پنجشنبه, ۱۷ رمضان ۱۴۴۵هـ| ۲۰۲۴/۰۳/۲۸م
ساعت: مدینه منوره
Menu
القائمة الرئيسية
القائمة الرئيسية

د غزې جګړه؛ تر افغانستان، عراق، سوریې او سومالیا وروسته د امریکا بله جګړه!

  • خپور شوی په سیاسي

 (ژباړه)

د امریکا د بهرنیو چارو وزیر، انتوني بلینکېن د ۲۰۲۳م کال د ډسمبر په ۲۹مه خبر ورکړ، چې د یهودو رژیم ته یې د ۱۴۷.۵ میلیونو ډالرو په ارزښت جنګي وسلې او تجهیزات لېږلي دي. نوموړي ویلي: «بېړني وضعیت ته په کتو باید پر اسراییلو پلور چټک شي ... او بل دا چې اسراییل به له دغو وسلو څخه د خپل دفاعي سیستم د غښتلي کولو او د سیمه‌ییزو ګواښونو پر وړاندې د ځواب لپاره ګټه واخلي.» د امریکا د بهرنیو چارو وزارت ویاند وایي: «متحده ایالت ژمن دي چې د اسراییلو امنیت خوندي کړي او د امریکا د ملي ګټو لپاره له اسراییلو سره مرسته او همکاري یوه مهمه چاره ده، ترڅو له ځان څخه دفاع وکړي او خپل قدرت خوندي کړي او دغه وړاندیز شوې معامله له دغو هدفونو سره سمون لري.»

د امریکا د اقداماتو زاویه تر ۱۹۹۱م کال؛ یعنې د شوروي او کمونېزم تر نسکورېدو وړاندې، له شوروي سره جګړه وه او تر ۱۹۷۹م کال وړاندې له چین سره جګړه وه، چې وروسته یې په بهر کې له خپل کمونیستي سیاست څخه لاس واخیست. له همدې امله امریکا په بشپړه توګه د کوریا په جګړه او د ویتنام او لاووس په جګړه کې مداخله وکړه، د ناټو تړون او په ډېری سیمو کې یې نظامي اډې جوړې کړې، غربي نړۍ یې په دې جګړه کې رهبري کړه او تر څنګ یې پر اسلامي نړۍ حاکم نظامونه هم د ځان تابع کړل. په ټوله نړۍ کې یې یوازینۍ دښمن کمونېزم او کمونېستان وو.  

په ۱۹۹۲م کال د نړۍ په امنیتي کنفرانس کې چې د المان په مونیخ کې جوړ شو؛ د امریکا د پخواني دفاع وزیر (۱۹۹۰-۱۹۹۴) او د ولسمشرۍ ریاست ځایناستي (۲۰۰۰- ۲۰۰۸) ډیک چیني وویل چې امریکا د غرب په تایید او پراخ ملاتړ او د دوو شرقي قطبونو (چین او روسیې) په تایید، په رسمي ډول اسلام خپل دښمن تعریف کړ؛ له هغه وخت راهیسې د امریکا د جنګي اقداماتو زاویه د اسلام او مسلمانانو په لوري شوه. خو د ساده او سطحي فکره خلکو د منحرفولو او په اسلامي خاورو کې له خپلو پیروانو څخه د اصلي مطلب د پټولو لپاره یې داسې ښودله، چې زموږ او ستاسو دښمن سیاسي اسلام او سخت‌دریځي مسلمانان دي. هغوی یې د اصولینو په نامه یاد کړل او وروسته یې ترهګر وبلل. دغو سېکولرانو په خطرناک فرېب سره مسلمانان په دوو ډلو ووېشل، چې یوې ته یې منځلاري یعنې متحدین او بلې ته یې سختدریځي یعنې دښمنان وویل. پر همدغه اساس امریکا د القاعدې او د ترهګرۍ او سخت‌دریځو پر وړاندې مبارزه چې په حقیقت کې د اسلام او مسلمانانو پر وړاندې جګړه وه، پیل کړه او دا یې یوه صلیبي جګړه وبلله. امریکا په ۲۰۰۱م کال پر افغانستان، په ۲۰۰۳م کال پر عراق او له هغه وړاندې په ۱۹۹۲م کال پر سومالیا یرغل وکړ او له ۲۰۰۶م کال راهیسې پر خپل دغه مسیر راونه ده. 

د ناټو هدف چې یوازې تر شوري اتحاد او کمونېزم پورې محدود و، له دې وروسته پراخ شو او په جنګي اقداماتو کې یې اسلامي خاورې او اسلام هم داخل کړل. امریکا په هره سیمه کې د مسلمانانو وژل او ځورول پیل کړل او خپل ځواکونه یې سوریې ته ولېږل. هلته یې روسیه، ایران، ترکیه، سعودي او لبنانی حزب او داسې نور وګومارل، چې هر یو د امت د انقلاب په له منځه وړلو او د اسلام او خلافت د بیا راتګ په مخنیوي سره د ترهګرۍ او سخت‌دریځو پر ضد د مبارزې او د دولت د تنظیم تر نامه لاندې د امریکا رول ادا کړي.         

امریکا اوس هم هغه تړون ته ژمنه ده، چې وړاندې یې پیل کړی و؛ جګړه د یهودو په واسطه مخته وړي او د هر ډول وژونکو وسلو مرسته ورسره کوي چې مسلمانان ووژني او اسلام له منځه یوسي. دغه هدف ته د رسېدو لپاره یې د یهودو رژیم د اسلامي خاورو په زړه کې تاسیس کړ او له همدې امله د امریکا د بهرنیو چارو وزیر اعلان وکړ، چې د یهودو د رژیم لپاره به د کانګریس له توافق پرته بېړنۍ وسلې او تجهیزات ولېږل شي؛ ځکه د دغه کار لپاره توافق ته اړتیا نشته ده. نو د امریکا د بهرنیو چارو وزیر د یهودو لپاره د وسلو له هر هوکړه‌لیک سره چې لسګونه میلیارده ارزښت لري، توافق کوي او له یهودو سره د مرستې لپاره د خلکو له مالونو څخه توکي پلوري. د امریکا د بهرنیو چارو وزارت اعلان وکړ، چې امریکا د اسراییلو د امنیت د خوندیتوب، قوي کولو او بریالي کولو په لټه کې ده او په دې کې د امریکا تر ټولو مهمه ګټه ده. دا لومړی ځل نه دی چې د امریکا د بهرنیو چارو وزارت داسې اعلان کوي؛ ډېری مسولینو یې ښکاره اعلان کړی. ان د امریکا ولسمشر بایډن خپله مقوله د ۲۰۲۳م د ډسمبر په ۱۲مه تکرار کړه او ویې ویل: «که اسراییل نه وی، موږ به یې ځایناستی رامنځته کړی وی».

نو امریکا په فلسطین کې له اسلام او مسلمانانو سره وجنګېده او د مقاومت خوځښتونه یې ترهګر یاد کړل؛ پر دې سربېره غربي دولتونو او پر اسلامي خاورو حاکمو نظامونو یې ملاتړ وکړ. پر اسلامي خاورو ټولو حاکمو نظامونو یې مرسته وکړه او اجازه یې ورکړه چې په ترکیه، قطر، بحرین، امارات، کویټ، اردن، مصر، عراق، سوریه، یمن، جیپوتي او داسې نورو هېوادونو کې خپلې نظامي اډې جوړې کړي. په دغو خاورو کې لاسپوڅي حکام او مزدور رعیت، له اسلام او مسلمانانو سره په جګړه د دوی تر ټولو ستر ملاتړي دي.

امریکا په اردن او نورو هېوادونو کې د خپلو اډو له ذخیرو څخه د یهودو رژیم ته وسلې او نظامي وسایل لېږدوي. په همدې توګه د ایمان تر ټولو کمزورې درجه دا ده، چې دغه نظامونه باید راپورته شي او نظامي اډې بندې کړي؛ د امریکایي ځواکونو پر وړاندې پولې وتړي؛ پر امریکا او یهودي رژیم توکي بند کړي او د خپلو اړیکو عادي کولو ته د پای ټکی کېږدي. که یې داسې کړي وی، نو ایا امریکا به له یهودو سره مرسته او په سیمه کې په اسانۍ تګ ‌راتګ کړی وی؟ ایا د یهودو رژیم به په غزه کې خپلې جګړې ته دوام ورکړی وی؟ خو د ایمان تر ټولو قوي درجه بیا دا ده، چې دغه نظامونه خپل پوځونه د غزې له خلکو سره د مرستې لپاره بسیج کړي او حرکت ورکړي! که داسې یې کړي وی، نو ایا د یهودو رژیم به د یوې لوېشتې په اندازه پرمختګ کړی وی او ایا ماشومان او پاک‌لمنې ښځې -چې د وا اسلاما چیغې وهي- به یې وژلې وی!؟ هېڅکله نه، بلکې ټول فلسطین به له یهودو او له امریکايي او غربي صلیبیانو څخه ازاد شوی وی.

موږ ولیدل چې اردوغان په عراق او سوریه کې د امریکا د درېیمې جګړې لپاره له ۲۰۱۵م کال راهیسې د انجرلیک اډه پرانیستې ده، ترڅو امریکا له هغه ځایه تېره شي او مزدوران یې امکانات ترلاسه کړي او د ترهګرۍ تر نامه لاندې د مسلمانانو د وژلو لپاره چمتو شي. ترکیې مستقیماً په سوریه کې مداخله وکړه، ترڅو انقلاب په همغه لومړي وخت کې وځپي. قطر د امریکا لپاره پراخه اډه پرانیستې ده، ترڅو له هغه ځای څخه د افغانستان، سوریې او عراق جګړو ته خپل پوځیان ولېږي او په همدې توګه په پاتې نورو هېوادونو کې هم اډې شته دي.

تر هغه چې دغه اډې وي؛ د یهودو رژیم به په هر ډول وسلو سمبال کړي. ان ترکیه هره میاشت د تېلو سلګونه کیښتۍ د یهودو د الوتکو او ټانکونو د تجهیز لپاره لېږي چې په غزه کې جګړه وکړي. سربېره پر دې، دغه کیښتۍ اوسپنه او فولاد هم لېږدوي چې یهود وسلې ترې جوړې کړي. ترکیې بیا یهود په اوبو او خوړو مجهز کړي او د پوځ لپاره یې جامې چمتو کوي؛ په داسې حال کې چې دا هر څه یې د غزې پر خلکو بند کړي دي؛ تر دې چې هغوی د څښلو لپاره یوازې د سیند تروشې اوبه او د خوړلو لپاره یوازې یوه لمړۍ وچه ډوډۍ لري او بس! اردن هم پر دغه مسیر روان دی او خپله خاوره یې له اماراتو او سعودي څخه د راتلونکو خوراکي توکو پر مخ پرانیستې ده او مصر خپلې تېرېدونکې لارې تړلې دي... المغرب، بحرین او داسې نورو هېوادونو له دغه غاصب رژیم سره د اړیکو د عادي کولو او همکارۍ له لارې خپلو مرستو ته دوام ورکړی.

نو پر اسلامي خاورو ټول حاکم نظامونه او د هغوی اجنډاوې له امریکا، د یهودو له رژیم او غرب سره د غزې او فلسطین ضد جګړه کې شریک دي؛ یا مستقیماً د پورتنیو نظامونو په څېر او یا د غزې خلکو ته د نصرت نه ورکولو او د خپلو پوځونو د نه بسیج کولو په سبب غیرمستقیم ګډون لري، لکه؛ ایران، سعودي، پاکستان، الجزایر او داسې نور.

نو لکه څنګه چې کفارو د مسلمانانو پر وړاندې د جګړې اعلان کړی؛ همداسې پر مسلمانانو هم لازمه ده، چې د تېري کوونکو کفارو او د هغوی د ملګرو پر ضد د جګړې اعلان وکړي.‎ دوی باید خپل پوځونه روان کړي او دغه نظامونه، چې خطر یې له بهرنیو دښمنانو څخه کم نه دی، رانسکور کړي. دغه نظامونه ان د منافقینو په څېر داخلي دښمنان دي او په دروغو قسم کوي چې له موږ سره متحد دي؛ خو په حقیقت کې له دښمن سره یو لاس دي او زموږ د دین پر ضد جنګېږي. دوی زموږ دعوتګر په دې تور زنداني او شکنجه کوي چې ګواکي ترهګر دي. دوی په امت کې کفر، فسق او فساد خپروي.

‏ ‌‏﴿اتَّخَذُوا أَيْمَانَهُمْ جُنَّةً فَصَدُّوا عَن سَبِيلِ اللَّهِ إِنَّهُمْ سَاء مَا كَانُوا يَعْمَلُونَ﴾ [منافقون: 2]

ژباړه:«هغوی (په دروغو) قسمونه کوي (له عدالت څخه د تېښتې په خاطر او د خپلې رښتینې څېرې د پټولو لپاره) او د الله له لارې څخه (ځانونه او خلک) منعه کوي. هغوی څه ناوړه کار کوي!»

هو، دوی د چل، دروغو او منافقت په برخه کې تر وروستۍ کچې مهارت لري. ځینې وخت لمونځ کوي او ځینې وخت حج او عمرې ته ځي او په خواږه غږ قرآن تلاوتوي؛ په داسې حال کې چې په حقیقت کې کفر پلی کوي او له امریکا، غرب او یهودي رژیم سره دوستي او ملګرتیا کوي.

‌‏ ‌‏﴿وَإِذَا رَأَيْتَهُمْ تُعْجِبُكَ أَجْسَامُهُمْ وَإِن يَقُولُوا تَسْمَعْ لِقَوْلِهِمْ كَأَنَّهُمْ خُشُبٌ مُّسَنَّدَةٌ يَحْسَبُونَ كُلَّ صَيْحَةٍ عَلَيْهِمْ هُمُ الْعَدُوُّ فَاحْذَرْهُمْ قَاتَلَهُمُ اللَّهُ أَنَّى يُؤْفَكُونَ﴾ ‏[منافقون: 4]

ژباړه: «کله چې دوی ووینې، څېرې یې (دومره ښایسته وي چې) تا حیرانوي او که خبرې وکړي (دومره به راښکونکې او خوږې وي چې) غوږ به ورته ونیسې؛ خو په اصل کې دوی هغه وچ لرګي دي، چې له دېوال سره درول شوي وي، دوی هر غږ د ځان پر ضد ګڼي، هغوی پاخه دښمنان دي او له هغوی څخه لرې اوسه، الله دې دوی ووهي، څه ډول له حق څخه منحرف کېږي.»

لیکوال: أسعد منصور

ژباړن: صهیب منصور

د مطلب ادامه...

د مسلمانانو پر ضد د غرب جګړه، دیني او صلیبي جګړه ده!

  • خپور شوی په سیاسي

 (ژباړه)

له شک پرته دا اصطلاح "د ترهګرۍ پر وړاندې جګړه" په حقیقت کې د اسلام او مسلمانانو پر ضد جګړه وه او دا لکه لمر روښانه ده چې په یوه ګوته نه پټېږي. نو مسلمانان پر دې پوهېدو ته اړتیا نه لري، چې ایا د مسلمانانو پر ضد د کفارو جګړه دیني ده او که نه؟ ځکه الله سبحانه وتعالی دغه مسله په قرآن کې واضح بیان کړې ده، چې د توجیه او تعبیر لپاره یې اړتیا نشته ده. الله سبحانه وتعالی د آدم علیه السلام له وخت راهیسې د دښمنانو حالت معرفي کړی او فرمایلي یې دي:

﴿وَلاَ يَزَالُونَ يُقَاتِلُونَكُمْ حَتَّىَ يَرُدُّوكُمْ عَن دِينِكُمْ إِنِ اسْتَطَاعُواْ﴾ [بقره: 217]

ژباړه: «هغوی به تل له تاسو سره جنګېږي او که وتوانېږي تاسو به له خپل دین څخه هم واړوي.»

او همدارنګه فرمایي:

﴿إِنَّ الَّذِينَ كَفَرُواْ يُنفِقُونَ أَمْوَالَهُمْ لِيَصُدُّواْ عَن سَبِيلِ اللّهِ فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُواْ إِلَى جَهَنَّمَ يُحْشَرُونَ﴾ [انفال: 36]

ژباړه: «کومو کسانو چې کفر غوره کړی او خپل مالونه د دې لپاره مصرفوي چې خلک د الله له لارې واړوي او اوس به یې لا زیات مصرفوي؛ خو همدا هلې ځلې به د دوی د پښېمانۍ سبب شي، په پای کې به ماتې وخوري او کوم کسان چې کافران شوي، هغوی به دوزخ ته کش کړل شي.»

هغه جګړه چې یهود یې د امریکا په ملاتړ د کافر صلیبي غرب په همکارۍ د غزې د مسلمانانو پر ضد مخته وړي، یوه دیني صلیبي جګړه ده او دومره واضح ده چې په سترګو لیدلو او په حواسو درک کولو ته یې اړتیا نشته؛ لکه څنګه چې د سوریې جګړه او تر هغه وړاندې د افغانستان او عراق جګړه یوه دیني جګړه وه، یوازې په دغه توپیر چې "بوش" پر الوتکو وړونکو کیښتۍ ودرېد او ټولې نړۍ ته یې وویل چې په دې صلیبي جګړه کې بریالی شوی دی. له همدې امله د هغه د ادارې مشاورینو او مشرانو لکه "رامسفیلډ" او "ډیک‌چیني" او داسې نورو د هغه لاره تعقیب کړه. خو هغوی د اسلام پر وړاندې خپلې جګړې ته نور رنګونه ورکوي، لکه د پخواني او اوسني استعمار تر منځ سیاسي جګړه او نه غواړي خلک پوه شي، چې استعمار په حقیقت کې د همغه سیمې د زېرمو د لاسته راوړلو لپاره ګام اخیستی دی. خو په پایله کې د هغوی د سټراټېژۍ حقیقت او واقعیت دا دی، چې نړۍ باید د غربي او ایډیالوژیکو ارزښتونو او دیني ارزښتونو تر چتر لاندې ژوند وکړي او له دې پرته د دوی ټولې ادعاوې فرېب او له واقعیت څخه لرې دي.

کله چې په مصر، تونس او سوریه کې عربي پسرلی پیل شو، غرب په چټکۍ سره په مصر او تونس کې د انقلاب د پایلو د انحراف لپاره اقدام وکړ؛ تر هغه چې پوه شو چې خلک فکري او دیني شعارونه نه ورکوي، یعنې انقلاب یې مبدأيي نه دی. خو کله چې په سوریه کې متوجه شول، چې انقلاب فکري او مبدأيي دی، نو امریکا خپل ټول مزدوران، غلامان او متحدین د سوریې پر ضد جګړې ته چمتو کړل؛ ځکه د سوریې خلکو د اسلام شعار ورکاوه او د حاکم نظام بدیل یې اسلام او خلافت باله. نو دا خلک ووژل شول، متفرق او وځپل شول او دغه ټولې مرګ‌ژوبلې ځکه وې، چې په دې سیمه کې د اسلام شعار ورکړل شوی و او د رسول الله صلی الله علیه وسلم رایه (بیرغ) رپېدلی و.

په رښتیا هم چې زموږ د رب په کتاب کې د شک او اختلاف هېڅ ځای نشته دی؛ خو د حکامو او د هغوی د خاینو وزیرانو خبرې د هغوی د دښمنۍ حقیقت کمولی او بدلولی نه شي؛ هغه دښمني چې کافر غرب د اسلامي امت او د هغه د عقیدې او دین پر وړاندې پیل کړې ده؛ بلکې د دوی دښمني تر دې کچې رسېدلې، چې د امریکا او نورو سیمو په مسیحي صهیونیستان کې یو شمېر یې په دې باور دي، چې په فلسطین کې د یهودو د رژیم قیام د مسیحیت د بیا راتګ پیلامه ده، چې ډېر ژر به مسلمانان له منځه یوسي او نور به د هغوی نسل ته د پای ټکی کېږدي. د صهیونیستي مسیحي عقیدې څښتنان چې په امریکا او اروپا کې حکومت کوي، داسې ګومان کوي چې په فلسطین کې د یهودو د رژیم قیام د مسیح د بیا راتګ زېری او پیلامه ده. نو د دوی جګړه د اسلامي امت پر ضد یوه دیني جګړه ګڼل کېږي، چې محسوس شوې مسله ده او ثبوت ته اړتیا نه لري.

کله چې امریکا د انزوا له حالت څخه ووتله او په دویمه نړیواله جګړه کې بریالۍ شوه، نو هڅه یې وکړه چې نړۍ د یوه مشخص لیدلوري پر اساس روانه کړي او د هغو قضیو د فیصله کولو هڅه یې وکړه، چې انګلیس تکیه پرې کړې وه. په دغو قضیو کې یوه د فلسطین قضیه وه او فکر کېده چې د فلسطین د قضیې حل دا دی، چې قدس نړیوال شي؛ په دې معنا چې مسجدالاقصی او قدس باید د ملګرو ملتونو تر نظر لاندې وي او له مسلمانانو څخه د هغه د قدسیت خاصیت واخیستل شي او ان د قدسیت له اړخه د مسجدالاقصی او مسجدالحرام اړیکه هم ختمه کړي. الله سبحانه وتعالی فرمایلي دي:

﴿سُبْحَانَ الَّذِي أَسْرَى بِعَبْدِهِ لَيْلاً مِّنَ الْمَسْجِدِ الْحَرَامِ إِلَى الْمَسْجِدِ الأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ البَصِيرُ﴾ [اسراء: 1]

ژباړه: «هغه ذات پاک دی چې خپل بنده یې له مسجدالحرام څخه مسجدالاقصی ته بوته او د هغه (محمد ص) شاوخوا مو برکتي کړه، چې خپلې نښانې په هغه ووینو؛ په حقیقت همغه (الله) د هر څه اورېدونکی او لیدونکی دی.»

امریکا د دغې اړیکې د پرې کولو لپاره هڅه وکړه؛ لومړی یې د یهودو د رژیم ملاتړ وکړ او وروسته یې د فلسطین د پراختیا سازمان د رامنځته کولو هڅه وکړه، ترڅو دغه قضیه له خپل رښتیني رنګ او څېرې څخه لرې کړي؛ هغه قضیه چې یوازې په فلسطین پورې تړاو نه لري، بلکې په ټولو مسلمانانو پورې اړوند ده او دا یوه عربي او قبیلوي قضیه نه، بلکې اسلامي قضیه ده. تر هغه چې د فلسطین او قدس قضیې ته له حقیقي زاویې ونه کتل شي، د مسلمانانو لپاره به زیان او ضرر حتمي وي؛ ځکه د فلسطین خاوره د ټولو مسلمانانو او اسلامي امت ملکیت دی، چې له یوې لوېشتې خاورې څخه یې تېرېدل هم روا نه دي.

له شک پرته چې صلیبي بریدونه چې ډېری یې کافر غرب رهبري کوي، پر بیت المقدس او مسجدالاقصی راګرځي؛ د بېلګې په توګه، د هغوی بریدونه د مسلمانانو له لاسه د مسجدالاقصی د ایستلو په موخه وو او ویل کېږي چې پر بیت‌المقدس د هغوی بریدنه لس برابره زیات شوي. نو د مسلمانانو پر وړاندې د دوی جګړه دیني او عقیدوي ده او دوی دغه جګړه نه پټوي، بلکې پرې ویاړي او هېڅکله له دې انکار نه کوي، چې د دوی دغه جګړې د صلیب تر بیرغ لاندې وې. پر ټنډه او جامو د صلیب بیرغ لګول او د قصیدو ویل؛ په حقیقت کې د دوی د جګړې او بریدونو انګېزه څرګندوي. د صلیبي جګړو پرمهال به یې ان د خپلو آسونو پر زینونو د صلیب نښې کړې وې.

خو د اوسني وخت په اړه باید ووایو، چې فوکویاما په خپل کتاب "د تاریخ پای" او هانتینګتون په خپل کتاب "د فرهنګونو ټکر" کې د غرب عقیده چې باور پرې لري، څرګنده کړې ده. که څه هم هانتینګتون یې د خپل شاګرد په پرتله یو څه ښه واضح کړې ده؛ د بېلګې په توګه، فوکویاما پر دې باور و، چې لېبرالېزم له خپلو ارزښتونو او مفاهیمو سره هغه سیستم دی، چې کافر غرب یې پر ناوړه افکارو باور لري، تاریخ به ډېر ژر ودرېږي او دا هغه قدرت دی چې هېڅوک یې ردولی نه شي. په حقیقت کې دوی د شوروي اتحاد نسکورېدو مغروره کړي وو؛ خو د هغه استاد هانتینګتون بیا یو څه واقعي و او د بشر په تړاو یې د ایډیولوژیکو او دیني جنګونو په اړه ژور پوهاوی درلود. کله چې موږ د دې جګړې په اړه خبرې کوو، هغه بیا په هر دین پورې تړاو لري؛ نو د اسلام پر وړاندې به جګړه څه ډول وي؟ هغه اسلام چې سرچینه یې وحې ده او د ځمکې څلورمه برخه اوسېدونکي پرې ایمان لري. دلته چې هانتینګتون د جګړې په اړه خبرې کوي، په یوه خوا کې یې مسیحي نړۍ له سېکولر ارزښتونو سره شامله ده او په بله خوا کې یې اسلامي نړۍ شامله ده؛ همدارنګه د هغه د کتاب لنډ مفهوم داسې دی: «راتلونکې جګړه به د غرب (د هغه له ارزښتونو، افکارو او مفاهیمو سره) او هغو دولتونو تر منځ وي، چې ډېری یې مسلمانان دي.»

په حقیقت کې د غرب او اسلامي امت تر منځ د جګړې واقعیت دیني او ارزښتي دی؛ که څه هم ځینې وخت سیاسي، اقتصادي او مصلحتي رنګ هم ورکړل شوی دی، چې په غربي او شرقي هېوادونو کې پر جوماتونو، دیني موسسو او د قرآن د حفظ پر مرکزونو باندې بندیزونه د دوی دښمني ښه څرګندوي. په همدې توګه هغه عملونه چې د سویډن او ډنمارک دولتونه یې ترسره کوي، په عامه ځایونو او ښکاره توګه قرآن ته اور اچوي او بیا د همدغو کسانو ملاتړ کوي او تر هغه وړاندې یې رسول الله صلی الله علیه وسلم ته د سپکاوي په موخه د هغه کاریکاتور جوړ کړ؛ په داسې حال کې چې کوم کسان د یهودیت ارزښتونه وسوځوي او یا په دې برخه کې شک پرې وشي، په جدي توګه یې مخه نیول کېږي او ان زندان ته اچول کېږي. د فرانسې لخوا په مدرسو، ښوونځیو او پوهنتونو کې پر حجاب بندیز څه معنی لري!؟  ایا په اروپا کې د اذان پر لوړ اواز بندیز لګول له دیني جګړې پرته بل تفسیر لرلی شي!؟

په رښتیا هم چې د اردن د بهرنیو چارو وزیر او د قطر امیر هغه خبره بې‌ارزښته او بې‌بنسټه ده، چې وایي د کفري دولتونو، د غزې د خلکو او د مسلمانانو تر منځ جګړه یوه دیني جګړه نه ده. په حقیقت کې د دوی دغه دریځ او څرګندونې د وېرې له امله دي، چې هسې نه دغه جګړه ديني او ایډیولوژیکه بڼه غوره کړي او د اسلام سپېڅلي ارزښتونه او عقیده د هغو ناوړه افکارو او باورونو پر وړاندې ودرېږي، چې غرب یې دفاع کوي؛ په داسې حال کې چې دوی ښه پوهېږي چې دا دوې عقیدې هېڅکله سره برابرې نه دي او هېڅکله غربي دینونه، ارزښتونه او باورونه د اسلام د ارزښتونو او افکارو پر وړاندې نه شي درېدلی. نو دوی هڅې کوي، چې د دیني جګړې اصطلاح لرې کړي او ان نه غواړي چې د یهودو ښي اړخي سخت‌دریځي حزبونه هم د دې جګړې حقیقت درک کړي، ځکه هغوی ښه پوهېږي چې د دې جګړې بایلونکي یوازې دوی دي. نو کله چې مسلمانان خپل اسلام، عزت او دبدبې ته راوګرځي او د اسلام نظام پلی کړي -هغه نظام چې الله سبحانه وتعالی ورته غوره کړی او د نبوت پر منهج خلافت تاسیس شي- هغه وخت به دښمنان هېڅکله له مسلمانانو سره د مبارزې توان ونه لري. هغه وخت به صلیبي غرب ته ویل کېږي: یا اسلام قبول کړه، یا جزیه ورکړه او یا هم جګړې ته چمتو شه! دا ورځ د هغو کسانو لپاره نږدې ده، چې ورته په تمه دي.

د الرایه جریدې له ۴۷۷مې ګڼې څخه

لیکوال: استاد ابوالمعتزبالله الاشقر

د ۱۴۴۵هـ.ق کال د جمادی الثاني ۲۸مه

د ۲۰۲۴م کال د جنوري ۱۰مه

ژباړن: صهیب منصور

 

د مطلب ادامه...

مسلمان حکام د شرابو د خرڅلاو ملاتړ کوي؛ خو د مسلمانانو د ژوند نه

بسم الله الرحمن الرحيم 

خبر:

ابوظبي په متحده عربي اماراتو کې خپل د الکولو د تولید لومړی مرکز پرانیست. د دغه کاروبار لپاره قانوني جواز صادر شوی. متحده عربي اماراتو د الکولو پر محصولاتو ۳۰ سلنه مالیه وځنډوله. د پلورنځیو لپاره د جواز ورکولو مقررات هم اسانه شوي. توجیه یې د لا ډېرو سیلانیانو راجلبول او د مالي تنوع او کلتوري شمولیت رامنځته کول دي.

تبصره:

په داسې حال کې چې مسلمانانو ته خوراکي توکي او درمل نه رسېږي؛ د امت میلیاردر مشران د نامسلمانانو لپاره د ساتېرۍ رامنځته کولو په فکر کې دي او په ورته وخت کې د سیمې مسلمانانو لپاره یوه حرام څه ته تبلیغ کوي.

د خیانت دغه ډول کړنې باید په زغرده او روښانه افشا شي؛ ځکه امت په نړیواله کچه له زیاتېدونکو بریدونو سره مخ دي. په سره بحیره کې د یهودي ادارې د کښتیو لارو ګډوډولو پر وړاندې امریکا او انګلستان په یمن کې د بمباریو نوې لړۍ پیل کړې. دا د خلافت تر سیوري لاندې د ستر پوځ نه، بلکې د مسلمانانو فردي زړورې کړنې دي چې د دښمن پر وړاندې یې موقف نیولی.

موږ نه غواړو چې سرچینې مو بېځایه وکارول شي او پوځونه مو بېکاره او ټنبل پرېښودل شي؛ الله سبحانه و تعالی دا منع کوي چې خویندې او وروڼه مو دښمن ته یوازې پرېږدو.

«وَمَا لَكُمْ لَا تُقَاتِلُونَ فِي سَبِيلِ اللَّهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَٰذِهِ الْقَرْيَةِ الظَّالِمِ أَهْلُهَا وَاجْعَلْ لَنَا مِنْ لَدُنْكَ وَلِيًّا وَاجْعَلْ لَنَا مِنْ لَدُنْكَ نَصِيرًا» [النساء:۷۵]

ژباړه: «ولې د الله په لاره کې د بېوسو نارینه‌وو، ښځو او ماشومانو د (خلاصون) لپاره نه جنګیږئ چې (په چغو) وایې: پروردګاره! موږ له دغه ښار او سمیې چې اوسیدونکي یې ظالمان دي(او پر موږ ظلم کوي) وباسه او له خپل لورې مرستندوی راولیږه(ترڅو له موږ سره مرسته وکړي).»

رسول الله صلی الله علیه وسلم فرمایي چې مسلمانان د واحد بدن په څېر دي؛ که یې یو غړی درد وکړي، ټول بدن دردېږي. د دوزخ اور د هغو حکامو په تمه دی چې د قرآن او سنتو د احکامو پر وړاندې غفلت کوي. موږ باید د رښتیني حللارې لپاره د کارکولو غږ پورته کړو؛ ترڅو دغه حکام په ښکاره د اسلامي احکامو د سپکاوي پرېکړې و نه کړي؛ ظالمان زموږ پر دین، اسلام و نه خاندي او زموږ د خاورو او ذهنونو د نیولو جشن و نه لمانځي.

د حزب التحریر مرکزي مطبوعاتي دفتر ته

عمرانه محمد

د حزب التحریر مرکزي مطبوعاتي دفتر غړی

۱۴۴۵هـ.ق کال، د رجب ۱۱مه

۲۰۲۴م کال، د جنوري ۲۳مه

د مطلب ادامه...

په غزه کې د ماشومانو لپاره د واکسینو پروګرامونه فعال دي؛ خو د خوړو، درملو او تیلو لارې بندې دي

بسم الله الرحمن الرحيم

خبر:

ټیلیګراف راپور ورکوي چې یونیسف د ماشومتوب دورې ناروغیو خپرېدو د مخنیوي لپاره غزې ته نیم میلیون واکسین لیږلي. ملګري ملتونه د غزې د ۱.۹ میلیونو داخلي بېځایه شویو ترمنځ د ناروغیو د خپرېدو د ګواښ خبرداری ورکړی.

تبصره:

دې ته په کتو چې د ملګرو ملتونو سازمان د بشري حقونو په برخه کې د خپلو ټولو پالیسیو په پلي کولو کې پاتې راغلی او نه دی توانېدلی چې د ښځو، ماشومانو، کډوالو، ملکي وګړو، ژوو او د ژوند چاپیریال ساتنه وکړي. نو باید غور وشي چې دا ناڅاپي اقدام، چې له کوم خنډ پرته غزې ته واکسین رسېږي او ورکول کېږي؛ دا به د غزې د ماشومانو د وژلو بهېر نور هم چټک کړي. کله چې کیمیاوي وسلې او ډلیز وژونکي بمونه ټول ښار په سپیره ځمکه بدلوي، هغه وخت د روغتیا او خوندیتوب هېڅ اندېښنه ورسره نه وي.

د غزې نسل‌وژنه د نړۍ په تاریخ کې د بشریت پر وړاندې ترټولو پراخ مستند شوی تېری دی. د ترسره شویو وحشتونو د شواهدو هېڅ کمی نشته او هېڅ ډول د غزې پر سړکونو د وژل شوو ماشومانو د بدن غړي نه شئ ردولی. سره له دې د ملګرو ملتونو، چې د «سولې» او «عدالت» غوښتنه کوي، خواشینوونکی لومړیتوب د واکسینونو لېږل دي. په دې کې هېڅ شک نشته چې دا د دوی بله بیولوژيکي تجربه ده چې د رسول الله صلی الله علیه وسلم د امت د وژلو لپاره به د نوې وسلې په توګه کار کوي.

موږ په دغه کاذبه بشردوستانه هڅه نه غولېږو. موږ پوهېږو چې یوازې خلافت د بشري حقونو د ساتنې لپاره په خپل ماموریت کې ریښتینی دی او په دې کې د حرص او مالي او مادي موخو اجنډا نه لري.

موږ له امت څخه غواړو چې د اسلامي خاورو حکام د مسلمانانو پر وړاندې د جنایتونو د ترسره کېدو او په غزه کې د دغو کاذبو واکسینو د نه مخنیوي لپاره محاسبه کړي؛ موږ د فلسطین د قضیې لپاره د خبرو اترو په چوکاټ کې د هغوی نامشروع حللارې ردوو، دا د اسلام د دښمنانو ملګرتیا او د هغوی په ګټه کار کول دي. الله سبحانه وتعالی په خپلو مبارکو ایتونو کې موږ ته د نړۍ له ظالمانو سره د سولې د کاذبو او درواغجنو پلانونو په اړه خبرداری راکړی؛ هغه سبحانه وتعالی فرمايي:

«وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ * أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ»[البقره:۱۱-۱۲]

ژباړه: «کله چې هغوی ته وویل شي، په ځمکه کې فساد مه کوئ، نو هغوی وایي، موږ خو اصلاح کوونکي یو. خبردار اوسئ! په حقیقت کې همدوی مفسدین دي خو شعور نه لري.»

د حزب التحریر مرکزي مطبوعاتي دفتر ته

عمرانه محمد

د حزب التحریر د مرکزي مطبوعاتي دفتر غړی

۱۴۴۵هـ.ق کال، د رجب ۸مه

۲۰۲۴م کال، د جنوري ۲۰مه

د مطلب ادامه...

د فلسطین د ازادۍ لپاره د صلاح الدین نقشه

  • خپور شوی په سیاسي

صلاح‌الدین په ۱۱۳۷م کال کې په عراق کې نړۍ ته سترګې وغړولې او په داسې حال کې مشهور شو، چې اسلامي خاورې ټوټه ټوټه شوې او صلیبیانو اشغال کړې وې. کله چې په ۱۱۶۹م کال په مصر کې قدرت ته ورسېد، د خلافت دولت د ځواکمنولو او مختلفو عربي سیمو د یووالي لپاره یې هڅې پيل کړې. صلاح‌الدین د مسلمانانو د یووالي ارزښت درک کړی و، له همدې امله یې د فلسطین شاوخوا کوچنۍ خاورې له سټراټېژیک اړخه متحدې کړې او د صلیبیانو پر ضد یې یوه متحده جبهه پرانیسته. د صلاح الدین د لښکرکشۍ د عطف ټکی په اوسني اردن کې هغه مهال و چې په ۱۱۸۷م کال د کراک مسیحي پاچا د مسلمانانو پر یوه کاروان د "رینالد دو شاتیلون" بدنام برید وکړ. دې پېښې یوه لنډمهاله سوله له منځه یووړه او صلاح‌الدین ته یې فرصت ورکړ چې خپله پخوانۍ هیله، چې د بیت‌المقدس ازادي وه، پوره کړي. 

د اسلامي جبهې د یووالي لپاره د صلاح‌الدین هڅې د صلیبیانو لخوا د سوریې په ساحلي ښارونو او مهمو کلاوو لکه "کراک او کرک ډي مونترال" کې، چې په اوسني اردن کې دي، له ستونزو سره مخ شوې. د صلیبیانو دغو جبهو د مصر، لویې سوریې او عراق د یوې برخې تر منځ اړیکې ختمې کړې، چې دا د صلاح الدین د دولت اصلي محورونه ګڼل کېدل. عمادالدین زنګي مخکې د لویې سوریې په یو ځای کولو سره د یووالي ډبره کېښوده او دغه یووالي بیا د نورالدین لخوا، چې مصر یې له سوریې سره متحد کړ، دوام وکړ.

د حطین تر جګړې وړاندې ځیې پېښې وشوې، چې پیل یې په ۵۸۲هـ.ق کال د "پینځم بالدوین‌" پاچا له مړینې وشو. د صلیبي شهزاده ګانو تر منځ د قدس خاورې د تاج و تخت لپاره کورنۍ شخړې رامنځته شوې. صلاح‌الدین له دغو ناامنیو څخه ګټه واخیسته او په سټراټېژیکه توګه یې د صلیبي جنګونو په چارو کې مداخله وکړه. د پینځم بالدوین پاچا له مور "سیبیل" سره د "ګي لوزینیان" واده کولو نوموړی تر سلطنت پورې ورساوه، چې په پایله کې د "ګي ډي لوزینیان" او "درېیم ریموند" تر منځ چې دی هم د پاچایۍ لپاره نوماند و، د شخړې لامل شو.

په اوسني لبنان کې د طرابلس له پاچا، "درېیم ریموند" سره د صلاح‌الدین اوربند او په اوسنۍ ترکیه کې د انطاکیې له پاچا "درېیم بوهموند" سره د هغه بل اوربند نوموړي ته د صلیبیانو په سیاست کې د لاسوهنې اجازه ورکړه. د صلاح‌الدین لخوا له "درېیم ریموند" او "درېیم بوهموند" سره د ایتلاف نوي کولو په سټراټېژیک ډول د طرابلس او انطاکیې صلیبي حکومتونه کمزوري کړل، چې دغه کار د کراک پاچا "رنالد ډي شاتیلون" غوسه کړ او پر مخکیني اوربند سربېره یې د یوه سوداګریز کاروان په لوټلو سره خپل تړون مات کړ. د دغه تړون د ماتولو په مقابل کې د صلاح‌الدین ډيپلوماتیکې او سټراټېژیکې کړنلارې د "ګي" او "رینالد" تر منځ بې‌باوري او تفرقه رامنځته کړه او د حطین جګړې ته یې لاره هواره کړه.

صلاح‌الدین له فرصت څخه په استفادې د مسلمانانو صفونه متحد کړل او په ټول مصر، بین‌النهرین، د عراق په شمال موصل او سوریه کې یې لښکرې چمتو کړې. هغه په ۵۸۳هـ.ق کال کې له دمشق څخه حرکت وکړ او خپل اصلي هدف یې، چې د قدس د حاکمیت ترلاسه کول و، پټ کړ. د صلاح‌الدین دغه حرکت نه یوازې دا چې "رینالد ډي شاتیلون" وګواښه، بلکې د صلاح‌الدین نظامي او سټراټېژیک قدرت یې هم وښود. صلاح‌الدین ایوبي داسې سټراټېژیک حرکتونه وکړل، چې په پایله کې د برخلیک ټاکونکې جګړې، حطین لامل شول.

تر دغې جګړې وړاندې د صلاح‌الدین د کشف ځواک په "سپفوریس" یا اوسني الجلیل سیمه کې د پام وړ بریا ترلاسه کړه او د صلیبیانو په زړونو کې یې وېره او ارهاب پيدا کړ. صلاح‌الدین د خپلو قوماندانو د نظر پر اختلاف سربېره بیا هم برخلیک ټاکونکې جګړه وټاکله، چې په دې سره یې خپل راتلونکی مسیر څرګند کړ. د نوموړي هدف د صلیبیانو په صفونو کې له اختلافاتو او د "پینځم بالدوین" پاچا له مرګ څخه ګټه اخیستل وو، چې د هغوی ارادې کمزورې کړي. د صلیبیانو داخلي اختلافات، اخلاقي انحطاط او بې‌باوري د هغوی له سقوط سره مرسته وکړه. صلیبیان چې پنځوس زره کسان وو، د مسلمانانو د متحدې جبهې پر وړاندې یې مبارزه پیل کړه.

صلاح‌الدین له دغو کمزورو ټکو څخه ګټه پورته کړه، یو سټراټېژیک پلان یې جوړ کړ او داسې دامونه یې کېښودل چې صلیبیان پکې راګیر شول. صلاح‌الدین د ځمکې او جغرافیې د ارزښت په درک کولو سره صلیبیان په سټراټېژیک ډول د طبریه یا اوسني الجلیل سیمې ته را کش کړل او له یوه بد وضعیت سره یې مخ کړل. صلیبیان ستړي او تږي د صلاح الدین په دام کې ولوېدل. صلاح‌الدین په سټراټېژیک ډول پر مسیحي لښکر بریالی شو او له مستقیمې نښتې څخه یې ډډه وکړه، تر دې چې وضعیت د مسلمانانو په ګټه پای ته ورسېد.

په پایله کې د حطین جګړه په ګرمه هوا کې وشوه، د صلیبیانو له کمزوریو (درنو زغرو او د اوبو کمښت) یې ګټه واخیسته او مسلمانان بریالي شول. حطین یوه سخته جګړه وه، چې صلاح‌الدین د رواني جګړې، محاصرې او د صلیب د رښتینې مجسمې د تصرف کولو په مرسته پر صلیبیانو رواني اغېزې زیاتې کړې.

په حطین کې د صلاح‌الدین بریالیتوب د الهي نصرت ښکارندویي کوي، چې له هغو کسانو سره یې ژمنه شوې چې د الله تعالی دین ته نصرت ورکوي. دا جګړه د خلافت او صلیبیانو په جګړو کې د عطف ټکی دی، چې په پرېکنده توګه د صلاح‌الدین په بریالیتوب او د لویې سوریې د متحد کولو لپاره په وروستیو هڅو سره پای ته ورسېده. د بیت‌المقدس ښار د صلیبیانو تر ۸۸ کلونو اشغال وروسته د صلاح‌الدین د سټراټېژیک پلان په مرکزي ټکي بدل شو. د صلاح‌الدین اصلي هدف د قدس ازادي وه.

هغه د قدس تر محاصرې وړاندې د قدس ښار په سټراټېژیک ډول د مدیترانې له بحیرې څخه بېل او منزوي کړ. صلاح‌الدین د مسیحیانو د سمندري ځواکونو د نږدې کېدو د مخنیوي لپاره د مصر له سمندریز ځواک سره مرسته وکړه او د خپلې نظامي سټراټېژۍ بشپړه کړنلاره یې نندارې ته وړاندې کړه.

د صلاح‌الدین د سټراټېژۍ زور د حطین تر جګړې وروسته معلوم شو، چې د صلیبیانو پر ساحلي ښارونو یې تمرکز کړی و. نوموړي د طبریه، عکا، یافا، عسکالون، صیدا، بیروت، جبیل او داسې نورو سیمو په فتحه کولو سره په سیمه کې د صلیبیانو شتون ختم کړ. دغه ساحلي کلاوې چې له ډېر وخت راهیسې یې د مسلمانانو خاورې نیولې وې، یو پر بل پسې سقوط شوې او د صلیبیانو سنګر له منځه لاړ. هغه په لومړیو کې د ساحلي ښارونو د امنیت په ټینګښت سره صلیبیان له سمندري اډو څخه محروم کړل، د هغوی ځواکونه یې کمزوري کړل او د اروپایي مرستو مخه یې ونیوله. بهرنۍ ډیپلوماټيکې هڅې دا وې، چې له قسطنطنیې سره یې ایتلاف وکړ، د ایټالیا له سمندري ځواکونو سره یې سټراټېژیکې معاملې وکړې او د صلیبیانو پر پاچاهانو یې د هغوی نفوذ محدود کړ.

د مال او ځان لپاره منظمه کړنلاره د دې لامل شوه، چې بې شمېره بریاوې ترلاسه شي. د فتحو دغې لړۍ سیاسي لیدلوری بدل کړ، صلیبیان یې کمزوري کړل او د بیت‌المقدس په ازادۍ سره وروستۍ کچې ته ورسېده. د صلاح‌الدین رهبرۍ یو نوی دوران پیل کړ، استعماري خوځښت یې له ستونزو سره مخ کړ او له سیمې څخه یې په بشپړه توګه د صلیبیانو ایستلو ته لاره هواره کړه.

د بیت‌المقدس پر لور د صلاح‌الدین په پرمختګ سره د ښار صلیبي ساتونکي له ستونزو سره مخ شول. په بیت‌المقدس کې تر ۶۰۰۰۰ ډېرو صلیبي جنګیالیو د صلاح‌الدین د ځواکونو د مخنیوي لپاره چمتووالی پراخ کړ. د ښار دفاعي حالت یې قوي کړ، پر هره غونډۍ یې منجنېقونه کېښودل او د مسلمانانو لخوا د نږدې پېښېدونکې محاصرې د مخنیوي پر وړاندې یې خندقونه وکیندل. د صلاح‌الدین سټراټېژي په یوه ښه جوړ شوي نظامي پلان کې را څرګنده شوه. هغه په دې هڅه کې و، چې اسلامي ځواکونه سره متحد کړي، صلیبیان په خپل قلمرو کې کمزوري کړي او بیت‌المقدس د مرستندویه ځواکونو په برخه کې منزوي کړي. صلاح‌الدین د جهاد په موخه د مسلمانانو د تنظیم لپاره له یوه رسنیز کمپاین څخه ګټه واخیسته. د ټولې اسلامي نړۍ د ملاتړ ترلاسه کولو لپاره یې فتحې او ساحلي بریاوې نورې هم زیاتې کړې. صلاح‌الدین ۱۲ ورځې بیت المقدس محاصره کړ، تر دې چې مسیحیان د ۱۱۸۷م کال د اکټوبر په ۲مه تسلیم شول. د صلاح‌الدین تر ټولې غوره توپخانې د دېوالونو په نړولو کې مهم رول درلود. تر سختې جګړې وروسته دې ته چمتو شو، چې د صلیبیانو له یوه لوی نظامي مشر "بالیان دي ایبلین" سره چې د بیت‌المقدس پر بالیان مشهور و، خبرې اترې وکړي. صلیبیان د بیت المقدس تسلیمولو ته چمتو شول؛ جزیه ورکول او یو شمېر نور شرطونه یې هم ومنل.

بیت‌المقدس ته د صلاح‌الدین ننوتل په دې معنا وو، چې ښار نور ازادی شوی دی. صلاح‌الدین پر صلیبیانو د مناسبې جزیې په ټاکلو سره پر هغوی رحم وکړ. صلاح‌الدین بیت‌المقدس ته له ننوتلو سره سم امر وکړ چې ښار بېرته په لومړي حالت جوړ کړي او د صلیبیانو لخوا رامنځته شوي بدلونونه برعکس کړي. مسیحیانو ته اجازه ورکړل شوه، چې پاتې شي، جزیه ورکړي او د اسلامي قوانینو تر چتر لاندې ژوند وکړي. د یادونې وړ ده، چې صلاح‌الدین د کلیساوو د نړولو وړاندیزونه رد کړل او له اسیرانو سره یې ډېره مهرباني وکړه. نوموړي ټول زندانیان ازاد کړل او ان د هغو کسانو پر کورنیو مهربانه شو چې شپه او ورځ یې په صلیبي جګړو کې ګډون کړی و. د مسیحیانو سرچینو او تاریخ لیکونکو د صلاح‌الدین پر بې‌مثاله صبر او انسانیت اعتراف کړی چې عمل یې د صلیبیانو له جنایتونو سره په بشپړ ټکر کې و.

تر فتحې اته ورځې وروسته مسجدالاقصی پاک شو او د جمعې لومړی لمونځ پکې ادا شو. قاضي محی‌الدین ابن‌الزکي یوه قوي خطبه وویله او پر کفر د بریا له امله یې د الله سبحانه وتعالی ستاینه وکړه او ټینګار یې وکړ چې ټولې چارې باید د الهي احکامو پر اساس ترسره شي او هغه برکتونه یې ومنل چې مومنانو ته ورکړل شوي وو. دې خطبې د فتحې پر ارزښت او د مسجدالاقصی پر سپېڅلتیا او تاریخي ارزښت ټینګار وکړ. هغه د الله سبحانه وتعالی له اوامرو څخه د پیروۍ او د اسلامي خاورو د ازادۍ لپاره د جهاد غوښتنه وکړه.

صلاح‌الدین یوازې پر بیت المقدس بسنه ونه کړه او د لویې سوریې د جنوبي او شمالي سیمو په لوري لاړ. د "کراک او کرک ‌ډي مونترال" کلاوو د هغه پر وړاندې مقاومت وکړ، چې محاصرې یې یو کال دوام وکړ. پر سیمه د خلافت د حاکمیت د کنټرول لپاره د صلاح‌الدین د هڅو په برخه کې، نوموړي ته د دغو کلاوو تسلیمول یو مهم ګام و. وروسته صلاح‌الدین خپل تمرکز د شمال پر لوري زیات کړ او په طرابلس او انطاکیه کې یې سیمې خپل هدف وګرځولې. په طرابلس او انطاکیه کې فتحو د صلیبیانو سنګرونه کمزوري کړل، چې په پایله کې یې اوربند وکړ او د صلاح‌الدین لخوا فتح شوي قلمرونه يې ومنل.

صلاح‌الدین د پام وړ سیاسي ځیرکتیا او هوښیاري وښوده. هغه د اسلام د صفونو د یووالي او د صلیبیانو پر وړاندې د جهاد ارزښت درک کړی و. له ځینو صلیبي قدرتونو سره یې یو لنډمهاله اوربند وکړ، چې نوموړي ته یې د دې اجازه ورکړه چې د خپل قدرت پر ټینګوالي تمرکز وکړي او د بې ځایه بوختیاوو مخه ونیسي.

علماوو د جهاد لپاره د امت د چمتووالي، پر ځان د باور زیاتوالي او فکري ملاتړ په برخه کې اساسي رول درلود. صلاح‌الدین له علماوو سره نږدې اړیکه درلوده او د جګړې او اداري چارو په اړه یې له هغوی سره مشورې کولې. قاضي فاضل چې یو لوی عالم دی، په خپلو مشورو یې مهم رول ادا کړ.

له پوره چمتووالي وروسته صلاح‌الدین د زړه له تله الله سبحانه وتعالی ته دعاوې وکړې او د ځان په اړه یې پر الهي نصرت اعتراف وکړ. د هغه په دعاګانو او سجدو کې تواضع وه؛ پر الله سبحانه وتعالی يې پوره باور و او د هغه سبحانه و تعالی له لوی ذات څخه یې د بریالیتوب غوښتنه کوله. د هغه عزت او ویاړ په حقیقت کې اسلامي شریعت ته د هغه د اخلاص او ژمنتیا نښه وه. لکه عمر بن خطاب «رض» چې د امت تر منځ یووالي او شریعت ته قوي ژمنتیا لرله او ټینګار یې کاوه چې اسلام د امت د عزت سرچینه ده.

دا «موږ یوازې د عبادت او جهاد لپاره پیدا شوي یو» خبره وه چې صلاح‌الدین دمشق ته د داخلېدو په حالت کې ټینګار پرې کاوه؛ دا پر ایمان د هغه ژمنتیا او ثبات ښوده. د صلاح‌الدین بریا یوازې له نظامي اړخه نه وه، بلکې د هغه د ایمان، اسلامي اصولو ته د ژمنتیا او د پیغمبر صلی الله علیه وسلم له لارې څخه د پیروۍ پایله وه. د هغه بریالیتوب د رښتینو مومنانو په منظمولو کې د قرآن د ژبې قدرت څرګند کړ او د اسلامي نړۍ د یووالي لپاره یې د ایمان او جهاد پر ارزښت ټینګار وکړ. په حطین جګړه کې د هغه بریالیتوب او وروسته د قدس فتحه کول د یوې بشپړې سټراټېژۍ پایله وه؛ چې یووالی، سیاسي هوښیارتیا، حکومت، ډیپلوماسي او د اسلامي اصولو پر اساس جهاد ته مخلصانه ژمنتیا پکې شامل وو. د هغه میراث د سټراټېژیکې رهبرۍ لپاره د څراغ حیثیت لري او له اسلامی اصولو څخه کلکه پیروي ګڼل کېږي.

نن ورځ امت له همداسې یو حالت سره مخ دی. د امت لوڼې او بچیان په غزه کې په بې‌رحمۍ وژل کېږي. استعمارګرو یهودو مقدسه خاوره اشغال کړې او سبب یې د خلافت نشتون، پر مصنوعي او غیرطبیعي دولتونو (دولت-ملت) د مسلمانانو د جبهې وېشل او پر همدغو دولتونو د مزدور حکامو، چې د استعمارګرو د ګټو ساتونکي دي، واکمنېدل دي. هغه خاوره چې صلاح‌الدین له صلیبیانو څخه ازاده کړه او هغه خاوره چې خلیفه عبدالحمید ثاني یې ساتنه وکړه، د استعمارګرو قدرتونو د تړون په پایله کې د یهودو لاس ته ولوېده. امت اوس هم یوه بل صلاح الدین ته شېبې شماري او یوه بل داسې اتل ته په تمه دی، چې د صلاح‌الدین په څېر شجاعت، اسلامي عقیدې ته ژمنتیا او د جهاد مینه ولري.

په ریاض کې د مسلمانو حکامو وروستۍ ناسته او د صلاح‌الدین ایوبي کړنلاره مقایسه کول یو غیرواقعي کار دی. په داسې حال کې چې دغو رهبرانو په خپلو خبرو او ویناوو کې د غزې جنایتونه محکوم کړل، د دوی په خبرو کې هغه ځواک نه و، چې د رښتیني بدلون سبب شي او د اسلامي ارزښتونو لپاره اقدام وکړي. په جګړه کې بریا عملي اقدام ته اړتیا لري او یوازې خبرې بسنه نه کوي. د صلاح‌الدین مثال موږ ته دا را وښوده، چې په حساس حالت کې له پرېکنده اقدام پرته یوازې خبرې کول ګټه نه کوي. د مسلمانو رهبران چې د دوو دولتونو د حللارې ملاتړي دي، په حقیقت کې د اسلام له جوهر سره خیانت کوي. د فلسطین او مسجدالاقصی مبارکه خاوره د هغه ځای د اوسېدونکو او د هغوی د دښمنانو تر منځ نه شي وېشل کېدی. د دې خاورې د حللارې په اړه پخپله الله سبحانه وتعالی فرمایلي دي:

﴿وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُمْ مِنْ حَيْثُ أَخْرَجُوكُمْ﴾ [بقرة –۱۹۱]

ژباړه: «له هغوی سره وجنګېږئ، تر دې چې پر هغوی برلاسي شئ او هغوی له هغه ځایه وباسئ چې تاسو یې ترې ایستلي یئ.»

عملي اقداماتو ته دعوت کول نه یوازې دا چې یوه جمعي دنده ده، بلکې اسلامي عقیدې ته زموږ ژمنتیا هم ښيي. د ظلم پر وړاندې د مبارزې او د هغو کسانو د ملاتړ لپاره چې له دین سره مرسته کوي، د قرآن حکم باید د مسلمانانو په زړونو کې وځلېږي. د نن ورځې پوځیان باید د غزې اواز ته لبېک ووایي، لکه څنګه چې صلاح الدین د مسجدالاقصی د ساتلو لپاره لښکرې چمتو کړې. دغه پوځیان له صلاح‌الدین سره ګډه عقیده لري او هغه د اسلام قوي عقیده ده. الله سبحانه وتعالی فرمایي:

﴿وَإِنِ اسْتَنْصَرُوكُمْ فِي الدِّينِ فَعَلَيْكُمُ النَّصْرُ﴾ [انفال –۷۲]

ژباړه: « کله چې څوک د دین لپاره له تاسو نصرت وغواړي، نو پر تاسو فرض ده چې دوی ته نصرت ورکړئ

اې مسلمانو سرتېرو! اې د صلاح‌الدین بچیانو! یوازې اسلام موږ ژوندي کولی شي او یوازې اسلام مو په حرکت راوستلی شي. همدا اسلام موږ ته راښيي، چې له الله سبحانه وتعالی څخه باید ووېرېږو او موږ چمتو کوي، چې باید د قیامت د لویې ورځې له حساب څخه ووېرېږو. همدا اسلام موږ اماده کوي چې خپل لوی او کوچني عملونه د الله سبحانه وتعالی د اوامرو پر اساس تنظیم کړو.

اې مسلمانو افسرانو! پر تاسو واجب دي چې په غزه کې ستاسو پر خویندو او وروڼو د بې‌رحمه تېري پر وړاندې له مظلومانو څخه د دفاع او د مبارکې خاورې د ازادۍ په خاطر د خپلې وجیبې په اړه ژور فکر وکړئ. دغه فکر باید د اسلامي عقیدې د اصولو پر اساس او د قیامت په ورځ له حساب ورکونې څخه د پوهاوي له مخې وي. ایا تاسو په دغو عملونو کې د بریا او شهادت یوه هیله نه لرئ؟ ایا تاسو په دې دنیا او اخرت کې د عزت هیله نه لرئ؟ الله سبحانه وتعالی فرمایي:

﴿يَغْفِرْ لَكُمْ ذُنُوبَكُمْ وَيُدْخِلْكُمْ جَنَّـٰتٍ تَجْرِى مِن تَحْتِهَا ٱلْأَنْهَـٰرُ وَمَسَـٰكِنَ طَيِّبَةً فِى جَنَّـٰتِ عَدْنٍ ۚ ذَٰلِكَ ٱلْفَوْزُ ٱلْعَظِيمُ * وَأُخْرَى تُحِبُّونَهَا نَصْرٌ مِنَ اللهِ وَفَتْحٌ قَرِيبٌ وَبَشِّرِ الْمُؤْمِنِينَ﴾ [صف –۱۲-۱۳]

ژباړه: «الله به ستاسو ګناهونه وبښي او تاسو به هغو باغونو ته داخل کړي، چې تر ونو لاندې به یې ویالې بهېږي او په عدن جنت کې به پاک کورونه درکړل شي، دا یو لوی بریالیتوب دی. هغه بل څه (دنیوي نعمت) چې تاسو یې خوښوئ، هغه به هم درکړل شي، نصرت د الله تعالی لخوا دی، فتحه نږدې ده او مومنانو ته زېری ورکړئ.»

اې مخلصو مسلمانو نظامي افسرانو! نن ورځ چې موږ په غزه کې د خپلو خویندو او وروڼو د مصیبت شاهدان یو، نو عملي اقدام ته دعوت پکار دی. دا چې امت له دې لویې غمیزې سره مخ دی، نو اسلامي عقیده او د صلاح‌الدین ایوبي تګلاره باید تاسو د مهمو او اغېزناکو ځوابونو خواته روان کړي. دا ډېره مهمه ده چې د صلاح‌الدین ایوبي د عصر او د غزې د اوسني وضعیت تر منځ موازي خط کش کړل شي، لکه څنګه د هغه رهبرۍ له اسلامي عقیدې څخه اخیستل شوی قدرت نندارې ته وړاندې کړ؛ اوس هم یو ځل بیا اړتیا ده، چې د صلاح‌الدین ایوبي سیاسي، سټراټېژیکه او نظامي هوښیاري په پام کې ونیول شي. اوس د لاس په کار کېدو وخت دی. د اسلام تعلیمات ومنئ او د صلاح‌الدین ایوبي لاره تعقیب کړئ. همدارنګه منظم شئ، ترڅو په غزه کې له خپلو خویندو او وروڼو څخه دفاع وکړئ او د هغو کسانو د ظلم پر وړاندې ودرېږئ، چې د الله سبحانه وتعالی له غضب سره مخ دي. الله سبحانه وتعالی فرمایي:

﴿يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انْفِرُوا فِي سَبِيلِ اللهِ اثَّاقَلْتُمْ إِلَى الْأَرْضِ أَرَضِيتُمْ بِالْحَيَاةِ الدُّنْيَنْيَا مِنَ الْآخِرَةِ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّا قَلِيلٌ * إِلَّا تَنْفِرُوا يُعَذِّبْكُمْ عَذَاباً أَلِيماً وَيَسْتَبْدِلْ قَوْماً غَيْرَكُمْ وَلَا تَضُرُّوهُ شَيْئاً وَاللهُ عَلَى كُلِّ شَيْءٍ قَدِيرٌ﴾ [التوبه :۳۸-۳۹]

ژباړه: «اې مومنانو! پر تاسو څه شوي دي، کله چې تاسو ته د الله په لاره کې د وتلو وویل شي، تاسو پر ځمکه درانده کېنئ. ایا تاسو د اخرت په بدل کې د دنیا ژوند غوره کړی دی؟ که داسې ده نو تاسو باید پوه وئ، چې دنیوي ژوند د اخرت په پرتله ډېر کم دی. که تاسو نه پاڅېږئ، نو الله به تاسو ته دردناک عذاب درکړي او ستاسو پر ځای به کوم بل قوم راولي. تاسو په دنیا کې الله ته هېڅ زیان نه شئ رسولی او الله په هر څه برلاسی دی.»

د سختو ستونزو پر وړاندې د غزې د مسلمانانو استقامت، په حقیقت کې له غښتلي ایمان څخه د اخیستل شوي قدرت ښکارندویي کوي. د ظلم متحد ځواکونه د هغو کسانو عزم نه شي ماتولی، چې د الله سبحانه وتعالی په لاره کې کلک ولاړ دي. برعکس ظالمان د مومنانو د روحیې په مقابل خپل ځانونه کمزوري ګڼي. د کفارو او یهودو ګډ ځواکونه چې په پرمختللې ټکنالوژۍ او وسلو سمبال دي، ونه توانېدل چې د غزې مسلمانان دې تر خپلې ولکې لاندې راولي. یهود هغه کسان دي چې الله سبحانه وتعالی یې په اړه فرمایي:

﴿لَنْ يَضُرُّوكُمْ إِلَّا أَذًى وَإِنْ يُقَاتِلُوكُمْ يُوَلُّوكُمُ الْأَدْبَارَ ثُمَّ لَا يُنْصَرُونَ﴾ [آل عمران –۱۱۱]

ژباړه: «تاسو ته له (ژبني) اراز او ځور پرته هېڅ زیان نه شي رسولی، که چېرې له تاسو سره جګړه وکړي، تاسو ته به شا کړي او بریالي به نه شي.»

کفار چې د کلکو کلاوو په منځ کې دي، په مات زړه ولاړ دي او د مومنانو د مقاومت مقابله نه شي کولی. د استعمارګرو په صفونو کې اوسنی وېش د حطین له جګړې وړاندې د صلیبیانو د وضعیت په څېر دی. الله سبحانه وتعالی فرمایي:

﴿لَا يُقَـٰتِلُونَكُمْ جَمِيعًا إِلَّا فِى قُرًۭى مُّحَصَّنَةٍ أَوْ مِن وَرَآءِ جُدُرٍ بَأْسُهُم بَيْنَهُمْ شَدِيدٌۚ تَحْسَبُهُمْ جَمِيعًا وَقُلُوبُهُمْ شَتَّىٰ ۚ ذَٰلِكَ بِأَنَّهُمْ قَومٌ لَّا يَعْقِلُونَ﴾ [حشر – ۱۴]

ژباړه: «هغوی (یهود) له تاسو سره ډله‌ییز جنګ نه کوي، بلکې په کلکو کلاوو کې دننه او د دېوال تر شا جګړه کوي. هغوی په خپل منځ کې سخت مخالف دي. تاسو ګومان کوئ، چې دوی به متحد وي، خو د دوی زړونه له یو او بل څخه بېزاره دي؛ ځکه دوی هغه قوم دی چې فکر نه کوي.»

د مسلمانانو په توګه موږ ته دا یادونه کېږي، چې زموږ عملونه به د قیامت په ورځ ارزول کېږي. هغه حاکمان او افسران به په دې ورځ امت ته د خپل خیانت ځواب وایي، چې هسې ولاړ دي، د ظالمانو جنایتونه ننداره کوي او د هغوی پلوي کوي. د نظامي ځواک د چمتووالي لپاره دعوت کول، که لوی وي که کوچنی؛ په اسلامي عقیده او نبوي سنتو کې رېښه لري. د دغو حاکمانو او افسرانو دغه بې‌پرېتوب ممکن د دې لامل شي، چې د دوی پر ځای به نور داسې پوځیان ځایناستي شي، چې له الله سبحانه وتعالی او د هغه له لارې سره به رښتینې مینه لري. الله سبحانه وتعالی فرمایي:

﴿هَـٰٓأَنتُمْ هَـٰٓؤُلَآءِ تُدْعَوْنَ لِتُنفِقُوا فِى سَبِيلِ ٱللَّهِ فَمِنكُم مَّن يَبْخَلُ وَمَن يَبْخَلْ فَإِنَّمَامَا يَبْخَلُ عَن نَّفْسِهِۦ ۚ وَٱللَّهُ ٱلْغَنِىُّ وَأَنتُمُ ٱلْفُقَرَآءُ ۚ وَإِن تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوٓا أَمْثَـٰلَكُم﴾  [محمد –۳۸]

ژباړه: «پام مو وي، چې تاسو ته بلنه درکول کېږي، ترڅو د الله په لاره کې مال ولګوئ. په تاسو کې ځینې داسې کسان دي، چې بخیلي کوي. څوک چې بخیلي کوي، په حقیقت کې پر خپل ځان بخیلي کوي؛ ځکه الله خو شتمن دی او تاسو هغه ته اړ یئ. که تاسو مخ واوړئ، نو الله به ستاسو پر ځای بل قوم راولي او هغه به بیا ستاسو په څېر نه وي.»

د مسلمانانو په پوځ کې اې د امت بچیانو! په یاد ولرئ چې د اسلام او مسلمانانو لپاره بریالیتوب یوازې په انساني ځواک پورې محدود نه دی، بلکې د الله سبحانه وتعالی لخوا ورکول کېږي او هغو صادقو او وړ کسانو ته په تمه دی، چې د هغه د دین په لاره کې قربانۍ ته حاضر دي. د نظامي ځواک لپاره دعوت کول، په حقیقت کې د تلپاتې اخرت په بدل کې د دنیا معامله کول دي. د نبوت پر منهج د خلافت تاسیس د مسلمانانو د واحدې جبهې ضامن او د امت د عزت او دبدبې لپاره د لارې پرانیستل دي. دا هغه دعوت دی چې په اسلامي عقیده کې ژوره ریښه لري او د قیامت په ورځ د الله سبحانه وتعالی پر وړاندې د ځواب ویلو په اړه پوهاوی ورکوي. الله سبحانه وتعالی فرمایي:

﴿يَا أَيُّهَا الَّذِينَ آمَنُوا إِنْ تَنْصُرُوا اللهَ يَنْصُرْكُمْ وَيُثَبِّتْ أَقْدَامَكُمْ * وَالَّذِينَ كَفَرُوا فَتَعْساً لَهُمْ وَأَضَلَّ أَعْمَالَهُمْ * ذَلِكَ بِأَنَّهُمْ كَرِهُوا مَا أَنْزَلَ اللهُ فَأَحْبَطَ أَعْمَالَهُمْ﴾ [محمد :۷-۹]

ژباړه: «اې مومنانو! که الله ته نصرت ورکړئ، هغه به تاسو ته نصرت درکړي او ستاسو ګامونه به کلک کړي او کوم کسان چې کافر شوي دي، د هغو لپاره هلاکت دی او الله د هغوی عملونه ضایع کوي؛ ځکه دوی دغه (قرآن) چې لله نازل کړی، قبول نه کړ، نو له همدې امله الله د هغوی عملونه ضایع کړل.»

د حزب التحریر مرکزي مطبوعاتي دفتر ته

عبدالرحمن قطز

ولایه پاکستان

۱۴۴۵هـ.ق کال د جمادي الثاني ۱۸مه

۲۰۲۳م کال د ډسمبر ۳۱مه

ژباړن: صهیب منصور

د مطلب ادامه...

په داسې حال کې چې سټلایټ چینلونه د غزې د خلکو د وژنې ژوندۍ صحنې خپروي

د "نړیوالې ټولنې" د عدالت نړیواله محکمه د شواهدو لټولو لپاره غونډه کوي!

(ژباړه)

د عدالت نړیوالې محکمې لومړۍ غونډه د ۲۰۲۴م کال، د جنورې په ۱۱مه جوړه شوه؛ په دې غونډه کې یې هغه شواهد وکتل چې د یهودي ادارې لخوا د غزې د خلکو د نسل‌وژنې په اړه سوېلي افریقا وړاندې کړي وو. دوی د خپلو استماعیه غونډو بهیر ته دوام ورکوي او خلک ورته په تمه دي چې ښايي یوې پایلې ته ورسیږي او یهودي دولت وغندي. هېڅوک نه پوهیږي چې ایا دوی به بریالي شي چې ثابت او مستند شوي څه ثابت کړي؛ ایا لوی قدرتونه به اجازه ورکړي چې د یهودي دولت د محکومېدو په صورت کې د محاکمې پایلې اغیزه ولري.

په دې کې هېڅ شک نشته چې د سوېلي افريقا د خلکو دغه دريځ د ستایلو دی؛ دوی له لسيزو راهيسې د فلسطین د خلکو پر وړاندې خپل انسانیت کوي او دا ډول دریځونه نیسي. دوی هم په خپل هېواد کې له څو لسیزو نژادي تبعیض او استعمار څخه کړېدلي. موږ یې دا دریځونه ستایو او مسلمانان داسې امت نه دی چې خپل ملاتړي هېر کړي. دوی په داسې حال کې له غزې څخه ملاتړ کوي، چې له غزې زرګونه کیلو متره لرې پراته دي؛ خو مسلمان حکام چې یهودي دولت یې بشپړ محاصره کړی او ترې چاپېر دي، په دغه کار کې پاتې راغلي.

د انځور بل اړخ ته که وګورو، دا هغه دروغ دي چې د اسلامي امت په مخ کې اچول شوي. د غزې خلک اړ دي چې د غربي قضاوت پر وړاندې په داسې حال کې ودرېږي، چې په خپلو وینو کې لت پت وي، د خپلو ماشومانو جسدونه یې ورته راوړي وو او تر شا یې د خپلو ویجاړو ښارونو پاتې برخې وي؛ بیا دوی ته ثابته کړي چې پر موږ ظلم شوی! د محکمې مخې ته غربي رسنۍ له خپلو درواغو استدلالونو او ګمراه کوونکو خبرو سره ولاړ دي او پوښتنه کوي: «ایا تاسو  هغه څه غندئ چې د اکټوبر په ۷مه پېښ شول!؟»

د غرب دريځ داسې دى: «اې مسلمانانو، ستاسو وينه، ځمکه او پيسې ارزښت او تقدس نه لري، موږ يهودي دولت ته اجازه ورکوو چې ستاسو ماشومان، ښځې او بوډاګان ووژني؛ ستاسو کورونه وران کړي لکه څرنګه چې موږ په عراق او افغانستان کې وران کړل او خلک مو ووژل. تاسو د اعتراض حق نه لرئ. که تاسو وایئ چې فلسطین یوه اشغال شوې اسلامي خاوره ده، نو د یهودو پر وړاندې د دښمنۍ قوانین چمتو دي چې تاسو تورن کړي، ومو ځوروي او پر هغه چا هم ظلم وکړي چې خواخوږي درسره کوي. که مو نه خوښېږي هم باید ووایئ چې موږ (غرب) بشرپال یو او تاسو (مسلمانان) ترهګر یئ؛ باید خپل ځان وغندئ. دا مه هېروئ چې تاسو استعمار شوي یئ او موږ استعمار کړي یئ؛ عدالت هغه څه دی چې موږ وایو. تاسو له هغه څه پرته چې موږ یې تصمیم نیسو، نور هیڅ حق نه لرئ»

د یهودو پر وړاندې د دوستۍ او له مسلمانانو سره د منافقت په اړه د غرب دریځ  داسې دی.

زموږ، مسلمانانو لپاره زړه ماتوونکې پوښتنه دا ده: زموږ پوځونه څنګه کولی شي دغو ټول‌وژنو، د حکامو خیانت، د اشغال سپکاوي، د غرب ملاتړ او د غربي رسنیو خیانت ته همداسې وګوري؛ په داسې حال کې چې د مظلومو مسلمانانو دا چیغې اوري چې «اې مسلمانو پوځونو، تاسو چیرې یاست!؟»

د الاقصی طوفان عملیاتو یهودي دولت ولړزاوه او څه نه وو پاتې چې راوپرځېږي. د غزې د خلکو په بمبارولو کې یې جنون او د دوی له جنایتونو د غرب بشپړ ملاتړ یوازې د دې لپاره و چې دولت یې د سقوط پر څنډه ولاړ و. له هغه وخت راهیسې د یوې لارې په لټه کې دي که وخت بېرته د ۲۰۲۳م کال، د اکتوبر له ۷مې یوه ورځ وړاندې لاړ شي او دوی د اړیکو عادي کولو خاینانه بهیر له لارې خوندیتوب ومومي. که له یوې بلې جبهې برید شوی وی، نو د اکټوبر تر پایه به د فلسطین سپېڅلې خاوره ازاده شوې وی. د امریکا د بهرنیو چارو وزیر، انتوني بلینکېن سفرونه، لکه په خپلو لومړیو سفرونو کې یې چې ویلي و، یوازې د دې لپاره وو چې د یهودي دولت پر وړاندې د بلې جبهې د پرانستلو مخه ونیسي.

د فلسطین سپېڅلې خاورې د آزادولو لار دا ده: د مسلمانانو د پوځونو حرکت او بسیج؛ له یهودي ادارې څخه د دغې ورځې فکر لار ورکړه کړې؛ دا یوازې یو ساعت حوصلې ته اړتیا لري. مسلمان پوځونه د دې وړتیا لري؛ له دوی سره هم هغه الوتکې او بمونه شته چې یهودي دولت غزه پرې بمباروي. كه د مسلمانانو څو جنګي الوتکې د یهودو پر پلازمينه بريد او د بمونو باران وكړي -لكه يهود یې چې پر غزه كوي- نو د یهودي دولت خبره ختمه ده. د یهودي دولت د کمزوري او اسانه ماتېدونکي هوډ پر وړاندې د مسلمانانو هوډ او زړورتیا خورا لویه ده!

تش په نوم نړیوال بنسټونه یوازې د شکایتونو صندوقونه دي. دوی هیڅ له مانا ډک اقدام نه شي کولای؛ یوازې دومره دي چې استعماري هیوادونه یې د خپلو ګټو لپاره وکاروي یا داسې اقدام پرې وکړي چې د دوی په ګټه وي. د فلسطین مسله داسې ده چې استعمار ارزښت ته په کتو غصب کړ او بیا یې د خپلو ګټو د خوندي کولو لپاره یهودو ته ورکړ. اوس یې غرب ساتي چې ترې ونه شړل شي؛ نو له دې هر څه وروسته له دغو بنسټونو څه تمه کېدى شي!؟

د یهودي دولت حکام او د اسلامي هیوادونو حکام یو شان دي. دوی په خپلو هیوادونو کې مسلمانان بندیان کړي؛ که سر پورته کړي وهل کیږي، بمبارېږي او له منځه وړل کېږي. دا شیطاني کړۍ یوازې هغه وخت ماتېدی شي چې مسلمان پوځیان حرکت وکړي؛ دا حکام له مخې لرې کړي او د فلسطین سپېڅلې خاورې ملاتړ وکړي.

الله سبحانه وتعال فرمايي:

[وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ] [انفال: ۷۲]

ژباړه: « کله چې څوک د دین لپاره له تاسو نصرت وغواړي، نو پر تاسو فرض ده چې دوی ته نصرت ورکړئ»

انجنیر صلاح الدين عضاضه

د حزب التحريرـ مرکزي مطبوعاتي دفتر مشر

۱۴۴۵ هـ.ق کال، د رجب ۲مه

۲۰۲۴م کال، د جنوري ۱۴مه

ژباړن: محمد حامد

د مطلب ادامه...

د اسلامي نړۍ پوځونه زموږ پوځونه دي؛ باید خپل له لاسه تللی اختیار بیرته تر لاسه کړو!

  • خپور شوی په سیاسي

(ژباړه)

په غرب کې د امت دښمنان مسلمانان له خپلو هغو اسلامي افکارو او مهمو شرعي احکامو څخه منحرفوي چې د ژغورنې لار یې پکې ده. دا هر څه د دې لپاره کوي چې مسلمانان هېڅکله له دغه ذلت او انحطاط څخه ونه شي وتلی. د غرب دا هڅې د دې لپاره دي چې مسلمانان د جهالت په کنده کې پاتې شي او له دغې کندې د وتلو لار ونه لري؛ په تیارو کې وتپېږي، لاس او پښې ووهي او په پایله کې نهیلي شي؛ خپل اوسنی واقعیت ومني، پرې راضي شي او تر ناکامو تجربو وروسته له خپلو هڅو لاس اخیستل ځانته توجیه کړي.

له دغو ګمراه کوونکو افکارو څخه یو فکر دا دی چې امت د اسلامي نړۍ پوځونه د ځان دښمن وبولي او د طاغوتي او مزدورو حکامو له ډلې یې حساب کړي. په داسې حال کې چې د اسلامي نړۍ پوځونه په حقیقت کې زموږ پوځونه دي، د امت پوځونه دي؛ یوازې قومانده یې زموږ له لاسه وتلې. اوس پر موږ واجب ده چې له لاسه ورکړې قومانده او اختیار بیرته تر لاسه او خپل پوځونه پر هغه لور چې د الله سبحانه وتعالی رضا او د دوی بنسټیزه موخه ده، وخوځوو. د پوځونو د موجودیت موخه هغه څه ده چې الله سبحانه وتعالی یې موږ ته امر کړی؛ د کورني امنیت تامین، له بېرونیو دښمنانو سره جهاد او د اسلام پراخوالي او لېږد.

دغو پوځونو ته معاش او وسلې زموږ له پيسو ورکول کېږي. دغه پوځونه زموږ له مقدساتو، حرمتونو، خاورو او ښارونو د ساتنې لپاره رامنځته شوي. دغه پوځونه اساساً له دښمنانو سره د مبارزې او د مقدساتو او حرمتونو د ساتنې لپاره جوړ شوي دي. دغه پوځونه هېڅکله د ظالمانو د څوکۍ او تخت ساتنې لپاره نه دي. نو پر هغوی واجب ده او الله سبحانه وتعالی پرې فرض کړې چې نه یوازې د امت مرستې او نصرت او د رسول الله صلی الله علیه وسلم امت ته د لاسنیوي لپاره ور ودانګي؛ بلکې د ټولو کمروزو او مظلومانو لاسنیوی وکړي، ان که مسلمانان هم نه وي.

اوس د ټولې نړۍ مسلمانان لاریونونه او داوطالبانه مرستې کوي؛ لاس په دعا دي او له پوځونو څخه غواړي چې سره یوځای شي او د غزې د ماشومانو او ښځو چیغو او نارو ته لبیک ووایی او د غزې مجاهدینو مرستې ته ور ودانګي؛ دغو مجاهدینو له ټولو څخه د مرستې او نصرت غوښتنه کړې او غواړي چې امت یې تر څنګ ودرېږي؛ نو د مسلمانانو پوځونه څه کوي!؟

د رسول الله صلی الله علیه وسلم امت ته د دعا امر شوی، خو هېڅکله یې پر دعا بسنه نه ده کړې. رسول الله صلی الله علیه وسلم د هغو کسانو په اړه راته ویلي چې ټولې لارې پرې بندې شو او باران اړ کړل چې یوه غار ته ننوځي؛ یوه لویه ډبره راولوېده او د غار خوله یې بنده کړه. دوی هڅه وکړه چې خپله لار خلاصه کړي، خو بریالي نه شول. دغه وخت یې د دعا پر مهال خپل نېک عملونه الله سبحانه وتعالی ته وړاندې کړل، تر دې چې الله سبحانه وتعالی د هغوی مرسته وکړه، ډبره لرې شوه او دوی وژغورل شول.

خو چاته چې الله سبحانه وتعالی شرعي حکم روښانه کړی وي، خو عملي کوي یې نه، حللاره نه لټوي او پر ځای یې یوازې پر دعا بسنه وکړي؛ په دې کې شک نشته چې هغه ګناهکار دی او هېڅکله به له هغې بلا خلاص نه شي چې ورسره مخ دی؛ مګر دا چې هغه حل لاره او درملنه عملي کړي چې الله سبحانه وتعالی یې امر کړی. نو که موږ یوازې پر دعا بسنه وکړو، ګناهکاره به وو! که څوک ډوبېږي، دعا یې ژغورلی شي!؟ که یو انسان ووینئ چې ستاسو د سترګو پر وړاندې په اوبو کې ډوبېږي، دعا ورته کوئ!؟ ورته ژاړئ!؟ ایا لاریونونه کوئ چې کېدای شي الله سبحانه وتعالی یې وژغوري!؟ او که باید لامبوزن ځان اوبو ته واچوي او ډوبېدونکی کس وژغوري. امت هم لاس او پېښې خوځوي او چیغي وهي چې هغه کسان چېرې دي چې ډوب شوي وژغوري!؟

نن ورځ په غزه کې الوتکې بمبار کوي؛ نو د مسلمانانو الوتکې چېرته دي!؟ د مصر، ترکیې او اردن پوځونه د نړۍ تر ټولو مډرنې الوتکې لري، نو د کوم وخت او کومو کسانو لپاره یې ساتي!؟ اې د اسلام اتلانو! اوس د دغو وسلو د کارولو وخت دی؛ لکه د ترکیې یو افسر، تنتاش چې وویل: «موږ چې له محمد صلی الله علیه وسلم سره د جهاد بیعت کړی، نور به ژوندي پاتې نه شو.» هغه وسله یوازې د دې لپاره ګرځوله چې د روسیې سفیر ووژني او د سوریې د مسلمانانو غچ واخلي.

لکه د مصر د پوځ اتل، محمد صلاح چې خپل ځان یې الله سبحانه وتعالی ته وقف کړ، یهودیانو ته یې سپکاوی وکړ او تر هغه یې چې په تن کې ساه وه، د هغوی زرګونه کسان یې ووژل او زخمي یې کړل. دوی هماغه د اسلام اتلان دي. دا د محمد صلی الله علیه وسلم د پوځ ممثلین دي. هو، له دغه واقعیت سره دغه پوځونه د حکامو نه، بلکې د امت پوځونه دي. باید هڅه وشي چې د هغوی قومانده له ظالمو او طاغوتي حکامو څخه واخیستل شي او امت ته وسپارل شي.

په رښتیا هم د اسلامي خاورو حکامو ته کومه هیله نشته، په ځانګړي ډول د یهودي غاصب رژیم شاوخوا اسلامي خاورو؛ لکه مصر، سوریې، اردن، لبنان حکامو او دغه راز اردوغان ته. اردوغان په خپلو شعارونو د امت ځینو بچیانو ته دوکه ورکوي او هغوی ورته هیله‌مند دي، خو د غزې په جګړه کې یې دوکه او نفاق ښکاره شو. غزه په اور کې سوځي خو دی تشې غندنې کوي او اوربند غواړي؛ یرغلګر او هغه څوک چې یرغل ورباندې شوی، برابر ګڼي. په داسې حال کې چې اوس د وسلو او الوتکو استولو وخت دی. اردوغان هغه څوک دی چې اوکراین ته یې الوتکې ولېږلې او ویې ویل چې باید ټول اوکراین ازاد شي؛ خو غزې ته یې یوازې اوبه او کفن واستول.

هغه اوبه او کفنونه چې ډېر یې په رفح کې ظبط شول او تر اوسه غزې ته د داخلېدو اجازه نه ده ورکړل شوې؛ یوازې یوه کوچنۍ برخه یې رسېدلې. اردوغان الوتکې لري، نو ولې یې له مسیحي کفارو سره مرسته وکړه، خو له مسلمانانو سره یې نه کوي؟ ایا د مظلومو او کمزور مسلمانانو ملاتړ لومړیتوب نه دی!؟ که له هغه سره د دین او صداقت په نوم څه پاتې وي، نو پوځونه دې بسیج کړي، دا د جهاد وخت دی.

موږ باید د خپلو پوځونو قومانده بیرته تر لاسه کړو او د رسول الله صلی الله علیه وسلم رایه «بیرغ» ورپوو. زموږ پوځونه باید زموږ پر وړاندې نه وي، بلکې باید زموږ لپاره ځواک او قوت وي. هغه ځواکونه او قوت چې په غزه او ټولو ځایونو کې د مسلمانانو ساتنه او ملاتړ وکړي؛ داسې نه چې د خاینو حکامو، لکه د اردن پادشاه، د مصر فرعون او نورو طواغیتو او ظالمانو د څوکیو ساتلو په خدمت کې وي چې د مسلمانانو پر ټټر ناست دي.

لومړی پیغام دا دی چې اوس د اسلامي خاورو د پوځونو راپورته کېدو او لاس پکار کېدو وخت دی. اوس هغه وخت دی چې د اسلامي امت پوځونه د ظالمو او طاغوتي حکامو د تصمیمونو پر وړاندې قیام ورکړي، د غزې د سړیو، ښځو او ماشومانو چیغو او نارو ته لبیک ووایي او د الله سبحانه وتعالی د تر ټولو ناوړه دښمنانو پر وړاندې له مجاهدینو سره یوځای شي.

دویم پیغام د محمد صلی الله علیه وسلم امت ته دا دی چې اې د محمد صلی الله علیه وسلم امته! پوځونو ته پر هغه څه خطاب وکړئ چې الله سبحانه وتعالی پر هغوی فرض کړي او هغوی جهاد، د ظالمو او طاغوتي حکامو اطاعت نه کولو او پر ټولو اطاعتونو د الله سبحانه وتعالی د اطاعت مقدم کولو ته راوبولي او ورته ووایي چې که د مخلوق په فرمانبردارۍ کې د خالق نافرماني وي، په هېڅ صورت جواز نه لري.

درېیم پیغام هم امت ته دی، طاغوتي او ظالمو حکامو ته نه دی؛ بلکې د محمد صلی الله علیه وسلم امت ته، د محمد صلی الله علیه وسلم فعالانو ته، د محمد صلی الله علیه وسلم په امت کې د قدرت څښتنانو ته! امریکا په دې لټه کې ده چې د فلسطین قضیه د دوو دولتونو حللارې پر بنسټ حل کړي؛ داسې د فلسطین ۷۸ سلنه خاوره یهودو دولت ته ورکوي او یوازې ۲۲سلنه خاوره چې د یوه ولایت مساحت کېږي او غزه، لوېدیځه غاړه او د مسجد الاقصی او ابودیس یوه برخه پکې شاملېږي، له فلسطین سره پاتې کېږي؛ دا به یو غیر نظامي او بې وسلو دولت وي. هغه هم داسې چې د اسلامي نړۍ ټول ظالم او طاغوتي حکام به د صهیونستي رژیم شتون په رسمیت پېژني.

دا همغه امریکایي پروژه ده چې امریکا او مزدوران یې، د اسلامي خارو خاین حکام د هغې د ترسره کېدو لپاره هڅه کوي او ورته لېواله دي - الله تعالی خو دې دوی ټول تباه کړي. په داسې حال کې چې د غزې پر خلکو بمبار کېږي، سړي، ښځې او ماشومان وژل کېږي، غزه له ځمکې څخه د ورکېدو په حال کې ده؛ خو وینو چې د اسلامي خاورو حکام تل د دوو دولتونو حل لاره وړاندې کوي. هغه پروژه چې له څو اونیو راهیسي د مصر کنفرانس د خاینو ګډون کوونکو له خوا تکراري مطرح کېږي چې د دوو دولتونو حل لاره او اوربند دی. په داسې حال کې چې دا هغه حل لاره نه ده چې الله سبحانه وتعالی پرې راضي وي، بلکې دا هغه حل لاره ده چې الله سبحانه وتعالی ناراضه کوي، امریکا خوشحالوي او د امریکا د سیاست او مصلحت په ګټه ده.

نه، په الله دې قسم وي چې تاسو ناکام، ذلیل او رسوا شوئ او هر کس چې هغه ته دعوت شو، هغه هم ناکام او رسوا شو، ځکه د یهودو پر وړاندې حل لاره دا ده چې د یهودو دولت بشپړ له منځه ولاړ شي او د فلسطین تر ازادۍ پورې په دې برخه کې شرعي حکم جهاد دی.

هر کله چې موږ له دې وړې او په هېڅ شمار ډلې سره -چې د نړۍ له لېرې ځایونو څخه زموږ زړه او د اسلامي نړۍ زړه ته راغلي دي- تر مبارزې وروسته سره راټول شوي یو او بیا راټولېږو؛ د هغوی تر هرې ماتې او جګړې وروسته وینو چې طاغوتي او ظالم حکام تر جګړې وروسته قضیه په یوه نوي سیاسي خیانت بدلوي. دغه کسان، چې له مسلمانانو سره یې خیانت وکړ او له دښمنانو سره یې د مسلمانانو د جهاد مخه ونیوله؛ وینو چې د شهیدانو له وینو سره خیانت کوي او د مسلمانانو د قربانیو د بې ځایه کولو لپاره راپورته کېږي.

وینو چې نه یوازې د مسلمانانو د بریا قوت او ځواک یې تیت‌پرک کړی او د هغوی بریا له خاورو سره خاورې کوي؛ بلکې هغوی ته یې سیاسي ماتې ډالۍ کړې او په خبرو اترو کې یهودیانو ته هغه څه په لاس ورکوي چې دښمن هېڅکله نه دی توانېدلی چې د جګړې په ډګر کې یې تر لاسه کړي. موږ ټولو ته د دې مسلې په اړه خبرداری ورکوو او په سر کې یې د غزې خلکو، مجاهدینو او د محمد صلی الله علیه وسلم پاتې امت ته وایو: «مه پرېږدئ چې هغوی ستاسو بریا، مبارزه او ثبات درنه غلا او په سیند لاهو کړي».

د فلسطین د قضیې د حل لپاره یوازې دا یوه لاره ده چې ټول فلسطین ازاد شي. فلسطین د مسلمانانو د ملکیت خراجي خاوره ده او باید بېرته مسلمانانو ته ورکړل شي. په دې خاوره کې صهیونیستي، یهودي او یا صلیبي ته هېڅ ځای نشته. دا خاوره د قیامت تر ورځې د محمد صلی الله علیه وسلم په امت پورې اړونده ده او یهودیان هغه کسان دي چې الله سبحانه وتعالی یې د ذلت په اړه موږ ته خبر راکړی. موږ تر دې وړاندې هغوی په جګړه کې تجربه کړي دي. که تاریخ، قران او د عدنان پیغمبر سنت ولولئ، پوهېږئ چې موږ څنګه له یهودیانو سره وجنګېدو. دا د غزې خلکو، ټولو مسلمانانو او د قدرت هغو څښتنانو ته زیری دی چې د داسې فرصت په تمه دي چې د الله سبحانه وتعالی په لاره کې جهاد ته ور ودانګي.

تاریخ ته ور وګرځئ: موږ د بني قینقاع، بني النضیر، بنی قریضه او د خیبر له یهودیانو سره وجنګېدو او له یهودو سره مو څلور جګړې وکړې. د هغوی وسلې مو په غنیمت ونیولې، خاورې مو ترې ازادې کړې او د هغوی سړي او ښځې مو بندیان کړل. څه یې چې په لاس کې وو، د مسلمانانو غنیمت شول. هغوی یو ځل هم موږ ته ماتې رانه کړه، خو موږ څو ځله هغوی بندیان او وسلې مو یې په غنیمت کې ونیولې. انشاءالله چې د یهودو اوسنی رژیم او کومې وسلې چې نن ورسره دي، ژر به د محمد صلی الله علیه وسلم د امت مال شي. دا مو د سر په سترګو ولیدل، یوازې د مجاهدینو یوه ډله هغوی ته ور واوښتل، دېوال یې ونړاوه، او ومو لیدل چې څه پېښ شول!؟

﴿ٱدخُلُواْ عَلَيهِمُ ٱلبَابَ فَإِذَا دَخَلتُمُوهُ فَإِنَّكُم غَٰلِبُونَ...﴾ [مائده: 23]

ژباړه: له دغې دروازې پر هغوی برید وکړئ او چې هلته دننه شوئ، هرو مرو بریالي کېږئ...

لسګونه او ان سلګونه یهود ووژل شول او زرګونه نور د مجاهدینو له کوچنۍ ډلې څخه وتښتېدل. موږ پخپلو سترګو ولیدل چې مجاهدینو څنګه هغوی له ټانکونو څخه را وایستل، وسلې يې ترې واخیستې او تر ټولو پیاوړو نظامي اډو ته یې لاس رسی پیدا کړ. موږ ولیدل چې څرنګه یهودیان په فردي او ډله‌ییزه بڼه وتښتېدل. په الله قسم، په الله قسم او په الله قسم چې دغه خلک د محمد صلی الله علیه وسلم له امت سره د جګړې او مخامخ کېدو وس نه لري.

هېڅکله له هغه پوځ سره مبارزه نه شي کولی چې جهاد یې اعلان کړی او د محمد صلی الله علیه وسلم بیرغ یې پورته کړی دی.

اې اسلامي امته! تاسو تر ټولو غوره امت یئ چې د خلکو د هدایت لپاره پیدا شوي یئ! په تاسو کې خیر دی او الله سبحانه وتعالی له تاسو سره ژمنه کړې. کله چې الله سبحانه وتعالی مسلمانانو ته خبر ورکړ چې له یهودو سره جګړه کوي او د الله سبحانه وتعالی په مرسته بیت المقدس ازادوي، ښايي بیت المقدس د اسلام د رهبرۍ مرکز او د زیري ورکړل شوي راتلونکي اسلامي دولت پلازمېنه وي.

اې اسلامي امته! الله سبحانه وتعالی له تاسو سره د روم د فتحې ژمنه کړې. اې اسلامی امته! په یاد ولرئ چې الله سبحانه وتعالی له تاسو سره د یهودو د له منځه وړلو او پر ټوله خاوره د حکومت کولو ژمنه کړې. ډېر ژر به بیت المقدس د دار الاسلام مرکز او د اسلامي دولت پلازمېنه شي! انشاءالله! اې اسلامي امته! د الله سبحانه وتعالی ژمنه ستاسو په تمه ده، د الله سبحانه و تعالی نصرت ستاسو په تمه دی! یوازې دا بسنه کوي چې له الله تعالی سره وئ او د الله سبحانه وتعالی د فرمان پلي کولو لپاره هڅه وکړئ. تاسو د الله سبحانه وتعالی شریعت حاکم کړئ، د ظالمو او طاغوتي حکامو تخت له منځه ځي. د بیت المقدس د ازادۍ لپاره جهاد اعلان کړئ او له خپلو وروڼو سره په قدس او غزه کې یوځای شئ.

له علی او قدیر الله تعالی څخه غواړم چې مسجد الاقصی زموږ په ژوند او لاسونو ازاد او زموږ په برخه شي چې ژر تر ژره هلته پر امیرالمومنین پسې لمونځ ادا کړو...! له علی او قدیر الله تعالی څخه غواړو چې د مجاهدینو قدمونه ثابت کړي، هغوی ته قوت ورکړي او پر دښمنانو یې بریالي کړي. همدارنګه ناروغانو او ټپیانو ته يې شفا ورکړي او د شهیدانو شهادت قبول کړي...!

اې د غزې خلکو! تاسو اوس علماوو، ځوانانو، سپین‌ږیرو، ماشومانو او د امت مشرانو ته ایمان، استقامت او قرباني ورښيئ! الله سبحانه وتعالی خو دې ستاسو قدمونه همداسې ثابت کړي، د هغه سبحانه وتعالی په امن کې شئ او هغه سبحانه و تعالی خو دې ژر نصرت درکړي! الحمدالله چې الله سبحانه وتعالی موږ د محمد امت، د جهاد امت او د اسلام له احکامو څخه د ستر حکم امت کړو.

اوس: د محمد صلی الله علیه وسلم د امت منادي د حی الجهاد غږ کوي! څوک شته چې غږ ته یې لبیک ووایي!؟ چېرته دي د مسلمانانو پوځونه چې د الله سبحانه وتعالی دین ته د نصرت ورکولو پر لور ودانګي؟ د مسلمانانو پوځونه چېرته دي چې د اسلامي خلافت پوځ جوړ کړي، هغه پوځ چې د یهودو رژیم به له منځه یوسي او د دغه رژیم کافرو ملاتړو دولتونو ته به یې خپل حد ور وښيي!؟ مستعان الله تعالی فرمایي:

﴿يَٰٓأَيُّهَا ٱلَّذِينَ ءَامَنُواْ كُونُوٓاْ أَنصَارَ ٱللَّه...[صف: ۱۴]

ژباړه: اې هغو کسانو چې ایمان مو راوړی، د الله (سبحانه و تعالی) انصار شئ...!

الوعی مجله: ۴۴۸-۴۴۹مه ګڼه

لیکوال: الشيخ الدكتور محمد ابراهيم

د حزب التحریر ـ ولایه لبنان مطبوعاتي دفتر رییس

ژباړه: بهیر «ویاړ»

د مطلب ادامه...

یهودي دولت د عربي رژيمونو سيوری دی. کله چې شی له منځه یوړل شي، سیوری یې هم له منځه ځي

  • خپور شوی په تونس

(ژباړه)

حزب التحريرـ ولایه تونس هره جمعه د غزې د ملاتړ په موخه لاریون کوي. دغه جمعه، چې د ۲۰۲۴م کال، د جنورې ۱۲مه کېږي، لاریون په پلازمینه کې له الفتح جومات څخه پیل شو او د ښاروالۍ تر تیاتر پورې یې دوام وکړ. د دغه لاریون شعار « یهودي دولت د عربي رژيمونو سيوری دی. کله چې شی له منځه یوړل شي، سیوری یې هم له منځه ځي» و؛ خو داسې ښکاري چې دا سرليک د تونسي چارواکو  د خوښې وړ نه و، ځکه پر لاریون یې بريد وکړ او هغه بنرونه یې لرې کړل چې دا سرليک پرې ليکل شوی و. ولې!؟

۱. دغه عرب رژیمونه هماغه رژيمونه دي، چې ولاړ وو او کتل یې او اوس هم سیل کوي، چې یهود د فلسطین خلک وژني. دوی ان د فلسطینیانو په وژلو کې د یهودو ملاتړ کوي. که نه نو ولې د ۱۰۰ ورځو په تېرېدو لا هم هېڅ نه کوي!؟ ځینې یې ان د امریکا، برتانیې یا یهودي دولت اجازې ته په تمه دي، چې لارې پرانېزي او دوی خپلې کوچنۍ مرستې غزې ته ورورسوي!

۲. د تونسي چارواکو په ګډون دغه عرب رژیمونه هغه کوچني دولتونه دي، چې په ۱۹۲۴م کال کې د مسلمانانو د دولت (خلافت) تر ړنګېدو وروسته د فرانسې او انګليس له لوري د سایکس- پیکو ناوړه تړون په پایله کې رامنځته شول.

۳. دغه عرب رژیمونه د یهودو غبرګوني وروڼه دي. دواړه د برتانیې او فرانسې استعماري کړیو له لوري رامنځته شوي دي.

۴. دغه عرب رژیمونه او یهود دواړه د مسلمانانو د یووالي له منځه وړلو او د دې لپاره رامنځ ته شوي چې مسلمانان وځوروي او د غربي استعمار غلامان او تابع یې کړي.

۵. دا هغه عرب رژیمونه دي چې تل یې د یهودي دولت ساتنه کړې. د ۱۹۴۸، ۱۹۵۶، ۱۹۶۷ او ۱۹۷۳ کلونو جګړې یوازې د یهودي دولت د لا پیاوړتیا او د مسلمانانو د ویشلو لپاره وې.

دا د هغو حقیقتونو یوه خبره ده چې د تونس په ګډون ټول د عربي رژيمونو په اړه پرې پوهیږي؛ همدا چې امریکا او انګليس د اسلامي خاورو پر اسمانونو ګرځي، هر څوک چې هر چېرته وغواړي بمباروي یې، هر ځای خلک له منځه وړي او په فلسطين کې مسلمانان وژني، خو دوی ولاړ دي او سیل یې کوي.

ایا حقیقت مو دومره ډېر ځوروي!؟ ستاسو حقیقت ډېر تریخ دی!؟ ایا اوس د دې وخت نه دی چې راویښ او پوه شئ چې د تونس رژیم په ګډون دا رژیمونه د یهودي دولت له غبرګونو پرته بل څه نه دي؟ د دوی ساتنې ته لا دوام ورکوئ!؟

ايا اوس د دې وخت نه دى چې د حق، خپل امت، خپل دين او او خپلې خاورې تر څنګ ودريږئ!؟ ایا اوس د پولو او خنډنو د له منځه وړلو وخت نه دی!؟

اې پوځونو: موږ تاسو ته نه وایو چې د غزې خلک وژغورئ، ځکه چې دوی له یو بې مثاله عزت څخه برخمن دي. موږ تاسو ته وایو چې خپل ناموس وژغورئ، خپل نارینه‌توب وژغورئ چې د استعماري اجنټانو لخوا تر پښو لاندې شوی. ایا ستاسو په منځ کې کوم د عقل او فکر خاوند نشته!؟

د حزب التحريرـ ولایه تونس مطبوعاتي دفتر

۱۴۴۵ هـ.ق کال، د رجب ۱

۲۰۲۴م کال، د جنوري ۱۳مه

ژباړن: محمد حامد

د مطلب ادامه...

د ترهګرو د مشرې، امریکا د بهرنیو چارو کینه‌کښ وزیر کوربه‌توب لوی شرم دی!

خبر:

د امریکا د بهرنیو چارو وزیر انتوني بلینکېن منځني ختیځ ته د خپل سفر په ترڅ کې ترکیې ته لاړ او له خپل ترکي سیال، هاکان فیدان سره تر لیدنې وروسته یې له ولسمشر رجب طیب اردوغان سره وکتل.

تبصره:

په غزه کې د اکتوبر ۷مې له پېښې وروسته منځني ختیځ ته د سفرونو په لړ کې بلینکېن دویم ځل ترکیې ته سفر وکړ. نوموړي ترکیې ته په خپل لومړي سفر کې یوازې د بهرنیو چارو له وزیر، هاکان فیدان سره لیدلي وو، دا ځل یې له ولسمشر اردوغان سره وکتل.

په غونډه کې د بحث اصلي موضوعات په ناټو کې د سویډن غړیتوب او پر ترکیې د څلوېښتو F-16 جنګي الوتکو پلورل وو. ویل شوي چې امریکا پر ترکیې فشار راوړی چې په ناټو کې د سویډن غړیتوب نور ونه ځنډوي. د سرچینو د معلوماتو له مخې، د دغې لیدنې اصلي موضوع غزه وه. فیدان په غزه کې د سمدستي اوربند او دوامدارو بشري مرستو د رسولو پر اړتیا ټینګار وکړ او د دوو-دولتونو حللارې په اړه یې د خبرو اترو د ژر تر ژره پيلېدو غوښتنه وکړه.

په ترکیه کې د کینه‌کښ ترهګر دولت د وزیر کوربه توب لوی شرم دی. دا د ترکیې دولت لپاره د شرم ځای دی چې د ترهګرو د مشر دولت د بهرنیو چارو وزیر په وینو لړلي لاس ته لاس ورکړي؛ امریکا په خپل ټول توان سره د یهودي اشغالګر دولت ملاتړ  او ساتنه کوي چې د فلسطیني مسلمانانو ټول‌وژنې ته دوام ورکړي. د بهرنیو چارو، وزیر هاکان فیدان بیا د دوو-دولتونو حللارې خبره کوي چې د امریکا ناوړه پلان او د خیانت پروژه ده. امریکا خپل ټول زور وهي چې دا پلان پلی کړي. له دغې حللارې ملاتړ په حقیقت کې د غزې د مسلمانانو له سپیڅلي مقاومت سره خیانت دی.

د ترکیې دولت د عمل پر ځای تشې خبرې کوي؛ هڅه کوي چې د غزې مسلمانان د یهودو له بمونو څخه په تشو خبرو وژغوري. د ترکیې دولت د ترکيې د مسلمانانو لخوا له يهودو سره د ټولو ډيپلوماټيکو او سوداګريزو اړیکو د بندولو او الاقصی ته د پوځونو د لېږلو غوښتنو ته غوږ ونه نيوه. دغو ټولو غوښتنو ته یې ځان کوڼ او بې احساسه نیولی و. برعكس يې له هغو وحشي اشغالګر يهودو سره ډیپلوماټیکې او سوداګريزې اړيكې ټينګې كړې، چې د مسلمانانو ټولوژنه او نسل وژنه كوي. د دې پر ځای چې له یهودي دولت سره یې ټولې اړیکې پرې کړې وی، د ترکیې له بندرونو څخه د یهودي دولت بندرونو ته یې د تیلو او خوراکي توکو بیړیو لېږلو ته دوام ورکړ. ترکیه هغه اشغالګر یهودي دولت ته خوراکي توکي لیږي چې فلسطیني مسلمانان په لوږه وژني. کله چې یهودي دولت ته لیږدونکي د تیلو او خوراکي توکو بیړۍ افشا شوې، حکومت هڅه وکړه چې خبره په دې پلمه پټه کړي چې دا بیړۍ د خصوصي شرکتونو دي او له دولت سره هیڅ تړاو نه لري.

د ترکیې دولت په سیمه کې د امریکا د ګټو د خوندي کولو لپاره پراخې هڅې کوي؛ خو پر مسلمانانو د بریدونو او ځورونې پر وړاندې محافظه کاره رول لوبوي. ان یوه کوچنۍ نیوکه هم نه کوي. د ترکیې دولت د امریکا د غوښتنو پوره کولو لپاره خپله ټوله هڅه کوي؛ خو د مسلمانانو پوځونه یې بندي کړي چې په غزه کې د یهودو ظلمونه ختم کړي او له مبارکې خاورې څخه د یهودي دولت جرړې وباسي. کله چې خبره د امریکا د غوښتنې وي، پرته له دې چې زړه نا زړه شي، خپل سرتېري ډېرو سیمو ته استوي.

لنډه دا چې په دغو بې احساسه حکامو د مسلمانانو د عزت او وقار دفاع نه شي کېدی. د اشغالګر یهودي دولت ظلمونه او نسل وژنه به هيڅکله ونه دریږي. دغو ظلمونو او وحشتونو ته یوازې د نبوت پر منهج راشده خلافت د پای ټکی ږدي او یهود اشغالګر له مبارکې خاورې شړي؛ ځکه د خلافت د مسلمانانو وینې، عزت او وقار ته د خپلې وینې، عزت او وقار په سترګه ګوري.

د حزب التحریر مرکزي مطبوعاتي دفتر ته

یلماز چیلیک

۱۴۴۵هـ.ق کال، د رجب ۴مه

۲۰۲۴م کال، د جنوري ۱۶مه

د مطلب ادامه...

په غزه کې د جګړې وروستي تحولات

  • خپور شوی په سیاسي

د غزې پر وړاندې د اسرایلو جګړې په اړه موږ په اصلي جیوپولیټیک تحلیل کې دې پایلې ته ورسېدو چې دا د اسرایلو او امریکا تر منځ د لویو سټراټيژیکو اختلافاتو پایله ده. امریکا غواړي خپل ټول پام «اسیا ته واوړي» او د دې لپاره اړتیا لري چې اسرایل د اسلامي نړۍ له هېوادونو سره رسمي تړونونه لاسلیک کړي او د یوه فلسطیني دولت له تاسیس سره توافق وکړي. د نتنیاهو په مشرۍ اسرایلي حکومت غواړي د «ابراهیمي تړونونو» ځینې شرطونه بدل کړي چې په منځني ختیځ کې له خپلې نظامي برترۍ ډاډ ترلاسه کړي او د فلسطیني دولت د تاسیس په اړه له خبرو اترو ډډه وکړي. د دې پر ځای غواړي د «فلسطین مسله» داسې حل کړي چې د فلسطین خلک له غزې او لوېدیځې غاړې وباسي او دا سیمې په «لوی اسرایل» پورې وتړي. موږ ویلي وو:

«په ډېر احتمال امریکا د اکتوبر په ۷مه د حماس د برید له پلان څخه خبره وه او د اسرایلو له ځینو پوځي او سیاسي عناصرو سره یې کار وکړ چې دا پلان بریالی شي. د امریکا موخه دا وه چې د اکتوبر د ۷مې پېښې څخه پر نتنیاهو د فشار راوړلو لپاره ګټه واخلي چې د منځني ختیځ لپاره د امریکا له جیوپولیټيکې سټراټېژۍ سره سم عمل وکړي.»

موږ دغه راز په اصلي جیوپولیټيک تحلیل کې وویل چې اوس، د ډسمبر له لومړیو تر نیمایي، امریکا نه ده بریالۍ شوې چې له نتنیاهو هغه څه ترلاسه کړي چې غواړي یې. په دغه جیوپولیټیک تحلیل کې موږ پر دې بحث کوو چې له هغه وخت راهیسي تر اوسه څه شوي او دغه تحولات د غزې د جګړې د تر ټولو ممکن مسیر په اړه څه ته اشاره کوي.

د ۲۰۲۳م کال په ډسمبر میاشت کې د غزې جګړه

صهیونیستي ادارې په ټول ډسمبر کې پر غزې خپلو بریدونو ته دوام ورکړ. د ډسمبر تر ۲۶مې پورې، ۲۹۱۲۴ فلسطینیان وژل شوي. د وژل شوو کسانو لویه برخه ملکیان وو؛ ۱۱۴۲۲ ماشومان، ۵۸۲۲ ښځې، ۴۸۱ روغتیايي کارکوونکي او ۱۰۱ خبریالان.

په ډسمبر کې د اسرایلو پوځي عملیاتو د غزې زړه ته نفوذ وکړ او د غزې په مرکز او سوېل– اسرایلي پوځ د غزې د ۲.۳ میلیونه نفوس لویې برخې ته ویلي وو چې سوېل ته وتښتي – کې سیمې په نښه کوي.

امریکا د صهیونیستي ادارې له پوځ څخه خپل عملیاتي ملاتړ ته دوام ورکړ. صهیونیستي ادارې ته د وسلو تامین کولو لپاره بایډن دوه ځله نامعمولې پرېکړې وکړې چې په منځني ختیځ کې بیړنۍ حالت اعلان کړي تر څو د وسلو د پلور په اړه د کانګرس له اجباري بیاکتنې ځان خلاص کړی شي. د ډسمبر پر ۸مه، د بایډن ادارې د بیړني حالت له بند څخه په استفادې په بیړنۍ توګه اسرایلو ته ۱۳۰۰ د ټانک مرمۍ ورکړې. د ډسمبر په ۲۹مه یې بیا دا کار وکړ او پر اسرایلو یې نور توپچي مهمات او اړوند تجهیزات وپلورل.

امریکا د عملیاتي ملاتړ سربېره، د اسرایلو له پوځي عملیاتو ډیپلوماټیک ملاتړ ته هم دوام ورکړ. د ډسمبر په ۸مه یې د بیړني اوربند لپاره د ملګرو ملتونو پرېکړه‌لیک ویټو کړ. د ډسمبر په ۲۲مه ملګرو ملتونو یو نسبتاً کمزوری او خفیف پرېکړه لیک خپور کړ چې له مخې یې «د غزې تړانګې له لارې د فلسطین ملکي وګړو ته په بیړنۍ، خوندي او له کوم خنډ پرته د یوه مقیاس له مخې بشري مرستو رسولو ته اجازه ورکړل شي»؛ دې پرېکړې ته امریکا ممتنع رایه ورکړه.

د پردې تر شا امریکا د صهیونیستي ادارې د لومړي وزیر، نتنیاهو ښکېلولو ته دوام ورکړی چې د داسې اقداماتو کولو مسیر ته یې برابر کړي چې د امریکا له جیوپولیټيکې سټراټيژۍ سره سم وي. امریکا له اسرایلو غوښتل چې په خپله جګړه کې یوه نوي پړاو ته ننوځي؛ یعنې له یوې مخې د غزې د بمبار کولو پر ځای پر دې تمرکز وکړي چې «په دقیقو لارو د حماس رهبري په نښه کړي». امریکا اسرایلو ته وویل چې تمه لري دا نوی پړاو په «څو اونیو» کې پیل شي. اسرایلو د امریکا د غوښتنو نه منلو ته دوام ورکړ او ویې ویل چې یوازې هغه وخت خپل نظامي تکتیکونه بدلولی شي چې پر غزې د جګړې څو نورې میاشتې هم تېرې شي. سره له دې، په ډسمبر کې د امریکا د دفاع وزیر، لوئډ آسټین تر سفر وروسته، اسرایلو د خپلو خبرو شدت بدل کړ. د ډسمبر په ۱۸مه، د اسرایلو دفاع وزیر، یواو ګېلانټ له لوئډ آسټین سره په ګډ خبري کنفرانس کې وویل: «موږ به ژر وکولی شو چې په غزه کې د بېلابېلو سیمو ترمنځ توپير وکړو او وبه کولی شو چې ورو ورو راتلونکي پړاو ته لاړ شو او د دې لپاره کار کول پیل کړو چې د سیمې اوسېدونکي بېرته راولو».

د داسې کړنو کولو مسیر ته چې امریکا یې غواړي، د اسرایلو په راوستلو کې د امریکا «ورو خو تدریجي بریا» د ډسمبر په وروستیو کې بیا ښکاره شوه. د اسرایلو لومړي وزیر، نتنیاهو په وال سټریټ ژورنال کې یوه نظریاتي مقاله خپره کړه؛ نتنیاهو په دې مقاله کې ویلي چې د سولې تر خبرو وړاندې «باید حماس له منځه یوړل شي، غزه غیر نظامي شي او فلسطیني ټولنه د بنسټپالنې له فکره وایستل شي». دا ښیي چې امریکا پر اسرایلو د خپلو غوښتنو منلو ته یو څه نیږدې شوې؛ دا لومړی ځل دی چې نتنیاهو د جګړې د ختمېدو، خبرو اترو او سولې خبرې کوي؛ ۸ اونۍ وړاندې يې دا هر څه ردول. سره له دې، د نتنیاهو غوښتنې نه یوازې دا چې واقعي نه وې، عملاً ناشونې وې. په بل عبارت، نتنیاهو د امریکا غوښتنې ته تسلیم شو چې تر جګړې وروسته حللارې باندې خبرې وکړي؛ خو غواړي دا کار په یوه داسې لار وکړي چې تر خپله وسه جګړه وغځوي.

د نتنیاهو پر خبرو سربېره، د ۲۰۲۴م کال د جنورۍ په لومړۍ نېټه اسرایلو اعلان وکړ چې له غزې خپل ځینې پوځیان راباسي چې پر حماس لا هدفمنده عملیات وکړي. دا تاییدوي چې یهودي اداره د امریکا له فشاره خوندي نه ده او پر مقاومت سربېره یې باید د امریکا غوښتنو ته تسلیم شي، ځکه چې د امریکا وسلو، پیسو او ډیپلوماټیک ملاتړ ته اړ دي.

له غزې هاخوا

په ډسمبر کې بېلابېل تحولات راغلل چې په منځني ختیځ کې پر یوه پراخه جګړه د غزې د جګړې د بدلېدو پوتانشیل ښيي.

د دغو تحولاتو لومړی هغه یې په سره بحیره کې وشو چې حوثیانو پر ځینو سوداګریزو کښتیو برید وکړ. دغو بریدونو د نړیوال تامین ځنځیر ډېر مختل کړ؛ په کښتیو کې بار وړونکو ځینو لویو کمپینو پرېکړه وکړه چې د حویثیانو د ګواښ له امله له دې لارې لاړ نه شي او د اسیا-اروپا ترمنځ د لېږد رالېږد لپاره د سويس کانال پر ځای د نېکې هیلې راس (Cape of Good Hope) له لارې لاړ شي؛ دا یې سفر ۶ ورځې اوږدوي او بیې ۴۰ سلنه ورسره لوړېږي. امریکا د حوثیانو د کړنو په سبب ایران تورنوي، دا یو پر ځای تور دی، ځکه چې ایران او حوثیانو ترمنځ نږدې اړیکې ثابتې شوې.

په عراق کې هم په ایران پورې تړلو وسله‌والو ډلو لخوا تحرکات زیات شول. هلته د کتائب حزب الله ډلې د امریکا پر پوځي هډې او ډیپلوماټیکو دفترونو د بې پیلوټه الوتکي برید کړی.

امریکا دغو تحولاتو ته، چې دواړه له ایران سره تړاو لري، قاطعانه غبرګون وښود. په سره بحیره کې یې پر حوثیانو برید وکړ او لس کسه یې ووژل. په عراق کې یې د غچ په موخه پر کتائب حزب الله او ایران پورې تړلو نورو وسله‌والو ډلو هوايي بریدونه وکړل. د امریکا غبرګون ښيي چې دوی پیاوړی هوډ لري چې د غزې جګړه افقي شدت پیدا نه کړي.

پر دې سربېره، باید ووایو چې له دغو جنجالي کړنو د ایران موخه په ډیر احتمال دا نه وه چې دغه جګړه افقي شدت پیدا کړي او ځان په یوه ریښتینې جګړه کې ښکېل کړي. په عراق کې د کتائب حزب الله ډلې یوه استازي دې ته اشاره وکړه او ویې ویل چې په عراق کې د ایران ملاتړ لرونکې ډلې نه غواړي چې جګړه په سیمه کې خوره شي. د دغې ادعا نور شواهد دا دي چې که ایران غوښتی چې جګړه افقي شدت پیدا کړي، نو په لبنان کې به یې حزب الله ډلې ته لارښوونه کړې وای چې د اسرایلي پوځ پر وړاندې دویمه جبهه پرانیزي. له دغو کړنو د ایران موخه په ډېر احتمال دا وه چې امریکا ته وریاده کړي چې دوی په منځني ختیځ کې نفوذ لري او که وغواړي امریکا ته ستونزې جوړولی شي. په بل عبارت، په ډېر احتمال ایران دغه جنجالونه ځکه زیات کړل چې په خبرو اترو کې خپل دریځ پیاوړی کړي؛ ځکه دوی هڅه کوي چې د امریکا له لوري پرې وضع شوي بندیزونه لرې کړای شي. دا ارزونه هغه ترهګریز برید ته د ایران په غبرګون کې تایید شوه چې د قاسم سلیماني په یادغونډه کې وشوه او نږدې سل کسان پکې ووژل شول. د ایران رهبر، ایت الله خامنه‌اي یوازې یوه بیانیه خپره کړه او د اسرایلو یا امریکا له یادولو پرته یې د دغې پېښې عاملین «د ایران بدخواه او جنایتکاره دښمنان» وبلل – که یې غوښتی چې ایران یوې پرانیستې جګړې ته ننباسي، د دغو عاملینو نوم به یې هرو مرو اخیستی و.

صهیونیستي ادارې هم د ډسمبر له پیل راهیسې ځینې جنجالې اقدامات کړي. د غزې پر وړاندې خپلې جګړې په جریان کې صهیونیستي ادارې ګواښ کړی چې بلاخره به په لبنان کې پر حزب الله برید کوي. د اسرایلو د جګړې وزیر، بیني ګانتز د ۲۰۲۳م کال د ډسمبر په ۱۱مه وویل: «د ایران په ملاتړ حزب الله ډلې تېري او د بریدونو زیاتوالي ته په کتو اړتیا ده چې د اسرایلو په شمال کې کې د ملکي وګړو پر وړاندې دا ګواښ له منځه یوړل شي.» دغه راز د اسرایلو دفاع وزیر، یواو ګېلانټ ویلي: «کله چې په غزه کې د جګړې پروسه بشپړه کړو، نظامي هڅې به شمال ته هدایت شي ... موږ د شمال اوسېدونکي نه شو قانع کولی چې د پولې پر سر خپلو کورونو ته بېرته وګرځي، مګر دا چې ډاډ ترلاسه کړو چې (حزب الله)، چې د حماس په پرتله پياوړې، روزل شوې او مجهزه ډله ده، هلته نشته چې زموږ خلکو ته خطر جوړ کړي.»

پر ګواښونکو خبرو سربېره، اسرایلو مادي اقدامات هم کړي. د اسرایلو دفاع وزیر، یواو ګېلانټ ویلي چې اسرایلي پوځ له اوو په شپږو جبهو کې، چې اوس پکې فعال دي، خپل هدفونه په نښه کړي؛ هغه دا جبهې غزه، لوېدیځه غاړه، لبنان، سوریه، عراق، یمن او ایران یاد کړل. په منځني ختیځ کې د اسرایلي پوځ په ډېری اقداماتو کې د لبنان سوېل په نښه شوی. هلته پر حزب الله ډلې د اسرایلو د بریدونو په پایله کې په اکتوبر، نومبر او ډسمبر کې ۱۱۸ کسان وژل شوي او تر ۵۳۶ زیات ټپیان دي. په وژل شوو کسانو کې ۲۰ ملکیان او یو شمېر خبریالان دي. په سوریه کې هم اسرایلو بریدونه کړي او په دمشق کې یې یو ایرانی ډیپلوماټ، سید رضا موسوي وژلی؛ دا د سپاه پاسداران جنرال و چې له حزب الله او ایران ترمنځ یې د همغږۍ مسولیت درلود. په لبنان کې اسرایلو د حماس د سیاسي برخې مرستیال، صالح العاروري ترور کړ؛ دی د حماس له لوري حزب الله ته ور استول شوی و. دا ډول اقدامات که بل ځای شوي وای، نړیوالې ټولنې به د «جنګي کړنو» په نامه د رایو په اکثریت محکوم کړي وای؛ که چېرې بیا د سترو قدرتونو، لکه امریکا او بریتانیا پر وړاندې شوي وای، ځواب به یې نظامي وای او د هر اړخیزې جګړې ګواښ و.

د سوریې او لبنان پر وړاندې د اسرایلو د جنګي کړنو په ځواب کې امریکا ډیپلوماټیکې هڅې پیل کړې چې په افقي توګه د غزې د جګړې د پراخېدو مخه ونیسي؛ د امریکا د بهرنیو چارو وزیر، انټوني بلينکېن سیمې ته سفر وکړ او د امریکا ډیپلوماټیک استازي، اموس هاکشټاین په ځانګړې توګه پر دې تمرکز وکړ چې د اسرایلو او حزب الله ترمنځ کار وکړي او د دواړو ترمنځ د جګړې مخه ونیسي. پر دې سربېره، امریکا یو بل ګام هم پورته کړ او د جرالډ آر فورډ ضربتي ډله یې له مدیترانې پر شا کړه؛ دا پوځي ډله هلته ځکه مېشت شوې وه چې د غزې جګړې د پراخوونکو لوبغاړو مخه ونیسي. دا چې په دغه حساس وخت کې، چې د جګړې د پراخېدو ګواښ تر بل هر وخت زیات دی، امریکا دغه پوځي ډله بېرته کور ته راوغوښته؛ ښايي سبب یې دا وي چې امریکا غواړي اسرایلو ته دا پيغام ورسوي چې نور باید د جګړې او شخړو له زیاتولو پر شا شي: «کله چې ستاسو کړنې په سیمه کې ستاسو د دښمنانو لخوا د غبرګون سبب کېږي، له موږ څخه د خپلې دفاع تمه مه لرئ او په دې برخه کې حساب مه راباندې کوئ؛ نو هوښیار شئ، ارام شئ او شاته لاړ شئ».

د دغو ټولو خبرو د پردې تر شا؛ مصر د جګړې د ختمولو لپاره د حماس او اسرایلو ترمنځ د خبرو اترو مشري کوي. لکه په اصلي جیوپولیټیک تحلیل کې مو چې ویلي؛ د مصر هڅې د امریکا له پلان سره سمې دي. مصر وړاندیز کوي چې حماس او د اسلامي جهاد ډله د دایمي اوربند په بدل کې، په غزې تړانګه کې خپل قوت پرېږدي.

پایله

د غزې د جګړې وروستي تحولات د غزې په اړه زموږ د اصلي جیوپولیټیک تحلیل (چې تر دې وړاندې نشر شوی) پایله پیاوړې کوي؛ دا چې امریکا د اکتوبر ۷مې پېښې ته د یوه فرصت په سترګه ګوري چې د منځني ختیځ په اړه خپل پلان –چې اسیا ته د بشپړ پام اړولو په اړه جیوپولیټيکې سټراټيژۍ څخه یې راځي- نور هم مخته یوسي: دا چې د اسرایلو پالیسي بدله کړي او دې ته یې اړ باسي چې «ابراهیمي تړونونه» هغسې چې امریکا وړاندیز کوي ومني او د دې ترڅنګ د فلسطین لپاره د دوو-دولتونو حللاره.

زموږ د لومړي تحلیل له خپرېدو راهیسې، امریکا پر یهودي اداره فشار ته دوام ورکړی چې خپلې پالیسۍ د منځني ختیځ لپاره د امریکا له پلان سره برابرې کړي. دا پروسه د «چټکې او مصممې» پر ځای «ورو خو دوامداره» ده؛ ځکه چې په امریکا کې سیاسیون باید په خپل هېواد کې صهیونیستي لابي –چې په تېر تحلیل کې ښه تشریح شوې- مدیریت کړي. «ورو خو دوامدارې او باثباته» تګلارې ځینې بریالیتوبونه ترلاسه کړي؛ لکه دا چې اسرایلي ادارې د غزې جګړې د «نوي پړاو» اعلان کړی. په ورته وخت کې، مصر له حماس سره د کار کولو مشري اخیستې چې د امریکا پلان پرې ومني.

د پام وړ خبره دا ده چې یهودي ادارې په ځانګړي ډول ځینې اقدامات پیل کړي چې د امریکا د پلان پر خلاف، د روانې جګړې د شدیدولو لپاره دي. خو دغو اقداماتو ته امریکا په داسې بڼه ځواب ورکړی چې د اسرایلو له پلان سره نه، بلکې له خپل پلان سره یې سم دی. امریکا پرلپسې هڅې کړې چې کله یهودي اداره جګړه زیاتوي، دوی یې را کابو کوي. امریکا له مدیترانې د خپلې ضربتې نظامي ډلې په ایستلو، پر یهودي اداره لا ډیر فشار راوستی چې په راتلونکي کې د جګړې چټکوونکو کړنو څخه ډډه وکړي.

زموږ ارزونه دا ده چې له دې هر څه سره سره به، لږ تر لږه د یو څه وخت لپاره یهودي اداره خپلو هڅو ته دوام ورکړي چې جګړه زیاته کړي. د دې یو سبب جیوپولیټيک دی. د اسرایلو له نظره، په سیمه کې یوه پراخه جګړه، چې د اسرایلو د نه ماتېدو د ډاډمنولو لپاره امریکا هم فعال ګډون پکې ولري، د دې سبب کېږي چې اسرایل د «ابراهیمي تړونونو» پر شرایطو په خبرو اترو کې د خپلې خوښې او ایډیال دریځ ولري. د ایران، لبنان، سوریې او احتمالاً ان سعودي کمزورتیا د دې سبب کېږي چې یهودي اداره په دغو خبرو اترو کې له هغه څه چې غواړي یې، زیات ترلاسه کړي.

بل دلیل چې اسرایل احتمالاً د جګړې د زیاتولو هڅه کوي؛ د دوی په داخلي سیاست پورې اړه لري. د نتنیاهو په مشرۍ اوسنی اسرایلي حکومت تقریباً پوره ډاډه دی چې د جګړې تر ختمېدو وروسته واک له لاسه ورکوي. کله چې د غزې جګړه، د امریکا د پلان له مخې، راتلونکي پړاو ته ننوځي، د اسرایلو اوسنۍ «د جګړې د بیړني حالت کابینه» به وپاشل شي. په راتلونکو ټولټاکنو کې به نتنیاهو هېڅ چانس ونه لري؛ یوه وروستۍ ټولپوښتنه ښيي چې یوازې ۱۵ سلنه اسرایلیان غواړي چې تر جګړې وروسته نتنیاهو پر څوکۍ پاتې شي. که نتنیاهو واک له لاسه ورکړ، په ډېر احتمال چې زندان ته ځي؛ ځکه چې د فساد او فرېب په بېلابېلو تورونو محاکمه کېږي. ډېری استدلال کوي چې هغه یې په خپله دوره کې د اسرایلو د قضایه قوې د اصلاح په هڅه کې و چې د خپلې محاکمې مخه ونیسي. خو د اسرایلو سترې محکمې د هغه وړاندیز شوي قضایي اصلاحات رد کړل.

له دې سره نتنیاهو او په اوسني حکومت کې د هغه ملاتړو ته د جګړې له دوام پرته بله لار نه پاتې کېږي؛ تر هغه چې د امریکا ټاکنې تېرې شي او د دوی له هیلې سره سم یو داسې ولسمشر راشي چې د دوی د ګټو او موخو ډېر ملاتړ وکړي.

په پای کې، دا پرېکړه به امریکا کوي چې راتلونکي شرایط څنګه مخ ته لاړ شي. د امریکا د «ورو خو دوامدارې» تګلارې دوام، د دوی د کړنو تر ټولو ډېر احتمال لرونکی مسیر دی.

د حزب التحریر مرکزي مطبوعاتي دفتر ته

عدنان خان

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې