شنبه, ۰۵ رمضان ۱۴۴۲هـ| ۲۰۲۱/۰۴/۱۷م
ساعت: مدینه منوره
Menu
القائمة الرئيسية
القائمة الرئيسية

د خلافت د راپرځېدو په پېړۍ کې، حزب التحریر د خلافت بیا تاسیس لپاره د امت چمتو کېدو په هڅه کې دی

  • خپور شوی په تونس

حزب التحریر، د ۱۴۴۲ هـ.ق کال، د رجب په ۱، چې د ۲۰۲۱م کال، د فبرورۍ له ۱۳مې، سره سمون خوري، د خلافت د راپرځېدلو له درد څخه ډکې کلیزې په مناسبت، «د خلافت له راپرځېدو یوه پېړۍ وروسته... اې مسلمانانو، خلافت بیا تاسیس کړئ!» تر سرلیک لاندې یو کمپاین پيل کړی دی، چې د نبوت پر منهج د راشده خلافت د بیا تاسیس لپاره خلک راټولوي؛ ځکه چې دا د الله سبحانه و تعالی ژمنه او د رسول الله صلی الله علیه وسلم زیری دی، چې په دې کې زموږ د امت بقا ده.

له همدې امله، لکه څنګه چې حزب التحریر ـ ولایه تونس د دې لوی کار ملاتړ کوي، دا تمه لري چې الله سبحانه وتعالی د تونس خلکو ته دا وس ورکړي چې پاڅون وکړي او دا به د خلافت هسته وي. ځواک او وقار به یې په سیمه کې له خپلې طبیعي پراختیا سره یو ځای کېږي او یوازې پر شرعي حاکمیت او واکمنۍ به تکیه کوي، څو پر ځمکه عدالت تثبیت کړي.

موږ د حزب التحریرـ ولایه تونس په مطبوعاتي دفتر کې، د الخدرا له خلکو، په ځانګړي ډول د قدرت له څښتنانو او اشرافو څخه غواړو چې له حزب سره د نبوت پر منهج د راشده خلافت د بیا تاسیس لپاره کار وکړي. موږ پر رسنیو غږ کوو چې د دغه کمپاین په پوښښ کې له موږ سره مرسته وکړي او د خلافت په تاسیس کې ځان شریک کړي.

موږ د الله سبحانه و تعالی دربار ته لاسونه لپه کوو چې په خپل قوي تقدیر موږ ته بریا راپه برخه کړي، څو موږ د خلافت بیرغ پورته کړو او امت سره یو موټي کړو.

[الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ وَلِلَّهِ عَاقِبَةُ الْأُمُورِ] [حج: ۴۱]

ژباړه: «دا هغه کسان دي چې که موږ دوی ته په ځمکه کې قدرت ورکړو، نو لمونځ به قایم کړي، زکات به ورکړي، په ښو چارو به امر وکړي او له بدیو څخه به منع وکړي او د ټولو چارو خاتمه د الله سبحانه و تعالی په لاس کې دی.»

#أقيموا_الخلافة
#ReturnTheKhilafah
#YenidenHilafet
#خلافت_بیا_تاسیس_کړئ

د حزب التحریرـ ولایه تونس مطبوعاتي دفتر

 

د مطلب ادامه...

د خلافت او حزب التحریر د بد نامولو هڅې ناکامې دي

  • خپور شوی په ترکیه

موږ د ۲۰۲۱م کال، د جنوري په ۲۹مه، د حزب التحریر-ولایه ترکیه تر عنوان لاندې د خلافت د ړنګېدلو په مناسبت د استانبول په اسکاودار کې یوه ویډیو ډکه کړه. د ویډیو ډکولو پر مهال یوې سیکولارې کمونیستې ښځې زموږ د وروڼو ویډیو پر خپله ټولنیزه رسنۍ خپره کړه او د پولیسو ادارې ته یې خبر ورکړ. له دې وروسته ځینو سیکولرو رسنیو ناسم خبرونه خپاره کړل او د حزب التحریر د بدنامولو هڅه یې وکړه.

زموږ وروڼه د ۲۰۲۱م کال، د فبرورۍ په ۳مه، د سهار په ۱۲بجو په استانبول ښار کې د جمهوري ریاست د څارنوالۍ له امر سره سم ونیول شول. د هغه کس اخطار یې تصویب کړ چې په پوست کې یې لیکلي وو: «داعش دلته نیږدې په استانبول کې چکر وهي، ایا تاسو ورسره همغږي یی؟ زه نه پوهیږم چې تاسې د هغو خلکو په اړه خبر یی، چې په اسکاودار کې د خلافت شعار ورکوي؟»

نیول شوی کسان محمد امین یلډیرین، رمضان ګوموش، مصطفی میرت او فاروق اوزمان د دوی له اظهاراتو وروسته پر سبا ماښام له یوې ورځې توقیف وروسته ازاد شول. خو ۱۵کلن کریم کراهیسار پرون له دوه ورځني توقیف وروسته ازاد شو. موږ حزب التحریر-ولایه ترکیه د دغو وروستیو تحولاتو په اړه لاندې ټکې بیانوو:

لومړی: حزب التحریر هغه ډله ده چې فکري او سیاسي فعالیتونه ترسره کوي. د داعش په څېر تاوتریخوالي ته لمن نه وهي،  له ظلم او تاوتریخوالي سره هیڅ نیږدې او لیرې اړیکه نه لري او دا موضوع د ترکیې خلکو ته ډېره ښه واضح ده. سره له دې بیا هم، د استانبول عمومي څارنوالۍ او د پولیسو ادارې د ظلم او ترور لاره غوره کړه. زموږ د وروڼو پر کورونو یې پر نیمه شپه برید وکړ او د هغې ناپوهې ښځې، چې ځان وکیله بولي،  له دروغو څخه ډک پوست تایید کړ. چې دا اصلاً د منلو وړ نه ده. سربیره پردې، که چیرته دې پوست رسمي څیړنو ته اړتیا درلوده، نو د پولیسو ادارې کولای شوی چې د ټیلفون له لارې دوی وروغواړي او دوی به هم ځواب ورته ویلی وو. دا ظالمانه طریقه او تګلاره د عمومي څارنوالۍ او د پولیسو له لوري دحزب التحریر د غړو د وېرولو او بدنامولو لپاره وه، چې مجرم نه دی او دا یوه بې مانا هڅه ده. په هر صورت حزب التحریر ټولنې ته ډېر ارزښت لري او تاسي نور نه شی کولای له دې لارې دغه شهرت ته زیان ورسوئ.

دویم: خلافت له ۱۰۰ کلونو راهیسې د مسلمانانو هیله ده، چې پلازمینه یې استانبول و،  موږ د حزب التحریر-ولایه ترکیه شپه او ورځ کار کوو ترڅو د ترکیې او ټول امت د مسلمانانو دغه هیله پوره کړو او دې کار ته به تر هغه وخته ادامه ورکوو، ترڅو خپلې موخې ته ورسیږو. زموږ موخه د نبوت پر منهج راشده خلافت په بیا تاسیس کولو سره د الله سبحانه وتعالی رضا تر لاسه کول دي. که څه هم ډیری کمالیست سیکولران او د اسلام دښمنان دا نه غواړي. مګر د الله سبحانه وتعالی په رضا به د اسلامي ژوند کولو لار یو ځل بیا د نبوت پر منهج د راشده خلافت په راتګ سره ادامه مومي. که څه هم د دې لارې د لغوه کیدو ۱۰۰ کاله کیږي. مګر خلافت د اناتولیا د خلکو غوښتنه او هیله ده ځکه چې دغه ځمکه له اسلام سره یو ځای ده، غربي افکار او عقاید چې سیکولریزم او ډیموکراسي یې تغذیه کوي هیڅکله دلته ژوند نه شي کولای. دلته هېڅکله د LGBTQ جامعې الحاد او فرعي سازمانونو ته چې اسلام او کعبې شریفې ته سپکاوی کوي او دا خلک او ځمکه فاسدوي ځای نشته.

په پای کې، موږ د غیر دولتي سازمانونو له استازو، ژورنالیستانو، لیکوالانو، رسمي کسانو او ټولو مسلمانانو څخه مننه کوو چې په خپلو بیانونو او آنلاین پوسټونو کې یې د دغو کسانو له نیولو وروسته زموږ ملاتړ کړی دی. الله سبحانه وتعالی دې له هغو کسانو څخه راضي شي، چې د الله سبحانه و تعالی په لاره کې د کار کوونکو تر څنګ درېږي.

[يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ]

ژباړه: «ای مومنانو که تاسې له الله سبحانه و تعالی (د دین) سره مرسته وکړئ، نو هغه به ستاسې سره مرسته وکړي او ستاسې قدمونه به کلک کړي.» [محمد: ۷]

#أقيموا_الخلافة
#ReturnTheKhilafah
#YenidenHilafet
#خلافت_بیا_تاسیسړئ

د حزب التحریر-ولایه ترکیه مطبوعاتي دفتر

د مطلب ادامه...

د خلافت له راپرځېدو یوه پېړۍ وروسته؛ اې مسلمانانو، خلافت تاسیس کړئ!

  • خپور شوی په لبنان

له هغه وخت راهیسې سل کاله تېر شول چې غرب کافر استعمارګر د وخت مجرم مصطفی کمال او د نورو عربو او ترکي غدارانو په ملتیا، د ۱۳۴۲ هـ.ق کال، د رجب په میاشت کې چې له ۱۹۲۴م کال، د مارچ له میاشتې سره سمون خوري،  خلافت راوپرځاوه. 

سل کاله کېږي چې اسلامي امت د ملتپالنې او هېوادپالنې د تمایلاتو له امله له شخړو، اختلافونو او سپکاوي سره لاس او ګرېوان دی. سیاسي، اقتصادي، ټولنیزې او نورې پرېکړې یې د پردیو په واک کې دي. د پانګوال نظام پر ظلم سربېره، د ډموکراسۍ د جامو په اغوستلو د هېواد شتمني لوټل کېږي او له ختیځ څخه تر لودیځه د اسلامي هېوادونو عبادت کوونکي له منځه وړل کېږي.

استعماري کفار پر دې هم خوښ نه وو، نو هڅه یې وکړه چې اسلام داسې یو دین معرفي کړي او د ترهګرۍ نوم ورکړي، چې په نورو وختونو کې یې ګواکي غیر مسلمانان له خپلو حقونو څخه بې برخې کړي وو، دا ټول هغه وخت وشول چې اسلام ان د خلافت او د هغه ډال په نشت کې، نن ورځ د ځمکې پر مخ تر ټولو پراخ دین شوی دی. کله چې دوی ونه شو کولای د خپلو کورونو او ماشومانو تر منځ د اسلام د دین د خپرېدو مخنیوی وکړي، نو د خپل تکبر له امله یې پر مقدساتو او د هغوی پر سمبولونو بریدونه پيل کړل. د رسول الله صلی الله علیه وسلم او قرآن کریم سپکاوی یې وکړ. بیا هغوی په قصدي توګه د سنت تعلیماتو له منځه وړلو هڅه وکړه. په حقیقت کې د دوی توکمپالنې او کرکې په اروپا کې د مسلمانانو د وینو تویولو حد ته رسېدلي او پر سړکونو د مسلمانو مېرمنو سپکاوی  کوي، په داسې حال کې چې په درواغو د ښځو د حقونو خوندیتوب ادعا کوي.

هغوی بیا پر مسلمانانو غږ کوي چې د ټولنې د بدلون نظریه رد کړي، چې د اسلام اساس او په ټولنه کې د سیاسي بدلون مفکوره ده، په داسې حال کې چې اسلام یوازې په جوماتونو کې په عبادت پورې محدود نه دی! دا د اسلام او دعوتګرانو پر وړاندې سړه جګړه د ه.

په دغه تیاره حالت کې حزب التحریر لا هم د الله سبحانه و تعالی په فضل نه یوازې په خپل دریځ کلک ولاړ دی، بلکې ثابت ګامونه اخلي او په اسلامي هېوادونو کې د سیاسي بدلون بیرغ پورته کوي، په داسې حال کې چې د خلافت له راپرځېدو سل کاله تېر شوي دي. دغه حزب د الله سبحانه و تعالی د باور تر لاسه کولو لپاره یو کمپاین پیل کړی، چې سرلیک یې: «د خلافت له راپرځېدو یوه پېړۍ وروسته...اې مسلمانانو، خلافت تاسیس کړئ!» دی، څو د رسنیو له لارې د خلافت په اړه د خلکو پوهاوی ډېر کړي او د عامه افکارو پام ځانته راواړوي، چې دا کاروان د جید عالم عطا بن خلیل ابو رشته له لوري رهبري کېږي. همدارنګه د نبوت پر منهج د دویم راشده خلافت په تاسیس سره خپل کاروان منزل ته ورسوي او په دې سره د الله سبحانه و تعالی رضایت تر لاسه کړي، چې د حزب لپاره دا یوه برخلیک ټاکونکې مسله ده؛ یعنې د مرګ او ژوند مسله ده. خلافت حق او باطل سره وېشي او په دې توګه قضاوت رامنځ ته کېږي، حق راپورته کېږي، سرحدونه له منځه ځي او په دې سره هېوادونه د کفارو او د هغوی د اجنټانو له ښکېلاک او استعمار څخه ژغورل کېږ. عدالت او ښېرازي خپرېږي، چې اسلام او مسلمانان به پرې ویاړ کوي، بې عدالتیو، ظلمونو او د کفارو حاکمیت ته د پای ټکي ږدي.

د دغه سپېڅلې هڅې د یوې برخې په توګه، حزب التحریرـ ولایه لبنان، پر مسلمانانو غږ کوي چې د دوی په ناستو، ټولنیزو رسنیو او اعلاناتو کې د دغه کمپاین په اړه خپل غږ پورته کړي.  د رجب د سپېڅلې میاشتې په لټه کې شي، چې الله سبحانه و تعالی پر امت پراخ رحمت کړی دی. په فتحې، ځواک او امنیت یې نازولی دی. الله سبحانه و تعالی دې د خپلې ژمنې ویاړ زموږ په برخه کړي:

[وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَٰلِكَ فَأُ  ولَٰئِكَ هُمُ الْفَاسِقُونَ]

ژباړه: «الله سبحانه و تعالی له هغو کسانو سره چې ایمان راوړي او ښه عملونه وکړي، ژمنه کړې ده چې هغوی په ځمکه کې هماغه شان خلیفه ګان وګرځوي لکه چې له هغوی څخه مخکې تېر شوي خلک یې ګرځولي وو. د هغوی لپاره به هغه دین پر محکمو بنسټونو ودروي چې الله سبحانه وتعالی ورته خوښ کړی دی. د هغوی د وېرې (اوسنی) حالت به په امن ورته بدل کړي. هغوی دې زما بندګي کوي او زما سره د کوم څه نه شریکوي. څوک چې له دې وروسته کفر غوره کړي، نو همداسې کسان فاسقان دي.» [نور: ۵۵]

همدا راز رسول الله صلی الله علیه وسلم زیری راکړی دی:

«...ثُمَّ تَكُونُ خِلَافَةٌ عَلَى مِنْهَاجِ النُّبُوَّة»

ژباړه: «... وروسته به د نبوت پر منهج خلافت تاسیس شي»

حزب تاسو ته بلنه درکوي چې د همدغه حزب ویبپاڼې او ټولنیزو رسنیو ته مراجعه وکړئ او په لبنان او نړۍ کې د دغه کمپاین له لارې په ثواب کې شریک شئ او په ځمکه کې د هغه له کارکوونکو سره تعامل وکړئ، چې شپه او ورځ لګیا دي، څو د اسلام لمر یو ځل بیا پر نړۍ وړانګې خورې کړي. د عدالت او صداقت دولت، د نبوت پر منهج دویم راشده خلافت رامنځ ته کړئ چې د مسلمانانو او غیر مسلمانانو په ګټه دی. نو الله سبحانه و تعالی دا غم له نورو څخه لېرې کړي، لکه څنګه چې یې دا غم له لومړنیو ښو خلکو څخه هم لېرې کړی و.  

[إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً]

ژباړه: «الله سبحانه و تعالی د خپل کار پوره کوونکی دی. په یقیني توګه، الله سبحانه و تعالی د هر شي لپاره یوه اندازه ټاکلې ده.» [طلاق: ۳]

#أقيموا_الخلافة
#ReturnTheKhilafah
#YenidenHilafet
#خلافت_بیا_تاسیس_کړئ

د حزب التحریرـ ولایه لبنان مطبوعاتي دفتر

د مطلب ادامه...

له خلافت پرته وروستۍ پېړۍ د امت لپاره تر ټولو دردونکې وه؛ اوس هغه وخت دی چې دغو دردونو ته د پای ټکې کېږدو!

  • خپور شوی په ترکیه

حزب التحریر د رجب د لومړۍ ورځې د فضیلتونو د درېیو میاشتو د پيل او د خلافت له پای ته رسېدلو راهیسې د سل کاله تېرېدلو په مناسبت یو نړیوال کمپاین پیل کړی؛ چې په هغه کې یې ټولو مسلمانانو، نارینه وو، ښځو، بوډاګانو، ځوانانو، علماوو، زده کوونکو او د قدرت څښتنانو ته لارښوونه کړې ده، څو د مظلومانو ملاتړ وکړي او هغوی وژغوري. دوی ته په خطاب کې ویل شوي دي: اې مسلمانانو! له خلافت پرته سل کال بس دي! موږ پر تاسو غږ کوو چې سل کاله وروسته یو ځل بیا خلافت تاسیس کړئ.»

هو، د خلافت له ړنګېدلو راهیسې سل کاله تېرېږي. سل کاله ... د اسلامي امت لپاره تر ټولو ډېر له کړاو څخه ډک کلونه وو. اسلامي امت په خپل تاریخ کې داسې ظلمونه نه دي ليدلي، چې سل کاله یې دوام کړی وي! د اسلام پر مقدساتو هېڅکله داسې بريدونه نه دي شوي لکه په دې کلونو کې چې شوي دي! په تاریخ کې د مسلمانانو وينې دومره په اسانۍ نه دي بهېدلې لکه په دې پېړۍ کې چې وبهېدلې! مسلمانانو هېڅکله دومره اوښکې نه وې تویې کړې او  په دې کچه یې له ډال پرته ژوند نه و کړی.

اې مسلمانانو، ایا د یو غوره ملت لپاره مناسب ده چې وګړي یې داسې کچې ته راورسېږي؟ مسلمانان د اسلام په ټولو زمانو کې ان د خلافت تر ړنګېدلو پورې د الله سبحانه و تعالی احکامو ته په غاړه اېښودلو او پيروۍ کې پاتې نه وو راغلي. مسلمانانو څو ځله ماتې وخوړه، خو هر ځل هغوی د الله سبحانه وتعالی احکامو ته په غاړه  اېښودلو سره بیا راپورته شوي دي. دوی درد ولید، خو له اسلام څخه پرته په بل شي کې د درملنې په لټه کې نه وو. مسلمانانو د الله سبحانه و تعالی احکامو ته د هغوی د پاملرنې تر کچې بریالیتوب تر لاسه کړ او د الله سبحانه و تعالی له قانون سره سم د دوی د هڅو له امله بریالي شول.

ایا تاسو د خپلو پلرونو په څېر یاست؟ ایا تاسو غواړئ د خپل درد، خپل شاتګ، خپل وېش، ستاسو پر وړاندې د خلکو ظلمونه او پر تاسو باندې د غرب له استعمار څخه وژغورل شئ؟ ایا تاسو غواړئ چې د اسلام د ښمنانو ته درس ورکړئ چې دوی ایا زموږ د سپېڅلو ځایونو پر وړاندې د بريدونو مستحق دي؟ دا مسله تر لمر روښانه ده؛ هغه دا چې تاسو هغه ملت پالنه رد کړئ چې الله سبحانه و تعالی ناروا بللې او ستاسو د وېش لامل شوې ده. دا چې تاسو ډموکراسۍ ته مخه کړې، تاسو یې له الله سبحانه و تعالی څخه ليرې کړي یاست او همدارنګه د الله سبحانه وتعالی له احکامو پرته ادعا کوي چې ګواکي موږ پوهېږو او الله سبحانه و تعالی نه پوهېږئ! سیکولریزم ته مو غېږ پرانیستې چې وايي: «الله سبحانه و تعالی د دنیا په چارو کې لاسووهنه نه کوي!»، الله سبحانه و  تعالی ستر ذات دی. سره یو موټي شئ، تر څو تر یو دولت لاندې ژوند وکړئ او د نبوت پر منهج یو ځل بیا راشده خلافت تاسیس کړئ!

حزب التحریر تاسو ته د نجات یوازينۍ لار درښيي او د هغو حقایقو یادونه کوي چې تاسو هېر کړي دي. ستاسو ښېرازي او سوکالي غواړي او تاسو د الله سبحانه و تعالی رضایت ته رابولي. غواړي چې په نړۍ کې هېڅ ماشوم ونه وژل شي، کوم مسلمان له بې عدالتۍ سره مخ نه شي، تاسو په بېوزلۍ او محرومیت کې ژوند ونه کړئ او له ځمکو څخه مو تاسو خپله ګټه واخلئ. حزب التحریر تاسو ته د حق لاره درښيي، هڅه کوي چې تاسو ته پر ښېګڼو امر وکړي او له بدو مو منع کړي، دا هر څه په کلک عزم، هوډ او اخلاص سره تر سره کوي. سربېره پر دې چې د دغه سپېڅلي غږ پر وړاندې دسیسې شته او غواړي دا سپڅلی غږ چوپ کړي. الله سبحانه و تعالی شاهد دی! الله سبحانه و تعالی شاهد دی! الله سبحانه و تعالی شاهد دی!

#أقيموا_الخلافة
#ReturnTheKhilafah
#YenidenHilafet
#خلافت_بیا_تاسیس_کړئ

د حزب التحریرـ ولایه ترکیه مطبوعاتي دفتر

 

د مطلب ادامه...

د خلافت د نه شتون مانا

  • خپور شوی په سیاسي

 (ژباړه)

د اسلامي خلافت د نه شتون او د الله سبحانه وتعالی له شریعت پرته حاکمیت، اسلامي امت ته ډېر زیانونه اړولي دي. د امت لپاره نه عزت پاتې دی، نه کرامت او نه هم امن او امان. امت چې له هر غم سره مخ دی او په ژوند کې اغیزمنتیا نه لري او نه پرې حساب کېږي، امت چې غم خوار او سرپرست نه لري او رباني علماوو ته ډېره اړتیا لري؛ هغو علماوو ته چې د حق په ویلو کې پرته له الله سبحانه وتعالی نور له هېچا و نه ډار شي؛ د مرګ وېره، زندان او شکنجه هغوی د لا اله الا الله د لوړولو او حق ادا کولو څخه را و نه ګرځوي،  ویلی شو چې امت د خلافت د نه شتون له امله ټول څه له لاسه ورکړي دي.

اسلامي امت د خلافت په نه شتون کې ځواک او واک بایللی دی او  سیاسي پرېکړې يې د نورو په واک کې دي. کله چې په ۱۹۲۴م کال کې خلافت راوپرځېد، د قوانینو سیادت له اسلام څخه واخیستل شو او له هغه ورځې پر امت انګلیسي، فرانسوي او د نورو کفري دولتونو قوانین حاکم شوي دي. د شریعت لپاره هېڅ سیادت او رهبري نه ده پاتې او په سایکس پيکو دولتونو کې د الله سبحانه و تعالی د دین لپاره هېڅ ارزښت نه لیدل کېږي.

اسلامي امت د نړیوال دریځ د یوه فعال، ژوندي، د ستونزو او پېښو پرېکړه کوونکي او نړيوالو پېښو فیصله کوونکي په توګه خپل حضور له لاسه ورکړی دی.  پر اسلامي امت ټولو نړیوالو پېښو اثر کړی دی او په نړیوال سیاست کې منزوي شوی دی.

امت له ۵۰ څخه په ډېرو کمزورو دولتونو باندې وېشل شوی دی او په هر دولت یو کفري نظام او د غرب یو غلام حاکم دی. غرب د دغو دولتونو تر منځ او ان د یوه دولت په داخل کې، اختلافاتو ته لمن وهلې ده، چې په پایله کې یې وژنې زموږ تر منځ په یوه سنت او تګلاره بدلې شوې دي، بېوزلي عامه شوې ده او جهل زموږ د ژوند کیسه ګرځېدلې ده.

د خلافت په نه شتون کې د مسلمانانو مقدسات تر پښو لاندې کېږي، اسلامي خاورې اشغال او وېشل شوې او مسلمانان يې په خپلو منځو کې سره اچولې دي. څو پيړۍ کېږي چې دا حالت دوام لري؛ دا هغه فتنې دی چې غرب او غلامو واکمنانو د خلافت له سقوط څخه وروسته د مسلمانانو په منځ کې د همدې فتنو اور ته لمن وهلې ده. تر هغه ځایه چې مسلمانانو غربي هېوادونو ته لاس اوږد کړی او د  بېوزلۍ له لاسه غربي هېوادونو ته پناه وړي؛ په داسې حال کې چې اسلامي خاورې له معادنو څخه ډکې دي او باید د مسلمانانو په ژوند کې د ستونزو د هواري لپاره ترې ګټه واخیستل شي.

دا د خلافت د نه شتون او د امت د ځواک له لاسه ورکولو مانا ده. خو د دغو ستونزو او مصیبتونو څخه د وتلو یوازینۍ لار د نبوت پر منهج د خلافت بیا تاسیس دی.

لیکونکی: استاد فرج ممدوح

ژباړن: الهام پردېس

د مطلب ادامه...

له خلافت پرته سل کلونه! اې مسلمانانو خلافت بیا تاسیس کړئ

حزب التحریر سږ کال، په رجب میاشت کې د استعمار په لاس د وروستي اسلامي دولت د ړنګیدو د سلمې کلیزې په پار یو نړیوال کمپاین پیل کړی دی. د ۱۳۴۲هـ.ق کال، د رجب په ۲۸مه د بریتانیا استازي مصطفی کمال خلافت ړنګ کړ او وروسته د ترکیې د سیکولار حکومت مشر شو.

وروسته له هغې اسلامي امت رهبري له لاسه ورکړه، داسې سره وویشل شول لکه مخکې چې هیڅ سره یو ځای نه وي. وروروڼه او خویندې مو اړ شول چې په بېلا بېلو ملتونو او حکومتونو کې ژوند وکړي. استعمار، اشغال او استازي یې یو پر بل پسې راښکته شول. له هغه وخت وروسته د ولسمشر، لومړي وزیر او پاچا په توګه ځای ناستي ټاکل کیږي، ترڅو خلک اړ کړي چې د دوی سرچینې او حاکمیت بهرني استعماري قدرت ته وسپاري.

خلافت له زوال وړاندې په نړۍ کې یو رهبري کوونکی دولت و. کولای یې شوی چې ټولې نړۍ ته د اسلام دعوت ورسوي. د دښمنانو پر وړاندې له خپلو اتباعو څخه دفاع وکړي او یوازې د اسلام احکام پر ځمکه پلي کړي. وروسته له دې موږ ته نشنلیزم، سیکولاریزم، سوسیالیزم او کپیټالیزم راوړل شول او وروسته له دې پر موږ باندې دیکتاتوري، سلطنتي، مسیحي رژیمونه او دیموکراسي تحمیل شول. چې له هغه وخت وروسته امت داسې ځوریدلی چې تر دې مخکې هیڅ نه و ځوریدلی.

 د سلو کلونوراهیسې فاسدو اشغالګرو د نړۍ او خلکو د له منځه وړلو لپاره ازاد سلطنت درلودلو. د حق دښمنانو د ژوند کولو لپاره ټوله نړۍ د بدبختۍ ځای کرځولې وه. فساد، دروغ، غلامي، استثمار او وژل دا ټول د سیکولاریزم په ايډيالوژۍ کې جواز لري چې نن ورځ زموږ پر ژوند حاکم دي. که څه هم اوس نږدې د ټولې نړۍ خلک پاتې راغلي دي او د مظلومانو لپاره هیڅ د پناه، لارښووني او مرستې ځای نشته.

کله چې د نبوت پر منهج خلافت بیا تاسیس شي، نو نړۍ به وژغورل شي. فاسدان به پر مجازاتو ورسېږي او له ظالمانو سره به حساب وشي.

د دې لپاره موږ حزب التحریر د نبوت پر منهج د خلافت د بیا تاسیس لپاره شپه او ورځ کار کوو. وایو چې له دولت او خلافت پرته سل کلونه بس دي او په ټولو مسلمانانو غږ کوو چې له هغو خلکو سره یو ځای شئ چې د خلافت لپاره لاس په کار دي او بیا یې تاسیس کړئ.

[يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ]

ژباړه: «اې ایمان راوړونکو! د الله سبحانه و تعالی او د هغه د رسول الله صلی الله علیه وسلم بلنې ته لبیک ووایاست چې کله رسول الله صلی الله علیه وسلم تاسو ته د هغه شي په لوري بلنه در کړي چې تاسې ته ژوند بښونکی دي. وپوهېږئ چې الله سبحانه و تعالی د انسان او د هغه د زړه تر منځ حایل دی. او د هماغه لوري ته به تاسې ورغونډ کړای شئ.» [انفال: ۲۴]

#أقيموا_الخلافة
#ReturnTheKhilafah
#YenidenHilafet
#
خلافت_بیا_تاسیس_کړئ

یحیی نسبت

د حزب التحریرـ بریتانیا مطبوعاتي استازی

 

 

د مطلب ادامه...

د خلافت له راپرځېدو وروسته سل کلونه کېږي چې موږ د یتیمانو غوندې یو

  • خپور شوی په پاکستان

د خلافت د راپرځېدو سل هجري کلونه پوره کېږي چې سل کاله وړاندې په رجب کې ړنګ شو. د خلافت تر سیوري لاندې له زرو کلونو راهیسې، مسلمانان د سیاست، پوځ، اقتصاد او تعلیم په بېلا بېلو برخو کې نړیوال مشران وو. په هر صورت، په عربو او ترکانو کې د غدارانو په مرسته، صلیبي یرغلګرو هېوادونو د ډېرو هڅو په پایله کې زموږ ډال له منځه یوړ.

زموږ له ډال پرته، موږ له ۵۰ څخه پر ډېرو هېوادونو د وېشلو له امله کمزوري شوو. په هر دولت کې د اسلام د پلي کولو پر ځای، داسې واکمنان استخدام شول چې تر فاسد استعمار لاندې د نړۍ نظم ته وفادار وو. د یو وسله وال ځواک په توګه د یو ځای کېدلو پر ځای، د دې پر ځای چې زموږ سرتېري د مسجد الاقصی او مقبوضه کشمير د ازادولو لپاره حرکت وکړي، دوی له یو بل سره د مقابلې لپاره ووېشل شول. جهاد وځنډول شو، په داسې حال کې چې د کفري هېوادونو پوځونه زموږ په خاوره کې په ازاده توګه داسې ګرځي، لکه دا چې د دوی میراثي ملکیت وي. په میلیونونو ماشومان یتیمان شول، په سلګونه زره مسلمانان په شهادت رسېدلي او پر زرګونو پاک لمنو ښځو جنسي تېری شوی دی. زموږ خاورې د کفري استعمارګرو دولتونو لپاره د جګړې ډګر او غنیمت ګرځېدلي دي، په داسې حال کې چې موږ یوازې خپل مړي خښوو او ننداره یې کوو، استعمارګر زموږ د لویو سرچینو څخه کار اخلي او د غرب اقتصاد یې پرې پياوړی کړی. په داسې حال کې چې موږ له هغه وخت وروسته د بې وزلۍ او کړاو په اور کې سوځو، کله چې بیت المال د شتمنو او بډایه خلکو څخه عشر، ذکات او خراج راټولاوه او پر خلکو یې داسې وېشه چې د دوی اړتیاوې پوره کړي او درانه بارونه ترې لېرې کړي.

اې د پاکستان مسلمانانو! غرب له موږ څخه غواړي چې ګواکي موږ یو مصرف شوی ځواک یو او نه شو کولای د دې فاسد نظم پر وړاندې ودرېږو، نو موږ اړ یو چې د استعمار نړیوال نظم او تمدن د غلامانو په توګه ژوند وکړو. په داسې حال کې چې الله سبحانه و تعالی اسلامي نړۍ ته سر شاره سرچینې، ستراتیژيک موقعیتونه، ځوان نفوس، میلیونونه سرتېري چې د شهادت او فتح غوښتونکي دي، عصري وسلې او په حقیقت کې یې اسلام پرې لورولی دی. یوازې خلافت کولای شي چې زموږ اصلي ظرفیت رابرسېره کړي او پر هغه څه به حکم کوي چې الله سبحانه و تعالی نازل کړي دي. حزب التحریر هغه وفادار لارښود دی، چې خپلو خلکو ته دروغ نه وايي، د راتلونکي خلافت لپاره یو بشپړ اساسي قانون او همدا راز نور قوانین او تګلارې لري او له موږ ټولو څخه غواړي چې په دې مبارزه کې ګډون وکړو.

په اسلامي نړۍ کې یوازې هغه وخت بدلون راتللی شي، چې اوسنی جوړجاړی او حاکمیت له منځه یوړل شي. پاکستان د یو داسې موقعیت په توګه غوره شي چې د نبوت پر منهج د راشده خلافت د تاسیس ویاړ تر لاسه کړي. موږ ګورو چې د هرې ورځې په تېرېدلو سره غرب غواړي موږ نور هم په غلامۍ کې ښکېل کړي. سل کلونه کېږي چې موږ د غرب تر ارزښتونو لاندې ژوند کوو، ایا اوس هم د دې وخت نه دی رارسېدلی چې اسلام او حاکم نظام یې بیا تاسیس کړو؟ په حقیقت کې د خلافت د بېرته راستنېدلو وخت ډېر ځنډېدلی دی! نو راځئ چې د خپل ډال په توګه د خلافت د تاسیس له لارې خپل ورک شوی عزت او وقار بېرته تر لاسه کړو. رسول الله صلی الله علیه وسلم فرمايي:

«إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ» 

ژباړه: «له شک پرته چې امام (خلیفه) ډال دی، شاته یې مسلمانان جګړه کوي او د هغه په وسیله یې ملاتړ او ساتنه کېږي.» [مسلم]

#خلافت_بیا_تاسیس_کړئ

#أقيموا_الخلافة
#ReturnTheKhilafah
#YenidenHilafet
#خلافت_کو_قائم_کرو

د حزب التحریرـ ولایه پاکستان مطبوعاتي دفتر

 

د مطلب ادامه...

د خلافت له راپرځېدو وروسته د عبادت ځایونو له منځه وړل د مسلمانانو لپاره یوه غمیزه بلل کېږي

  • خپور شوی په کینیا

د کینیا رېلپټلۍ د کیسومو کیبوس په سیمه کې یو جامع جومات او لسګونه هغه کورونه ړنګ کړل، چې د نایروبي ـ کیسمو رېل پټلۍ د بیا رغاونې پر لار پراته وو. جومات تر ټولو لوی او پخوانی عبادت ځای و، چې شاوخوا ۸۳ کلونه وړاندې په کیسومو کې جوړ شوی و.

موږ حزب التحریرـ کینیا، دغه غیر عادلانه او غیر اخلاقي عمل غندو، چې د جومات او استوګنیزو کورونو د ړنګېدلو په اړه د محکمې د حکم پر خلاف ترسره شوی دی. دا تر لمر روښانه ده چې حکومت په طبیعي توګه په دې کې پاتې راغلی چې له خلکو سره په ځانګړې توګه له مسلمانانو سره ښې اړیکې ټینګې کړي او همدا راز د ملکیت او عبادت ځایونو امنیت ټینګ کړي.

دا د اسلام ضد عمل په حقیت کې د مسلمانانو پر وړاندې تر سره شوی دی، چې د الله سبحانه و تعالی غوصه راپاروي:

 (وَمَنْ أَظْلَمُ مِمَّن مَّنَعَ مَسَاجِدَ اللَّـهِ أَن يُذْكَرَ فِيهَا اسْمُهُ وَسَعَىٰ فِي خَرَابِهَا)

ژباړه: «له هغه چا څخه به لوی ظالم څوک وي چې د الله سبحانه و تعالی په عبادت ځایونو (مسجدونو) کې د الله سبحانه و تعالی د نوم اخیستنې منع کوي او د هغه د ویجاړولو په هڅه کې وي؟» [بقرة: ۱۱۴]

د جوماتونو ویجاړول د ټولې اسلامي ټولنې په ځانګړې توګه د نایروبي مسلمانانو لپاره یوه غمیزه بلل کېږي. دا ځکه چې موږ یو امت یو او جوماتونه په اسلام کې لوړ مقام لري، چې دا د الله سبحانه و تعالی کورونه دي. دا له سپکاوي څخه ډک عمل د مسلمانانو پر وړاندې ژوره دښمني ښکاره کوي، دا د هغه نړیوالې دښمنۍ پایله ده چې په چین کې په پراخه کچه شته، چې د اسلام ضد چینايي چارواکو له لوري زرګونه جوماتونه ویجاړ شوي دي. ښايي موږ هېر نه کړو چې د قدس سپېڅلی جومات د یهودیانو له لوري اشغال شوی او شپه او ورځ تر جومات لاندې د تونلونو په کيندلو سره د هغه د سپکاوي پلانونه جوړوي.

د خلافت د راپرځېدلو ۱۰۰ کلونه تېر شول، مسلمانانو د جوماتونو په منځ کې د دوی د مقدساتو اصلي ساتونکی له لاسه ورکړ. دا  ۱۰۰ کلونه د جګړو، بریدونو او ویجاړۍ کلونه دي. دا له غمه ډکه پېښه باید مسلمانان نور هم وهڅوي چې په هغو مسلمانانو کې شامل شي او خپلې هڅې دوه برابره کړي، چې په اسلامي خاورو کې د نبوت پر منهج د راشده خلافت د بیا تاسیس لپاره کار کوي. دا خلافت دی چې په ټوله نړۍ کې د مسلمانانو او غیر مسلمانانو لپاره د ملکیت، ژوند او عبادت ځایونو امنیت تضمینوي.

#خلافت_بیا_تاسیس_ کړئ

#أقيموا_الخلافة

#ReturnTheKhilafah

#YenidenHilafet

شباني موالیمي

د حزب التحریرـ کینیا مطبوعاتي استازی

 

د مطلب ادامه...

د هند مظلوم کروندګر په پاکستان کې د خلافت پر اړتیا پسې خپه دي، ترڅو په سيمه کې د اسلام سرپرستي بیا پیل کړي

  • خپور شوی په پاکستان

کله چې د ۲۰۲۰م کال، د سپټمبر په ۱۷مه هند لوک سبا د کرهڼې دری قوانین تصویب کړل؛ چې ګټې یې په غیر عادلانه توګه د کوچنیو بزګرانو پر ځای د لویو شرکتونو بزګرانو ته ورکولې، هند د بېوزلو بزګرانو لاریونونو ولړزاوه. دغه ناوړه حالت د انسان په لاس د جوړ شوي قانون د نړۍ د لویې ډیموکراسۍ ترخه ثمره ده. په داسې حال کې چې د هند لویې وچې د اسلام او د هغه د کرهڼې قوانینو لاندې د ټولې نړۍ ۲۳٪ اقتصاد تشکیلولو چې د عالمګیر اورنګزیب په وخت کې ۲۷٪ ته لوړ شوو.

نن ورځ هم یوازې اسلام کولای شي چې د هندوستان غمځپلو بزګرانو د ژوند هوساینه تضمین کړي. هغه بزګران چې د قانون په واسطه ځان وژنې ته اړ کېږي او فشار ورباندې راوړل کیږي تر څو د لویو شرکتونو بزګرانو ته لاره هواره شي. د اسلام د کرنې قانون د کرنیزې ځمکې مالکیت د ځمکې له کښت سره تړلی دی. د هغو خلکو لپاره چې لږ امکانات لري د ښه عاید لپاره یې ورته ډیر فرصتونه چمتو کړي دي. د کرنیزې ځمکې مالک باید خپله ځمکه په خپله وکري او یا یې بل چا ته ورکړي، چې یې وکري. رسول الله صلی الله علیه وسلم فرمایي:

«مَنْ كَانَتْ لَهُ أَرْضٌ فَلْيَزْرَعْهَا أَوْ لِيَمْنَحْهَا أَخَاهُ»

ژباړه: «هر څوک چې ځمکه لري، باید ویې کرئ او یا یې خپل ورور ته ورکړي.» [بخاري]

همدا راز رسول الله صلی الله علیه وسلم د ځمکې له مضارعت څخه هم ډډه کړې ده:

«نَهَى رَسُولُ اللَّهِ ﷺ أَنْ يُؤْخَذَ لِلْأَرْضِ أَجْرٌ أَوْ حَظٌّ»

ژباړه: «رسول الله صلی الله علیه وسلم له دې چې ځمکه د په اجوره او یا هم د حاصلاتو په یوه برخه ورکړل شي، ډډه کړې.» [مسلم]

سربیره پردې، اسلام اجازه ورکړې، چې یو سړی د داسې ځمکې مالک شي چې د هیچا ملکیت نه وي. بخاري له عایشې(رض) څخه روایت کړی دی چې رسول الله صلی الله علیه وسلم فرمایلي دي:

«مَنْ أَعْمَرَ أَرْضًا لَيْسَتْ لأَحَدٍ فَهْوَ أَحَقُّ»

ژباړه: «هر څوک چې داسې ځمکه وکري چې د هیچا ملکیت نه وي نو دغه سړی یې مستحق دی.» [بخاري]

سربېره پردې، اسلام په کرنیزو محصولاتو هر ډول مالیه منع کړې ده، چې د تخمونو، حشره وژونکو موادو او کیمیاوي سرو قیمتونه را ټیټوي. اسلام د انرژۍ سکټور د عامه ملکیت په توګه اعلانوي نو کروندګر برق او تیل په مناسبه بیه ترلاسه کولای شي.

ای د پاکستان مسلمانانو!

موږ د هند د لویې وچې د اصلي ساتونکو اولادونه یو او باید خپل سم دریځ ته ادامه ورکړو.  رسول الله صلی الله علیه وسلم فرمایي:

«عِصَابَتَانِ مِنْ أُمَّتِي أَحْرَزَهُمَا اللَّهُ مِنْ النَّارِ عِصَابَةٌ تَغْزُو الْهِنْدَ وَعِصَابَةٌ تَكُونُ مَعَ عِيسَى ابْنِ مَرْيَمَ عَلَيْهِمَا السَّلَام»

ژباړه: «زما د امت څخه دوې ډلې به الله سبحانه وتعالی د دوزخ له اوره ساتي: یو هغه ډله چې هندوستان ازادوي او بل هغه ډله چې له عیسی ابن مریم (ع) سره وي.» [احمد-النسائی]

د رسول الله صلی الله علیه وسلم دغه مبارک تقریر چې زموږ د سیمې د راتلونکی په اړه د الله سبحانه وتعالی له وحی پرته بل څه نه دي. دغه مبارک حدیث زموږ لپاره خبر دی چې باید عمل ور باندې وکړو. او دا د اسلامي امت جمعي مکلفیت دی چې ټول هندوستان اسلام ته چمتو کړو. په هر صورت د هند د غزوې (د هند ازادول) افتخار او عزت د پاکستان د اوسنیو واکمنانو تر بصیرت لاندې هېڅکله نه شي را تللای، ځکه چې دوی د امریکا پلان ته تسلیم شوي دي. زموږ د پیاوړي نظامی قدرت په مهارولو سره د هند دولت ته اجازه نه ور کوي تر څو د غښتلي سیمه يیز واکمن په توګه را پورته شي. دا زموږ ټولو دنده ده چې د ټولې سیمې د اوسېدونکو د سرپرستۍ لپاره د مذهب، ژبې او نژاد په پام کې نیولو پرته د نبوت پر منهج راشده خلافت بیا تاسیس کړو.

د حزب التحریرـ ولایه پاکستان مطبوعاتي دفتر

 

د مطلب ادامه...

د دیني ویناوو د تغیر لپاره د غرب پلان او پر مسجدونو او منبرونو یې اغېزې

  • خپور شوی په سیاسي

 

(ژباړه)

د ۲۰۲۰ میلادي کال د ډیسمبر پر ۲۵مه د سوډان د دیني چارو او اوقافو وزیر نصرالدین مفره او د مصر د اوقافو وزیر محمد مختار جمعه په سکندریه کې د ابوبکر صدیق روزنځای د سوډاني او مصري امامانو او د یو شمېر نړیوالو زده کوونکو لپاره پرانیست. مفرح د دغه روزنځي د پرانیستې پر مهال وویل: «دغه برنامه د ګډو همکاریو په چوکاټ کې ټولو نړیوالو ته یو پیغام دی، هغه څه چې موږ متحد کوي، منځلاري ده.» نوموړي زده کوونکي له بې شمېره اسانه لارو څخه د خپل دعوتي پیغام منلو په وسیله د افراطیت پر وړاندې د منځلارۍ په وسیله د مبارزې لپاره دعوت کړل.

د ۲۰۲۰ میلادي کال د ډیسمبر پر ۲۰مه د سوډان د اوقافو وزیر په مشرۍ د لوړ پوړو امامانو پلاوی، د دعوتي حرکتونو رهبران او د اسلامي فقې رهبران مصر ته ولاړل او له افراطیت څخه د فکر ساتنې په برنامه کې یې؛ چې په قاهره کې د نړیوالو اوقافو ادارې له لوري ښوونیزه برنامه پیل شوې وه، ګډون وکړ. له لوړ پوړو چارواکو سره بله برنامه هم وه چې وزیر مفره له مصري چارواکو او بنسټونو سره پکې لیدنې او کتنې وکړې. خو د دې مسلې حقیقت څه دی؟

د دیني ویناوو د بدلون لپاره د سوډان حکومت له لوري د امامانو لپاره دغه ښوونیزې برنامې د امریکا دولت له لوري د اسلامي هېوادنو پر دولتونو ور تپل شوې دي، ځکه دا له اسلامي ویناوو سره د مبارزې لپاره امریکایي تحریف شوې وینا وې دي؛ هغه اسلامي ویناوې چې اسلامي امت د اسلامي ژوند بیا پیلېدو او وحت لپاره د خلافت په تاسیس سره راپاڅوي. هغوی دغه ویناوې په مسجدونو کې غواړي چې نوی امریکایي اسلام مطرح کړي؛ څنګه چې د امریکا د بهرنیو چارو پخواني وزیر د ۲۰۱۷ میلادي کال د جون پر ۱۴مه په یوه استماعیه غونډه کې د کانګرس د یو سناتور اسکاټ پري د پوښتنې په ځواب کې دا مسله بیان کړه. دې پوښتنې ته د ټیلرسن ځواب دا وه: «د سعودي حکومت په همکارۍ په ریاض کې یوه اساسي لاسته راوړنه دا وه چې د اسلامي افراطي ویناوو پر وړاندې د مبارزې یو مرکز پرانیستل شو.» هغه وویل: «دغه مرکز اوسمهال پر خپل حال دی، پرانیستل شوی او موږ هلته یو. په دغه مرکز کې له ټولې نړۍ څخه بې شمېره عناصر له افراطیت سره د مبارزې لپاره ځای پر ځای شوي دي او یو عناصر چې موږ له هغه سره یوځای ارزونه وکړه او هغه په دې برخه کې اقدامات وکړل، د نویو درسي کتابونو خپرول دي چې د نړۍ په ټولو مسجدونو کې په شته مدرسو کې تدریسېږي. دا کتابونه هلته د شته کتابونو پر ځای، ځای پر ځای کېږي. موږ له هغوی وغوښتل چې نه یوازې نوي درسي کتابونه چاپ کړي، بلکې د پخوانیو کتابونو د پیدا کېدو مخه ونیسي او دا یوازې یوه نمونه ده.» ټیلرسن د خپلو خبرو پر دوام وویل: «دا مرکز ډېره پراخه لمن لري، له ټولنیزو ارتباطتي مسایلو نیولې تر رسنیو او په اسلامي ښوونیزو مرکزونو کې د امامانو روزل هم پکې شامل دي او نن د دغه نوي مرکز د تاسیس په اړه په هغو معیارونو سره چې موږ به ځواب ویونکي وو، له هغوی سره کار کوو.»

د «سي ای اې» پخواني رییس جیمز وولسي په ۲۰۰۶ میلادي کال کې ویلي وو: «موږ به هغوی ته داسې اسلام جوړ کړو چې زموږ مناسب وي، وروسته به هغوی له انقلابونو سره حرکت وکړي،  وروسته به په تعصبي شعارونو سره د یو بل پر وړاندې مبارزه پیل کړي او وېشل کېږي. وروسته به له موږ سره نښته وکړي او موږ به بریالي شو.» نو پر همدغه اساس، کومې ښونیزې برنامې چې نن په اسلامي خاورو کې فعاله شوې دي، د دې لپاره دي، څو زموږ مسجدونه په زیان اړوونکو مسجدونو بدل شي او په دې برخه کې د امریکا غوښتنې رښتیا شي او په منبرونو کې داسې ویناوې وشي چې له دین څخه د دولت بېلتون لامل شي او په اسلامي خاورو کې د غرب تمدن خپور شي. الله سبحانه وتعالی فرمایي:

﴿وَالَّذِينَ اتَّخَذُواْ مَسْجِداً ضِرَاراً وَكُفْراً وَتَفْرِيقاً بَيْنَ الْمُؤْمِنِينَ وَإِرْصَاداً لِّمَنْ حَارَبَ اللّهَ وَرَسُولَهُ مِن قَبْلُ وَلَيَحْلِفَنَّ إِنْ أَرَدْنَا إِلاَّ الْحُسْنَى وَاللّهُ يَشْهَدُ إِنَّهُمْ لَكَاذِبُونَ﴾ [سوره توبه آیۀ 106]

ژباړه:  منافقان هغه کسان دي چې د مسجد جوړېدل به پیل کړي او موخه به یې مومنانو ته زیان رسول، هلته کفر ته کار کول، د مومنانو په منځ کې بې اتفاقي اچول، د مسلمانانو صفونه ځپل او د هغه کس لپاره به کمین وي چې تر دې وړاندې له الله سبحانه وتعالی او د هغه له رسول صلی الله علیه وسلم سره جنګېدلی وي. هغوی به قسم کاوه چې له نېکۍ پرته بل نظر نه لري او یوازنۍ موخه یې هغو کسانو ته خدمت کول دي چې لمنځونه کوي او بس. خو شاهدي ورکوم چې هغوی پخپل قسم کې درواغجن وو.

موږ باور لرو چې الله سبحانه وتعالی د کفارو دسیسي شنډوي او د خپل دین ملاتړ کوي. الله سبحانه وتعالی فرمایي:

﴿إِنَّ الَّذِينَ كَفَرُواْ يُنفِقُونَ أَمْوَالَهُمْ لِيَصُدُّواْ عَن سَبِيلِ اللّهِ فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُواْ إِلَى جَهَنَّمَ يُحْشَرُونَ ‏** لِيَمِيزَ اللّهُ الْخَبِيثَ مِنَ الطَّيِّبِ وَيَجْعَلَ الْخَبِيثَ بَعْضَهُ عَلَىَ بَعْضٍ فَيَرْكُمَهُ جَمِيعاً فَيَجْعَلَهُ فِي جَهَنَّمَ أُوْلَئِكَ هُمُ الْخَاسِرُونَ﴾ [سوره انفال آیۀ 36 و 37]

ژباړه: کفار خپل مالونه مصرفوي، څو خلک د الله سبحانه وتعالی له لارې وګرځوي. هغوی به خپل مالونه مصرف کړي، خو وروسته به د هغوی د پېښمانۍ لامل شي او له ماتې سره به مخ شي. له شک پرته کفار ټول دوزخ ته ځي او په هغه کې راټولېږي. دا ماتې په دنیا او په اخرت کې عذاب ورکول کېږي. څو الله سبحانه وتعالی ناپاک له پاکو څخه بېل کړي او ځینې ناپاکان پر نورو ورزیات کړي او ټول به یوځای راټول کړي او بیا به یې دوزخ ته ور وغورځوي. هغوی په دنیا او اخرت کې زیان کوونکي دي.

خبرداری، خبرداری! د مسجدونو او منبرونو د سېکولر کولو لپاره جهنمي نقشو مخنیوي ته پام کوئ او د نبوت پر تګلاره د راشده خلافت د بیا تاسیس لپاره او د اسلامي امت د بیدارۍ په هدف کار وکړئ چې د ښکېلاکګرو دولتونو له نقشو څخه د امت ساتنه وکړي.

لیکوال: عبد الله حسین

د حزب التحر ـولایه سوډان د مرکزي اړیکو کمېټې تنظیموونکی

ژباړه: بهیر «ویاړ»

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې