شنبه, ۲۸ شعبان ۱۴۴۲هـ| ۲۰۲۱/۰۴/۱۰م
ساعت: مدینه منوره
Menu
القائمة الرئيسية
القائمة الرئيسية

اې اردوغان او د ( AKP) حکومته!

تاسو د هغو مسلمانو مېرمنو په نیولو د الله سبحانه و تعالی له نظام سره خپله دښمني څرګنده کړه؛ چې د خلافت غوښتونکې وې

د انقرې پولیسو د ۲۰۲۱م کال د فبرورۍ پر ۲۳مه، د مسلمانو ښځو پر کورونو برید وکړ او د درې ماشومانو میندې او یوه ۱۶ کلنه نجلۍ یې ونیول. د ورځې په اوږدو کې دوی یوه بله ځوانه مور د هغې له څلور میاشتني ماشوم سره یو ځای ونیوله. ټولې مېرمنې د څېړنې لپاره له انقرې څخه افیون ته ولېږدول شوې. د ترکیې رژيم په چاپو او نیونو سره غواړي چې له اسلام سره د خپلې دښمنۍ کچه په ډاګه کړي. همدا مېرمنې بیا د تحقیق لپاره د معمول خلاف ۳۰۰ کيلو متره لېرې ښار ته لېږدول شوې دي. زموږ خویندې په افیون (مخکینۍ عموریه) کې د ویډیو ډکولو له امله ونیول شوې، پخوانۍ عموریه چې د متعصم په څېر واکمن د اړتیا یادونه کوي او د یوې نیول شوې مسلمانې ښځې د دفاع لپاره یې د «وا، متعصما!» فریاد ته لبیک ویلی و.

اې اردوغان او د( AKP) ګوډاګی حکومته! سیکولریزم او ډیموکراسي چې تاسو ورته غېږ پرانېستې او ستاینه یې کوئ، ستاسو پر با عزته خویندو برید کوي، چې له تاسو څخه د رښتیني اتلانو جوړېدو هیله لري! ستاسو دولت، چې د ښکېلاکګرو په واک کې دی، ستاسو پر مسلمانو خویندو د اسلام ضد برید کوي! په داسې حال کې چې ستاسو خویندو د الله سبحانه و تعالی تر نظام لاندې په ټوله نړۍ کې ټولو مسلمانو او غیر مسلمانو ښځو ته له عزت او خوندي ژوند څخه پرته بل څه نه غواړي. دوی تاسو ته یادونه کوي چې په دین کې د خپلو خویندو د ساتنې مکلفیت تر سره کړئ او د دغه مکلفیت د تر سره کولو فضیلت تر لاسه کړئ! په هر صورت موږ شاهدان یو چې په دغه هېواد کې هېڅ داسې واکمن نشته چې له الله سبحانه و تعالی څخه د فضیلت د تر لاسه کولو یادونه وکړي.

اې عامه څارنوالانو چې د مسلمانو مېرمنو د ځورونې امر کوئ، اې د پولیسو افسرانو چې دغه له ظلم څخه ډک حکم پلی کوئ! اې د دې سېکولر ډیموکراټيک دولت مسلمانو سیاسیونو، چې لمونځ کوئ، قرآن کریم تلاوت کوئ او حجاب اغوندئ! تاسو په کوم قوم او کوم دین پورې اړه لرئ؟ ایا ستاسو نیکونه نه وو چې له دې خاورې څخه یې بایزنټين او رومیان وشړل؟ ایا په دې خاوره کې د قدرت لرونکو خلکو څخه یو هم نه دی پاتې چې له الله سبحانه و تعالی څخه وډار شي؟ ایا پر دوی ټولو بایزنټين اغېزه کړې او موږ پکې هېڅ رنګ نه درلود؟

اې اردوغان او د( AKP) ګوډاګی حکومته! تاسو ان پر خپلو درواغو، ستاسو پر بې ایمانۍ او غدارۍ پرده نه غوړوئ؟ د دې لپاره چې تاسو مخکې پر خپلو خولو اعتراف کړی او دا ستاسو د چلند او عمل سره په ډاګه شول. تاسو ان د کمالېستانو کار نه پرېږدئ، چې د دوی په زړونو کې د اسلام پر وړاندې لوی خنډونه دي چې یوازې دوی یې پر ژبه راوړلی شي... دا تاسو یاست چې په کلکه د هغوی نړیوال تړونونه پلي کوئ او ملاتړ یې کوئ، چې مسلمانې مېرمنې فسق ته اړې کوي؛ له ماشومانو څخه پرهېزګاري اخلئ او کورنی نظام ویجاړوئ. همدا تاسو یاست چې د بشري حقونو په پلمه د همجنس بازانو حقوق تضمینوئ! همدا تاسو یاست چې د هغه اساسي قانون ستاینه کوئ چې د الله سبحانه و تعالی د احکامو پلي کول منع بولي.

په پای کې، که د مومنو ښځو نیول د هغه چا وېرول وي چې خلافت غواړي، نو پوه شئ چې موږ له الله سبحانه و تعالي پرته له بل هېچا وېره نه لرو. موږ پر الله سبحانه و تعالی او د هغه پر رسول الله صلی الله علیه وسلم د ایمان په اړه د سومیه په څېر الګو لرو! موږ د اسلام د احکامو او شتمنیو د ساتنې په اړه د عمر رضی الله تعالی عنه په څېر الګو لرو ـ تاسو نه! تاسو د لنډ مهاله نړۍ د تر لاسه کولو لېوالتیا لرئ، چې فرعون یې ښه بېلګه دی... موږ د جنتونو د بې پایه نعمتونو په بدل کې خپلې دنیوي شتمنۍ قرباني کوو! تاسو د کفر د واکمنۍ تر سیوري لاندې له مرګه د تېښتې په لټه کې یاست! موږ هغه کسان یو چې د دعوت د مشعل په لوړولو سره په نړۍ کې د اسلام رڼا خوروو!

په الله سبحانه و تعالی قسم! موږ د نبوت پر منهج خلافت غواړو! موږ له خلافت پرته بل هېڅ نه غواړو او د الله سبحانه و تعالی له رضایت پرته پر بل هېڅ شي راضي نه یو.

[أَلْقُوا۟ مَآ أَنتُم مُّلْقُونَ]

ژباړه: «تاسو چې د کومو شیانو غورځوونکي یاست هغه وغورځوئ.» [یونس: ۸۰]

“Cast down whatever you are casting.” [Surah Yunus 80]

#MüslümanBacılarGözaltında

#HilafetİstemekSuçDeğildir

#خلافت_بیا_تاسیس_کړئ 

  #أقيموا_الخلافة

#ReturnTheKhilafah 

  #YenidenHilafet

د حزب التحریرـ مرکزي مطبوعاتي دفتر د ښځو برخه

 

د مطلب ادامه...

اسلام هغه قانون دی چې له اسمانونو څخه نازل شوی دی، تر څو پر ټوله ځمکه پلی شي. له خلیفه پرته یې پلي کېدل ځنډېدلي؛ نو اې مسلمانانو، خپل مکلفیت مو تر سره کړئ او خلافت بیا تاسیس کړئ!

  • خپور شوی په پاکستان

رسول الله (ص) فرمایي:

«الْإِسْلَامِ يَعْلُو، وَلَا يُعْلَى» 

ژباړه: «اسلام لوړ دی او هېڅ شی پرې لوړ نه دي»

 له سلو هجري کلونو راهیسې خلافت له منځه تللی دی. پر ځای یې هغه حکومتونه راغلل چې د انسان په لاس جوړ شوي قوانین پلي کوي. اوس تر ټولو غوره ایډیولوژي یعنی اسلام د نړۍ په هیڅ ځای کې نه پلې کیږي. اسلام په هر عصر کې پر ټولې نړۍ د حاکمیت لپاره نازل شوی دی. اسلام د بشریت د رهبري کولو مسوولیت مسلمانانو ته ورکړی دی، نو ځکه باید په نړیواله کچه د قیامت تر ورځې پورې عدالت تامین کړي. موږ ته دا مسوولیت د الله سبحانه وتعالی له لوري را کړل شوی دی، هیچاته اجازه نشته چې دا پرېږدي. موږ ته اجازه نشته چې د غرب فاسدې ایډلوژۍ ته تسلیم شو، چې په ټوله نړۍ کې یې زموږ د ژوند اقتصادي، سیاسي، کورنی، اخلاقي او ټولنیز اړخونه له منځه  وړي دي. نو ایا موږ به خپل مسوولیت پر غاړه نه اخلو چې ټول بشریت د کفر له تیارو څخه د اسلام رڼا ته راوړو؟

د خلافت له ړنګیدلو څخه وروسته علماوو، انجینرانو، ډاکترانو او ځوانانو له مدرسو، ادارو، کلینیکونو او کتابخانو څخه استعفا وکړه، د دې پر ځای چې د هغه د بیا تاسیس لپاره کار وکړي. دا هغه استعفا ده چې فرانسوي، برتانیوي، امریکایي او روسي اشغالګرو ته په اسلامي نړۍ کې په ازاده توګه د تګ را تګ اسانتیا برابره کړي. مسلمانانو خپل مسوولیت هیر کړی دی، تر څو په ښېګڼې امر وکړي او له بدیو څخه منع او هر ظالم له لاس ونیسي او حق ته یې وسپاري. د اشغال استازو د امت واک په لاس کې اخیستی دی، هغه واک چې الله سبحانه وتعالی مسلمانانو ته د حاکم د ټاکلو لپاره ورکړی دی. چې دا دې اسلام د پلي کولو اساسي قاعده ده.

د خلافت له ړنګېدلو څخه وروسته د الله سبحانه وتعالی احکام وځنډېدل. په داسې حال کې چې د مسلمانانو خاورې، شتمنۍ، عزت او ژوند ته سپکاوی وشو. زموږ لومړنۍ قبله بیت المقدس بې عزته یهودو ته ور کړل شو. موږ د ۱۰۰ هجري کلونو راهیسې د خلیفه له بیعت څخه پرته ژوند کوو، په داسې حال کې چې رسول الله صلی الله علیه وسلم فرمايي: له بیعت څخه پرته مرګ د جاهلیت مرګ دی. اې مسلمانانو زموږ اوسنی له درد څخه ډک حالت د  فلسطین، سوریې او یمن څخه نیولې تر اشغال شوي کشمیر، برما او سریلانکا پورې د ټولو پر وړاندې  دی. له اسلام څخه پرته زموږ لپاره وقار، بریالیتوب او امنیت نشته. له خلافت پرته موږ ماتې خوړلې او خوار یو، په داسې حال کې چې عزت، قدرت او عظمت یوازې او یوازې له اسلام سره دی.

اې د پاکستان مسلمانانو! د خلافت تاسیس د ټولو فرضونو تاج دی او د امت ټول علما په دې هم نظره دي چې زموږ حاکمیت یوازې په اسلام کې دی. هغه واکمنان چې د الله سبحانه وتعالی د وحې پرځای د بشر په لاس جوړ شوي قوانین پلي کوي، موږ ته دروغ وایي او دوکه کوي، د دوی په ګټه هره هڅه نه یوازې د انرژۍ ضایع کول دي، بلکې ګناه ده.

زموږ دښمنان له موږ څخه ان له دولت پرته وېره  لري،  په داسې حال کې چې زموږ وحدت او حاکمیت د خلافت تر چتر لاندې د دښمنانو د پلانونو او ارمانونو له پاره مرګ دی. زموږ په لاس د خلافت تاسیس به د دښمنانو پر وړاندې زموږ بشپړ ځواک را ښکاره کړي. ان که دوی یې یوازې د جوړیدلو غږ هم واوري نو خپلې ټولې دسیسې به یې له یاده ووځي. که چېرته له موږ څخه کوم یو د دې نړۍ شتمني لاسته راوړي، نو بیا به هم د ارامتیا لپاره یوازې خپلو اعمالو ته اړ وي. نو راځئ داسې عمل وکړو چې په دنیا او آخرت کې مو د بریالیتوب سبب شي، چې هغه د نبوت پر منهج د خلافت تاسیس دی، الله سبحانه وتعالی فرمايي:

[کَتَبَ اللّٰہُ لَاَغۡلِبَنَّ اَنَا وَ رُسُلِیۡ اِنَّ اللّٰہَ قَوِیٌّ عَزِیۡزٌ]

ژباړه: «الله سبحانه و تعالی لیکلي د‏ي چې زه او زما پیغمبران به هرو مرو برلاسي شو، په واقعیت کې الله سبحانه و تعالی برلاسی او زورور دی.» [مجادله: ۲۱]

#أقيموا_الخلافة
#ReturnTheKhilafah
#YenidenHilafet
#خلافت_بیا_تاسیسړئ

د حزب التحریر-ولایه پاکستان مطبوعاتي دفتر

 

د مطلب ادامه...

موږ نه یوازې چې خپل مکلفیت نه شو هېرولی، بلکې د خپل مکلفیت په تر سره کولو کې ناغيړي نه کوو

کله چې سل کاله وړاندې خلافت د استعمار او د هغه د غلام «مصطفی کمال» په لاسونو ونړول شو، نو ځینې علما د هغه پر وړاندې ودرېدل او د الله سبحانه وتعالی، د هغه د رسول صلی علیه وسلم او د ټول مسلمانانو پر وړاندې شوی جرم یې وغانده. دا په داسې حال کې وو، چې نورو بیا د تمدن او مډرنېزم تر نوم لاندې دغه نوی واقعیت ومانه او ځینو نورو بیا نړۍ ته په راتلونکې پېړۍ کې پېښېدونکی ګواښ درک کړ. 

د دې پر ځای چې دغه سکولرېزم په بشپړه توګه رد شي او هغه د اسلام سره ښکاره ټکر وبلل شي، ځکه هغه په بشپړه توګه د اروپا د پېړیو پېړیو، وینو تویولو او د کلیسا د ظلم پای ته رسولو په موخه یو اروپایي مصلحت وو. دغه حل لاره کوم فکري اساسي بنسټ نه وو او د مسلمانانو لپاره یې پلي کول په څرګند ډول یو ناسم کار و. نو د دې پر ځای چې دغه فکرې بطلان خلکو ته بیان شي، د اسلامي امت یو شمېر غړو هغه د یو نوي واقعیت په توګه ومانه  او ان تمه یې درلوده، چې دا به د اسلامي نړۍ لپاره نوې روښانه راتلونکې ولري، ځکه دوی باور درلود، چې دغې پېښې د اروپایانو په ذهن کې د روښنفکرۍ نوی باب پرانیستی وو.

تریخ حقیقت دا دی چې اروپا او د هغه مستعمرو له یوه تیاره حالت څخه بل تیاره حالت ته بدلون وموند، خو د دوی استعماري غوښتنو او د خلافت نه شتون، چې په بهر کې یې د دوی د فعالیت د زیاتوالي مخه نیولې وه، ټوله نړۍ په هغه ناروا او ظلم کې راګیره کړه، چې نن ورځ یې موږ او تاسو شاهدان یو. متاسفانه چې د مسلمانانو ډېر لوی اکثریت غلی پاتې شو، ځکه د دوی خلافت د استعمار د سیکولر غلامانو په لاس نړول شوی و او دوی هغه ګواښ نه شو درک کولای چې سیکولر اروپایي ملحدین یې نړۍ ته راوستلی شوی.

اسلامي امت له هغه وروسته د یوې پېړۍ لپاره د ظلم، جګړو، ویجاړۍ، غلامۍ، بدبختۍ او غربي استحصال شاهد دی. موږ ولیدل چې کمونېزم او کپیټلېزم خلک او ټولنې فاسدې کړې، موږ  ولیدل، چې د دوی ترمنځ یوازې د بشریت د بربادۍ سیالۍ روانې دي او دغه لړۍ هېڅ پای نه مومي. حقیقت دا دی، چې د انسان په لاس جوړه شوې دغه شیطاني ایډیالوژي، یوازې د څو کسانو مادي ګټې تضمینوي او د هېواد په داخل او بېرون کې د بشر لپاره کوم ځانګړی ارزښت نه لري.

سل کاله وړاندې موږ له دغه پېښېدونکي عذاب څخه ناخبره وو، خو نن ورځ کولای شو هغه د لمر په څېر روښانه ووینو. نن ورځ سیکولر ایډیالوژي د هغه د ناسمې عقیدې سربېره د نړۍ په ګوټ ګوټ کې حاکمیت لري او د څو تنو له ژوند پرته د نور بشر د ژوند په ارامولو کې پاتې راغلې ده. دا یو خپلواک حاکمیت دی، ځکه داسې هېڅوک نشته، چې له هغه څخه پوښتنه وکړي او د دوی له وژونکي ماشین څخه نړۍ وژغوري. موږ د دغه ایډیالوژۍ په جعل او منافقت پوهېږو، خو نړۍ ته د هغه د ښودلو لپاره هېڅ پلیټ فارم نه لرو. موږ د دوی ټولو، ټولنیزو، اقتصادي او بشري ستونزو ته بشپړې حل لارې لرو، خو موږ د خپل ژوند «اسلام» د لارې د ښودلو لپاره هېڅ لار نه لرو. موږ پوره ځواک او سرچینې لرو، چې نړۍ له روان ناوړه حالت، ظلم او استعمار څخه وباسو او د یرغلګرو پر وړاندې ودرېږو، خو ستونزه دا ده چې نن ورځ زموږ لاسونه د غربي غلامانو او مصنوعي سرحدونو په وسیله تړل شوي دي. 

موږ د هغه رسول الله صلی علیه وسلم امتیان یو، چې مینه ورسره لرو او هغوی موږ ته د خپل قدرت د ښودلو په موخه په دوامداره توګه سپکاوی کوي، خو ترکله؟ ایا د سپکاوي دغه یو پېړۍ کافي نه ده؟ ایا د دغه ظلم د پای ته رسولو لپاره کومه لاره شته، ترڅو بشریت روښنایۍ لور ته رهبري کړي، پرته له دې چې د الله سبحانه وتعالی حاکمیت او د رسول الله صلی علیه وسلم سنتو ته غاړو کښېږدو او په پاتې ژوند کې د عزت څښتنان شو؟

دا هماغه څه دي، چې حزب التحریر یې په اړه پر تاسو باندې غږ کوي، ترڅو د نبوت پر منهج د خلافت د بیا تاسیس لپاره کار وکړئ، دا هماغه لاره وه، چې رسول الله صلی علیه وسلم ليدلې او موږ ته ښودلې ده. موږ باید د هغه خلکو تېروتنه تکرار نه کړو، چې د خلافت د ړنګېدلو شاهدان وو او د هغه له پایلو څخه باید بې خبره نه وو. دوی دغه ناوړه عمل نړۍ ته د ګواښ او حیاتي مسلې په توګه ونه ګاڼه، خو موږ پوهېږو چې د اسلامي دولت «خلافت» په نه شتون کې نړۍ ته څه پېښ شوي دي. موږ د لویو بشري ستونزو په حل کې، تر هر چا ښه د دیموکراتیک سیکولر ماډل تېروتنې او ناتوانۍ لیدلی شو.

امام الموردي په خپل مشهور کتاب «الاحکام السلطانیه» کې ویلي دي:

"الْإِمَامَةُ مَوْضُوعَةٌ لِخِلَافَةِ النُّبُوَّةِ فِي حِرَاسَةِ الدِّينِ وَسِيَاسَةِ الدُّنْيَا، وَعَقْدُهَا لِمَنْ يَقُومُ بِهَا فِي الْأُمَّةِ وَاجِبٌ بِالْإِجْمَاعِ"

ژباړه: «امامت د دین په ساتنه او د دنیاوي چارو په ترسره کولو کې د نبوت د بریالیتوب لپاره تشکیل شوی دی او د هغو کسانو لپاره چې د امت پر وړاندې مسؤلیت لري، د اجماع له مخې مکلفیت دی.»

موږ له تاسو څخه غواړو، چې مخکې له دې چې د دغه لوی مسوولیت په اړه د بې باکۍ پړه را په غاړه شي، چې د ډېری احکامو پلي کول په هغه پورې تړلي دی، هغه تاسیس کړئ.

أقيموا_الخلافة#
#ReturnTheKhilafah
#YenidenHilafet
خلافت_بیا_تاسیس_کړئ#

یحیی نسبت

د حزب التحریرـ برتانیا مطبوعاتي مسوول

 

د مطلب ادامه...

یوازې خلافت خلک د پانګوال نظام له غلامۍ او جنایت ژغورلی شي!

  • خپور شوی په سیاسي

د خلافت کلمې تر شاه لویه محتوا ده. هغه کلمه چې ۱۳ پیړۍ یې لوېدیځ او ختيځ رهبري کړل او د ټولو ملتونو لپاره د عدالت، ځواک، ساتنې او انصاف قبله وه. د خلافت په شتون کې استعمار نه و، چې د خلکو پانګې لوټ کړي، ډېری ښارونه فتح کېدل او د نړۍ په هر کوټ کې خیر او انصاف خور و. کمزوري پکې ځواکمن وو او څوک پکې لارورکي نه وو.

خو څه وشول؟ ولې دغه کلمه د مسلمانانو له فکرونو بهر شوه او ولې ملنډې پرې وهل کېږي؟
ایا لویديځ له مسلمانانو پر دغه کلمه ډېر پوه دي او ولې غربي مشران او سیاستوال په وار وار دغه کلمه زمزمه کوي؟ ایا د اسلامي خاورو له حکامو هغوی ډېر پر دغه کلمه پوهېږي؟
د دغو پوښتنو د ځواب لپاره اړینه ده چې پر واقعیتونو بحث وشي او له تاریخ څخه هغه څه باید پاک شي چې جعل، نیرنګ او دروغ پکې دي. په ځانګړې توګه د کوچنیو مزدورو دولتونو چې له استعمار څخه یې فریب کاري په میراث وړې ده.
په حقیقت کې کله چې اسلامي دولت د فخر کاینات صلی الله علیه وسلم او صحابه وو په وسیله تاسیس شو، وروسته خلفای راشدینو، امویانو، عباسیانو او عثمانیانو پرته له اسلام نور هېڅ څه نه دي پلي کړي او له اسلام پرته یې هېڅ بل قانون نه درلود.
یوازې د عثماني خلافت په وروستیو کې د اسلام فهم د عربي ژبې د لرې والي له امله کمزوری شو او د کافر لوېدیځ د پیل شوې فکرې جګړې په پایله کې مسلمانانو په نظامي ډګر کې هم ماتې وخوړه او په دغه دوره کې ښکاره عیب، د بعیت طریقه وه، چې رسول الله صلی الله علیه وسلم وروسته له راشده خلفاوو د عاض(خاښ نیونکي) حاکمیت په نوم نومولی دی. خو له دې سره سره په ټولو چارو کې سیادت له اسلام سره و. مسلمانانو اسلامي ژوند درلود، ځکه فکري خلا يې نه لرله او ټولې ستونزې یې د اسلامي احکامو او مقرارتو له مخې حل کېدلې؛ همدا اسلامي خلافت و، نه کوم بل څه.
خو ولې دغه لویه بنا له منځه لاړه؟ لویديځ پوه شو، چې د اسلام ځواک د هغه په افکارو او نظامونو کې نغښتی دی، نو فکر يې وکړ، چې څرنګه خلافت له منځه وړلی شي، په داسې حال کې چې فکري ځواک يې په بچیانو کې شته دی؟ دوی د اسلام فهم په افکارو او احکامو کې کمزوری کړ او موخې يې تحریف کړې، خو څرنګه؟ دغه دنده چا باید پر غاړه اخیستې وی؟ مستشرقین یې ولېږل، څو د اسلام په فهم او احکامو کې درز پیدا کړي، ملي او قومي شعارونه ورکړي او د دغه کار لپاره یې باید مزدوران ګومارلي وی، چې مرسته ورسره وکړي. له همدې امله يې له ګڼو جنایتکارانو لکه: شریف حسین، مبارک الصباح، د آل سعود حکام او مصطفی کمال اتاترک څخه ګټه واخیسته. همدارنګه هغه کسان چې دوی مفکرین، لیکونکي، د سوربن پوهنتونو فارغ شوي محصلین او د ماسوني ډلې غړي بلل، له هغوی هم ګټه پورته شوه او د اسلامي دولت د له منځه وړلو لپاره یو اوږدمهاله کار د لویديځ کافر، په ځانګړې توګه د انګلیس لخوا وشو.
دغه راز اسلامي دولت يې کمزوری کړ، تر هغه ځایه چې د ناروغ سړي لقب یې خپل کړ. د دغه حالت
لامل د انګلیس مزدور جنایتکار مصطفی کمال اتاترک و، چې خلافت یې سقوط کړ او سیکولریزم یې اعلان کړ، چې د اسلام پر وړاندې جګړه وکړي.
خو خلافت د مسلمانانو په عقل او ذهنونو کې پاتې شو، ځکه هغوی یې تر سیوري لاندې ژوند کړی و. لویدیځ یوه وحشیانه جګړه، د اسلام د تحریف لپاره پیل کړه او دا جګړه د افکارو پر ضد وه، چې ډېری اسلامي احکام پکې شامل و، لکه: خلافت چې هغوی يې په فکر کې کړي وو.
وروسته له دې چې خلافت له منځه ولاړ، لویدیځ ډېری سیکولر احکام، په ځانګړې توګه د نظامونو اړوند احکام په اسلامي خاورو کې خواره کړل؛ ملي او قومي شخړې یې را پورته کړې، د خپلو غلامانو په وسیله یې د بشر جوړ شوي قوانین وضع کړل، د خلافت د فکر د پوره له منځه وړلو هڅه یې وکړه، خو د الله سبحانه وتعالی مهرباني وه، چې د ډېری علماوو په ځانګړي ډول د شیخ تقي الدین نبهاني رحمه الله په ذهن کې د خلافت قضیه راغله او هغه یې سرنوشت ټاکونکې وبلله. له همدې امله یې حزب تاسیس کړ او د حزب د ځواک یوازینۍ موخه د خلافت د تاسیس لپاره دعوت وو.
حزب، واقعیت د فکر موضوع، مصدر او پیل ګاڼه او د اسلامي امت د ستونزو د حل لپاره یې د اسلامي شریعت پر اساس خپل فعالیت پیل کړ. کله يې چې د دغه فکر لپاره دعوت وکړ، د لویدیځ لیونتوب او جنون لا پیاوړی شو، د حزب او دعوتګرانو د بدنامولو لپاره يې هڅې پیل کړې.
که د خلافت واقعیت د اوسنیو لویو دولتونو لکه: امریکا سره پرتله کړو، چې په نړۍ کې زبر ځواک دی، پوه به شو چې خلافت له دغو دولتونو ډېر په نړۍ حکومت کړی دی. د امریکا تاریخ له ۷۰ کلونو نه اوړي ، خو بیا يې هم په دغه موده کې ډېر جنایتونه ترسره کړي دي. بومي امریکایان یې د سور پوستو پر ککریو درولي، میلتونه یې اشغال کړي، پانګې یې چور کړي او جګړې یې په افغانستان، عراق، فلسطین او نورو خاورو کې پیل کړې دي.
د نورو استعماري دولتونو جنایتونه په سترګو ویني او څه نه کوي. نو له همدې امله خلافت له اوسنیو دولتونو په ځانګړي ډول له امریکا سره د پرتلې وړ نه دی.
د مسلمانانو لپاره لازمه ده، چې د خپل دولت د پېژندلو لپاره هڅه وکړي. په ځانګړي ‌ډول د تحریف شوي تاریخ او کومه ضربه چې غرب کافر د پیسو او رسنیو په وسیله خلافت ته رسولې هغه هم د درباري غلامانو او ځینو مسلمانانو چې په غربي مفکورو کې ډوب دي او قلم یې هم غلام دی.
د لویديځ پوهه د خلافت او د هغو د نظامونو او تاریخي واقعیت په اړه، د دې لامل شوې چې یوه ګړۍ هم غفلت ونه کړي او ټول ځواک پکار واچوي، څو خلافت بیا را ونه ګرځي. لویدیځ له مسلمانانو ډېر د خلافت په اړه پوهېږي، چې څه دی او پوهېږي، چې د خلاقت راتګ د لویدیځ د زوال او پای په مانا دی. له دې سره باید خپلو کورونو ته په تېښته شي؛ خو که کورونه ورته پاتې شي!
کوم عوامل چې د خلافت د بدنامولو لپاره ترسره کېږي، څوک پاملرنه نه ورته کوي؛ خو هغه کسان چې ړانده دي، خپل بصیرت یې له لاسه ورکړي او د دنیا او آخرت ژوند يې پلورلی دی. داسې کسان د لویدیځ له ډلې دي او هغوی ترې خوښ دي.
لویدیځ دغه ډول کسان پر موږ حاکم کړي، چې د خپلو قوانینو او مقرراتو په وسیله پر مسلمانانو حکومت وکړي. د خلافت یادونه د لویدیځ مشرانو او سیاسیونو لخوا، دا مانا لري، چې دوی ځانګړی لید لوری لري او هغه دا دی، چې اسلامي حکومت ونه لري. داسې ورځ نه ده چې لویدیځ له ترهګرو سره جګړه نه یادوي او موخه يې له دې جګړې له اسلام سره جګړه ده.
له تروریزم سره مبارزه هغه څه دي، چې د غلامانو او ملاتړو په اعلامیو او خبرو کې یې تل تکرارېږي. هغوی د اسلام نه حاکم کېدل، خپله برخلیک ټاکونکې قضیه ګرځولې ده. ایا موږ د خلافت بیا تاسیس او د اسلام حاکمیت خپله برخلیک ټاکونکې قضیه ګرځولې ده!؟
مسلمانان له خلافت پرته، تاریخ، عزت او قدر نه لري او له سقوط سره یې مسلمانان لویې کندې ته ولوېدل. اسلام نظام لري، چې باید پلی شي او د داسې نظام په نشت کې، له شک پرته مسلمانان اسلامي ژوند نه لري.
مسلمانان لا هم اسلامي ژوند ته نه دي ورګرځېدلي او پرته له فردي ژوند، په نورو برخو کې نه لېدل کېږي. هغوی د غربي قوانینو، احکامو او نظامونو په وسیله رهبري کېږي او غربي افکار یې پر ژوند حاکم شوي دي.
د خلافت د سقوط د سلمې کالېزې په درشل کې یو. موږ د دغه لویې فریضې د ادا کولو لپاره تاسو رابولو، چې د حزب التحریر د مخلصو فعالینو، ځوانانو او امیر عالم عطا بن خلیل ابوالرشته سره، په ګډه هڅه وکړئ.

