خبر:

د جمعې په ورځ د نومبر پر ۲۳مه د کراچۍ په ښار کې جګړه مارو د چینایانو پر کونسلګرۍ برید ترسره کړ، خو پولیسو او د قانون د انفاذ اداري چارواکو یې مخه ډب کړه. د چین د سفارت په یوې بیانيه کې راغلي: «هره هڅه چې د چین-پاکستان اړیکې ترینګلې کوي، له ناکامۍ سره به مخ شي».(سرچینه:ډان)

تبصره:

د بلوچستان آزاد پوځ (BLA)چې د ترهګري سازمان تور پرې کېږي، په زغرده د نوموړې پېښې مسولیت په غاړه واخیست. دغه برید د پاکستان د حاکمیت په اړه هغه وخت ناوړه انځور وړاندې کوي، کله  چې هر څه سم روان وي او د سوکالۍ په لاره کې ګامونه اخیستل کېږي.

واقعیت دا دی چې دا له خیانت ډکه یوه فلسفه ده او له تېرو څو کلونو را په دېخوا د غولونې په موخه پر مخ وړل کېږي. په ګوادر کې د چینایانو زیاتېدونکی نفوذ تر دې کچې رسېدلی چې د بندرونو د عملیاتو دنده ورسپارل شوې او دا د هغو خلکو پر وړاندې له خطر ډکه یو وسله ده، چې له خپلو حقونو بې برخې شوي او لا له وړاندې د ملتپالنې پر بنسټ جګړه مخ ته وړي. د بلوچستان آزاد پوځ پر نورو مخالفو پوځیانو د بریدونو مخینه لري او ډېر غړي یې تري تم او ورک شوي. دغه حالت بلوڅ ځوانانو ته انګېزه ورکړې چې وسلې ته لاس کړي. «هره ورځ پر امنیتي ځواکونو بریدونه د دې لامل کېږي چې ډېری بلوچان تري تم او لادرکه شي. دا د تاوتریخوالي نه پای ته رسېدونکې لړۍ ده چې له کلونو را په دېخوا پر مخ وړل کېږي». (Defence.pk) بلوچان زړور او درانه خلک دي، د خاینانو، چالبازانو یا د هندوستان د ملاتړو په نامه د دوی نومول، له پاکستان سره هېڅکله مرسته نه شي کولی. پر همدې بنسټ، د آزادۍ لپاره بلوچ جنګیالي باید پوه شي چې د څه لپاره جګړه کوي، له چا مرسته غواړي او له هندوستان څخه په مرستې اخیستلو سره له چا سره مرسته کوي؟. 

د چین له دې ډول اقدام څخه داسې انګېرل کېږي، چې دا به د پاکستان د ژغورنې په لار کې ستر ګام وي. له چین –پاکستان اقتصادي دهلیز څخه تمه او پرې باور کېږي چې له ټولو هغو ناخوالو څخه به د پاکستان خلک وژغوري، چې ورسره لاس او ګرېوان دي. د پاکستان واکمن حکومت له ډېر وخته دا حقیقت پټوي، چې  دا پروژه اصلا د چين د ګټو لپاره پر مخ وړل کېږي. په یاده برخه کې هر څومره ښه اراده چې موږ ته راکړل شي، موږ یې باید پر وړاندې درانه جبرانونه پرې کړو.

پاکستان باید پوه شي چې چین د یولړ ځاني دلیلونو پر بنسټ غواړي له پاکستان سره اړيکې ورغوي، ځکه د پاکستان  ستراتیژیک موقیعت د «چین یو کمربند یو سړک» (OBOR ) پروګرام لپاره ډېر اهمیت لري. په دغې چارې سره به چین وکولی شي د خپل صنعت د پراختیا لپاره په ګاونډیو هیوادونو کې نوې دروازې پرانیزي او د نورو ښکېلاکګرو ځواکونو په څېر به موکه ترلاسه کړي، چې د دغو هیوادونو له طبعي سرچینو څخه ګټه پورته کړي. د بېلګې په توګه، د ګوادر-زینجیانګ پایپلین له لارې به تېل له منځني ختیځ څخه ولېږدوي.

د پاکستان خلک او چارواکي باید له کوچنۍ لويې وچې څخه له تاریخي پلوه درس واخلي. باید پوه شي چې څه ډول ختیځ هندوستاني شرکت د سوداګرۍ لوری هندوستان، د چور پر ځای بدل کړ. هندوستان، داسې یو هیواد و چې د هرډول تولیداتو د چمتو کولو توان یې درلود، له اروپایي او اسیايي هوادونو څخه یې وړتیا خورا زیاته وه، خو د دغه شرکت له خوا د بدمرغۍ کندې ته وغورځېد. داسې هیواد چې شتمنیو یې ورځ تر بلې وده او پرمختګ کاوه، خو د بهرنیانو په لومه کې راګیر او د برتانیې د ښکېلاکي اصولو قرباني شو او په پایله کې یې خپل برم او درنښت له لاسه ورکړ. په پاکستان کې بېلابېلې دفاعي ډلې شتون لري، چې په خپلو سیمو کې د کوچنیو موخو لپاره جګړه کوي چې نه یې یوازې د ټول هیواد اساسې موخه بدله کړې، بلکې د بهرنیانو د ګټې اخیستنې لپاره یې یوه اسانه وسیله شوي، تردې کچې چې دوی په خپله خپلې کورنۍ ګټې ګواښي او په پایله کې د ټولو زیانونو پړه په خپله غاړه اخلي. نوموړې دفاعي ډلې باید خپله پاملرنه لویو ګټو ته واړوي او پوه شي چې د پاکستان د ټولو خلکو دښمن چې په هرې سوبې او هر قوم پورې تړلی وي، ټول یو او سره ورته دي.  چين دې هیواد ته د پرمختګ، صنعت او سوداګرۍ په نامه پناه راوړې. زموږ د هغو نا اعلان شويو ارزښناکو سرچینو او کورني صنعت پر بهیر باندې به د اعلان شويو توکو واردات یو اساسي ټکر او ناوړه اغېز رامنځته کړي. 

پاکستاني وګړي چې په هر توکم پورې تړلي وي، حتمي باید د خپلو ګډو ګټو لپاره سره یو موټی شي، کوم څه چې پاتې دي له چور او لوټلو څخه یې وژغوري او د ژغونې دغه دنده هغه چا ته وسپاري، چې وړتیا او له الله سبحانه و تعالی څخه وېره  لري. اسلامي امت ټول یوه برخه ده، خو یوې او بلې خوا ته خواره واره پراته دي، چې د دې بېلتون له امله دوی ته زیان اوښتی، د چین او هندوستان په څېر هیوادونو له دوی څخه د وسیلې په توګه ګټه اخلي. خلیفه چې د مسلمانانو ریښتنی مشر دی، نه یوازې د هغو خلکو د ساتنې دنده لري چې د ده پر شاو خوا راټول دي، بلکې د سینګ کیانک مسلمانانو لپاره هم د اسانتیاوو رامنځته کولو دنده ور په غاړه ده. نوموړی خلیفه به د ازادی لپاره د جنګیالیو له انرژي او وړتیاوو څخه په ریښتنې توګه د جهاد په لار کې ګټه واخلي. 

رسول الله صلی الله علیه وسلم فرمايي:

«لاَ يُلْدَغُ الْمُؤْمِنُ مِنْ جُحْرٍ مَرَّتَيْنِ»

مومن له یوه سوري دوه ځله نه چیچل کېږي.

د حزب التحریر- مرکزي مطبوعاتي دفتر لپاره

لیکوال: اخلاق جهان

ژباړن: عبدالله لطفي

(ژباړه)

ولسمشر البشیر د ۲۰۱۸م د اکتوبر ۱۳مه د سه شنبې په ورځ په «نیل سفید» ایالت کې د خلق (PDF) د ځواکونو د نهه ویشتمې کلیزې په نمانځغونډه کې وویل: «سوډان خپله رایه هېچا ته نه ورکوي؛ ځکه باور لري چې روزي یوازې د الله سبحانه وتعالی په لاس کې ده.» هغه زیاته کړه: «پرېږدئ چې خپلې خزانې او تودې خپل ځانته وساتي، موږ هغوی ته چې له غرب او امریکا قدرت غواړي وایو، څوک چې ځان د امریکا تر شا پټوي ښکاره دي.»

دا خبرې البشیر کړي. خو ټول پوهیږي چې د البشیر رژیم له پرله پسې قربانیو سره سره لا هم د سپینې ماڼۍ په امرونو ولاړ دی. دوی هغه اسلامي قوانین چې له ډیموکراتیکو قوانینو سره ټکر لګوي، پرېښودل. د حدودو په پلي کولو یې سترګې پټې کړې. تثقیفي او د اسلام دڅېړنو دوره یې بدله کړه. له امریکا سره یو ځای د اسلام پر وړاندې د ټرورېزم تر نامه لاندې،جګړه کې یې ګډون وکړ. له دې ټولو یې موخه داده څو امریکا له ځانه راضي کړي او سوډان د هغې له تور لېسته وباسي. له دې سربېره د دولت سیاسي مقامونو، متفکرینو، د اردو رهبرانو، امنیتي شرکتونو او داسې نورو کسانو سفرونه شپه او ورځ واشنګټن ته دوام لري.

دا خبرې د رسنیو سوژې او یو ټاکنیز کمپیان دی، چې په اصل کې د هېواد کړکېچ ته اندېښنې زېږنده دي. هغه کړکېچونه چې د دې رژیم په درې لسیزې عمر کې لا هم شته. د سوډان وګړو له البشیر څخه داسې ډېرې خبرې اورېدلي؛ مخکې له دې البشیر له سپوتنیک سره په یوه مرکه کې چې د ۲۰۱۷م د اکتوبر په ۲۵مه د شنبه په ورځ خپره شوه وویل: چې دا امریکا وه چې جنوبي سوډان یې بېل کړ. هغه وویل: «سوډان د امریکا له لوی فشار او دسیسې سره مخ دی. د دارفور او جنوبي سوډان قضیو د امریکا ملاتړ تر لاسه کړی او جنوبي سوډان د امریکا د فشار له کبله بېل شوی.» هغه وایي: «موږ خبر شوي یو چې که سولې او امنیت ته ونه رسیږو، متحده ایالات غواړي سوډان په پنځو هېوادونو وویشي... امریکا د نړۍ رهبري تر لاسه کړې او عربي نړۍ یې لوټ کړې ده... . خو هغه څه چې د سوډان د بېلوالي مسله وه، دا بېلوالی د امریکا د فشار او دسیسې په ترڅ کې وشو. د هغوی طرحه د سوډان له منځه وړل او په پنځو هېوادونو وېشل دي.»

نو که البشیر په خپلو خبرو کې جدي او ریښتینی دی، باید خپلې خبرې عملي کړي. خپلې اړیکې له امریکا او ټولو هغو یرغلګرو هېوادونو سره چې له مسلمانانو سره په جګړه کې دي، پرې کړي. حتا له ټولو ښکېلاکګرو سازمانونو سره معاملې بندې کړي. دا کار دې له ملګرو ملتونو او د هغه د جنګ له شورا چې په دروغو د امنیت شورا ورته وایي، پیل کړي. همداراز له هغو  مالي سازمانونو  چې په سودي سیسټم ولاړ دي او سوډان یې له مالي کړکېچ سره مخ کړی اړیکې پرې کړي.

هیله ده دا د البشیر لپاره د نیکۍ ګام وي، چې حقیقت ته را وګرځي، د خپلو خلکو حقونه جبران کړي او په اسلامي امورو یې له چارو ساتنه وکړي. د الله سبحانه وتعالی د خوښۍ، د مومنانو د زړونو رضایت او د کافرانو د خپګان لپاره ګام پورته کړي. ځکه الله سبحانه وتعالی خبرې کول او بیا یې عملي کول خوښوي او له نفاقه نفرت لري. الله سبحانه وتعالی فرمایي:

﴿يَا أَيُّهَا الَّذِينَ آَمَنُوا لِمَ تَقُولُونَ مَا لا تَفْعَلُونَ كَبُرَ مَقْتًا عِندَ اللَّهِ أَن تَقُولُوا مَا لا تَفْعَلُونَ﴾
[صف: ۲-۳]

ژباړه: اې مسلمانانو! ولې خپلې خبرې نه عملي کوئ؟ د الله سبحانه وتعالی په دربار کې دا  ډېر بد دي  چې څه ووایئ او عملي یې نه کړئ.

امریکا یو ښکېلاکګر او یرغلګر دولت دی. څوک چې د دوی تر شا ځان پټوي معلوم دي او پر دې حقیقت سترګې نه شي پټېدای. امت باید زموږ له خاورو د استعمار د جرړو اېستو او پر بنده ګانو یې د الله سبحانه وتعالی د احکامو د پلي کولو لپاره هڅه وکړي. د حقیقي بدولون لپاره چې الله سبحانه وتعالی یې ژمنه کړې او د امت وجیبه ده کار وکړو. دا کار د رسول الله صلی الله علیه وسلم د منهج په مرسته او د راشده خلفاوو رضی الله تعالی عنهم اجمعین غوندې د خلافت اعلان دی. هغه خلافت چې د اسلام بیرغ پورته کوي، له مظلومانو ملاتړ او له ظالمانو سره حساب کوي. د ژغورنې یوازینۍ لار همدا ده بله نشته. الله سبحانه وتعالی د خپلو مخلصو بنده ګانو ملاتړ کوي. ځکه هغه، هغه څوک دی چې له خپلو بنده ګانو سره یې د ځمکې پر مخ د خلافت او قدرت ژمنه کړې ده.

الله سبحانه وتعالی فرمایي:

﴿وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا يَعْبُدُونَنِي لا يُشْرِكُونَ بِي شَيْئًا وَمَنْ كَفَرَ بَعْدَ ذَلِكَ فَأُولَئِكَ هُمُ الْفَاسِقُونَ﴾
[نور: ۵۵]

ژباړه: الله سبحانه وتعالی ستاسو د ډلې له هغو کسانو سره چې اېمان یې راوړی او سمې کړنې تر سره کوي، ژمنه کوي، چې دوی به د ځمکې پر مخ حاکمان کړي. لکه څنګه یې چې مخکینیو ته د ځمکې پر مخ خلافت ورکړ. هغه دین چې د دوی لپاره یې خوښ کړی جاویدان او قوي به یې کړي. وېره به یې په امنیت او ارامۍ بدلوي. که یوازې زما بنده ګي کوي او څه شی نه راسره شریکوي. هغوی چې وروسته کافرانیږي، هغه فاسقان دي.

ابراهیم عثمان (ابوخلیل)

د حرب التحریر-ولایه سوډان رسمي ویاند