د جمعې په شپه له ټرمپ سره د اشرف غني د ټليفوني خبرو او د افغانستان د جګړې لپاره د لا زياتو امریکايي ځواکونو د را جلبولو په موخه په کانګرس کې د يرغلګرو قواوو قوماندان جنرال نیکولسن د وړانديز پر مهال؛ د هلمند په سنګين کې د امريکا او ناټو ځواکونو د وحشيانه بريدونو په ترڅ کې د يوې کورنۍ پنځلس، د بلې پنځه غړي او د هماغه ځای يو شمېر ښځې، ماشومان او سپين ږیري شهيدان شوي دي.

امریکا يوازې په روان ترور او وحشت بسنه نه کوي، بلکې د هغه د دوام او پراختیا په لټه کې هم ده. لکه څنګه چې په کانګرس کې د وسله والو ځواکونو او امنيتي چارو د کميټې مشر جان مکین د يوې استجوابيه غونډې په ترڅ کې له نيکولسن څخه پوښتنه وکړه؛ آيا په ټوليز ډول ستاسو په نظر موږ په افغانستان کې وړونکي يو؟ هغه ځواب ورکړ؛ «موږ له خنډ سره مخ شوي يو. جنګ د امنيتي ځواکونو د سختو تلفاتو سبب شوی، دولت تقریباً له دریو څخه پر دوو برخو خاوره واکمن دی. له طالبانو سره د سولې خبرو کومه نتيجه نه ده ورکړې او دولت په يوازې ځان د شته وضعيت د بدلولو وړتيا نه لري. د هغه په وينا پاکستان، ايران او روسيه طالبانو ته په مشروعيت ورکولو او په عين وخت کې د افغانستان د مرکزي دولت د تضعیف او تر پوښتنې راوستلو هڅې کوي». نو له دې ټولو څخه څرګندېږي چې افغانستان په سيمه کې د امريکا پر نظامي پروژه او د هغې له استعماري سيالانو سره د نيابتي جګړې پر ګرم ډګر بدلېږي.

حزب التحرير ولايه افغانستان يو ځل بيا پر دې مسئله ټينګار کوي چې د امریکا د سیمه ییزو سیاستونو او اسلامي خارو د اشغال د ختمولو لپاره، چې نظامي پروژه او نیابتي جګړه د دغو سیاستونو د عملي کولو خورا مهم اسلوب دی، یوازې یوه حل لاره لري. هغه دا چې باید هڅه وشي؛ ترڅو اسلامي امت د لاسپوڅو چارواکو په عزل کولو او د جبريه نظامونو په رانسکورولو، له يرغلګرو او ښکېلاکګرو کفارو سره خپلې هر ډول اړيکې پرې کړي او په بدل کې يې د الله سبحانه وتعالی پر رسۍ (قرآن، سنت، د صحابه وو اجماع او شرعي قياس) منګولې ولګوي. د نبوت پر تګلاره د راشده خلافت د تاسیس لپاره د امت انرژي او ځواک سره یو موټی کړي. هغه نظام چې د اسلامي امت د وینې، عزت، خاورې او عقیدې ساتنه کوي. لکه څنګه چې رسول الله صلی الله علیه وسلم فرمايي: 

   إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ"

رواه مسلم

یوازې امام «خلیفه» هغه ډال دی چې ترشا يې جګړه کوئ او دی ستاسو  ساتنه کوي.

د حزب التحرير-ولايه افغانستان مطبوعاتي دفتر

[وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا يَعْبُدُونَنِي لاَ يُشْرِكُونَ بِي شَيْئًا وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ]  (النور: ۵۵)

عام خطاب

قُلْ تَرَبَّصُوا فَإِنِّي مَعَكُم مِّنَ الْمُتَرَبِّصِينَ

ووايه! تاسو (د خپلو خامو چورتونو او ګومانونو) منتظر اوسئ او زه هم (د خپل نېک او ستاسو د بد برخليک) په انتظار يم.

د اسلامي هېوادونو د جمهوري رياستونو کانديدان، د کافر او ښکېلاکګر غرب مزدور چارواکي دي او په هره ټاکنيزه دوره کې خلکو ته د بدلون وعدې ورکوي، حال دا چې د دغه چارواکو او کانديدانو وعدې بشپړې دروغ دي، د اسلامي خاورو د چارواکو دنده پرته له فتنې، خيانت، فساد او ښکېلاک څخه بل څه نه دي.

أَمْ تَأْمُرُهُمْ أَحْلاَمُهُم بِهَذَا أَمْ هُمْ قَوْمٌ طَاغُونَ

آيا د دوى عقلونه دوى ته په دغو ( متناقضو خبرو) دستور ورکوي؟ يا داچې اصلا دوى تيري کوونکي او طاغي کسان دي.

آيا موږ او تاسې په تېرو اوو کلونو کې په افغانستان کې د کوم بدلون ليدونکي يو؟! آيا په خپل ګاونډي هېواد پاکستان کې مو د ٥٠ کلونو په اوږدو کې د اسلام له مخې کوم مثبت بدلون ليدلى؟! موټى د خروار نمونه ده، د نورو اسلامي هېوادونو برخليک هم همدا ډول دى. رسول الله صلى الله عليه وسلم فرمايي:

"لكل غادر لواء يوم القيامة يرفع له بقدر غدره، ألا ولا غادر أعظم غدرا من أمير عامة."

د هر خاين لپاره به د قيامت په ورځ يو بيرغ وي، چې د هغه د خيانت په اندازه به لوړ وي، خبر اوسئ چې ترټولو لوى خيانت به د خلکو د امير وي.

آيا د افغانستان چارواکي د هېواد په تېر استعماري تاريخ کې تر ننه او يا وروسته له دې په دې توانيږي چې د خپلو کارکوونکو تنخواه له حلالو يا افغاني سرچينو څخه تامين کړي؟ آيا کولاى شي پرته له کوم قيد او شرط څخه خپلو امنيتي ادارو ته وسله و مومي؟ آيا کولاى شي د خپلو حرامو ټاکنو لګښت له افغاني سرچينو څخه ترلاسه او پوره کړي؟ آيا د دوى د دغه ټاکنيزو مبارزو لګښتونه خپل وو؟ او آيا کولاى شي د کوم بدلون وعدې چې ولس ته ورکوي د استعمار له ملاتړ پرته را منځ ته کړي؟ او همداراز ډېر شمېر نورې پوښتنې.

حزب التحرير جادويي وړاندوينې نه کوي، بلکې په افغانستان کې د سياست د عملي واقعيت په درک کولو سره او د هغو منظمه او ژوره اړيکه موندنه له شرعي احکامو سره هغه لاره چاره ده، چې مسلمانو سياستمدارانو ته د دې بصيرت ورکوي ترڅو د اسلامي امت واقعيت دقيق درک کړي او شرعي د حل لارې ورته وړانديز کړي.
اې رنځېدلو او هردم شهيدو مسلمانانو! 

لاندې ټکو ته جدي پاملرنه وکړئ:

هر ډول بدلون چې د اسلام د مقدس دين له مخې نه وي ستاسو ستونزې لا پسې ډيروي، بدلون بايد له اسلام سره سم منځ ته راشي. الله سبحانه و تعالى فرمايي: َفلاَ وَرَبِّكَ لاَ يُؤْمِنُونَ حَتَّىَ يُحَكِّمُوكَ فِيمَا شَجَرَ بَيْنَهُمْ ثُمَّ لاَ يَجِدُواْ فِي أَنفُسِهِمْ حَرَجًا مِّمَّا قَضَيْتَ وَيُسَلِّمُواْ تَسْلِيمًا يعنې: ستا په پروردګار قسم چې دوى نه مؤمنان کيږي تر هغه چې تا په هغه څه کې حَکَم نه کړي، په کوم کې چې يو له بل سره منازعه لري او وروسته له هغې چې په هغه کې فيصله وکړې د دوى ترمنځ هېڅ ستونزه پاتې نشي او ښه منقاد او تسليم شي.

د اسلام د مبارک دين له مخې بدلون د ښکېلاکګرو کفارو تر ملاتړ لاندې نشي راتلاى. الله جل جلاله فرمايي: وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ. يعنې: يهود او نصارا هېڅکله له تا څخه نه راضي کيږي، مګر هغه مهال چې ته د دوى د دين او ملت پيروي وکړې، ووايه! ريښتينى هدايت يوازې د الله سبحانه و تعالى هدايت دى، او که ته وروسته له هغه علم څخه چې پر تا نازل شوى دى، بيا هم د دوى له هوسونو او غوښتنو پيروي وکړې، د خداى جل جلاله په وړاندې به بيا ملاتړ او مرستندوى و نه مومې.

د اسلام له مخې بدلون بايد په شرعي طريقه، حلالو وسايلو او امکاناتو سره رامنځ ته شي، نه له دې سره په مخالفه طريقه. د سود، احتکار، ښکېلاکګرو کفارو او يا هم د چور او چپاول په پيسو نشي کيداى له اسلام سره سم بدلون راوستل شي. له کفري هېوادونو څخه د مرستې اخيستل مطلقا حرام شوي دي، په دې دليل چې حضرت محمد صلى الله عليه وسلم له دغه ناوړه عمل څخه منعه کړې ده او فرمايلي يې دي: لا تستضيئوا بنار المشرکین (د مشرکينو په رڼايۍ سره ځان ته روښنايي مه کوئ). او همداراز فرمايي: إنا لانستعین بمشرک، ( موږ له مشرک څخه مرسته نه غواړو)، همدا اوس د ټولو اسلامي خاورو په ځانګړې توګه د افغانستان چارواکي دا مطلق حرام عمل ترسره او دوام ورکوي او هغه کفار چې رسول صلى الله عليه وسلم ورڅخه مرسته اخيستې، ټول هغه افراد وو چې د اسلام تر بيرغ لاندې يې جګړه او مرسته کړې ده او هېڅکله يې له کفري نظامونو څخه مرسته نه ده اخيستې، په داسې حال کې چې اوس مسئله سرچپه ده.

د اسلام مبارک دين د تجزيې او وېش وړ نه دى، بايد په انقلابي ډول تطبيق او پلى شي. الله سبحانه و تعالى فرمايي: أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ فَمَا جَزَاء مَن يَفْعَلُ ذَلِكَ مِنكُمْ إِلاَّ خِزْيٌ فِي الْحَيَاةِ الدُّنْيَا وَيَوْمَ الْقِيَامَةِ يُرَدُّونَ إِلَى أَشَدِّ الْعَذَابِ وَمَا اللّهُ بِغَافِلٍ عَمَّا تَعْمَلُونَ ٨٥ يعنې: آيا تاسې د كتاب په يوه برخه باندې  ايمان راوړئ او له بلې برخې څخه انكار كوئ؟ نو د دا ډول چارو د سرته رسوونكو جزا بل څه نه ده، مګر د دنيا په ژوند كې زيان او په آخرت كې به هم سخت دردوونكي عذاب ته وړاندې كيږي او الله جل جلاله ستاسو له كړنو څخه غافل نه دى.

هېڅوک نشي کولاى په خپله خوښه شرعي احکامو ته بدلون ورکړي او هغه له وخت او ځاى سره سم برابر کړي الله پاک فرمايي: وَمَا كَانَ لِمُؤْمِنٍ وَلاَ مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلاَلاً مُّبِينًا : يعنې: هېڅ مسلمان نر او ښځې ته نه ښايي، كله چې الله جل جلاله او د هغه رسول د يو څه په اړه پرېكړه وكړي، په هغه كې دوى نظر او اختيار ولري، هغه څوك چې د الله او د هغه د رسول له دستور څخه سرغړونه كوي له نېغې لارې څخه په ښکاره ګمراهۍ ليرې شوى دى.
د ټولو اسلامي خاورو او ناورين ځپلو اسلامي هېوادونو لکه فلسطين، کشمير، وزيرستان، شرقي ترکستان، چيچينيا، سودان، سوماليا، عراق او په ځانګړې توګه افغانستان لپاره بدلون جذري (ريښه يي) حل غواړي، چې هغه د اسلامي دولت (خلافت) پرته نشي راتلاى.

د اسلام د مبارک دين پيغام نړيوال دى، د ټول بشريت لپاره دى، محدوده او ځانګړې ځمکه نه مني، له همدې امله اسلام د ټولو نړيوالو لپاره حل لارې وړاندې کوي، په ټولو دينونو، ايډيولوژيو او افکارو باندې غالب او برلاسى کيږي، پر همدې بنسټ مسلمانانو ته هم ښايي چې د ټول اسلامي امت لپاره فکر وکړي، نه د محدودې او جاهليت د دورې وطن پالنې او قوميت پالنې د افکارو پر بنسټ. الله متعال فرمايي: هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ.يعنې: هغه ذات دى چې خپل رسول يې له حق دين او هدايت سره راواستاوه، ترڅو خپل دين پر ټولو نورو اديانو باندې برلاسى کړي، اګر که مشرکان پرې خفه او ناخوښه کيږي.

ډيموکراسي کفري پديده ده، د عيسى عليه السلام له ميلاد څخه ٤ پېړۍ پخوا په يونان کې منځ ته راغلې، که د الله متعال د منلو وړ نظام واى په اومه ميلادي پېړۍ کې به يې د اسلام په دين کې ځاى پرځاى کړې وه، اما دا کار يې و نه کړ، پس نن ورځ هغه کسان چې وايي ډيموکراسي له اسلام څخه ده او يا تر ټولو غوره ډيموکراسي په اسلام کې ده، هغوى لار ورکي شوي دي، ډيموکراسي، ډيموکراتيکې ټاکنې، ډيموکراتيکې آزادۍ، آزاد بازار، د بشر حقونه، مدني ټولنه، د تروريزم په وړاندې جګړه، د کفارو له افکارو او اعمالو څخه دي، چې په اسلامي امت باندې د مزدورو چارواکو له خوا تحميليږي. الله سبحانه و تعالى د هغوى په اړه فرمايي: 

[وَالَّذِينَ كَفَرُوا أَعْمَالُهُمْ كَسَرَابٍ بِقِيعَةٍ يَحْسَبُهُ الظَّمْآنُ مَاء حَتَّى إِذَا جَاءهُ لَمْ يَجِدْهُ شَيْئًا وَوَجَدَ اللَّهَ عِندَهُ فَوَفَّاهُ حِسَابَهُ وَاللَّهُ سَرِيعُ الْحِسَابِ ٣٩ أَوْ كَظُلُمَاتٍ فِي بَحْرٍ لُّجِّيٍّ يَغْشَاهُ مَوْجٌ مِّن فَوْقِهِ مَوْجٌ مِّن فَوْقِهِ سَحَابٌ ظُلُمَاتٌ بَعْضُهَا فَوْقَ بَعْضٍ إِذَا أَخْرَجَ يَدَهُ لَمْ يَكَدْ يَرَاهَا وَمَن لَّمْ يَجْعَلِ اللَّهُ لَهُ نُورًا فَمَا لَهُ مِن نُّورٍ ٤٠]
(سوره: النور)
كوم  كسان چې كافر شول د هغو د عملونو مثال داسې دى لكه په وچه دښته كښې سراب (شګې ګل) چې تږي پرې د اوبوګومان كړى وي، خو كله چې ورغى نو هيڅ يې ونه موندل بلكې هلته يې الله موجود ومونده چې هغه ته يې د هغه پوره بشپړ حساب (عذاب) وركړ او الله سبحانه و تعالى په حساب کولو کې بيړنى دى. يا خو د هغې د اعمالو مثال داسې دى لكه په يوه ژور سمندر كښې تياره، چې د پاسه يې يوه څپه خوره شوې وي، د هغې د پاسه يوه بله څپه وي او د هغې د پاسه تياره ورېځ وي، پر تياره د پاسه تياره مسلطه وي. كه (د سمندر مسافر) انسان خپل لاس و باسي نو هغه هم ونه  شي ليدلى. چا ته چې الله نور نه بښي د هغه لپاره بيا هېڅ رڼايي نشته.

اې د افغانستان سرلوړي او مسلمان ولسه!

پس د هغه لسګونو کميسيونونو کومه پايله په ياد لرئ کوم چې د هېواد په بېلابېلو ولايتونو کې د صليبيانو په لاس د شهيدانو او ځينو وژونکو پېښو په اړه په کار ګومارل شوي وو؟ فقر او بېکاري کمه شوې او که ورځ په ورځ زياته شوې ده؟ آيا نوې فتنې لکه: سود، احتکار، فحشا، ايډز او نورې نامشروع سرګرمۍ نه دي منځ ته راغلې؟ آيا دغه تش په نامه اسلامي جمهوريت د دا ډول کړنو په وړاندې کوم شرعي عکس العمل څرګند کړى؟ راځئ د جذري (ريښه يي)، اسلامي او په شرعي طريقه، د حلالو امکاناتو او وسايلو په واسطه د بدلون لپاره کار او زيار وباسو! له جاهلي او نا مشروع قوم پالنو او وطن پالنو څخه لاس واخلو او يو واحد اسلامي امت شو! ترڅو الله پاک د دواړو دنياوو نېکمرغي زموږ په برخه کړي، مومنان شو، نه منافقان او د کفارو دوستان! الله پاک فرمايي: 

[يَوْمَ تَرَى الْمُؤمِنِينَ وَالْمُؤمِنَاتِ يَسْعَى نُورُهُم بَيْنَ أَيْدِيهِمْ وَبِأَيْمَانِهِم بُشْرَاكُمُ الْيَوْمَ جَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا ذَلِكَ هُوَ الْفَوْزُ الْعَظِيمُ ١٢ يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ آمَنُوا انظُرُونَا نَقْتَبِسْ مِن نُّورِكُمْ قِيلَ ارْجِعُوا وَرَاءكُمْ فَالْتَمِسُوا نُورًا فَضُرِبَ بَيْنَهُم بِسُورٍ لَّهُ بَابٌ بَاطِنُهُ فِيهِ الرَّحْمَة وَظَاهِرُهُ مِن قِبَلِهِ الْعَذَابُ ١٣ يُنَادُونَهُمْ أَلَمْ نَكُن مَّعَكُمْ قَالُوا بَلَى وَلَكِنَّكُمْ فَتَنتُمْ أَنفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الأَمَانِيُّ حَتَّى جَاء أَمْرُ اللَّهِ وَغَرَّكُم بِاللَّهِ الْغَرُورُ ١٤ فَالْيَوْمَ لاَ يُؤخَذُ مِنكُمْ فِدْيَة وَلاَ مِنَ الَّذِينَ كَفَرُوا مَأْوَاكُمُ النَّارُ هِيَ مَوْلاَكُمْ وَبِئْسَ الْمَصِيرُ ١٥]    (الحدید)

په هغه ورځ چې ته به موْمنان نارينه او موْمنانې ښځې ووينې چې د هغو نور به د هغو په وړاندې او د هغو ښي خوا ته ځلېدونكې وي هغوته به وويل شي چې نن زيرى دى ستاسې لپاره، جنتونه به وى چې تر هغو لاندې به ويالې بهيدونكې وي چې هغوى به پكښې تل ترتله اوسېږي. همدغه دى ستر برياليتوب. په هغه ورځ به د منافقو نارينه و او ښځو حال دا وي چې موْمنانو ته به ووايي، لږ زموږ خوا ته وګورئ ترڅو چې مونږ ستاسې له نور نه څه استفاده وكړو،  خو هغو ته به وويل شي شا ته واوړئ، خپل نور بل چېرته ولټوئ. بيا به د هغو تر مينځ يو ديوال حايل كړاى شي، چې په هغه كښې به يوه دروازه وي، په هغې دروازه  كښې د ننه به رحمت وي او د باندې عذاب. هغوى به موْمنانو ته نارې كړي، وبه وايي ايا مونږ له تاسې سره نه وو؟ مومنان به ځواب وركړي: هو، خو تاسې خپل ځان پخپله په فتنه كښې واچاوه، د موقع پرستۍ  په شك كښې وغورځېدلئ او درواغجنو هيلو تاسې وغولولئ، تر دې پورې چې د الله پاک فيصله راغله او تر وروستي وخت پورې  هغه غټ غولوونكي تاسې د الله پاک په باب وغولولئ، نو نن به نه له تاسې نه څه فديه قبوله كړاى شي او نه  له هغو كسانو نه چې هغوى ښكاره څرګند كافر شوي وو. ستاسې هستوګنځى دوزخ دى، همغه ستاسې کار جوړوونکى، بد برخليک او دا ډېر ناوړه عاقبت دى. 

حزب التحرير- افغانستان

۱۳۴۰، د ذالقعدې ۱۶مه

۲۰۰۹/۰۴/۱۱

بسم الله الرحمن الرحيم

جريدة الراية: أبرز عناوين العدد (95)

للمزيد اضغط هنا

الأربعاء، 12 ذو الحجة 1437هـ الموافق 14 أيلول/سبتمبر 2016م

د فقهې د اصولو عالم شیخ عطا بن خلیل ابورشته؛ د حزب التحریر امیر

(ژباړه)

د حزب التحریر د مظالمو دیوان رییس د ۱۴۲۴هـ.ق کال د صفر المظفر په ۱۱مه چې د ۲۰۰۳م کال د اپرېل له ۱۳مې سره سمون لري، اعلان وکړ، چې انجینر او د فقهې اصولو عالم «عطا بن خلیل ابورشته»-ابو یاسین- د حزب امیر وټاکل. شیخ عطا چې دعوت ته زیاته پاملرنه کوي، حزب په خورا غوره توګه اداره او په دعوت کې د حزب د ځوانانو له وړتیاوو او انرژۍ په احسنه طریقه ګټه اخلي. نوموړی ډېر هیله‌من دی، چې الله سبحانه وتعالی د نصرت او بريا پر لور مرسته او لارښوونه ورته وکړي.   

د حزب د امیر لنډ ژوندلیک:

عطاء بن خلیل بن احمد بن عبد القادر الخطیب ابو الرشته په (۱۳۶۲هـ.ق/ ۱۹۴۳م) کال کې د فلسطین په الخلیل ښار کې په یوه وړوکي کلي (رعنا) کې په یوه دینداره کورنۍ کې دې نړۍ ته سترګې پرانیستې. هغه لا په ماشومتوب کې په ۱۹۴۸م کې د انګلیس په مرسته او د عربو د مشرانو په خیانت د یهودو دولت په وسیله د فلسطین اشغال تجربه کړ. وروسته له خپلې کورنۍ سره یو ځای الخلیل ښار ته نږدې د کډوالو کمپ ته ولاړ.

لومړنۍ او منځنۍ زده کړې يې په دغه کمپ کې وکړې او د «المترک الاردني» په نامه لومړنۍ شهادتنامه يې په ۱۹۶۰م کې په الخلیل ښار کې د حسین بن علي له عالي لېسې څخه تر لاسه کړه. وروسته يې په ۱۹۶۱م کې د «التوجیهي المصري» په نامه دویمه او وروستۍ شهادتنامه په قدس شریف ښار کې له ابراهیمي مکتب څخه واخیسته. بیا په (۱۹۶۱- ۱۹۶۲م) کال کې د مصر قاهرې پوهنتون په انجینرۍ پوهنځي کې شامل شو او په ۱۹۶۶م کې يې په ساختماني (سېول) انجینرۍ کې د لېسانس دیپلوم تر لاسه کړ. د پوهنتون تر فراغت وروسته څو کاله په ځينې عربي هېوادونو کې د انجینر په حیث په کار بوخت و. ابورشته د ښاري انجینرۍ په برخه کې د «الوسیط فی حساب الکمیات و مراقبة المباني و الطرق» (د اندازو د محاسبې، د سړکونو او ودانیو د ساتنې وسیط) په نامه کتاب هم تالیف کړی.

نوموړی د شلمې پېړۍ په نیمايي کې د منځنیو زده کړو په جریان کې له حزب التحریر سره یو ځای شو. هغه د اعلای کلمة الله لپاره د ظالمانو په زندانونو کې زیاتې شکنجې او فشارونه وزغمل او د حزب په ټولو اداري او تنظیمي برخو کې يې فعالیت وکړ؛ تر دې چې الله سبحانه وتعالی د ۱۴۲۴هـ.ق د صفر المظفر په ۱۱مه، چې د ۲۰۰۳م کال د اپریل له ۱۳مې سره سمون لري، د حزب امارت د ده په اوږو ورکېښود. دی تل د دغه دروند بار په وړلو کې له الله متعال څخه مرسته غواړي.

عطا بن خلیل ابورشته په اسلامي علومو کې لاندې کتابونه تالیف کړي دي:

1. د (التیسیر فی أصول التفسیر) په نامه د بقره سورت تفسیر
2. د فقهې په اصولو کې څېړنې (تیسیر الوصول إلی الأصول)
3. ځینې رسالې
4. اقتصادي بحرانونه، واقعیت او حل لارې يې د اسلام له نظره
5. په جزیره او خلیج کې نوې صلیبي جګړه
6. د صنعتي کېدو سیاست او د صنعتي دولت جوړول

حزب د نوموړي په امارت کې تر اوسه لاندې کتابونه خپاره کړي دي:

الف. د اسلامي نفسیې په جوړښت کې اړینې چارې  

ب. د مسلمانانو د اشغال شوو خاورو سیاسي قضیې

ج. د «سیاسي مفاهېم» کتاب اصلاح او پراختیا

د. په خلافت دولت کې د سیستماتیکو زده کړو اساسات

هـ. په حکم او اداره کې د خلافت دولت دستگاوې  

هغه د پام وړ فعالیتونه چې د شیخ عطا د امارت موده کې شوي، هغه دا دي چې د ۱۴۲۸هـ.ق د رجب پر ۲۸مه چې د ۲۰۰۵م د سپټمبر له دویمې سره برابره ده، د خلافت د دردناک سقوط د کلیزې په اړه یې چې له هغې ورځې ۸۴ کاله وړاندې پېښه شوې وه؛ د نړۍ پر مسلمانانو يې غږ وکړ. حزب دا چیغه هغه ورځ د جمعې له لمانځه وروسته د نړۍ د مسلمانانو په ډلو کې پورته کړه، داسې چیغه چې په شرق کې د ارام سمندر په څنډو کې له اندونیزیا شروع په غرب کې د اقیانوس کبیر تر سواحلو ورسېده. دې چیغې عجیب اغېز درلود. پر دې سربېره حزب د حق نارې د پورته کولو لپاره نور ټولیز فعالیتونه هم تر سره کړل، چې کنفرانسونه، مظاهرې، سمینارونه او نور پکې شامل وو.

د حزب اوسني امیر د امارت کلونه له خیر او برکته ډک دي، له الله سبحانه وتعالی څخه غواړو چې دا برکت نور هم زیات او پراخ کړي. همدارنګه د الهي نصرت نښې د هغه تعالی په غوښتنه پر حزب د اوسني امیر په مشرتابه د ځلېدو په حال کې دي او خورا هیله‌من یو چې دا مهال همغه وخت وي، چې الله متعال پکې د نصرت اجازه کړې.

د حزب د جلیل القدر امیر ځينې مهم صفتونه زهد، تقوا، پر شرعي احکامو پابندي او جدیت، فقاهت او د ده پوهه ده. نوموړي مخکې د حزب د رهبرۍ په مختلفو برخو کې مسؤولیت درلود، په ځانګړې توګه رسمي ویاند، معتمد (د ولایت مسؤول) او د مخکیني امیر د دفتر غړی و. په یادو برخو کې کار د حزب امیر ته زیاته وړتیا ورکړې، تر څو حزب د هرې برخې د کاري جزیاتو په بشپړ درک، فعالیتونو او د چارو په سم تعقیب رهبري کړي. له همدې امله د نړۍ په ګوټ ګوټ کې د حزب ځوانان د خپلو فعالیتونو په جریان کې تصور کوي، چې امیر  خپله په ټولو ځایونو کې له دوی سره شته او حتی د خپلو کاري جزیاتو په جریان کې ورسره دی. همدا ځانګړنه ده چې ده ته یې فرصت ورکړی، تر څو د دعوت په لاره کې د حزب د ځوانانو له وړتیاوو په خورا غوره بڼه ګټه واخلي.

شیخ عطا تل له الله سبحانه وتعالی مرسته غواړي، تر څو هغه امانت چې د ده پر اوږو اېښودل شوی، لکه څنګه یې چې الله او رسول الله خوښوي، هغسې ولېږدوی او په دغه کار کې ټينګ پاتې شي. همدارنګه هیله‌من دی، چې الله سبحانه وتعالی د ثاني راشده خلافت د بنسټ لومړۍ ډبره د ده په لاسونو کېږدي. بېشکه هغه سبحانه وتعالی اورېدونکی او قبلوونکی دی.