لیکوال: نشوان جسار-ولایه یمن
ژباړن: الهام پردېس

د مطلب ادامه...

رژیم د حزب التحریر غړي یو ځل بیا په داسې حال کې ګواښي، چې دوی د «اې مسلمانانو، خلافت بیا تاسیس کړئ!» تر عنوان لاندې کمپاین پيل کړی دی

  • خپور شوی په تونس

د ۱۴۴۲هـ.ق کال، د رجب په ۵مه، چې د ۲۰۲۱م کال د فبرورۍ له ۱۷مې نېټې سره سمون خوري، حزب التحریر د خلافت د ړنګېدلو د سلمې کلېزې په پوره کېدلو سره د «اې مسلمانانو، خلافت بیا تاسیس کړئ!» تر سرلیک لاندې کمپاین پیل کړ. د کمپاین په لړ کې، په سیدي بوسعید ښارګوټي کې امنیتي ځواکونو د حزب التحریر د غړي، ظهیر العمري په کور چاپه ووهله. تر سختې پلټنې وروسته یې د هغه په کور کې ټول کتابونه له ځان سره یوړل. دغې پېښې د هغه پر کورنۍ باندې سخت وحشت او ډار خپور کړ. امنیتي ځواکونو د پیښې د ځای د پرېښودلو په وخت کې د نوموړی د احضار امر هم پرېښود.   

دا څووم ځل دی، چې د حزب التحریر له دغه غړي سره ورته کړنه تکرارېږي. څو ځلې د ده کور تر برید لاندې راغلي او دی امنیتي ادارو ته غوښتل شوی دی. داسې ښکاري چې په تونس کې امنیتي ځواکونه، د رسول الله صلی علیه وسلم د امت د مخلصو ځوانانو، له ازار پرته، چې د امت د بیا احیا او د کفارو د حاکمیت څخه د ژغورني لپاره شپه او ورځ کار کړي بل کار نه لري. هو دا هغه ځوانان دي چې یوازینۍ هیله یې د دغه کفري او فاسد نظام څخه د مسلمانانو ژغورل او د نړیوال ډیموکراتیک ترورېزم او د هغه د ملاتړو د ناوړه دسیسو افشا کول او له منځه وړل دی.   

د خلافت له نه شتون څخه سل کال پوره شول، چې د مسلمانانو تاج، د دوی د عظمت سمبول او  ویاړ د ځینو عربو او ترکانو، د خیانت او له کافر غرب سره د همکارۍ په پایله کې نړول شوی دی. دغې پېښې له اسلامي امت څخه د دفاع ډال واخیست او مسلمانان یې د بې سر پرسته یتیمانو په څېر، د ژوند په لویه دښته کې وحشي ځناورو ته  یوازې پرېښودل. د امت د دغه ځورونکي حالت د کابو کولو لپاره حزب التحریر د مبارزې ډګر ته راودانګل، دا هغه حزب دی چې رهبران یې مسلمانانو ته دروغ نه وايي. د دغه حزب مخلصو ځوانانو د الله سبحانه وتعالی سره وعده کړې، چې دوی به په دغه لاره کې د هېڅ ډول ستړیا احساس ونه کړي او د دوی پرېکړه به تر هغه وخت بدلون ونه مومي، څو چې یې د نبوت پر منهج دویم راشده خلافت تاسیس کړی نه وي.    

اې امنیتي ځواکونو! د خپلو خلکو په اړه له الله سبحانه وتعالی څخه ووېرېږئ  او د کفر استعماري وسیلې مه کېږئ. په دې باندې پوه شئ چې د خلافت د تاسیس وخت را رسېدلی دی او یوازې ستاسو نیک اعمال کولای شي تاسو ته خیر ورسوي. لکه څنګه چې رسول الله صلی علیه وسلم تاسو ته د قسطنطنیې د فتحې زېری درکړی وو، په همدې ډول هغه مبارک د نبوت پر منهج د خلافت د تاسیس زیری هم ورکړی دی، نو راولاړ شئ او د (اې مسلمانانو، خلافت بیا تاسیس کړئ!) تر سرلیک لاندې د کمپاین برخه وګرځئ، رسول الله صلی علیه وسلم فرمایي.

«بَشِّرْ هَذِهِ الْأُمَّةَ بِالسَّنَاءِ وَالرِّفْعَةِ وَالدِّينِ وَالنَّصْرِ وَالتَّمْكِينِ فِي الْأَرْضِ، فَمَنْ عَمِلَ مِنْهُمْ عَمَلَ الْآخِرَةِ لِلدُّنْيَا لَمْ يَكُنْ لَهُ فِي الْآخِرَةِ نَصِيبٌ»

ژباړه: «دغه امت ته په ځمکه کې د عظمت، لوړې مرتبې، دین، بریا او ځواک زیری ورکړئ، خو هغه څوک چې د دوی په منځ کې د اخرت کارونه د دنیوي ګټې په موخه ترسره کوي، هغه د اخرت لپاره هېڅ ګټه نه لري.»  (له احمد څخه روایت شوی)

#أقيموا_الخلافة
#ReturnTheKhilafah
#YenidenHilafet
#خلافت_بیا_تاسیس_کړئ

د حزب التحریرـ ولایه تونس مطبوعاتي دفتر

 

د مطلب ادامه...

د خلافت د سقوط د سلمې کالېزې په یاد؛ څه فکر کوئ، مسلمانانو د خلافت د له منځه تلو له امله څه له لاسه ورکړل؟

  • خپور شوی په سیاسي

مسلمانانو د خپل دولت د له منځه تلو له امله، ډېر امتیازونه، چې الله سبحانه وتعالی ورکړي وو، له لاسه ورکړل.

۱- یووالی؛ پخوا مسلمانان یو امت و، سپېڅلې اسلامي عقيدې راټول کړي وو، د یوه جسم په څېر وو، که د دغه جسم کوم غړي به شکایت وکړ، نورو غړو به يې درد احساساوه او د درمنلې لپاره به يې هڅه کوله. اوس مسلمانان تیت پرک دي. له یوبل سره دښمنۍ کوي، توکمپالنه يې سره بېلوي؛ چې دا عرب، کرد او فارس دی او یا هم مصري، یمني او سوریه یي... توکمپالنې د اسلامي اخوت ځای، اسلامي خاورې د وطن پالنې او د عقيدې ځای نیولی دی. خو مخکې  نه توکمپالنې  بېلولی شوای او نه هم رنګ، ځای د دوی تر منځ هېڅ توپير نه وو، معیار یوازې تقوا وه.

 لکه څرنګه چې رسول الله صلی الله علیه وسلم فرمايلي دي:

«يَا أَيُّهَا النَّاسُ أَلَا إِنَّ رَبَّكُمْ وَاحِدٌ وَإِنَّ أَبَاكُمْ وَاحِدٌ، أَلَا لَا فَضْلَ لِعَرَبِيٍّ عَلَى أَعْجَمِيٍّ وَلَا لِعَجَمِيٍّ عَلَى عَرَبِيٍّ وَلَا لِأَحْمَرَ عَلَى أَسْوَدَ وَلَا أَسْوَدَ عَلَى أَحْمَرَ إِلَّا بِالتَّقْوَى»

ژباړه: اې خلکو! پوه شئ چې رب او پالونکی مو یو دی، پلار مو یو دی، نه عرب پر عجم غوره دي او نه عجم پر عرب، نه سور په تور غوره دی او نه تور په سور؛ مګر په تقوا کې.

۲- دولت یې له لاسه ورکړ؛ هغه دولت چې د عقیدې ښکارندوی يې . مسلمانانو د خپلې عقيدې له جنس څخه دولت درلود او د الله سبحانه و تعالی پر شریعت به يې حکم کاوه، د دښمن برید يې دفع کاوه، خپلې چارې به يې تنظیمولې، اسلام به يې نورو ملتونو ته رساوه؛ خو اوس  د کوچنیو ملي دولتونو تر حاکمیت او کفري وطنپالنې لاندې راغلي او پردي نظامونه، چې له عقيدې څخه یې نه دي، پرې پلې کېږي. همدارنګه اساسي قانون يې ښکيلاګرو کفارو جوړ کړی دی. حاکمیت نه لري، او داسې هېوادونه دي چې د نورو تر واک لاندې دي او حکام يې د استعمارګرو کفري دولتونو نانځکې دي.

په ختيځ او لوېديځ کې د سیاسي نظام په لټه کې یو؛ داسې لکه چې همدا نن نړۍ ته راغلي وو او دولت نه لرو، په داسې حال کې چې له زرو کلونو يې ډېر په نړۍ حاکمیت کړی دی.

۳- ډېری اسلامي خاورې يې له لاسه ورکړې؛ په سر کې فلسطین د کفارو لاس ته ورغی. د خلافت له سقوط سره، ډېری اسلامي خاورې د کفارو په لاس سقوط شوې او ځواک يې کفارو په لاس کې واخیست. فلسطین لومړنۍ قبله او د نبي الامین اسراء د غاصب یهود په لاس سقوط وکړ، هلته يې په ښکاره د ځان لپاره دولت جوړ کړ او د کفري استعمارګرو دولتونو په زور یې تقویه کړ؛ غلامو حکامو هم له هغه څخه ملاټر وکړ.

همدارنگه کشمیر، شیشان، بوسني، هرزګوین، افغانستان، عراق او نورې اسلامي خاورې اشغال شوې، هر ورځ کفار زموږ یوه خاوره اشغالوي. خپله وېښتیا مو د دې سبب کېږي چې زموږ زړونه د یادو پېښو له امله وځورېږي او څوک چې لا هم ویده دي، هغه بله فاجعه ده.

۴- پانګه او خپل شته يې له لاسه ورکړل؛ اسلامي امت چې الله سبحانه وتعالی ډېر نعمتونه ورکړي، له فقر او محرومیت څخه ځوریږي، په داسې حال کې چې پانګه يې د استعمارګرو کفارو په لاس کې ده او د خپلو شرکتونو او جعلې قراردادونو په وسیله هغه پانګه لوټوي او یا يې غلام حکام د خیالي معاملاتو، څوکۍ ساتلو په مقابل کې ډالۍ کوي؛ خلک د اسلامي خاورو پانګه په سترګو نه ويني.

۵- وینه او کرامت يې له لاسه ورکړ؛ هره ورځ په ډېری اسلامي خاورو کې د مسلمانانو وینه د کفارو په لاس تويېږي، پرته له دې چې کوم جرم تر سره کړي، څومره وژنې، کډوالۍ او د خپلو وروڼو شکنجې مو په میانمار، شیشان، کشمیر، فلسطین، بوسني، هرزګوين، شام، عراق، افغانستان او نورو اسلامي خاورو کې لیدلي او اورېدلي دي!؟ ان مسلمانان په غربي هېوادونو کې له وژنو په امن نه دي؛ په نیوزیلنډ کې د مسلمانانو عاموژنه، د صليبيانو د کينې ښه بېلګه ده او د حیرانتیا وړ هم نه ده. اوس موږ د هغو يتیمانو په څېر یو چې واک مو له نادانانو سره دی.

۶- دین او عقیده يې له لاسه ورکړه؛ وروسته د خلافت له سقوط، اسلام په اسلامي خاورو کې  له حکم او حکومتولۍ لرې شو، د جومات په کونج، فردي او اخلاقي اعمالو کې محدود شو او له دې پرته نور څه ته  اجازه نه ورکوي. هره ورځ مزدور کفار، حکام او د غربي ثقافت ملاتړي، ټول هڅه کوي، چې له دين او علماوو سره مبارزه وکړي او د دعوت حاملین بندي کړي، همدارنګه د سیکولاریزم او د هغه د عناصرو لپاره کار کوي؛ لکه څرنګه چې دغه وضعیت په سعودي او نورو خاورو کې جریان لري، غربي ارزښتونه او مفاهیم لکه؛ ډیموکراسي، مدني دولتونه ترویج کېږي، د دې لپاره چې د اسلام، مفاهیمو او دولت ځای ناستي شي. په کفري دولتونو کې هره ورځ د اسلام دښمنان خپله جګړه د اسلام، پیغمبر او اسلامي کتابونو پر وړاندې کوي؛ څومره تکراري توهین او مسخرې مو د پیامبر صلی الله علیه وسلم په اړه اورېدلې وې او څومره صحنې به مو ليدلې وي چې کفارو قران کریم سوځولی دی!؟ پر اسلام څومره یرغلونه شوي او په تروریزم متهم دی. د اسلام پر ضد ډېری تړونونه او په غربي هېوادونو کې  د جوماتونو او اسلامي مرکزونو د تړلو هڅې شوې دي. پر مسلمانانو د سیکولاریستي ارزښتونو تحمیلول، د دې لپاره  چې مسلمانان په کفري ټولنو کې مدغم کړي او کفري قوانین پرې تطبیق کړي، دومداره هڅې کېږي. لکه په فرانسه او چین کې  بیا د اویغور مسلمانانو په حق کې داسې ظلم کېږي.  نور کفري دولتونه هم د اسلام او مسلمامانانو پر وړاندې جګړه کوي، چې هغه هم اورو او وینو.

پایله: د یوه مسلمان په توګه باید له ځان پوښتنه وکړو، که دولت او خلیفه مو لرلی، چې زموږ چارې رعایت کړي، د دوښمن مخه ډپ او له اسلامي خاورې د هر حېرص پر وړاندې ملاتړ يې کولی، ایا د اوسني ظلم، قتل او د دښمنانو له یرغل څخه به ځورېدلی.

ایا زموږ پر ضد يې جرات کولی شوای؟ یا يې د یرغل په اړه فکر کولی شوای، په داسې حال کې چې پوهېدلی  چې پر یوه مسلمان یرغل، د ټولو مسلمانانو پر وړاندې د جګړې اعلان دی!؟

اې مسلمانانو! په تاسو ټولو واجب ده، چې د خپل دین د حاکمیت لپاره، له خپلو ناتوانه وروڼو او له رسول الله صلی الله علیه وسلم سره یاري وکړئ؛ د دغه کار لپاره له حزب التحریر سره  یوځای شئ، چې د خلافت دولت، چې اسلام پلی کوي او دین د خیر او هدایت په توګه نړیوالو ته لېږدوي، تاسیس کړي. هغه دولت چې د سید مخلوقاتو زیرۍ  دی او په دغه کار کې د دنیا او اخرت خیر نغښتی دی.  د اسلام د حاکمیت وخت را نیږدې شوی وروسته له دې چې پانګوال نظام په خپل مرکز کې سقوط وکړ او وروسته له دې چې بد بوی يې ټول ځای ونیو اوس د الله سبحانه و تعالی په اذن سره د هغه د پای وخت را نیږدې شوی دی.

الله سبحانه و تعالی فرمایلي دي: 

﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً﴾ [النور:55]

ژباړه: الله سبحانه و تعالی هغو کسانو ته چې ایمان يې راوړی او غوره کړنې ترسره کړي، ژمنه ورکوي چې هغوی به د ځمکې حاکمان کړي، لکه څرنګه يې چې مخکې نسلونو ته خلافت ورکړ. د هغوی لپاره به دین پر محکمو بنسټونو ودروي، چې الله سبحانه و تعالی ورته خوښ کړی دی. د وېرې حالت به په امن بدل کړي. هغوی دې زما بنده ګي کوي او زما سره دې کوم شی نه شریکوي او څوک چې له دې وروسته کفر غوره کړي، نو همداسې کسان فاسقان دي.

#أقيموا_الخلافة
#ReturnTheKhilafah

خلافت تاسیس کړئ#

لیکوال: محمد طرموش

د حزب التحریرـ ولایه یمن مطبوعاتي دفتر له خوا د مرکزي دفتر راډیو ته

ژباړن: الهام پردېس

 

د مطلب ادامه...

خلافت بیا تاسیسوو، خپلو جوماتونو او مقدساتو ته له سره ژوند ورکوو او کفر پر خپل ځای کېنوو!

  • خپور شوی په سیاسي

(ژباړه)

په نړۍ کې میليونونو کسانو د یوه کال په موده کې له نړيوالو او داخلي رسنیو څخه، د حاکمو نظامونو، نهادونو او صحي وزارتونو واقعیتونه لیدلي او د ماتې شاهدان يې دي. د دغو نهادونو په سر کې د روغتیا نړيوال سازمان دی. د کرونا وبا پر وړاندې د مقاماتو او مسوولینو ماتې، چې زرګونه کسان يې مړه کړل، سیاسي  او سازماني بې غوري، د مړينو چټک زیاتېدل، د صحي تجهیزاتو کمښت او د حل موندې ورو حرکت، خلک سخت اندېښمن کړي دي. خو دغه ماتې هېڅ د حېرانتیا وړ نه ده؛ ځکه بشر د ژوند په  ایماني، سیاسي، اقتصادي، ټولینزو، پوهنیزو، خدماتي او صحي  برخو  کې، د سقوط په حال کې دی. روغتیايي برخه هم په ټولنه کې د نورو برخو په څېر په نړيوال نظام کې، د یوه بازار په څېر ده، چې واکسین، دارو او خوراکي مواد پکې پلورل کېږي. لکه څنګه چې بیولوژيکي او د تحقیقاتي وسلو فابریکې، په سخت حالت کې د بشریت په وژلو کې لومړی ځای خپل کړی. دغه جنایت په داسې حال کې تر سره کېږي، چې نړۍ په علمي او ټکنالوژيکي ډګر کې پرمختګ کړی دی. وروسته له هغې چې اسلامي خلافت په ۱۳۴۲ هـ.ق کال د رجب په ۲۸ مه، چې د ۱۹۲۴م، د مارچ له درېیمه سره برابره ده، سقوط وکړ او په سلو کلونو کې د پانګوال نظام په پلي کولو سره، دغه ډول پېښې د بشر او امت لپاره یو طبیعی امر دی.

  د نړۍ پر رهبرانو د پوره باور نه شتون، نا امني  او د داسې حاکم نه شتون، چې د خلکو امور سرپرستي کړي، داسې  یوه صحنه ده، چې مسلمانان يې هره ورځ ګوري. مخکې له دې چې الله سبحانه وتعالی کرونا وبا راولي، اسلامي امت له دې څخه په سختو او خطرناکو بلاوو او مصیبتونو کې ګیر دی. ټولشموله او واقعي وبا د مسلمانانو لپاره دا ده، چې په خپله خاوره کې يې کفري نظامونه پلي کېږي، د داسې کسانو غلامان شوي، چې مصیبتونه او بلاوې پرې راولي. په داسې حال کې چې اسلام د ژوند اړوند هېڅ څه نه دي پټ کړي، خو دا چې هغه يې ښکاره کړي؛ لکه څرنګه چې الله سبحانه وتعالی ټول شرعي احکام په فرد، ټولنه او دولت پوري تړاو لري، نازل کړي، څو بشر باثباته او ارام ژوند ولري. هغه څه چې یوازې حکام یې باید وکړي دا دي چې قران کریم او د رسول الله صلی الله علیه وسلم سنتو ته مراجعه وکړي. دغه راز لارښوونه ورته کوي چې څرنګه له مصیبتونو سره مبارزه وکړي. له غرب سره د اسلامي خاورو هېوادونو وفاداري د دې لامل شوې، چې مسلمانان منحط کړي. دغه ډول پېښې د پانګوال نظام اصلي څېره ده، دا هغه اېډیالوژي ده چې پر نړۍ د ګډ سياسي او مادي ګټې پر اساس حاکمیت کوي. دغه راز د انسان ژوند ته هېڅ راز ارزښت نه ورکوي؛ ریا، نفاق، بې عدالتي، ظلم او دېته ورته معیارونه او خطرناکه لارې چارې یې په مسلمانانو کې عامې کړي دي.

په اسلامي خاورو کې حاکم سیکولار مشران او نظامونه یې د ښکېلاکګرو په مرسته او له کرونا وبا څخه په استفادې د اسلام پر وړاندې خپلې جګړې ته لار شدت ورکوي. د نړيوالو کفري سازمانونو او روغتیا نړيوال سازمان د لارښوونو له مخې په ټوله نړۍ کې مسلمانان د جمعې له لمانځه منع شوي. تر هغه ځایه چې د جوماتونو ملا امامان يې نیولي او لمونځ کوونکي يې وهلي او ډبولي دي. په اشغال شوي فلسطین کې يې الاقصی جومات بند کړ او مسلمانان له لمونځ کولو محروم شول. په داسې حال کې چې دروازې يې د یهودیانو او سیل کوونکو پر مخ پرانيستې دي. همدارنګه په مصر او تونس کې هم مسلمانان د جمعې لمانځه ته د تللو پر مهال له وهلو او شکنجې په امن کې پاتې نه شول.  

دغو مفسدینو جوماتونه بند کړي، په داسې حال کې چې فساد کوونکي په ډاډه زړه خپل فساد ته دوام ورکوي. دغه راز بازارونه، تجارتي مرکزونه، بانکونه او رسټورانټونه فعالیت کوي. دغه نظامونه اجازه ورکوي، چې لوی دولتي فعالیتونه او کنفرانسونه جوړ شي، پرته له دې چې د وبا د مخنیوي لپاره يې څه کړي وي. هغوی غواړي چې مسلمانان له خپل دين څخه لرې کړي او د لمانځه حلقه وشلوي. جوماتونه بند کړي، لمونځ کوونکي وځوروي او غواړي په دې ډول خپله توطیه په ډاګه کړي. ځک له هغه وخته د فلسطین مبارکه خاوره او الاقصی لومړنۍ قبله او درېیم حرم اشغال شوی. ځکه چې هغه وخته د بما انزل الله حاکمیت او اسلامي دولت سقوط وکړ او د مسلمانانو حالت خراب شو؛ هغه څه چې الله سبحانه وتعالی نازل کړي وو او هغه دولت چې اسلام یې پلی کاوه، له منځه لاړ.

له ابو امامه رضی الله عنه څخه روایت دی چې رسول الله صلی الله علیه وسلم فرمايلي دي:

«لَتُنْتَقَضَنَّ عُرَى الْإِسْلَامِ عُرْوَةً عُرْوَةً، فَكُلَّمَا انْتَقَضَتْ عُرْوَةٌ تَشَبَّثَ النَّاسُ بِالَّتِي تَلِيهَا، وَأَوَّلُهُنَّ نَقْضًا الْحُكْمُ وَآخِرُهُنَّ الصَّلَاةُ» (رواه ابن حبان في صحيح)

ژباړه: د اسلام حلقې يو پر بل پسې شلېږي، هر کله چې یوه حلقه وشلېږي، خلک پر بله منګولې لګوي، لومړۍ حلقه چې وشلېده د اسلام حاکمیت و او وروستۍ يې لمونځ دی.

که څه هم میلیونونه مسلمانان په نړۍ کې ژوند کوي، خو بیا هم مکي حرم  له لمونځ کوونکو خالي دی، د جماعت او جمعې لمونځ نه اداکېږي، د مکې دروازه د مسلمانانو پر مخ تړل شوې ده، چې دا د مسلمانانو لپاره تر ټولو بد حالت دی. دا هغه څه دي چې د خلیفه پر نشت دلالت کوي. څوک چې د اسلام او د هغه د شعایرو لپاره، په ورته حالاتو کې پاڅون کوي. مسلمانانو نور د اسلامي خلافت نشت درک کړی دی. هغه دولت چې مسلمانانو ته وحدت وربښي او له الله سبحانه وتعالی څخه د مسلمانانو په اړه وېره لري. دغه راز د امورو سرپرستي، له عقایدو یې دفاع، له ذهنونو، بدن، خاورو او پانګو څخه يې هر اړخیزه ساتنه کوي.

د خلافت او د بما انزل الله تعالی له حاکمیت پرته، کفار پر نړۍ حاکم شوي او پرته د مسلمانانو له خلیفه، ځواکمن دولت او ځواکمنې اردو له سر خوږي حکومت کوي. اسلامي امت یو واحد امت دی، خو نن وخت يې وحدت یو دولت نه شي تمثیلولی. پر هغه واحد خلیفه چې یوازې اسلام پلی کوي، حکومت نه کوي. له همدې امله اسلامي امت، سیاسي، اقتصادي او نظامي پرېکړې نه شي کولی. د مسلمانانو دښمنان، د اسلامي خاورو د بېلولو، د مسلمانانو له وژلو او کډوالو څخه لاس نه اخلي، تر دې پورې چې مسلمانان يې مجبور کړي، چې کفري هېوادونو ته کډوال شي، لکه؛ د سوريې، اشغال شوي فلسطین، افغانستان، چیچین، عراق، کشمیر، هند، افریقا، مصر، سوډان، لیبيا، قبرس او اندلس مسلمانان. دغه راز مسلمانان په دغو خاورو کې بې چاره او کمزوري دي. استعمارګر کفار د تړونونو، خاینانه هوکړو، استعماري فرعی او اساسي قوانینو په وسیله پرې حاکم شوي دي. مسلمانان بېوزله شوي، په داسې حال کې چې خپله د ډېرو پانګو مالکان دي. پر حیثیت يې لوبې کېږی، په داسې حال کې چې خپله عفت او پاکي لري. د دین او دنیا په چارو کې غافل او جاهل شوي دي، خو خپله د علومو، فنونو، روغتیا، ریاضیاتو او نجوم برخو بنسټګر دي. ذلیل او حقیر دي، په داسې حال کې چې نیکونه يې فاتحان او مجاهدین وو؛  نیکونه يې هغه کسان وو چې په خپلو وینو يې دنیا وګټله او د تاریخ په لویه برخه (د خلافت په زرین  او فعال اسلامي ژوند کې) پر نړۍ حاکم وو؛. هو! د مسلمانانو د ژغورنې یوازینۍ لار دا ده چې بېرته اسلامي خلافت تاسیس کړي، څو چې اسلامي امت ته بېرته ژوند ورکړي، امت واحد شي او دولت يې راشي، چې له دې سره به الله سبحانه وتعالی راضي شي.  دا هغه څه دي چې هر فعال مسلمان يې باید وکړي.

الله سبحانه وتعالی فرمایلي دي:

 ﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ﴾

[سورة الأنفال: 24].

ژباړه: اې! هغو کسانو چې ایمان مو راوړی؛ د الله سبحانه وتعالی او پیغمبر صلی الله علیه وسلم دعوت ومنئ، کله چې تاسو ته د هغه شي په لوري بلنه درکړي، چې تاسو ته ژوند درکوي.  پوه شئ چې الله سبحانه وتعالی د انسان او د هغه د زړه تر منځ حایل دی او د قیامت په ورځ به د هماغه لوري ته ورغونډ شئ.


لیکونکی: غادة محمد حمدي – ولاية السوډان

ژباړن: الهام پردېس

د مطلب ادامه...

اصلي ستونزه د حزب‌التحریر په فعالیت کې نه؛ بلکې د افغانستان په قوانینو کې ده

د افغانستان د ولسمشر لومړي مرستیال ویلي: «حزب التحریر له عدلیې وزارت سره ثبت نه دی. نو دا حزب چې ترڅو ثبت شوی نه وي، د غونډو او تبلیغ حق نه لري.» همدارنګه هغه یادونه کړې، چې د افغانستان دولت حزب‌التحریر په رسمیت نه پېژني او د دغې ډلې له ادرسه هر ډول فعالیت ناقانونه دی، چې ډېر ژر به د دغه حزب له غړو سره د چلن د څرنګوالي پر پالیسۍ بحث او خبرې وشي.

د حزب التحریر ـ ولایه افغانستان مطبوعاتي دفتر د دغو خبرو په اړه د لاندې ټکو یادونه کوي:

د افغانستان دولت د حزبونو د ثبت لپاره په عدلیې وزارت کې د «اساسي قانون» او «حزبونو قانون» منل یو اساس ګڼي. دا قوانین هم له واقعیت سره جوړ نه دي او هم د اسلام له احکامو سره په ټکر کې دي. پر دې سربېره په نافذو قوانینو کې دا هم یو شرط دی، چې حزبونه باید په افغانستان کې دننه محدود وي. په داسې حال کې چې اسلام ټول اسلامي امت ته د یو واحد امت او مومنانو ته د وروڼو خطاب کوي او پر دې سربېره یې د امت یووالی د خلافت دولت په چوکاټ کې پر مسلمانانو واجب کړی دی. نو د اوسنیو استعماري پولو په چوکاټ کې د مسلمانانو یووالی او د اسلام پلي کول امکان نه لري او دې مسئلې د حزب ثبت او راجسترول ناشوني کړي دي. 

په داسې حال کې چې ډېرو ډیموکراتیکو حزبونو او بنسټونو ټول هغه قوانین تر پښو لاندې کړي، چې اوس یې د حزب التحریر د راجستر کولو لپاره د قانوني خنډونو په توګه رامخې ته کړي دي؛ خو لوړ پوړو چارواکو هېڅکله د هغوی پر وړاندې دا ډول غبرګون نه دی ښودلی. د بېلګې په توګه؛ په قانون کې راغلي چې ډلې باید بهرنۍ سرچینې ونه لري یا دا چې حزبونه نه شي کولی چې تر پولو واوړي؛ په داسې حال کې چې په افغانستان کې داسې سیاسي حزبونه او مدني بنسټونه شته چې په منظم ډول له پولو بهر غربي بنسټونو سره په اړیکه کې دي. له هغوی څخه امر اخلي، هغوی ته راپور ورکوي او هغوی یې تمویل او لارښوونه کوي.

د افغانستان دولت او خلک باید پوه شي، چې د حزب التحریر هېڅ فعالیت له اسلام سره په ټکر کې نه دی. دا د افغانستان د قوانینو ستونزه ده، چې پر شرعي استنباط او تقنین ولاړ نه دي او د هغو له مخې د اسلامي حزبونو فعالیت له ستونزې سره مخ کېږي او برعکس ډیموکراتیک او د افغانستان د خلکو د عقیدې خلاف حزبونه په ازاده توګه د هغو تر چتر لاندې فعالیت کوي. نو حللاره دا ده، چې د افغانستان دولت دې د خپلو قوانینو اساس د ډیموکراسۍ پر ځای په مطلق ډول په اسلام بدل کړي او د حزبونو د فعالیت په ګډون ټول واقعیتونه باید د شرعي اجتهاد له لارې د اسلام د سرچینو (قرآن، سنتو، د اصحابو اجماع او قیاس) پر اساس معالجه کړي. که څه هم دا کړنه په دولت-ملت او ډیموکراټیکو نظامونو کې امکان نه لري. یا دا چې د ځینو نورو هېوادونو په څېر د سیاسي حزبونو د فعالیت لپاره عدلیې وزارت ته یوازې خبر ورکول کافي وګڼي، په دغه حالت کې به حزب راجستر شي او ښکاره او رسمي دفترونه به ولري. دا حالت په ځینو هېوادونو کې شته او حزب هلته خپل ځان ثبت کړی دی. د یادونې وړ ده چې د افغانستان په تاریخ کې د حزبونو نه ثبتول بې‌ مخینې نه دی، لکه څنګه چې جهادي حزبونو د شوروي پر وړاندې د جهاد پر مهال د وخت له کمونېستي رژیم څخه د فعالیت جواز نه و اخیستی، ځکه چې د دوی فعالیت په اسلام کې رېښه درلوده او جواز اخیستو او ثبت ته یې اړتیا نه لرله. 

یو ځل بیا یادونه کوو چې حزب‌التحریر یو سیاسي حزب دی، چې په نړیواله کچه کار کوي او له امت سره یو ځای د خلافت د تاسیس او الله سبحانه وتعالی د دین د حاکمیت لپاره مبارزه کوي. د حزب‌التحریر د فعالیت طریقه فکري او سیاسي ده او هر ډول ډيموکراټيک، مادي او د تاوتریخوالي فعالیت د خپلې مبارزې په طریقه کې ردوي. حزب‌التحریر د الله سبحانه وتعالی دغه قول ته په ځواب ویلو سره تاسیس شوی دی:

﴿وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ ۚ ﴾ [آل عمران: ١٠٤] 

 باید په تاسو کې یوه ډله خیر (ټول اسلام) ته دعوت او پر معروف امر او له منکر څخه منع وکړي!

نو په پای کې حزب‌التحریر خپل مشروعیت د الله سبحانه‌وتعالی له دغه حکم څخه اخیستی دی؛ ځکه د اسلام د پلي کولو او خلافت دولت د تاسیس لپاره مبارزه د الله سبحانه وتعالی یو حکم دی، چې  پر ټولو مسلمانانو فرض دی او د هغه لپاره کار او فعالیت د جمهوري او سیکولر دولتونو د قوانینو اجازې ته اړتیا نه لري. همدارنګه حزب یوه «مجهوله» ډله نه ده، بلکې تر شپږو لسیزو زیاته د مبارزې تجربه لري او د نړۍ په ۶۰ هېوادونو کې فکري او سیاسي فعالیت لري.

د حزب‌التحریر - ولایه افغانستان مطبوعاتي دفتر

د مطلب ادامه...

« ای مسلمانانو، خلافت بیا تاسیس کړئ!» دا کمپاین د تونس د کافر اشغال پر وړاندې پیل شوی دی، نو ولې د امت د امنیتي ځواکونو زامن دغه دعوتګر نیسي؟!

  • خپور شوی په تونس

د رجب په لومړۍ نېټه حزب التحریر د اسلامي خلافت د نړېدو په مناسبت کمپاین پیل کړ، په دغه کمپاین کې حزب د «ای مسلمانانو، خلافت بیا تاسیس کړئ!» تر عنوان لاندې پر ټولو مسلمانانو غږ کوي چې خلافت بیا تاسیس کړئ. کله چې د حزب التحریر غړو هر یو لکه: عفیف خلیف او عمر احمد غوښتل چې د سفکس په ښار کې د کمپاین تر سرلیک لاندې بینر ځړول، د پولیسو یو موټر را غللو او امنیتي ځواکونو د دوی د سیاسي فعالیت مخه ونیوله. په زور یې د سکایت ایزیت ښار ګوټي امنیتي حوزې ته بوتلل.

دوی د نیولو پر مهال له عفیف ورور سره بد سلوک وکړ، په داسې حال کې چې ده خپل طبیعي حق او قانوني مکلفیت ترسره کاوه چې د اسلامي قدرت حاکمیت و. د هغو خلکو د نومونو له تحقیق وروسته چې دا اعلانات یې کول د وکیل په حضور کې یو راپور جوړ شو. زموږ دوه وروڼه ازاد شول او عفیف ورور د درملنې لپاره روغتون ته یوړل شو. موږ د حزب التحریر-ولایه تونس غړي، لکه څنګه چې موږ د رسمي سیاسي طبقې او شخصیتونو تړاو له اشغال سره ښکاره کوو او له دوی څخه غواړو چې د امت او دهغه له مسایلو سره په څنګ کې ودریږي. موږ د ځینو سر تېرو رتبو ته حیران یو چې تر اوسه  یې هم غوږ نیولی دی او پرته له دې چې خپلې عقیدې ته وګوري او د الله سبحانه و تعالی او رسول الله صلی الله علیه وسلم له مومنانو سره یو ځای شي او پر ښو کارونو امر وکړي او له بدیو څخه منع، دوی د نورو اوامر پلي کوي.

سره له دې چې، د سیاستمدارانو پر خیانت دوی ټول پوهېږي او همدا سیاستمداران د هیواد د بدبختۍ اصلي لامل دي. سره له دې چې، د دې سیاستمدارانو د اوامرو په پایله کې دوی بې عزته کیږي. یو له هغې څخه په دا وروستیو لاریونو کې د دوی سپکاوی و. چې د ظالم بن علي فرار یې تر ټولو وروستۍ پېښه وه.

ايا دوی نه پوهیږي چې دا د اشغال اوامر چې د دوی د سیاستمدارانو او ځینو کادرونو له خوا دوی ته رسیږي دوی د دښمن د لاس اله ګرځوي، دوی یې له خلکو څخه جلا کوي او دریځ یې راټیټوي؟ ایا دوی نه پوهیږي چې الله سبحانه وتعالی به د قیامت په ورځ له دوی څخه د هغه څه پوښتنه وکړي چې په دغه موقف کې یې کړي وو؟ د دوی باداران به دوی دروغجن وګڼي.

[إِذْ تَبَرَّأَ الَّذِينَ اتُّبِعُواْ مِنَ الَّذِينَ اتَّبَعُواْ]

ژباړه: «کله چې هغه سزا ورکړي، په هغه وخت کې به حالت داسې وي چې هماغه مشران او رهبران چې به دنیا کې یې پیروي کیدله، له خپلو پیروانو څخه به بېزاري څرګنده کړي.» [بقرة: ۱۶۶]

ایا دوی نه پوهیږي چې په دغه دعوت کې کړاو یوازې د حزب التحریر استحکام او قوت ډېروي. د الله سبحانه وتعالی په لار کې نیول او زنداني کیدل د حزب د غړو په شخصیت کې عزم او ډاډ حک کوي. د دوی اخلاص لوړوي د بې عدالتۍ پر وړاندې د دوی مبارزه پیاوړې کوي او د خلکو د راتلونکې د رهبري کولو لپاره د دوی ثبات نور هم ټینګوي؟

«اي مسلمانانو، خلافت بیا تاسیس کړئ» دا د حزب التحریر له لوري ټولو مسلمانانو ته یو رښتینۍ پیغام دی چې خلافت بیا تاسیس کړئ او خپل ژوند ته د اسلامي نظام په چوکاټ کې ادامه ور کړئ. په دغه دعوت کې د امنیتي او نظامي ځواکونو مقام لومړی دی، ځکه چې دوی زموږ اهل قدرت او د سلاح حاملین دي، نو دوی باید د حق په صف کې وي او د واکمنانو خیانت یې رد کړي د الله سبحانه و تعالی دا قول ولولئ:

[أَرَأَيْتَ الَّذِي يَنْهَى * عَبْدًا إِذَا صَلَّى * أَرَأَيْتَ إِن كَانَ عَلَى الْهُدَى * أَوْ أَمَرَ بِالتَّقْوَى]

ژباړه: «ایا ته نه ګورې هغه څوک چې منع کوي* د یوه بنده (منع کوي) کله چې هغه لمونځ کوي* ستا څه ګومان دی که (هغه بنده) په سمه لاره وي* یا د پرهېزکارۍ حُکم کوي» [علق: ۱۲]

نو لکه څرنګه چې ابوجهل ماتې وخوړله او د رسول الله صلی الله علیه وسلم دعوت کامیاب شو، همداسي به د خلافت دعوت کامیاب شي او ټول هغه کسان چې له دې سره دښمني کوي مات شي. رسول الله صلی الله علیه وسلم فرمایي: «...او بیا به د نبوت پر منهج راشده خلافت وي».

#أقيموا_الخلافة
#ReturnTheKhilafah
#YenidenHilafet
#خلافت_بیا_تاسیسړئ

د حزب التحریر-ولایه تونس مطبوعاتي دفتر

 

د مطلب ادامه...

د یو دعوتګر مړینه

  • خپور شوی په فلسطین

(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ
وَمِنْهُمْ مَنْ يَنْتَظِرُ وَمَا بَدَّلُوا تَبْدِيلاً)
ژباړه: «له مومنانو څخه ځينې داسې شخصیتونه شته چې له الله سبحانه و تعالی سره یې کړې ژمنه رښتیا کړې ده: له هغو څخه چا خپل نذر پوره کړ او څوک د وخت راتلو ته انتظار باسي. هغوی په خپله کړنلاره کې هېڅ بدلون رانه وړ.» [احزاب: ۲۳]

حزب التحریر د فلسطین په سپېڅلې خاوره کې د خپل یو رښتیني غړي په مړینه ډېر خواشینی دی:

شیخ عطاء الله طه صالح ریا ـ (ابو طه)

چې خپل روح یې د ۲۰۲۱م کال، د فبرورۍ په ۱۶مه په بیت المقدس کې خپل خالق ته وسپاره، هغه په ژوند کې د الله سبحانه و تعالی او د هغه د رسول صلی الله علیه وسلم په پيروۍ او د دعوت په لاره کې اسلام ته وفادار پاتې شو.

مرحوم یو له باخبره غړو څخه و، موږ هغه ته د خپل رب څخه بښنه او د اسمان او ځمکې په اندازه جنت غواړو. هغه د حزب التحریر سره دعوت پر مخ بېولو او د حق پیاوړی مدافع و، د ظالمانو پر وړاندې کلک ولاړ و او د الله سبحانه و تعالی په لاره کې د خلکو له ملامتیا نه وېرېده، د خلکو تر منځ د پخلاینې او ښېګڼې په لټه کې و، چې ډېری جوماتونه د هغه د خبرو شاهد دي. لکه څنګه چې له هغه څخه داسې ناسته پاتې نه شوه چې هغه د الله سبحانه و تعالی لوري ته خلک نه وي رابللي، په ښېګڼو یې امر کاوه او له بدیو څخه منع.

الله سبحانه و تعالی د زموږ پر ګران ورور ابو طه رحم وکړي، هغه تر وروستیو شېبو پورې له دعوتګرو سره مینه درلوده، روشنفکره او متواضع سړی و، چې دا یې له خپلو وروڼو سره په تیلفوني پيغام کې څرګند کړل، چې ویل یې:

«تاسو ماته ګران یی، زما وروڼه او زما د سر تاج یی او زه د الله سبحانه و تعالی شکر ادا کوم چې کله زه له دې نړۍ څخه لاړ شم، زه دا نړۍ داسې چا ته پرېږدم چې هغوی ټینګ عزم او ثابت ګامونه پورته کوي او زه ویاړم چې له دوی سره پېژنم او له دوی سره مې دعوت پر مخ وړلو.»

موږ له الله سبحانه و تعالی څخه غواړو چې پر خپل بنده رحم وکړي او هغه له انبیاوو، صدیقینو، شهداوو، صالحینو او غوره ملګرو سره یې جنت ته داخل کړي.

ټول په الله سبحانه و تعالی پورې اړه لري، چې څه ورکوي او څه اخلي. موږ د الله سبحانه و تعالی یو او هغه ته ورګرځو.

د فلسطین په سپېڅلې خاوره کې د حزب التحریر مطبوعاتي دفتر

 

 

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې