اعلان کړی و. پخوا داسې کسان وو چې چې خپل ځانونه يې خليفه اعلان کړي و او دغه راز داسې کسان هم وو چې خپل ځانونه يې مهدي اعلان کړي وو ...، پرته له دې چې د يوه دولت بنسټونه، سلطان (واکمني)، امن او امان په نظر کې ونيسي!... 

۳. له شک پرته خلافت د داسې شأن درلودنکی دی، چې شريعت هغه بيان کړی دی. د هغه د جوړولو طريقه، په حکومتولۍ، سياست، اقتصاد او نړيوالو اړيکو کې د احکامو د استنباط کيفيت او ... هغه داسې اعلان نه دی چې له مسمی پرته يوازې یو نوم وي، چې يوازې په انټرنټي پاڼو، ليکنيو، غږيزو او تصويري رسنيو کې خپريږي. بلکې خلافت هغه عظيمه پېښه ده چې نړۍ ته ټکان ورکوي، په ځمکه کې يې ريښې ژورې، ثابتې او ټينګي وي، سلطان (واکمني) يې کورنی او بهرنی امن په تر ولکې لاندې ځمکه کې تامينوي، په کور دننه اسلام عملي کوي او بهر نړۍ ته يې د دعوت او جهاد له لارې لېږدوي.

۴. هغه اعلان چې د الدولة ډلې له خوا شوی، په الغاء او له منځه تلو محکوم دی. دغه اعلان د الدولة ګوند په واقعيت کې د هېڅ پرمختګ او ورسته تګ لامل نه کيږي. ځکه ګوند د دولت له اعلان وړاندې او وروسته يو وسله وال حرکت دی. د هغه شان د نورو وسله والو حرکتونو په شان دی، چې په خپل منځ او يا هم له اوسنيو نظامونو سره جنګيږي. پرته له دې چې له دغو ډلو څخه هېڅ يوه هم نشي کولای خپله واکمني پر عراق او سوريه او يا هم پر دواړو ټينګه کړي. هغه که هره وسله واله ډله وي، چې له هغې ډلې الدولة تنظيم هم دی. خو که هغه خپله واکمني په داسې خاوره کې وغځوي چې د دولت ظرفيت او وړتيا ولري او د خلافت د تاسيس اعلان وکړي، اسلام بشپړ عملي کړي، هغه وخت موضوع د بحث وړ ده، تر څو وليدل شي چې که خلافت يې له شرعي احکامو سره سم جوړ کړی و، نو هغه وخت يې پيروي کيږي. ځکه د خلافت تاسيس پر مسلمانانو فرض دی، نه يوازې پر حزب التحرير. نو که څوک خلافت په حق سره جوړ کړي، پيروي يې کيږي ... خو موضوع دغه ډول نه ده، ځکه ټولې وسله والې ډلې ملېشې دي، چې الدولة تنظيم هم له هماغه ډلې څخه دی، چې نه د دولت بنسټونه او ظرفيت، نه پر ځکمه سلطان (واکمني) او نه هم امن او امان لري. له همدې امله د الدولة تنظيم له خوا د دولت اعلان شرعاً لغوه دی، د بحث او ځنډ وړ نه دی او واقعيت يې د عيانو لپاره ښکاره دی. 

۵. خو څه چې د بحث او ځنډ وړ دي، له دې وېره ده چې دغه اعلان به له سطحې فکرو سره د خلافت پر مفکورې سلبي او منفي اغېز ولري، يعنې له هغوی سره به د خلافت مفکوره د هغه د عظمت له مرکز څخه را ولويږي، د مسلمانانو په منځ کې به يې اهميت را کم کړي. دې مفکورې ته به تر هغې پورې سقوط ورکوي چې يوازې د هغو تشو احساساتو په څېر به ښکاري چې کله نا کله له ځينو شخصيتونو څخه ښکاره کيږي. له دې وروسته به هر يو را پاڅيږي او په يوه ساحه، ميدان او يا هم کلي کې به خپل ځان خليفه اعلانوي، بيا به له خلکو او ټولنې پټېږي او ګومان به کوي چې ښه کار يې کړی دی. له دې امله خلافت به د دغو سطحي فکرانو په زړونو کې خپل اهميت او عظمت له لاسه ورکوي، تر دې بريده چې يو ښه نوم به وي او هر څوک به پرته د هغه له محتوا څخه ترې استفاده کولی شي ... دا هغه څه دي چې بايد بحث او ځنډ پرې وشي، په ځانګړي ډول په داسې وخت کې چې د تېر په پرتله د خلافت تاسيس ډېر را نږدې شوی دی او مسلمانان يې هم په بې صبرۍ انتظار کوي. هغوی حزب التحرير هغه ډله ګڼي چې په دې لاره کې يې د رسول الله صلی الله عليه وسلم په طريقه حرکت کړی دی چې بالاخره يې په مدينه منوره کې هغه تاسيس کړ.... دوی دغه راز باور لري چې د امت او حزب ترمنځ ژوندی، عبرتناک او اغېزناک تفاعل شوی، چې په ترڅ کې يې امت حزب په خپله غېږ کې نيولی. د دغه تفاعل له امله مسلمانانو د اسلامي اخوت (ورورولۍ) معنی درک کړې ده او خپله دا د خلافت په جوړولو او د امت د چارو په غوره سرپرستۍ کې د حزب په برياليتوب د خير بشارت ورکوي، چې بالاخره حزب د نبوت پر منهج د خلافت د تاسيس وړ ګڼي ... په داسې وخت کې دا اعلان کيږي او د سطحي فکرو په ذهنونو کې د خلافت د واقعيت ناسم تصوير وړاندې کوي .... 

۶. دغه ټول د استفهام یا پوښتنې نښه ګرځي، بلکې نښې ... د دغه اعلان دوخت په اړه، له څرګند سلطان پرته، تر څو لږ تر لږه د اعلان د خاوندانو د دولت لپاره په داخل او خارج کې امنيت تامين کړي، بلکې ان په فيسبوک او رسنيو کې ... دا وخت د شک وړ دی. په ځانګړي ډول وسله وال حرکتونه د غير فکري تکتل پر اساس جوړ شوي دي، په هغو کې ننوتل اسانه کار دی او په ليکو کې يې د شرق او غرب د اشرارو ننوتل ساده خبره ده او ښکاره ده چې شرق او غرب د اسلام او خلافت پر وړاندې مکر او چل کوي. دوی ته يوازې دا اهميت لري چې د خلافت تصوير ناسم وښيي، په داسې حال کې چې نه شی کولی بشپړ نوم يې له منځه يوسي. هغوی اوس دې ته پام کوي چې هر څوک يې له محتوا او هر ډول دغدغې پرته وکاروي، په هغه صورت کې به وکولی شي هغه لويه پيښه چې کفار د ټکې (تندر) په شان حيرانوي، يوازې په يوه تش نوم بدل کړي، ترڅو په واسطه يې له خپلو دښمنانو سره شپه او ورځ ټوکې وکړي!... 

۷. خو له دې ټولو مکرونو سره سره چې اشرار يې کوي، موږ د اسلام شرقي او غربي دښمنانو، د هغوی مزدورانو، پيروانو او جاهلانو ته په ټينګار سره وايو چې خلافت هغه نظام دی چې نړۍ يې د پيړيو لپاره په ښکاره، نه په مجهوله توګه رهبري کړه، اګر که د هغوی هر څومره مکر او چل شتون درلود ﴿وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ﴾ يعنې: هغوی هم مکر کاوه او لارې چارې يې لټولې او الله سبحانه وتعالی هم له دوی سره مکر کوي او الله سبحانه وتعالی تر ټولو غوره چاره جوړوونکی دی. له شک پرته الله سبحانه وتعالی د خلافت لپاره داسې حزب جوړ کړی، چې پر شاوخوا يې داسې کسان را ټول شوي چې د الله سبحانه وتعالی له ذکر پرته هېڅ ډول سوداګري او بيعه هغوی له خپل مسير څخه نه منحرفوي. خلافت يې په زړونو، سترګو او غوږونو سره احاطه کړی. د هغه لپاره يې دقيقه تياري نيولې ده. د هغه احکام، دستور (اساسي قانون)، په اداره او حکومتولۍ کې يې د هغه جهازونه (ادارې) استنباط کړې دي او د اقامې په لاره کې يې له هر بل لوري پرته يوازې د رسول الله صلی الله عليه وسلم په طريقه پسې اقتدا کړې ده، ... د الله سبحانه وتعالی په اذن سره دوی هغه جوړښت دی چې د هر اړوند شک مخه به نيسي، هغوی هغه سخته ډبره ده چې د کفارو، د هغوی د مزدورانو او پيروانو ټولې دسيسې به د الله سبحانه وتعالی په مرسته نابودوي. هغوی هغه واعی (د عقيدې له مخې پوه) سياستوال دي چې د الله سبحانه وتعالی په قوت به د اسلام او مسلمانانو د دښمنانو کيد د هغوی خپلو سينو ته ورګرځوي. ﴿وَلَا يَحِيقُ الْمَكْرُ السَّيِّئُ إِلَّا بِأَهْلِهِ﴾ يعنې: ناوړه چل او مکر يوازې د مکرجنو لمن نيسي. 

اې عزتمنو وروڼو!

له شک پرته د خلافت چاره لويه موضوع ده او جليل شأن لري. د هغه تاسيس به يوازې داسې خبر نه وي چې غولوونکې رسنۍ پرې لوبې وکړي، بلکې د الله سبحانه وتعالی په اذن سره به داسې يوه دوامداره زلزله وي چې ټول نړيوال موازين به ګډوډ کړي او دتاريخ پاڼې او د هغه ليد به د هغه په حکم بدل شي ... او خلافت به د نبوت پر منهج را ګرځي، داسې چې رسول الله صلی الله عليه وسلم يې زېری ورکړی دی. هغه کسان چې هغه اقامه کوي، د هغو کسانو په شان دي چې لومړنی راشده خلافت يې جوړ کړی وو. هغوی اتقياء (پرهيزګاران) او انقيا (سپېڅلي) دي، امت له هغوی سره او هغوی له امت سره مينه لري، امت د هغوی په ليدو نېکمرغه کيږي او دوی د خپل امت په ليدو سره د سعادت احساس کوي، نه دا چې شتون يې په خپل منځ کې د انکار تر بريده بد وګڼي ... د نبوت پر منهج د راتلونکي خلافت اصحاب داسې دي. ځکه الله سبحانه وتعالی هغه داسې کسانو ته ورکوي چې وړ يې وي او موږ له الله سبحانه وتعالی څخه هيله لرو چې موږ د هغه اهل او څښتنان وګرځوي. له الله سبحانه وتعالی څخه غوښتنه کوو چې د هغه د اقامې منت پر موږ کيږدي ﴿فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ﴾ يعنې: نو زيری ورکړی د هغه بيعې په اړه چې تاسو ترسره کړې ده. پس له الله سبحانه وتعالی نه مه ناهيلي کېږئ، الله سبحانه وتعالی تاسې نه ضايع کوي. اې عزتمنو وروڼو، هغه زحمت چې تاسې ايستلی او هغه دعوت او دعا چې تاسو ترسره کړې د هغو هېڅ ډول رد نشته او په هغه هيله چې تاسې يې لرئ، هېڅ نا هيليتوب پکې نشته، پس په قربانۍ او زياتې ورکړې سره له موږ سره مرسته وکړئ او له خپله ځانه الله سبحانه وتعالی ته خير ښکاره کړئ، تر څو هغه سبحانه وتعالی خير درته زيات کړي او هېڅ شی بايد تاسې په بې ځايه خبرو له صادق او جدي عمل څخه منحرف نه کړي.

والسلام عليكم ورحمة الله وبركاته  

ستاسې ورور، پخوانی ځواب پای ته ورسېده او درواستول شو.

زه هيله لرم چې بسنه وکړي، وفقكم الله وأعانكم، وهدانا الله وإياكم إلى أرشد الأمر 

ستاسو ورور عطاء بن خليل أبو الرشتة د حزب التحریر امير

 

د مطلب ادامه...

نوید بټ ته پرانیستی لیک

  • خپور شوی په سیاسي

(ژباړه)

د حزب التحریر ـ ولایه پاکستان مطبوعاتي مسول او ویاند ګران ورور نوید «بټ» اوسمهال ۵۲ کلن دی چې په ۲۰۱۲ م کال کې د مې میاشتې پر ۱۱مه د پاکستان د رژیم له لوري د لاهور په کوڅو کې پر داسې مهال ونیول شو چې خپل زامن یې له ښوونځي څخه کور ته بېول. د همدغو کلونو په موده کې نوموړی نه لیدل شوی، نه یې غږ اورېدل شوی او همدارنګه کومې محکمې یې جرم هم نه دی ثابت کړی او نه محکمې ته ور پېژندل شوی دی. د نوموړي د تښتونې ۱۰ کاله کېږي.

زه نوید «بټ» ته دغه پرانیستی لیک لیکم، د الله سبحانه وتعالی تسبیح وایم او پر دې پوهېږم چې الله سبحانه وتعالی تر ټولو لوړ او په حقیقت کې د ستر ځواک څښتن دی، چې ټولې چارې سمبالوي او غوره حکمت درلودونکی دی.

نوید «بټ» لوړې زده کړې لري او هوښیار انسان دی. هغه په لاهور کې د مهندسۍ تکړه انجینر و چې له هېواد څخه بهر یې په یوه ښوونیزه موسیسه کې د زده کړو لپاره بورس هم ګټلی و. وروسته یې د فناورۍ له شرکت سره د صنعت په برخه کې حرفه‌یي زده کړې پیل کړې. کله چې نوید «بټ» په نړیواله کچه د خلافت دولت د تاسیس لپاره کار پیل کړ، یعنې د اسلام د قوانینو سیسټم چې د الله سبحانه وتعالی ټول قوانین، اقتصادي، ټولنیز، احکامو، قضا، کورنۍ او بهرنۍ پالیسۍ لپاره برنامه او سیسټم لري. همدارنګه الله سبحانه وتعالی د یوې ټولنې لپاره په قران کریم کې قوانین بیان کړي دي. الله سبحانه وتعالی فرمایي:

(فَاحْكُم بَيْنَهُم بِمَا أَنزَلَ اللّهُ) [مایده: ۴۸]

ژباړه: پر هغه څه قضاوت وکړه چې الله سبحانه وتعالی نازل کړي دي.

اسلام ته د نوید «بټ» اخلاص او صداقت او هغه ظلم چې په پاکستان کې د واکمن حکومت او له هغه بېرون د اسلام پر وړاندې ترسره کېده، نوموړی اړ شو چې په بهر کې خپل کار پرېږدي او پاکستان ته راوګرځي؛ څو د اسلامي خلافت دولت د بیا تاسیس لپاره له سوله‌ییزو لارو خپل فعالیتونه د رسول الله صلی الله علیه وسلم پر تګلاره پیل کړي. رسول الله صلی الله علیه وسلم په مکه کې له ۱۳ کلنې مبارزې وروسته په مدینه کې اسلامي دولت جوړ کړ.

زه هیله مند یم او الله سبحانه وتعالی ته دعا کوم چې په دغه پرانیستي لیک کې لیکل شوی پیغام زموږ ګران ورور نوید «بټ» ته ورسېږي. ځکه اوسني ظلم نوید «بټ»، د هغه کورنۍ او د نوموړي سیاسي فعاله وروڼه له یو بل سره بېل کړي دي، چې هغه ته ډېر درناوی لري. کېدایشي دغه پیغام هغه ته ورسېږي.

ګران ورور نوید «بټ»! موږ تاته په درنه سترګه ګورو او پخپل منځ کې ستا پر نشت اندېښمن یو. په ځانګړي ډول د الله سبحانه وتعالی د نظام د بیا تاسیس لپاره ستا هڅې او هغه مسولیت چې تا پر غاړه اخیستی و. موږ پوهېږو چې ته خپله کورنۍ نه وینې او ډېر ترې لېرې یې.  تقریبا ستا د ژوند لس کاله په زندان کې تېر شوي دي. تا خپل ماشومان په لاس کې نه دي اخیستي او هغوی ستا خندا نه ده لیدلې. همدارنګه هغوی دې په غېږ کې نه دي اخیستي، چې د هر ماشوم هیله او احساس د پلار په غېږه کې ځان لیدل وي.

داسې سخت کلونه به پر هېچا تېر نه شي. هېڅوک تېر وخت ته نه ورګرځي، نه ستا پر ځای څوک کېدایشي، یعنې هغه څه چې تا او ستا کورنۍ له لاسه ورکړل. ته هغه څه تجربه کوي، څنګه چې یوسف علیه سلام ورسره مخ شو، کله چې هغه په تېروتنه کې بندي شوی و.

پر هغه تیري کوونکو ته! هغه چاته چې دی یې نیولی دی، هغه چاته چې له کومو شواهدو پرته نوموړی شکنجه کوي، هغه کسان چې نوید «بټ» له کوم جرم پرته له خپلې کورنۍ لېرې ساتي؛ همدارنګه هغه چاته چې د الله سبحانه وتعالی د احکامو په مقابل کې ولاړ دي، له نوید ورور سره خپلو جرمونو او دغه ستر جنایت ته دوام ورکړئ.

پوه شئ! دا هغه جنایت دی چې په اخرت کې به ورسره مخ شئ. که تاسو له اخرت او د الله سبحانه وتعالی له عذاب او جزا څخه ونه ډار شئ، نو درک کړئ چې راتلونکی خلافت دولت به ستاسو د دغو جرمونو له امله سخته سزا درکړي. نو دا به غوره فرصت وي چې هغه ازاد کړئ.

هغو شاهدانو ته چې پر نوید ورور خبر دي، یا هغو کسانو ته چې د نوموړي د زنداني کېدو په اړه پوهېږي او چپ پاتې دي او دغه بې عدالتۍ نه په ګوته کوي او نه هم په دې اړه رښتیا وایي. پوه شئ چې الله سبحانه وتعالی له تاسو څخه ازموینه اخلي چې تاسو کوم څه ټاکئ، حق، که باطل؟ ځکه په اسلام کې منځلاري نشته.

هغه کسان چې دغه بې عدالتۍ ویني، پر وړاندې یې د درېدو وس هم لري، خو په اړه یې اقدام نه کوي، د الله سبحانه وتعالی په مقابل کې به مخامخ درېږي او په هغو کسانو کې به شامل وي چا چې ورته ظلمونه کړي، یعنې ظالمان دي او هغوی ته به هم همداسې جزا ورکول کېږي.

نوید «بټ» ورور ته وروستی پیغام! موږ ډېرې لېرې یو چې له تا سره ووینو او خبرې اترې درسره وکړو. موږ تا ته دعاوې کوو، څو هغه دروازه پرانیستل شي چې ته پکې بندي یې. موږ شپه او ورځ کوښښ کوو چې ژر تر ژره د نبوت پر تګلاره اسلامي خلافت دولت یو ځل بیا تاسیس شي. دغه دولت به د الله سبحانه وتعالی حکم پلی کړي او د پاکستان خلک به له هغه ظلم څخه ازاد کړي چې اوس ورسره مخ دي.

د الله سبحانه وتعالی په خوښه موږ دعا کوو چې تر دې وروسته تا په داسې حال کې ووینو چې نه یوازې یو سیاسي فعال وې، بلکې دا ځل د مسلمانانو او اسلامۍ نړۍ د یو ستر رهبر، د هند په څېر د ولایت د والي او همدارنګه یوه ورځ د خلیفه په توګه وټاکل شې. موږ د مسلمانانو په توګه د دغه وخت لپاره دعا کوو، موږ الله سبحانه وتعالی ته اوښکې تویوو، موږ له مسلمانانو سره د الله سبحانه وتعالی پر کړې ژمنه او زیري باور لرو. همدارنګه موږ هغو کسانو ته د رهبرۍ کولو په تمه یو چې رښتینی ایمان لري او په پوره اخلاص د اسلامي دولت د تاسیس لپاره کار کوي.

د حزب التحریر مرکزي مطبوعاتي دفتر

لیکوال: محمد اصف

ژباړه: بهیر «ویاړ»

 

د مطلب ادامه...

واک درلودل باید اسلام ته د خدمت لپاره وي، نه د ګټې تر لاسه کولو

  • خپور شوی په سیاسي

(ژباړه)

طالبانو د ۲۰۲۱ م، د اګېسټ په ۱۵مه د افغانستان پلازمېنه کابل ونیو، وروسته ولسمشرۍ ماڼۍ ته دننه شول او د وخت ولسمشر اشرف غني وتښتېد.

د قطر په پلازمېنه دوحه کې د «پګواش» په کنفرانس کې د شوي تړون پر اساس متحده ایالاتونو افغانستان پرېښود او همدارنګه له بګرام هوایي اډې څخه تر شلو کلونو وروسته، په نیمه شپه کې په مړو څراغونو په داسې حال کې ووتل، چې هېڅ افغان پوځي قومندان پر دې مساله خبر نه و. یعنې د افغانستان د پوځي او سیمه‌ییزو چارواکو له اجازې خبرولو پرته یې هوایي ډګر پرېښود.

وروسته طالبان په ډېرې چټکۍ سره د اشرف غني تر تېښتې وروسته ولسمشرۍ ماڼۍ ته دننه شول، پرمختګ یې وکړ او د دوو اونیو په ترڅ کې یې د ۳۳ ولایتونو مرکزونه ونیول. د واک دغه خوشي کول یوازې په څو ورځو کې ترسره شول. طالبان به په افغانستان کې د اسلامي امارت په نوم حکومت تاسیس کړي، څنګه چې له ۱۹۹۶م کاله بیا تر ۲۰۰۱م، کاله یې دوام درلود.

په قطر هېواد کې «د پګواش په کنفرانس» کې طالبانو له امریکا سره هوکړه لاسلیک کړه چې له مخې یې امریکایي او ناټو ځواکونه له افغانستان څخه ووتل او طالبانو هڅه وکړه چې نړیوالې ټولنې ته نوی سیاسي تصویر وړاندې کړي. په یاد ولرئ، کله چې په ۲۰۱۵ م، کې په «پګواش» کې د افغان ډلو تر منځ په انفرادي ډول یوه چټکه ناسته جوړه شوه، چې په خبرو کې پرمختګ وشي او نظرونه تبادله کړي. دا د دې لپاره وه، چې په افغانستان کې تاوتریخوالی کم او اختلافونه تر یوه حده له منځه یوړل شي.

متحده ایالاتونو په سیمه او نړۍ کې خپلو ډېرو لاسپوڅو ته پنا یوړه، لکه پاکستان، ازبکستان، قطر، عربي امارات، سعودي عربستان او ایران، څو طالبان وهڅوي چې د سولې په خبرو اترو کې د امریکا شرطونه ومني. په هغه کنفرانس کې د طالبانو اسلامي امارت د بیان ازادي او د مېرمنو حقونه خوندیتوب، له ګاونډیو هېوادونو او نړیوالې ټولنې سره غوره اړیکې درلودل  او متقابل درناوی ومنل.

پر دې سربېره، دوی دا ومنله چې د ملګرو متلونو سازمان، اسلامي کنفرانس او نړیوالې محکمې ته به درناوی کوي، چې له اسلامي او ملي ارزښتونو سره له فکري اړخه کوم ټکر نه لري.

همدارنګه، متحده ایالات پر دې وتوانېدل چې د طالبانو نورو غیر افغان مجاهدینو تر منځ د ایډیولوژیکو شرطونو پر اساس واټن رامنځه کړي، مجاهدین له القاعدې بېل کړي، سېکولر جوړښت ومني او د افغانستان خاوره د امریکا او ملاتړو پر وړاندې یې ونه کارول شي.

په هوکړه کې دغه شرطونه په ښکاره ډول ځای پر ځای شوي، چې غیر افغان مجاهدین به په افغانستان کې فعالیت او کار نه کوي. په پایله کې طالبان اړ دي چې له القاعدې او نورو وسله والو ډلو سره اړیکې پرې کړي او دوی به په افغانستان کې د اوسېدو ځای نه لري. د طالبانو اسلامي امارت به نورو هېوادونو او ملتونو ته زیان نه رسوي او نه نورو ته اجازه ورکوي چې له افغانستان څخه د خپلو موخو لپاره ګټه واخلي.

د یادونې وړ ده چې د طالبانو د سیاسي ناپوهۍ پر اساس او د دوی هغه ژوره لېوالتیا چې پوځي چارې به یوازې مخته وړي، دا څه له امریکا او ناټو سره مرسته کوي، څو له هغوی څخه د هغې جګړې د وسایلو لپاره کار واخلي چې د اسلام پر وړاندې یې پیل کړې ده. طالبان په هغه حال کې دي، لکه رسول الله صلی الله علیه وسلم چې د مکې په دوران کې د حالت د بدلون او د اسلام لپاره سترې ژمنې وکړې.

رسول الله صلی الله علیه وسلم نه یوازې دا چې د هغوی طرحې یې رد کړې، بلکې ویې ویل چې هغه صلی الله علیه وسلم به د اسلام لپاره غږ پورته کوي او یا به د دغې موخې د ترلاسه کېدو لپاره مړ کېږي. موږ هیله‌من یو چې طالبان د رسول الله صلی الله علیه وسلم له سیرت څخه درس زده کړي او د امریکا له لوري د سولې په پلمه د کفارو په دام کې ښکېل نه شي.

طالبان باید پر دې پوه شي چې امریکا په افغانستان کې د رښتینې سولې لپاره اراده نه لري، ځکه هغوی هڅه کوي چې طالبان په افغانستان کې په ډیموکراټیکو پروسو کې ورګډ کړي، څنګه یې چې نور شریکان او د اسلامي حزب مشر ګلبدین حکمتیار پکې ورګډ کړ.

دا ښکاره خبره ده چې په حقیقت کې دغه پروسه یوازې یوه سیاسي دسیسه ده، چې له یوې خوا طالبان سره ووېشي او په افغانستان کې د امریکا اوږدمهاله جګړه پایته ورسېږي، ځکه پر دې جګړې د امریکا دوه ټریلیونه ډالر ولګېدل. له بل لوري هغه موخې تر لاسه کړي چې امریکا په تېرو شلو کلونو کې د جګړې له لارې نه دي تر لاسه کړي.

نن ورځ ټولو مسلمانانو ته تر ټولو مهمه او ګرمه موضوع د یوازیني اسلامي خلافت دولت بیا تاسیس دی، چې د کفارو پر وړاندې به د جهاد امر کوي، له هغو هېوادونو سره به اړیکې پرې کوي چې د مسلمانانو پر وړاندې جګړه کوي او په اسلامي نړۍ کې به د لاسپوڅو رژیمونو او واکمنانو لمن ورټوله کړي.

اسلامي امارت په یوازې توګه برخلیک ټاکونکې قضیه نه شي حلولی او دا څه د اسلامي خلافت په اړه د مسلمانانو فکر کول منحرفوي او له همدې امله د امارت نظریه له غرب سره د یوازیني اسلامي دولت په مخنیوي کې مرسته کوي؛ هغه چې د الله سبحانه وتعالی د شریعت په مرسته د اسلامي امت چارې تنظیموي.

طالبان باید پر دې پوه شي چې په سیاست، قوانینو، اقتصاد، ټولنیز نظام، ښوونه او روزنه او نورو برخو کې د اسلام مفهوم بشپړ دی او په اسلامي دولت کې یې د عملي کېدو لپاره چمتو دی. حزب التحریر د خلافت دولت تر چتر لاندې د اسلامي ژوند لپاره بشپړه طرحه چمتو کړې ده او په ۱۹۱ مادو کې یې د دغه دولت قانون په لیکلې بڼه برابر کړی دی. دغه قانون د اجتهاد په مرسته د الله سبحانه و تعالی له کتاب او د رسول الله صلی الله علیه وسلم د سنتو پر مټ برابر شوی دی. سرچینې یې: د اصحابو اجماع او شرعي قیاس دي. موږ په افغانستان کې د واک پر څښتنانو غږ کوو چې حزب التحریر ته لاس ورکړي، څو هغه دولت بیا تاسیس شي چې الله سبحانه وتعالی یې زیری ورکړی او داهغه کسان کولی شي چې اسلام ته نصرت ورکړي.

(لِلَّهِ ٱلْأَمْرُ مِن قَبْلُ وَمِن بَعْدُ * وَيَوْمَئِذٍ يَفْرَحُ ٱلْمُؤْمِنُونَ * بِنَصْرِ ٱللَّهِ يَنصُرُ مَن يَشَاءُ وَهُوَ ٱلْعَزِيزُ ٱلرَّحِيمُ) [روم: ۴-۵]

ژباړه: ټول کارونه په الله سبحانه وتعالی پورې اړه لري، که وړاندې دي او یا مخکې او هغه وخت به مومنان د یوې بلې بریا له امله خوشحاله شي، د الله سبحانه وتعالی په مرستې سره. الله سبحانه وتعالی له هر هغه چا سره مرسته کوي چې ترې ویې غواړي. الله سبحانه وتعالی د قدرت څښتن او مهربانه دی.

افغانستان #

#Afghanistan

د حزب التحریر مرکزي مطبوعاتي دفتر

لیکوال: حمید بن احمد

ژباړه: بهیر «ویاړ»

 

د مطلب ادامه...

حزب التحریر ـ ولایه افغانستان د امریکا او ناټو د اشغال پای ته رسېدل د افغانستان مجاهد ولس او ټول اسلامي امت ته مبارکي وايي Featured

امریکا او متحدینو یې د افغانستان تر شل کلن اشغال وروسته د ۲۰۲۱م کال د اګېسټ په ۳۰مه د شپې په ۱۲ بجو له یوې شرموونکې ماتې سره خپل یرغلګر ځواکونه وایستل.

اللَّهِ أَكْبَرُ اللَّهِ أَكْبَرُ اللَّهِ أَكْبَرُ!

﴿حَسْبُنَا اللَّهُ وَنِعْمَ الْوَكِيلُ نِعْمَ الْمَوْلَىٰ وَنِعْمَ النَّصِيرُ!

امریکا «له ترورېزم سره د جګړې»، بیارغونې او له خلکو سره د مرستې تر شعارونو لاندې پر افغانستان پوځي برید وکړ. مګر د دې شعارونو لاندې یې سلګونه زره ماشومان، مېرمنې او ملکي وګړي ووژل، مسجدونه یې وران کړل او کلي یې له خاورو سره خاورې کړل او پر افغانستان یې خورا فاسد چارواکي، ناولې مفکورې او ناکامې پوځي ستراتيژۍ وتپلې. امریکا په داسې حالت کې له افغانستان څخه خپلې پښې سپکې کړلې، چې پانګونې او لګښتونو یې هېڅ ګټه ورته ونه کړله او لاسپوڅی دولت او جوړښتونه یې د غڼې د ځالې غوندې ویجاړ او له منځه ولاړل. 

﴿إِنَّ الْبَاطِلَ كَانَ زَهُوقًا﴾ «الإسراء: ٨١»

له شک پرته باطل همېشه له منځه تلونکی دی

امریکا تر بریټانیې او شوروي وروسته درېیم زبرځواک دی چې په خورا ذلت له افغانستان څخه تښتي او دا د افغانستان د مجاهد ولس د فکري، سیاسي او نظامي هلو ځلو او مبارزې پایله ده چې په دې لاره کې یې بې شمېره ځاني، مالي او فزیکي سرښندنې وزغملې. هیله لرو چې الله سبحانه و تعالی دغه مبارزې او سرښندنې په خپل دربار کې قبولې کړي.

له مجاهدینو سره د امریکا د سولې خبرې اترې، له بګرام او کابل هوايي ډګر څخه په نیمه شپه کې د دوی تېښته، په افغانستان کې د دوی د سختې ماتې څرګندونه کوي. دغه ماتې به د امریکا د بهرني سیاست په تاریخ کې د تل لپاره د یوه تور داغ په توګه پاتې شي. همداراز د امریکا نړیوال اعتبار سخته ضربه وخوړه او په نړۍ کې امریکا د لومړي ځواک په توګه تر سختې پوښتې لاندې راغلې ده. لکه څنګه چې د سوریې قضیې د اوباما وېښتان سپین کړل، د افغانستان د حالاتو پېچلتیا د امریکا څلور ولسمشران پرېشانه کړي وو، تر دې چې جوبایډن یې ژړا ته اړ کړ.

اوس چې الحمدلله امریکايي ښکېلاک پای ته ورسېد، نو د افغانستان مسلمان او مجاهد خلک باید لاندې دوو بنسټیزو ټکو ته پام وکړي:

لومړی؛ تاریخي تجربو ثابته کړې ده، چې د افغانستان مجاهد ولس د ښکېلاکګرو په ماتولو کې بریالی و، مګر په نظام جوړولو او حکومتولۍ کې ناکام و. د افغانستان د مسلمانو خلکو غوښتنه او همدارنګه د ټول اسلامي امت هیله دا ده چې د اسلامي دولت او اسلامي حاکمیت بنسټ کېښودل شي. مخکېنیو نظامونو د خلکو چارې د اسلام د دین پر بنسټ مخته نه بېولې، له همدې امله یې د حکومتولۍ او اقتصادي پروګرامونه خورا کمزورې وو او ویې نشو کړلی چې اسلام بشپړ پلی کړي. نو پر همدې  بنسټ یې ډېر ژر اعتبار له لاسه ورکړ او سخته ماتې یې وخوړه. نو د افغانستان سیاسي او پوځي مشران باید دغه ټکی درک کړي، چې په افغانستان کې د مجاهدینو بریا باید د اسلامي امت ټولو جهادي ډلو ته نمونه او بېلګه شي او په افغانستان کې د اسلامي دولت جوړول کولی شي چې په سیمه او اسلامي نړۍ کې مهم بدلونونه راولي.

دوهم؛ پوځي یرغل او اشغال د افغانستان د مجاهد ولس په بې شماره سرښندنو سره مات شو، مګر د مبارزې او جهاد د پای اعلان باید ونه شي. ځکه تر اوسه فتنه شته او په فکري، سیاسي، اقتصادي، فرهنګي، استخباراتي او د حکومتولۍ په قوانینو او جوړښتونو کې لا هم د ښکېلاک میراث پر خپل ځای پاتې دی. دغه چارې زیاتې او ژورې مبارزې ته اړتیا لري، څو د ښکېلاک پاتې شوني د ژوند په ټولو برخو کې له جرړو او ريښو سره وایستل شي.

په پای کې د جهاد بریا یو ځل بیا د افغانستان ټول مجاهد ولس ته مبارکي وایو او د یادونې وړ ده چې تر نن وروسته به تاریخ بل ډول وي: له ښکېلاک پرته افغانستان او نړۍ پرته د امریکا له اعتباره. که څه هم غرب هڅه کوي، چې په خپلو دسیسو سره د افغانستان مجاهد ولس خپلو هیلو ته ونه رسېږي، مګر د مجاهدینو مشران باید پوه شي، لکه څنګه چې د جهاد په ډګر کې استقامت د پوځي اشغال د پای ته رسېدو سبب شو، همداسې د سیاست په ډګر کې استقامت به سیاسي دسیسې ناکامې او د اسلامي دولت پر جوړولو پای ته ورسېږي.  

﴿وَيَوْمَئِذٍ يَفْرَحُ الْمُؤْمِنُونَ «۴» بِنَصْرِ اللَّهِ ۚ يَنصُرُ مَن يَشَاءُ ۖ وَهُوَ الْعَزِيزُ الرَّحِيمُ «۵»[الروم]

په هغه ورځ به مومنان د الله سبحانه وتعالی د مرستې او نصرت له امله خوشالېږي، د الله سبحانه وتعالی چې هر چا ته خوښه شي مرسته او نصرت ورکوي او الله‌جل جلاله پر هر څه برلاسی او مهربانه دی.

د حزب‌التحریر - ولایه افغانستان مطبوعاتي دفتر

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې