چهارشنبه, ۲۰ ربیع الاول ۱۴۴۳هـ| ۲۰۲۱/۱۰/۲۷م
ساعت: مدینه منوره
Menu
القائمة الرئيسية
القائمة الرئيسية

چین او امریکا؛ جګړه، ژمنه او کنټرول

  • خپور شوی په سیاسي

د ۲۰۲۱م، د سپټمبر په ۲۴مه، د قواد غیر رسمي اتحادیې رهبرانو اعلان وکړ: «موږ یو له بل سره تعهد کوو، چې د ازادو او خپلواکو قوانینو، چې له نړیوالو قوانینو څخه سرچینه اخلي، موږ له کوم جبر او ګواښ پرته پرمختیا ورکولو ته ژمن یو، ترڅو چې د هند په پاسیفیک او سیمه کې امنیت پیاوړی شي. [1] دغو رهبراونو په څرګنده د دوی د خبرو د اصلي موخې په توګه د چین نوم وانخیست، خو دا ښکاره وه، چې د دوی اصلي موخه او مخاطب بېجنګ و. سربېره پردې، د اسیا د پاسفیک پر ځای د هند د پاسفیک د اصطلاح یادونه څرګنده اشاره ده چې هند، متحده ایالات، جاپان او استرولیا په سیمه کې د چین د نفوذ زغم نه لري.

د قواد ناسته د AUKUS د اعلامیې په تعقیب ترسره شوه، چې په دغه اعلامیه کې متحده ایالاتو، انګلستان او استرلیا یو نوی پوځي تړون د استرلیا لپاره د نورو شیانو تر څنګ بحري هستوي سیستم اعلان کړ. په ۲۰۱۶م کال کې متحده ایالاتو او انګلستان له چاپان سره یو پوځي تړون وکړ، که څه هم په دغه تړون کې د جاپان لپاره بحري هستوي سیستم نه و شامل، خو چین له دغو دواړو هوکړو سره سخت مخالفت وښود. چین  قواد د یوه میکانېزم په توګه یاد کړی، چې د سړې جګړې ذهنیت دوامداره ساتي.[۲] د چین د بهرنیو چارو وزارت ویاند ژاولیجایان د AUKUS په اړه وویل: «د امریکا دغه اقدام په جدي ډول د سیمې امنیت ثبات ګواښي.» [۳]

که دغه ډول پوځي تمریناتو ته وګورو، نو د اسیا لپاره د اوباما د ستراتیژۍ محور او له چین سره د ټرامپ سوداګریزې جګړې ته کتو، د ناامنۍ د ډېریدو احتمال شنته، چې بلاخره امریکا به له چین سره د مخامخ کېدو پر لور بوځي. د فایننشیال ټایمز په نقل سره، اډوارډ لوس باور لري، چې امریکا به له چین سره ژر جګړه وکړي.[۴] نور شنونکي هم وایي، چې امریکا له چین سره د محدودیت او مخنیوي دریځ غوره کړی او برانډس او بیکلي وړاندیز کړی، چې له تېرو پینځو کلونو راهیسې امریکا د چین په نوي کنټرول باندې لګیا ده.[۵] د لارسون په وینا متحده ایالاتو د سړې جګړې (دویم ساړه جنګ) د وخت محدودیتونه بیا راژوندي کړل، ترڅو د روسیې او چین د شریرانه طرحو مخنیوی وکړي.[۶] په ورته وخت کې د مفکرینو د کوچنۍ ډلې استازی جان آیکن بیري له چین سره په معامله کاملاً باور لري او وایي چې چین به له نړیوال نظم سره سم له لویدیځ سره په حاکمیت کې یو ځای شي.[۷]

د ټکر او نښتې کلیمې اکثراً د جګړې سره معادل دي، خو دغه کلیمې ګمراه کوونکې دي او د امریکا او چین اړیکې په سمه توګه نشي منعکس کولی. په پراخه کچه له هېوادونو سره د امریکا تعامل په دریو مرحلو ویشل کېدای شي؛ چې جګړه، محدودیت (بندیز) او معامله کول دي. له یوې مرحلې څخه بلې مرحلې ته تګ معمولاً ګونګ ښکاري او شنونکي یې له یو دولت سره د امریکا د اړیکو د تشریح کولو لپاره د جنګ او جګړې له کلیماتو څخه استفاده کوي.

ډېری وخت له دغو دریو مرحلو څخه جګړه د یوې ساده اصطلاح لکه تاوتریخوالي په توګه پیژندل کیږي، چې د یوه دولت له لوري پر بل دولت باندې کېږي. که یې په لنډ ډول ووایو؛ جوړ حکومتونه او ان نوي حکومتونه چې قدرت ته رسیږي، له نړیوال نظم سره سم باید د غرب له حاکمیت سره یو ځای شي. په دې توګه ځینې هېوادونه لکه روسیه او چین په غرب باندې د حاکم سیسټم ملاتړ کوي، ان که د غرب برخه له نړیوال سیسټم څخه د زوال په حالت کې هم وي.‏[۸]

د بندیز مفهوم درک کول ستونزمن دی، ځکه په ګونګ ډول تعریف شوی دی. جورج کینان د بندیز د مفهوم اصلي طراح دی، بندیز په نړیواله کچه د کمونیزم د ایډیولوژۍ د نفوذ محدودول دي او د امریکا د بهرنۍ پالیسي نظامي کول دي. کینان د محدودیت په اړه خپل فکر د « سیاسي محدودیت د یو سیاسي ګواښ» په توګه بیان کړ.[۹] داسې ښکاري چې د متحده ایالاتو بریالي حکومتونو په قصدي ډول د کینان د کنترول مفکوره محدوده کړې، ترڅو د هر حکومت نظامي ځواک، اقتصادي، ځمکنۍ توسعې او ایډیولوژیکې هیلې، چې د امریکا ګټو ته خطرناکې ګڼل کېږي، بندې کړي.

له دویمې نړیوالې جګړې وروسته متحده ایالاتو د کوریا په ټاپو وزمه کې د کمونیزم د خپرېدو د مخنیوي په خاطر له چین سره جګړه پیل کړه. له ۱۹۵۳م، څخه وروسته متحده ایالاتو اسیا د اقیانوس په ساحه کې د کمونیزم د ایډیولوژۍ د نفوذ د مخنیوي په خاطر د چین په کنټرولو باندې پیل وکړ. ځینې وخت به متحده ایالاتو په افریقا کې له شورویانو سره او په ویتنام کې له چینایانو سره نیابتي جګړې کولې، تر څو په ټوله نړۍ کې د کمونیزم د نفوذ مخنیوی وکړي. د چین او شوروي کمونیستي هېوادونو د جلا کېدو ۷ میاشتنۍ سرحدي جګړې له امله په ۱۹۶۹م، کې امریکا وتوانیده، چې چین په ډېره اسانۍ سره کنټرول کړي.

د ۲۱مې پېړۍ د لومړۍ لسیزې او ۱۹۷۰م کال تر منځ امریکا هڅه وکړه، چې چین په نړیوال نظم کې ښکېل کړي. د دغو هڅو اوج په WTO د چین د داخلېدو څخه د امریکا ملاتړ و. د ۲۰۰۰ م، کال په نیمایي کې چین د امریکا د ستراتیژیک سیال په توګه پیژندل کېده. که چېرې د افغانستان او عراق جنګ بوش او اوباما نه وای مشغول کړي، امریکا به ډېر مخکې د چین د کنټرول لپاره حرکت کړی و.

نن ورځ، امریکا د دویمې سړې جګړې یا بندیز څخه لاس واخیست. امریکا له خپلو همکارانو سره هڅه کوي چې د چین سمندري ځواک د سویلي اسیا په بحر کې له ګواښ سره مخ کړي. د چین لپاره یې سخته کړه، چې له شمالي کوریا، تایوان او خپلو ګاونډیانو سره ځمکنۍ ستونزې حل کړي. په یورشیا کې د چین د OBOR خرابول دي. په ښکاره ډول د ۱۹۵۰م، راهیسې، د امریکا ایډیولوژیکي اړتیاوې له چین سره د خپلو اړیکو په زړه کې دي، چې اوس یې د جنګ، کنترول(بندیز) او معاملې شکل غوره کړی دی.

د جګړې مرحلې، کنټرول او معامله کول د یوه ځانګړي ملت لپاره نه دي، ځانګړي شوي، سربېره پردې چې عمومي دي، خو د ایډیولوژیکي ملاحظاتو لخوا پر مخ وړل کېږي. په مدینه کې لومړني اسلامي دولت په چټکۍ سره د قریشو پر وړاندې د جنګ اساس غوره کړ. د بدر او احد له جګړو مخکې د رسول الله صلی الله علیه وسلم په هڅونه پر قریشو څو بریدونه تر سره شول، چې یوازې د جګړې رامنځ ته کول یې غوښتل. له قریشو سره دغه جګړه ییز حالت، د حدیبې په سولې سره کنټرول شو.

دغه تړون رسول صلی الله علیه وسلم ته اجازه ورکړه، چې په عربي ټاپو وزمه کې له نورو دولتونو او قبیلو سره د جنګ او تړون له لارې د قریشو نفوذ په ډېر لږ وخت کې کم کړي. د دغې تړون له لاسلیک کولو یوازې دوې اونۍ وروسته رسول صلی الله علیه وسلم د بنو خیبر ځواک، چې له قریشو سره متحد و، له منځه یووړ. دغه تړون رسول صلی الله علیه وسلم وهڅاوه چې نورې قبیلې او د عربستان ګاونډي هېوادونه په ښکاره ډول اسلام ته دعوت کړي. له همدې امله له نورو قبیلو او حکومتونو سره تعامل ډېر ژر د قریشو ځواک کم او د اسلام د پراخۍ لامل شو. له رسول صلی الله علیه وسلم څخه وروسته خلیفه ګانو هم د جنګ (جهاد)، کنټرول (اسلام ته دعوت یا په اسلام کې ژوند تېرول) او معامله (اور بند) ته دوام ورکړ او دغه کار د اسلام چټکې ودې ته لاره هواره کړه.

له همدې امله، مسلمانان باید له چین سره د امریکا په اړیکو کې د جنګ یا اوربند په معامله کې د بې طرفه ننداره چیانو په توګه پاتې نشي. بلکي، مسلمانان باید د چین او امریکا تر منځ اړيکې په احتیاط سره تعقیب کړي، ترڅو د اعظمي تاوتریخوالي اټکل وکړي او له دغه فرصت څخه استفاده وکړي، څو دویم راشده خلافت بیا تاسیس کړي. وروسته له هغه رسول صلی الله علیه وسلم به جدي ډول په لټه کې و، چې د رومیانو او فارسیانو ترمنځ جګړه هغه مهال وشوه، چې په مدینه کې یې اسلامي دولت تاسیس کړ.

د حزب التحریر مرکزي مطبوعاتي دفتر لپاره

لیکوال: عبدالمجید بهاتي

ماخذونه:

1. Reuters, (2021).  Quad leaders press for free Indo-Pacific, with wary eye on China. Reuters. Available at: https://www.reuters.com/world/china/quad-leaders-meet-white-house-amid-shared-china-concerns-2021-09-24/

[2] Economic Times News, (2021). China says it firmly opposes Quad alliance as it adheres to Cold War mentality. Economic Times News. Available at: https://economictimes.indiatimes.com/news/international/world-news/china-says-it-firmly-opposes-quad-alliance-as-it-adheres-to-cold-war-mentality/articleshow/81692933.cms

[3] BBC, (2021). Aukus: UK, US and Australia launch pact to counter China. BBC, Available at: https://www.bbc.com/news/world-58564837

[4] Luce, E. (2021). A US-China clash is not unthinkable. Financial Times, Available at: https://www.ft.com/content/b3d41138-7dab-4a7f-9ed5-7b5ec7baf985

[5] Brands, H. and Beckley, M. (2021). The End of China's Rise: Beijing Is Running Out of Time to Remake the World. Foreign Affairs. 100(6).Available at: https://www.foreignaffairs.com/articles/china/2021-10-01/end-chinas-rise.

[6] Larson, D. (2021) The Return of Containment: What the Cold War policy means for our current moment. Foreign Policy, Available at: https://foreignpolicy.com/2021/01/15/containment-russia-china-kennan-today/

[7, 8] Ikenberry, J. (2014). The Rise of China and the Future of Liberal World. Chathamhouse. Available at:https://www.chathamhouse.org/sites/default/files/field/field_document/20140507RiseofChina.pdf

[9] Kennan, G. (2020) Memoirs 1925-1950. Plunkett Lake Press.

 

د مطلب ادامه...

د خلافت نشتون له امله اسلامي هېوادونه یوازې نندارهکوونکي دي

  • خپور شوی په سیاسي

په هند پاسفیک کې د وسلو ګړندۍ سیالي روانه ده، ځکه چین اوس د AUKUS او Quad  نوې امنیتي هڅې د خپل ځان د قدرت او نفوذ مهار ګڼي.

دا سیمه د نړۍ د نورو سیمو په پرتله ګړندۍ په وسلو سمبالیږي، ځکه چې چین په لویه کچه خپل دفاعي ځواک عصري کوي. په لندن کې د ستراتیژیکو مطالعاتو نړیوال انسټیټیوټ او د سټاکهلم سولې نړیوال څېړنیز انسټیټیوټ وروستۍ څېړنې ښيي، چې په هند پاسفیک کې په پوځې لګښتونو کې هېڅ ډول کمی نه دی راغلی. په داسې حال کې چې د کورونا وبا هم وه. د سټاکهلم سولې نړیوال څېړنیز انسټیټیوټ څېړنه ښیې، چې تېره لسیزه په هند پاسقیک کې 47 سلنه د دفاعي ځواک په لګښتونو کې ډېروالی راغلی، چې مشري يې چین او هند کوي.

د QUAD او AUKUS تړونونه، د دې لپاره دي چې په هند پاسفیک کې د چین ګړندي دفاعي ځواکمنیدو مخنیوی وکړي او په سیمه کې توازن رامنځ ته شي. د سټاکهلم سولې نړیوال څېړنیز انسټیټیوټ څېړنې څرګندوي چې په 2020م، آسیا کې 528 میلیارده ډالره پوځي لګښتونه راغلي، چې 62 سلنه يې چین او هند ترسره کړي. د ستراتیژیکو مطالعاتو نړیوال انسټیټیوټ جاپان او استرالیا هغه هېوادونه بولي، چې د چین پر وړاندې خپل پوځي لګښتونه ډېروي. د مثال په توګه، توکيو، 50 میلیارده ډالره له 2022-2023م پوځي لګښت ورکوي. د استرالیا دفاعي لګښت له 2021-2022م پورې 44.6 میلیارده استرالیايي ډالره، چې 2 سلنه ډېر له کورني ناخالص تولید څخه دي او په راتلونکي کې د نور زیاتوالي پلانونه او اټکل هم شته.

دا ټول پوځي لګښتونه د دې سیمې حیاتي ارزښت څرګندوي. سویلي چین سمندرګی نن ورځ یو استراتیژیک جیوپولیټیکل سیمه ده. سمندرګی د لویو ځواکونو د جګړې ډګر ګرځېدلی. د بیلګې په توګه؛ امریکا او چین هغه سیمې دي، چې ختیځ او سویل ختیځ آسیا هېوادونو د ځواک محور سره یوځای کوي. د سویلي چین سمندرګی په تېرو دو لسیزو کې یوه تر ټولو ګرمو مسئلو څخه ده، چې د هېوادونو سمندري پولو شخړو او ځمکنیو لانجو لاندې ده.

چین او امریکا له نړیوال سمندري قانون څخه سترګې پټوي، خو په سیمه کې د سمندري امنیت په راوستلو کې غوره عمل کوي. مالیزیا، اندونیزیا او برونای دارالاسلام د سویلي چین سمندرګي په شاوخوا کې د اسلامي هېوادونو استازو په توګه، د چین یرغل او د امریکا غبرګون په ځواب کې هېڅ نه شي کولی. نوموړي درې هېوادونه تر اوسه د سمندري پولو تخنیکي موضوعات، اقتصادي کمزورتیا او د چین او امریکا پر وړاندې له سیاسي تسلیمۍ سره لاس او ګرېوان دي، له دې دواړو هېوادونو څخه ډېر شاته پاته سمندري دفاعي سیستم لري.

د بېلابېلو تړونونو ترمنځ لکه AUKUS  ، QUAD او نور... چې د دې سیمې مهار لپاره د زبرځواکونو لخوا رهبري کېږي، موږ باید فکر کولو ته اړباسي: ددې سیمې اسلامي ملتونه څه کوي؟ ولې کمزوري تل په اسلامي هېوادونو کې شتون لري؟ ولې موږ د کفري هېوادونو زبرځواکونو د نندارې ننداره‌کوونکي یو چې په تېر تاریخ کې د مسلمانانو پر وړاندې د جګړې او ظلم تور داغ لري؟ دا په داسې حال کې ده چې تاریخ د مسلمانانو ډېر سمندري زرینې لاسته راوړنې ثبت کړي. یوه له لومړنیو لاسته راوړنو څخه په 53 هـ کال، د روژې په میاشت کې د اسلام سمندري پلار(د اسلامي سمندري ځواک بنسټګر) – خلیفه معاویه – د مدیترانې په سمندر کې د روډز ټاپو فتحه وه. روډز ټاپو د ډوډکانس ټاپوکانو تر ټولو ستر ټاپو او شرقی ترین ټاپو د یونان[اوسمهال په اژه سمندر کې].

د سویلي چین سمندرګي موقعیت د مدیترانې سمندر موقعیت سره په منځنیو پیړیو کې ورته والی لري. دواړه موقعیتونه د خپل وخت لویو قدرتونو د سیالۍ حیاتي ډګرونه دي. په مدیترانې سمندر کې په منځنیو پيړیو کې لوی ځواکونه اسلام، بیزانس او لاتین وو. نو د هغه وخت او نن ورځې توپېر په سویلي چین سمندرګي کې څه دی؟ څرګنده ده چې ډېر توپیر لري. په هغه وخت کې مسلمانان د اسلامي خلافت تر رهبرۍ لاندې ژوند کوي، چې د مدیترانې مهار او واکمنۍ لپاره سمندري لیدلوری په کلکه شتون درلود. نن ورځ، ټوله اسلامي نړۍ واک نه لري. دا حالت د اسلامي دولت د نشتون له امله دی، چې په 1924م کې د عثماني خلافت له ړنګېدو سره سم مسلمانان د ملت‌پالنې پر اساس ټوټې شول او همدارنګه د ډیموکراتیک کپټالیزم واک دی، چې نن ورځ په نړیوال نظم بدل شوی دی.

اسلامي سمندري لرلید وروسته د اسلام بهرني سیاست پر اساس چې دعوت او جهاد دی دوام پیداکړ. د مسلمانانو بیړه ییز ځواک په لوی او بریالي ځواک بدل شو. تر ټولو لوړ ځواک د عثماني امپراطورۍ په وخت کې و. په مسلمانانو کې سمندري مجاهدینو شتون درلود، چې یوازې يې نامه د اسلام دښمنان وېرول. هغوی حیدرالدین بارباروسا، حسن خیرالدین، کیلیج علی، پیری ریس، حسن توثي، زاګانوس پاشا او تورګوت ریس وو. د اسلامي جهاد تر بیرغ لاندې اسلامي دعوت په ټوله مدیترانه کې خپور شو، دا ستراتیژي ان د معاویه بن ابوسفیان له وخته چمتو شوې وه. د معاویه بیړیو پرمختګ په مدیترانې سمندر اغېزه درلوده، چې د اسلام سمندري ځواک يې د روم ختیځې امپراطورۍ ته په ګواښ بدل کړ. د معاویه په دوران کې، اسلامي پوځونو د قسطنطنیې نیولو لپاره عملیات ترسره کړل. معاویه وتوانید ځان د سمندري لوبغاړو په توګه وپیژني، نه یوازی د ننداره‌کوونکي په توګه لکه د نن ورځې مسلمان چارواکي.

د دې وخت رارسېدلی چې د سویلي چین سمندرګي شاوخوا مسلمان چارواکي اسلامي لرلید بیا خپل کړي، چې د اسلامي قوانینو په پلي کولو سره خپلې تسلیم شوې ځمکې او سمندرونه له کفر څخه خپلواکې کړي. دا هغه لرلید دی چې د اېمان، جهاد او تقوا هڅونه يې بنسټ جوړوي، نه حرص او اقتصادي استعمار لکه نن ورځ چې پیښیږي. په اقیانوس کې د جهاد فضلیت د رسول الله صلی الله علیه وسلم له احادیثو څخه یاد کړئ:

 «أَوَّلُ جَيْشٍ مِنْ أُمَّتِي يَغْزُونَ الْبَحْرَ قَدْ أَوْجَبُوا» [صحیح بخاری – 2924]

ژباړه: زما له پیروانو څخه به لومړۍ ډله، چې جنت ورکول کېږي، هغه یې چې بحري سفر يې کړی وي.

«غَزْوَةٌ فِي الْبَحْرِ خَيْرٌ مِنْ عَشْرِ غَزَوَاتٍ فِي الْبَرِّ، وَمَنْ أَجَازَ الْبَحْرَ فَكَأَنَّمَا أَجَازَ الأَوْدِيَةَ كُلَّهَا، وَالْمَائِدُ فِيهِ كَالْمُتَشَحِّطِ فِي دَمِهِ فِي سَبِيلِ اللَّهِ سُبْحَانَهُ»  [الحیکم:2634] او الطبرانی په المعجم الکبیر]

ژباړه: غزوه (په بحر کې) لس واره بهتره ده له (غزوه په ځمکه کې). او څوک چې سمندر ته لومړیتوب ورکړي، لکه ټولو درو ته چې يې لومړیتوب ورکړی وي.  څوک چې په بحري ناروغۍ اخته کېږي هغه ټپې ته ورته دي چې د الله تعالی په لار کې يې وینه تویې کړي.

د حزب التحریر مرکزي مطبوعاتي دفتر ته

لیکوال: حامد بن احمد

 

د مطلب ادامه...

د ډوډۍ او والدینو تر منځ ټاکنه

خبر:

 دېره اسمعیل خان: د پنجشنبې په ورځ لومړي وزیر عمران خان وویل؛ که چېرې د محصولاتو تولید ډېر نه شي او د نفو‌س ډېرښت همداسې دوام ولري، هېواد به مو په راتلونکو کلونو کې له قحطۍ او فقر سره مخ شي. هغه په پاکستان کې د نفوس د ډېرېدو په اړه خپله اندېښنه څرګنده کړه او ویې ویل چې په ۱۹۴۷م، کې د پاکستان نفوس له ۴۰ میلیونو څخه کم و او اوس ۲۲۰ ملیونو ته رسېدلی دی. هغه وویل چې د نفوس دغه ډېروالی کولی شي چې د پوهې د کچې د لوړولو او د لومړیو صحي اسانتیاوو په برابرولو سره جوت کړو. هغه وویل چې د پاکستان نفوس په ډېره چټګۍ وده کوي.

تبصره:

زموږ حاکمان د دې پر ځای چې له موږ سره مرسته وکړي، تر څو ځان له دغه حالت څخه، چې د دوی مخکینیو پر موږ باندې راوستلی دی، وباسي، موږ ته وایې چې باید نه وئ. د دوی په نظر د دغه امت نفوس د لوږې اصلي لامل دی، په داسې حال کې چې دوی دغو خلکو ته اړتیا لري، چې دوی ته کار او خدمت یې وکړي. نو بنا پردې، زموږ شتون باید احساس نه شي، خو موږ باید هغه مطلوب کار سرته ورسوو او وروسته بیا د دوی د غوښتنو لپاره شعارونه ورکړو. عمران خان باید په دې پوه شي، چې د هغه دنده یوازې دا نه ده، چې امر وکړي او خلکو ته یې نیمګړتیاوې ور په ګوته کړي. له هغه څخه باید پوښتنه وشي چې هغه هېواد چې اقتصاد یې په کرنه ولاړ دی، ولې د خوړو له بحران سره مخ دی؟ څوک په سیستماتیک ډول په هېواد کې د کرنې د سیستم د ویجاړولو مسوول دي؟ موږ ولې غذایي مواد را وارد کړو؟ دا هغه تغذیه کوونکې خولې نه دي چې د پاکستان د کرنې سیستم خرابوي، دا له منابعو څخه په قصداً ناسمه ګټه اخیستل دي او دا د هغو مسوولیتونو نه منل دي، چې د یوه مسلمان حاکم لپاره ټاکل کېږي. د اوبو کمښت د پاکستان د کرنې د بحران يو له اصلي لاملونو څخه دی.

د ۲۰۱۶-۱۷ د پاکستان د اقتصادي سروې څخه لاسته راغلي معلومات ښیي، چې په ناخالص کورني محصول (GDP) کې د کرنیز محصول برخه ۱۹.۵ سلنه ده، چې د کاري ځواک لپاره ۴۲.۳ سلنه د کار زمینه برابروي. د اوبو منابع د پاکستان لپاره د ژوند د نجات بېړۍ دي. د پاکستان د علومو اکاډمۍ اسلام اباد (PASI) په ۲۰۱۹ کال کې یو راپور خپور کړ، چې په کې راغلي دي چې د کور دننه د اوبو اړتیا لږ تر لږه ۵۰ لیتره ده، په داسې حال کې چې په یوه ورځ کې د یوه کس د کښت لپاره له ۲۶۰۰-۵۳۰۰ لیتره اوبو ته اړتیا ده. له همدې امله د خوړو امنیت په مستقیم ډول د اوبو له امنیت سره تړلی دی له ۵۰-۷۰ ځلو پورې د غذایي موادو وده له کورنیو اړتیاوو څخه ډېرو اوبو ته اړتیا لري. که څه هم د پاکستان د اوبو په سرچینو کې د څېړنې شورا (PCRWR) په ۲۰۱۶ کال کې خبرداری ورکړی و، چې تر ۲۰۲۵م، پورې هېواد شاید وچ شي. د ملګرو ملتونو پرمختیایي پروګرام (UNDP) په ۲۰۱۶م، کې په یوه راپور کې وویل چې نن ورځ د پاکستان لپاره تر ټولو غټ ګواښ چې ور سره مخ دی تروریزم نه، بلکي د اوبو کمښت دی. پاکستان په نړۍ کې د اوبو لګولو تر ټولو لوی سیستمونه لري، مګر دا یو ډېر غیرې موثره سیستم دی، چې تقریباً ۶۰ سلنه اوبه د اوبو لګولو په میدان کې د لیکۍ او خمیدو له امله ضایع کېږي.

پاکستان د طبیعي زېرمو له پلوه یو بډای هېواد دی، خو د بې رحمه حاکمانو لخوا رهبري کېږي. دا ټولې د مدیریت مسالې دي، چې په ښې صادقې حکومتولۍ سره په ډېرې اسانۍ حل کېږي. کله چې په مدینه کې قحطي شوه حضرت عمر رضی الله عنه عاجل د مرستې د تنظیمولو لپاره امرونه ولېږل. د سوریې او مصر والیانو ته لیکونه ولېږل شول، ترڅو غذایي مواد راولیږي. هغه په خپله په شخصي ډول په دغه هڅو او تنظیمولو کې برخه درلوده، ترڅو چې دغه ستونزه حل شوه. د عمر بن خطاب یو قول دی، چې د ده د اعظمي مسوولیت حد څرګندوي، چې دی پوهېده چې د یوه رهبر په توګه مسوول دی او وایي: «که چېرې یو حیوان د عراق په ځمکه کې سفر کوي، زه ویریږم چې الله تعالی به له ما څخه د هغه لپاره د لارې د نه جوړولو حساب واخلي» دا ښیي چې یو ريښتینی مسلمان رهبر له الله سبحانه وتعالی څخه وېریږي او د غفلت مفکوره اصلاً نه پېژني.

یوازینۍ ريښتینې حلاره د نبوت په طریقه د خلافت بیا تاسیس دی. امت ته د ډېرو اولادونو د نه شتون د مشورې پر ځای باید له اوبو څخه د ګټې اخیستنې او د غذایي موادو د تولید لپاره حلاره پیدا کړي. خلیفه به همدارنګه د اړمنو خلکو د لوږې د ستونزې د حل لپاره موثره لاره پیدا کړي، د دې پر ځای چې خلک د لږو ماشومانو درلودلو ته مجبور کړي.

«مَا مِنْ وَالٍ يَلِي رَعِيَّةً مِنَ الْمُسْلِمِينَ، فَيَمُوتُ وَهْوَ غَاشٌّ لَهُمْ، إِلاَّ حَرَّمَ اللَّهُ عَلَيْهِ الْجَنَّةَ» (بخاري)

ژباړه: د مسلمانانو  له ډلې څخه هېڅ یو داسې حاکم نشته چې د دوی په فریب مړ شي، خو دا چې الله تعالی جنت ور باندې حرام کړي.

د حزب التحریر مرکزي مطبوعاتي دفتر لپاره

 لیکوال: اخلاق جهان

 

د مطلب ادامه...

شوکت میرزایوف د مسلمانو ښځو په ځورولو کې د خپل ظالم معلم کریموف لار تعقیبوي Featured

د تاشکند سترې محکمې د خپاره شوو خبرونو په اړه د آغلې م.م د نیولو په اړه چې پر فېسبوک یې ممنوعه مطالب خپاره کړي و، د مخنیوي په موخه یې یوه رسمي بیانیه خپره کړه. د نشریې د لیکوال له خولې، له ترهګرۍ سره د مبارزې پر وړاندې پولیسو په یونس آباد کې دغه ښځه له خپل کور څخه ونیوله او اوس مهال په تشتورما زندان کې ساتل کېږي. په daryo.uz کې د نشر شوې منبع پر اساس، ګومان کېږي چې م.م په داسې جرم تورنه ده چې له ۲۴۴-۱ مادې سره سم (ترتیب، ذخیره یا د داسې مطالبو خپرول او وېشل، چې ملي امنیت او عامه نظم ته ګواښ دي) ۳مه برخه، د مجازاتو G برخه. د ویبلاک لیکوال، رستم بیک کریم پر خپله فېسبوک پاڼه لیکلي چې ۵۶ ښځې نیول شوې دي او ټولې د ۲۴۴ (۳) مادې پر اساس پر مجازاتو تورنې دي. دا ټولې جنايي دوسیې دروغ دي. دغه ښځې ځکه ونیول شوې، چې د عبدالله ظفر او صادق سمرقندي امامانو خطبې یې پر خپلو فېسبوک پاڼو خپرې کړې وې،  چې د دوی د نیولو په اړه، رسمي مقاماتو هېڅ رسمي بیانیه یا بل څه نه دي خپاره کړي.

ازبکستان اوسمهال د ولسمشریزو ټاکنو لپاره د امادګۍ په حال کې دی، چې ښايي د اکتوبر په ۲۴مه تر سره شي. د ازبکستان خلک نه غواړي چې شوکت میرزایوف د دولت د رییس په توګه پاتې شي. له همدې امله، دوی لارو کوڅو ته راوځي او غواړي هغه ګوښه کړي، ځکه د ده د حکومت په اوږدو کې نه یوازې د خلکو ستونزې حل نه شوې، بلکې تر پخوا یې ډېر د خلکو ژوند تریخ کړ او د بشر حقوق یې تر پښو لاندې کړل. خلک له بیکارۍ، بېوزلۍ، ظلم، ازار، فساد، بې عدالتۍ او رشوت څخه ستړي شوي دي.

د ازبکستان خلک د ظالم کریموف له کلونو حکومت وروسته، پر شوکت میرزایوف ډېر باور وکړ او تصور یې کاوه چې دوی به له تیارو د روښنایۍ پر لور بوځي. له همدې سره، د هغه د قدرت تصدي داسې وه، لکه له باران څخه چې وتښتې او په یوه لوی سیلاب کې ولوېږې! نومونه بدل شول، خو اصلي هستۍ بدلون ونه کړ. هغه ښځې چې د تشتورما زندان کې ساتل کېږي. له خپلو میړونو سره د ملاقات لپاره په زندان کې د اجازې لپاره تللې وې. په پایله کې، دوی د ممنوع مذهبي مطالبو د خپراوي له امله تر تعقیب لاندې نیول شوې وې. ان ورځپاڼه لیکونکي او ویبلاګ لیکونکي چې د دولت جنایات او د خلکو وضعیت تر پوښښ لاندې نیسي، د دروغو تورنو له امله دوی هم زندان ته اچول کېږي. ان ویبلاګ لیکونکي او د بشر حقونو فعالان اړ کېږي، چې رواني روغتونونو ته لاړ شي. ازبېک دولت باور لري، چې د هغو خلکو قفل کول، چې په زندانونو او روغتونونو کې له جنایاتو څخه شکایت کوي، د هغوی غږ چوپ کوي او دا هغه تصور رامنځ ته کوي چې ټولې ستونزې حل دي، خو نه شي کولای چې حقیقت لکه د ازبیکو مشهور ضرب المثل پټ کړي، «تاسو نه شی کولای چې سپوږمۍ په لمن پټه کړئ، که تاسو ناروغي پټه کړئ، تبه یې ښيي.»

اې په ازبکستان کې مسلمانو ښځو او سړیو: دولت ستاسو ستونزې نه حل کوي، بلکې مسوولین خپلې شخصي ګټې ستاسو پر لومړیتوبونو غوره بولي. دوی ځکه له رهبرۍ سره مینه لري، چې شتمني، مجلل ژوند او شهرت تر لاسه کړي او په دې لاره کې ستاسو له سرښندنو مخ نه اړوي. دوی د خلکو شکایتونو ته غوږ نه ږدي، د عمر فاروق رضی الله تعالی عنه پر خلاف، چې ځینې وخت به په بدلو جامو کې په ښار کې ګرځېدلو او خپل ظاهر به یې پټولو، تر څو وګوري، چې رعیت یې څنګه ژوند کوي، ډېر لږ داسې کسان وو چې هغه ته له شکایت څخه به یې د شرم احساس کاوه.

ستاسو دغه واکمنان لکه د عمر فاروق په څېر نه دي، له همدې امله راپورته شئ او د الله تعالی له قانون سره سم ژوند وکړئ، ځکه دا یو الهي نظام دی او کولای شي چې ټولو بې عدالتیو او ستونزو ته د پای ټکی کېږدي. وروسته به زموږ مسلمانې ښځې لکه د جنایتکارو زندانیانو په څېر په زندان کې نه، بلکې هغوی به یې په خپلو کورونو کې وي، خپل اولاد به روزي او د کور چراغ به روښانه کوي.

په ولسمشریزو ټاکنو کې ګډون مه کوئ، تر څو له نوي ولسمشر څخه وغواړئ چې شوکت میرزایوف ځای ناستی شي، ځکه څوک چې په هماغه مصنوعي قوانینو سره حکومت کوي، هېڅ شی به بدل نه شي. سربېره پر دې، د نبوت پر منهج د راشده خلافت تاسیس پر تاسو واجب دی. الله سبحانه وتعالی فرمايي:

 [يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنكُمْ...]

ژباړه: اې مومنانو! د الله تعالی، رسول الله صلی الله علیه وسلم او هغو کسانو اطاعت وکړئ چې ستاسو څخه د امر خاوندان وي... [نسأ: ۵۹]

له الله تعالی او رسول الله صلی الله علیه وسلم څخه اطاعت یوازې د راشده خلافت تر چتر لاندې شونی دی. نن ورځ موږ د اسلام د احکامو پر اساس داسې یو حالت ته اړتیا لرو. د سیکولار دولت په اړه، لکه څرنګه مو چې ولیدل، د الله سبحانه و تعالی قانون نه پلی کوي، بلکې پر خلاف یې دي او له مسلمانانو سره جنګ کوي او له وژلو څخه یې لاس نه اخلي. په همدې ترتیب سره، دوی غواړي چې د اسلام نور خاموش کړي، خو انشاءالله د اسلام نور به پر ټوله ځمکه خور شي.

[يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ * هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ] [توبه: ۳۲-۳۳]

ژباړه: دا خلک غواړي چې د الله تعالی نور په خپلو پوکیو سره مړ کړي. خو الله تعالی د خپل نور له بشپړولو پرته منونکی نه دی، که کافرانو ته دا هر څومره ناکاره وبريښي هم. هماغه الله تعالی دی چې خپل رسول الله صلی الله علیه وسلم یې له هدایت او حق دین سره رالېږلی دی، تر څو چې هغه پر ټولو دینونو باندې برلاسی کړي، که مشرکانو ته دا څومره ناکاره هم برېښي.

د حزب التحریرـ مرکزي دفتر د ښځو برخه

 

 

 

د مطلب ادامه...

اې طالبانو وروڼو پر امت غږ وکړئ، نه پر کفري نړیوالې ټولنې

خبر:

د طالبانو ویاند ذبیح الله مجاهد د سپټمبر په ۲۱مه، یوه خبري کنفرانس ته په کابینه کې له تازه ګومارنو ملاتړ وکړ، هغه وویل په کابینه کې قومي لږکیو ته ځای ورکړل شوی، لکه هزاره وو ته او ښايي  وروسته ښځې هم ورزیاتې شي. مجاهد د نړۍ له لوري د اسلامي امارت په رسمیت نه پېژندلو له امله ناخوښي څرګنده کړه او زیاته یې کړه؛ هېڅ دلیل نشته چې نړیوال دې موږ په رسمیت و نه پیژني. دا د ملګرو ملتونو مسوولیت دی، چې زموږ دولت په رسمیت وپیژني او نور اروپایي، آسیایې او ټول اسلامي هېوادونه، باید له موږ سره ډيپلوماتیکې اړیکې ولري، هغه د طالبانو سرپرستې کابینې لپاره د ځینو ګومارنو نوملړ اعلان کړ، چې وزیران او معینان پکې شامل وو. په ګومارل شویو کې د پنجشیر او بغلان څېرې هم وې. پنجشیر د ملی مقاومت جبهې مرکز دی، چې په یوازې ځان هڅه کوي طالبان د ټول افغانستان له نیولو راوګرځوي.

تبصره:

یو څه موده کېږي چې امت طالبانو ته په تمه دی، چې د اسلامي دولت یا خلافت د تاسیس اعلان وکړي؛ هغه چې د الله تعالی د کتاب او رسول الله صلی الله علیه وسلم د سنتو پر بنسټ حکومتداري کوي. خو برعکس؛ طالبانو ناڅاپي د دولت بڼه صدراعظمي ته ورته اعلان کړه، چې د هغوی ماهیت، جزیات او تشکیلات څرګند کړي. د دې پر ځای چې طالبان د دولت اساسي او نور قوانین له قرآن او سنتو راواخلي، په بېړه یې نړیوالو قوانینو ته د خپلې ژمنتیا او له نړیوالې ټولنې سره د ښو اړیکو په ډاډ ورکولو پیل وکړ. طالبانو له ګاونډیو هېوادونو سره ښې اړیکې اعلان کړې، چې د نړیوالې ټولنې د متحدینو په توګه له دوی سره دښمني لري. دا ټول په دوحه کې له متحده ایالاتو سره د دوی د موافقې سره سم تر سره کېږي. نو پر همدې اساس طالبانو له نړیوالې ټولنې غوښتي، چې د دوی حکومت په رسمیت وپېژني. په دې توګه ذبیح الله مجاهد غوښتنه وکړه، چې نړیواله ټولنه دې نوی افغان حکومت په رسمیت وپیژني او له نړیوالو نورمونو سره سم دې ورسره معامله وکړي. په داسې حال کې چې په افغانستان کې د داعش (خراسان ډلې) شتون هم ردوي.

د دې غوښتنې په ځواب کې د امریکا بهرنیو چارو وزیر انتوني بلینکېن د سپټمبر په ۲۲مه، د پنجشنبې په ورځ وویل: «زه فکر کوم چې د تګلارې او هدف د وحدت تر منځ پیاوړی اتحاد شته ... یوځل بیا، طالبان وايي، چې دوی د مشروعیت په لټه کې دي، دوی له نړیوالې ټولنې غواړي چې ملاتړ یې وکړي او کوم اقدامات چې دوی یې کوي، هغه څه دي چې موږ یې په لټه کې یو.»

په حقیقت کې "دین نصیحت دی" نو موږ پر طالبانو وړونو غږ کوو، چې په اسلامي امت غږ وکړي؛ نه په کفري نړیوالې ټولنې؛ هغه ټولنه چې واک یې د اسلام او مسلمانانو د سرسخته دښمنانو په لاس کې دی. موږ دوی ته نصیحت کوو، چې له دولتونو سره په اړیکو کې توپیري چلند وکړي. لکه هند، چین، روسیه او امریکا، چې په کفري نړۍ کې د شرارت محور دي، په ورته ډول په اسلامي نړۍ کې اوسني ظالم رژیمونه هم شته، چې د مسلمانانو واک یې غصب کړی د اسلام او مسلمانانو پر وړاندې د دوی نفرت او دښمني د شرارت له محور څخه کمه نه ده. همدارنګه دا هغه جاسوسان او وسیلې دي، چې د لویو قدرتونو لخوا د دوی د ګټو خوندي کولو لپاره کارول کیږي، له مسلمانانو سره جګړه کوي، ترڅو د اسلامي حکومت له حاکمیت او دولتدارۍ څخه مخنیوی وکړي.

په دې توګه د پاکستان، ترکیې، ایران او قطر ترمنځ هېڅ ډول عملي او عملیاتي توپیر نشته. له بلي خوا له امریکا سره، چې د کفر مشري کوي، هم څه توپير نه لري. د طالبانوتحریک باید له پراګماتیک عملي تفکر څخه کار وانخلي، ځکه پراګماتیک فکر سیاست هنر بولي. پرځای يې په ویلو او عمل کې د سیاست یواځنۍ مرجع شرعیت دی چې ورته قانوني احکام چمتو کوي په استثنآ د ځینو مواردو. هېڅکله باید دا فکر ونه کړو، چې د سیاسي خوځښتونو له شرعي احکامو سره په ټکر کې دي. له دغې لارې هغه څه چې د انسان له کمزوري او نیمګړي ذهن څخه راوځي، کولی شي انسان خوندیتوب او نیکمرغۍ ته ورسوي. ایا رسول الله صلی الله علیه وسلم په مدینه کې د خپل دولت په رسمیت پیژندلو غوښتنه له روم او فارس څخه کړې وه؟ آیا هغه خپل استازي هغوی ته ونه لیږل، ترڅو هغوی اسلام ته راوبولي، په داسي حال کې چې نه هغوی ورسره جګړه وکړه او نه یې د هغوی پر وړاندې اتحاد جوړ کړ؟ آیا هغه له قریشو څخه بشردوستانه او غیربشردوستانه مرستې وغوښتې یا هغه شتمني چې قریشو له مهاجرینو څخه اخیستي وه، بېرته وانخیستل؟ آیا هغه صلی الله علیه وسلم د مکې فتح کولو لپاره وسلې او پوځي ځواک د هغوی د سنګرونو نړولو لپاره چمتو نه کړل؟ آیا هغه صلی الله علیه وسلم د قریشو جنګیالي بښلي او له هفوی څخه یې د دولت په جوړولو کې مشوره غوښتې؟ ایا هغه د بدر او احد په جګړو کې قوي جنګیالي نه دي وژلي، په ځانګړي ډول د مکې له فتحې وروسته!؟

موږ په یقین سره ویلای شو چې په زرګونو مخلص افغان مجاهدین په هغه څه ریښتیني وو چې دوی له الله سبحانه وتعالی سره ژمنه کړې وه، چې د کلمة الله لوړولو او په کابل یا اسلام آباد کې د خلافت لپاره د فضا رامنځته کولو له لارې د الله تعالی د خوښۍ په لټه کې وو. دوی خپل ژوند په ملګرو ملتونو کې د یوې کږې څوکۍ لپاره نه دی قرباني کړی او نه د نړیوالې ټولنې خوښولو لپاره، هغه چې پر دوی یې له یوه سنګر څخه برید کړی و، ورسره جنګېدل، شهیدانېدل، ښځې يې کونډې او ماشومان يې یتیمان کېدل.

څرنګه چې طالبانو ته څرګنده ده چې د راشده خلافت د تاسیس پروژه نه لري او نه یې هم وړتیا لري. دا پر طالبانو وروڼو واجب ده، چې لاسونه هغو وروڼو ته ورکړي، چې د  رسول الله صلی الله علیه وسلم په منهج د راشده خلافت د تاسیس لپاره ریښتنې مبارزه کوي. نو اجازه ورکړئ چې هغوی حزب التحریر ته نصرت ورکړي، هغه حزب چې د دولت بشپړه پروژه لري او د دې وړتیا لري چې هم دولت رامنځ ته او هم یې حقوقي او سیاسي اداره پرمخ یوسي. لکه څرنګه چې رسول الله صلی الله علیه وسلم پرمخ وړله.

په حقیقت کې، حزب التحریر د نبوت په تګلاره د اسلامي دولت لپاره بشپړ چمتوالی نیولی، نه د فرقه یې او امارتونو په تګلاره، چې د مسلمانانو په وروستي دور کې یې شتون درلود. په حقیقت کې حزب التحریر د لوړو څوکیو په لټه کې نه دی، بلکې په اسلام له حکم کولو څخه ډډه نه کوي. کله چې حزب التحریر د حکومتولۍ غوښتنه کوي یوازي د اسلام د حاکمیت غوښتنه کوي، نه د مادي ګټو. حکومتولي په اسلام کې د هغو کسانو په غاړه شرعي مسوولیت دی چې وړتیا يې لري. څوک یې چې وړتیا لري، د دې جواز ورته نشته، چې له مسوولیت څخه یې ډډه وکړي.  دا هم جواز نه لري هغه کسان چې حکومتولي نه شي کولی هغوی دې د خپلو ځاني ګټو لپاره واک واخلي. مسلم له ابوذر رضی الله عنه څخه روایت کړی، چې ویلي یې دي: ما رسول الله صلی الله علیه وسلم ته وویل: یَا رَسُولَ اللَّهِ أَلاَ تَسْتَعْمِلُنِي " اې! د الله رسوله ، ایا له ما څخه په عامه کارونو کې ګټه نه اخلي؟ رسول الله ورته وفرمایل:

«يَا أَبَا ذَرٍّ إِنَّكَ ضَعِيفٌ وَإِنَّهَا أَمَانَةٌ وَإِنَّهَا يَوْمَ الْقِيَامَةِ خِزْىٌ وَنَدَامَةٌ إِلاَّ مَنْ أَخَذَهَا بِحَقِّهَا وَأَدَّى الَّذِي عَلَيْهِ فِيهَا» 

ژباړه: اې ابوذره! ته کمزوری یې، په داسي حال کې چې واک یو امانت دی او د قیامت په ورځ د سپکاوي او پیښيمانۍ لامل ګرځي، پرته له هغه چا چې په خپلو ژمنو وفا وکړي او اړونده دندې په سمه توګه سرته ورسوي.

لیکوال: بلال المهاجرـ ولایه پاکستان

د حزب التحریر مرکزي مطبوعاتي دفتر ته

 

 

 

 

د مطلب ادامه...

په امریکا کې د جنین سقطېدل

  • خپور شوی په سیاسي

د امریکا په تکزاس او یو شمېر نورو سیمو کې یو ځل بیا د جنین د سقط کېدو په اړه بحثونه روان دي. یو قانون جوړ شوی چې له مخې به یې ښځې تر شپږو اونیو وروسته د جنین له سقط څخه منع شي. بلخوا، د دغه قانون بله بحث پاروونکې مسله خلکو ته له چارواکو د اجازې اخیستلو په اړه ده. یعنې د هغو کسانو په اړه دوسیې جوړل چې جنین سقطوي. دغه خلک د یادې مهمې مسلې او په دې اړه چې یو څوک یو قانون په لاس کې اخلي، استدلال کوي؛ یو هوښیار عدالت رامنځته کوي چې په هغه کې هر څوک کولی شي د جنین د سقط رایه ورکوونکو په اړه شکایت وکړي. (سرچینه: واشنګټن پوسټ)

د امریکا سترې محکمې دغه قانون نه دی بلاک کړی. دغه مسله په امریکا کې د خبرو او بحث لپاره د جنین سقط حقونو ته وړاندې شوې ده. د تکزاس قانون دا ښيي چې په ستره محکمه کې د «رای وي ویډي» په قانون کې ډېری کسان د بدلون او سمونو راوستلو غوښتونکي دي. یعنې دوی چمتو دي چې دغه قانون وتوږي. (سرچینه: بي بي سي)

 «رای وي ویډي» هغه قانون و چې په امریکا کې په ۱۹۷۳ میلادي کال کې د سترې محکمې له لوري تصویب شو او د دغه قانون پر اساس هر ښځې دا حق درلود چې د جنین په اړه پخپله تصمیم ونیسي. دا هغه تصمیم دی چې د جنین سقط د یو جرم په توګه د تکزاس قانون شاته غورځوي او د مېرمنو هغه حق ته درناوی لري او پېژني یې چې خپل امیندواري له منځه یوسي. (سرچینه: ډیلاز نیوز)

محکمې حکم کړی چې د امریکا اساسي قانون د یوې ښځې هغه ازادي ساتي، څو هغه پخپله د جنین د سقط واک ولري او په پایله کې ښځو ته د امیندوارۍ په درېیو میاشتو کې اجازه ورکوي، څو د دغه عمل ترسره کولو لپاره له شته مشروطو حقونو برخمنې شي. (سرچینه: بي بي سي)

ځینې وختونه محکمه حق لغوه کوي او د خاوند او والدینو قوانین رعایتوي. د جنین د سقط لپاره ډېر مقررات تنظیموي، خو په ټولیز ډول دا څه پخوا هم وو.

د تکزاس د قانون له بلاک څخه د سترې محکمې د سرغړونې په ځواب کې ډیموکراټانو یوه لایحه وړاندې کړه چې د جنین سقط حقونو ته درناوی پکې شامل دی او تاییدوي یې. همدارنګه د «رای وي ویډي» قانون ساتي. دغه لایحه به ناروغانو ته دا حق ورکړي چې له کوم اړین ټېسټ پرته د جنین سقط ترسره کړي؛ چې د سونوګرافي او یو شمېر نورو روغتیایي پړاونو تمه ترې کېږي.

دغه لایحه همدارنګه دولتونه د جنین تر سقط وړاندې په کلینکونو کې له شتون منع کوي، چې په اغلب ګمان د «دوه سفر» په نوم یادېږي. همدارنګه په دغه لایحه کې دولتونه د هغه جنین له سقط څخه منع شوي چې د ژوندي کېدو پړاو ته رسېدلی وي او د هغه جنین سقط منع دی چې د ژوند کولو وړتیا ولري او روغتیایي حالت یې د ډاډ وړ وي. (سرچینه: سي این بي سي) 

کله چې د امریکا سنا ته دا مسله وړاندې شوه، پایله یې ۲۱۸ پر ۲۱۱ وه. جمهوري غوښتونکو رایه ورنه کړه، له کوم ملاتړ پرته پاتې شوه، خو ډیموکراټانو بیا رایه ورکړه. (سرچینه: ام س این بي سي) کله چې دغه قانون تر سنا مجلس تېر شو، نو دا مانا نه لري چې دا به یو قانون وي. تمه کېږي چې دغه لایحه د جمهوري غوښتونکو له مخالفت سره مخ شي او داسې تمه نه کېږي په مجلس کې به ټول رایه ورکړي او تایید به شي. (سرچینه: سي، این، بي، سي)

که دغه قانون له مخالف سره مخ شي، امریکا به د چین، شمالي کوریا او نورو هېوادونو تر څنګ بل هغه هېواد وي چې تر زیږدو پورې د جنین سقط ته اجازه ورکوي. په پایله کې د نازېږدي ماشوم لپاره ټول ملاتړ له منځه وړي. (سرچینه: ډیلیز نیوز)

په امریکا کې د جنین د سقط شمېرې نه باور کېدونکې لوړې دي. په ۲۰۱۳ میلادي کال کې د ملګرو ملتونو د راپور پر اساس، په همدغه کال کې یوازې نهه هېوادونه راغلي چې تر امریکا پکې د جنین سقط خورا لوړ دی. هغه هېوادونه دا دي: بلغاریا، کیوبا، ایستونیا، جورجیا، قزاقستان، رومانیا، روسیه، سویډن او یوکراین.

هر کال په امریکایي مېرمنو کې نیمایي امیندواري ناغوښتل شوې وي. هر کال د دې ناپلان شوې امیندوارۍ نیمایي ۱.۳ میلیونه یې د جنین په سقطېدو پایته رسېږي. په امریکا چې مېرمنې د جنین سقط ترسره کوي، ۸۳ سلنه ناوده شوې مېرمنې، ۶۷ سلنه هغه مېرمنې دي چې هېڅکله یې واده نه وي کړی، ۱۶ سلنه یې واده شوې وي، یا یې طلاق اخیستی وي او یا هم کونډې وي.  هغه مېرمنې چې له خپلو ملګرو سره ژوند کوي او واده یې نه وي کړی، ۲۵ سلنه د جنین سقط ترسره کوي.

په واده شوو مېرمنو کې بیا د امنیدوارۍ پر مهال د جنین د سقط مسله تر نا واده کړو ډېره کمه وي. راپورونه ښيي چې په ۲۰۱۸ میلادي کال کې په امریکا کې یوازې څلور سلنه واده کړو مېرمنو خپل جنین سقط کړی دی.

د راپور پر اساس، کابو ۸۸ سلنه جنین سقط د امیندوارۍ په لومړۍ مرحله کې ترسره کېږي. همدارنګه د جنین د سقط نیمایي برخه یې د امیندوارۍ په لومړیو اتو میاشتو کې کېږي.

دا څه ښيي چې د تکزاس قانون د د لامل شوی چې د جنین سقط د مېرمنو د حقونو اساسي برخه شي، چې په ځانګړي ډول د جنسي تېري په پېښو کې مېرمنو ته ډېر زیان رسېږي. شواهد ښيي چې د امیندوارۍ یوه برخه د جنسي تېریو پایله ده. پر همدغه اساس ویلی شو چې یوازې ۷.۵ سنله مېرمنې د بریدونو او نورو مسلو له امله امیندوارې زغمي. د جنین د سقط ډېرېدل د غربي انفرادي نظریو او ازادیو پایله ده، یا د خلکو په مالي او عاطفي امنیت خوندیتوب کې د غرب ناکامي په ډاګه کوي.

زیان منوونکي بشري حقونه: مور د ماشوم پر وړاندې

هغه استدلال چې د جنین د سقط پلویان یې مطرح کوي، دا دی چې د جنین سقط یو اساسي بشري حق دی. دغه امر د ازادۍ اړوند دی. د امریکا د کانګرېس رییسې وویل چې دا څه د کورنیو په ازادۍ پورې اړه لري چې هغوی پخپله دا ټاکنه وکړي (سرچینه: سي، این، بي، سي،)

د دوی استدلال دا دی: د بشري حقونو قانون دا واضح کوي چې ستاسو د بدن واک ستاسو په لاس کې دی او دا څه د بدن د خپلواکۍ په توګه یادېږي. پر یو چا دا فشار راوړل چې امیندواري ونه غواړي، یا پر هغوی دا فشار راوړل چې د خطرناک جنین د سقط غوښتنه وکړي، له بشري حقونو سره په ټکر کې مسله ده او دا څه پر بشري حقونو تېری دی.  (سرچینه: امینستي انټرنېشنل)

د بحث بل اړخ دا دی چې د مورګانو لپاره  د دغه حق ملاتړ د نازېږدلي ماشون حق اخلي. ناېږدلی ماشوم د خپل ځان ساتلو وس نه لري . نو دولت اړ دی چې په دې څه کې لاسوهنه وکړي او دغه قانون منع کړي، په دې سره دغه بشري حق ډاډ من شي. که هدف د ماشوم ساتل وي، نو قانون یوازې د دې څه تضمین نه شي کولی. ځکه شواهد ښيي چې د جنین سقط بندیز دا څه نه شي کمولي. 

د «رای وي ویډي» تر قانون وړاندې د اټکل له مخې هر کال ۱.۲ میلیونه مېرمنونو غیرقانوني جنین سقط کړی دي. (سرچینه: این، بي ، سي نیوز)

 تاریخ ښيي هر ځای چې د جنین سقط غیرقانوني دی، مېرمنې غواړي چې ناغوښتل شوې امیندواري ختمه کړي. نن ورځ په ټوله نړۍ کې تقریبا ۲۱میلیونه مېرمنې ناامنه دي او هر کال غیرقانوني جنین سقطوي.

د ۲۰۰۶ او ۲۰۱۵ میلادي کلونو تر منځ په امریکا کې د جنین د سقط کچه ۲۶ سلنه لوړه شوې ده. تر ټولو ستر دلیل یې د جنین د سقط سخت قانون دی،  دا امیندوارۍ د مخنیوي لپاره تر ټولو ښه لاس رسی دی.

د کلیفورنیا په سن پرانسسکو په پوهنتون کې د (دانا ګرین فوسټر) په نوم یو پروفیسور په ۲۰۱۶ میلادي کال کې (کلیف) ته وویل، کله چې د امیندوارۍ ضد درمل په لاس کې نه وي، مېرمنې جنین سقطوي، حتا که د قانون له مخې هغه ته اجازه هم نه وي ورکړل شوې. کله چې د امیندوارۍ ضد درمل ډېره وي، د جنین سقط بیا کم وي.

خو په داسې حال کې چې د جنین سقط کم شوی دی، دغه طریقه پر خپل حال پاتې ده. دا په دې مانا ده چې په سېکولر ټولنه کې د مجردو خلکو تر منځ اړیکو ټینګېدو ته هڅول ډېر دي او امیندواري هم په اغلب ګمان چې ناغوښتل شوې ترسره کېږي. په داسې حال کې چې د امیندوارۍ طریقي د دې کار مخه نیولی شي.

حکومت ولې دا مسله د یوې موضوع په توګه مطرح کوي؟

جالبه دا ده چې (سي، این، بي، سي) راپور ورکړی چې له مېرمنو څخه د ساتنې قانون کېدایشي د ډیموکراټانو لپاره د ۲۰۲۲ میلادي کال په ټاکنو کې یو څه برابر کړي او د رایه ورکوونکو د پیاوړتیا ټکی شي. په دې مانا چې د سترې محکمې وروستی تصمیم ډېری کسان له حقونو څخه سرغړونه یادوي او داسې تر سترګو کېږي چې د قانون مسله حل شوې ده.

نو دا څه د فردي حقونو او ازادۍ په اړه دي، یا دا مسله د هغه څه په اړه ډاډ تر لاسه کول دي چې ډلې په ټاکنونو کې رایې تر لاسه کولو لپاره ورته اړتیا لري.

دا واقعیت دی چې نیمایي جمهوري غوښتونکي د جنین د سقط پر مسله د «رای وي ویډي»  د قانون لغوه کېدو غوښتونکي دي. خو په ورته وخت کې بیا ۸۱ سلنه ډیموکراټان او ۷۳ سلنه خپلواک خلک د دې غوښتونکي دي چې دغه قانون پر خپل حال پاتې شي.

ستونزه د بشر په لاس جوړ شوي قانون دی:

د خلکو د حقونو او دولت د لاسووهنې تر منځ توازن په داسې بڼه دی چې تل سېکولر ټولنې یو له بله بېلوي او دا موږ ته روښانه نښه ده چې پر بشري قوانینو ولاړه واکمني د بشر ستونزې نه شي حل کولی.

د بشر له لوري جوړ شوی قانون په داسې بڼه دی چې علم پرمختګ کوي، نظرونه بدلون کوي او د خلکو نظرونه شرایطو ته په کتو پلي کېږي.

د جنین د سقط په اړه ډېر بحثونه شوي، خو موږ به هغه څه ته اشاره وکړو چې خالق وضع کړي دي.

په اسلامي دولت کې به د مور او جنین د حقونو په اړه بحث او د نظر اختلاف نه وي. اسلام هغوی ته حقونه ورکړي دي. د خلکو د ګټو پر اساس، د دود او رواج له امله به له منځه نه وړل کېږي.

اسلامي قانون د جنین د حقونو په اړه قانون وضع کړی. کله چې یو ماشوم په ۴۰ ورځو کې د مور په ګېډه کې ساه واخلي، سقطول یې ناروا دي؛ خو که د ماشوم د مور ژوند له ګواښ سره مخ و او یا هم په بیړني حالت کې وه، په هغه صورت کې بیا که جنین سقط شي، کومه ستونزه نه لري. باید د یو مسلمان ډاکتر له لوري د ماشوم د مور معاینات وشي او د هغه له لوري تایید شي. تر دې وروسته د جین حقونه د اسلامي قوانینو پر اساس کېږي او د اسلامي په قضایه قوانینو کې د هغه لپاره (دیه) شته ده.

نور ټول استدلالونه چې په اوسني سېکولر سیسټم کې وړاندې شوي دي، د ټولنې په زیان دي. پر دې مسله د تمرکز پر ځای به غوره دا وي چې د جنین د سقط مسله د یوې ټولنیزې مسلې په توګه تحلیل او تجزیه شي. په اسلام کې د ښځې او نارینه تر منځ په داسې بڼه اړیکې ټینکېږي چې ماشوم پکې ثابت او ښه روزل کېږي. نعمان بن بشیر له رسول الله صلی الله علیه وسلم څخه روایت کوي:

«مَثَلُ الْقَائِمِ عَلَى حُدُودِ اللَّهِ وَالْوَاقِعِ فِيهَا كَمَثَلِ قَوْمٍ اسْتَهَمُوا عَلَى سَفِينَةٍ فَأَصَابَ بَعْضُهُمْ أَعْلَاهَا وَبَعْضُهُمْ أَسْفَلَهَا فَكَانَ الَّذِينَ فِي أَسْفَلِهَا إِذَا اسْتَقَوْا مِنْ الْمَاءِ مَرُّوا عَلَى مَنْ فَوْقَهُمْ فَقَالُوا لَوْ أَنَّا خَرَقْنَا فِي نَصِيبِنَا خَرْقًا وَلَمْ نُؤْذِ مَنْ فَوْقَنَا فَإِنْ يَتْرُكُوهُمْ وَمَا أَرَادُوا هَلَكُوا جَمِيعًا وَإِنْ أَخَذُوا عَلَى أَيْدِيهِمْ نَجَوْا وَنَجَوْا جَمِيعًا» (صحح بخاري)

ژباړه: هغه څوک چې د الله سبحانه وتعالی د امر پیروي کوي، (یا هغه کس چې د الله سبحانه وتعالی د مقرراتو ملاتړ او پیروي کوي) د هغو کسانو په پرتله چې تېروتنه کوي او د الله سبحانه وتعالی له امر منلو څخه سرغړونه کوي؛ د هغو کسانو غوندې دي چې په یوه کښتۍ کې د یوې صندلۍ لپاره قرعه کشي کوي. ځینې کسان په لوړه او ځینې نور په ټیټ پوړ کې ځای پر ځای شول. هغوی چې په ټیټ پوړ کې دي، باید له لوړ پوړ تېر شي، څو اوبه تر لاسه کړي او دې چارې دویم مورد له ستونزو سره مخ کړ. له هغوی څخه یو تن تبر واخیست او د کښتۍ سوري کول یې پیل کړل. د لوړ پوړ خلک راغلل او پوښتنه یې ترې وکړه، ویې وویل: اوس که هغه له دغه کار څخه منع کړي، هغه او خپل ځان ژغوري، خو که یې پرېږدي، هغه او خپل ځان له منځه وړي.

د حزب التحریر مرکزي مطبوعاتي دفتر

لیکواله: د حزب التحریر مرکزي مطبوعاتي دفتر غړې

فاطمه «مصباح»

ژباړه: بهیر «ویاړ»

 

 

د مطلب ادامه...

اې د قدرت څښتنانو! د اسلام او مسلمانانو پر وړاندې د شریر دښمن (امریکا) له شر څخه د خلاصون لپاره خلافت تاسیس کړئ!

  • خپور شوی په پاکستان

له افغانستان څخه پاکستان ته د امریکا د ماتې د لېږد لایحه، چې د سپټمبر په ۲۷مه د ۲۲ امریکايي سناتورانو له لوري معرفي شوه، د پاکستاني سیاسیونو په منځ کې یې وحشت او اندېښنې راوپارولې. له دې لایحې ښکاري چې موخه یې له ترهګرۍ سره د مبارزې پر وړاندې قانون، پر افغانستان نظارت او د امریکا د ماتې پر دلایلو پوهېدل دي. خو په حقیقت کې، د طالبانو پر وړاندې د بندیزونو پلي کول او د هغو دولتونو مجازات کول دي، چې له دوی سره اړیکه لري. په دې لایحه کې له درد څخه ډک خاطرات شته؛ کله چې د پاکستان پر وړاندې بندیزونه ولګول شول، د شوري پر وړاندې د جهاد پای ته رسول مو یاد ته راوړي. دې ته ورته ناورین په ۱۹۹۸م کې د پاکستان د هستوي بمب له ازميښت څخه وروسته رامنځ ته شو. پر دې سربېره، د سپټمبر په ۲۴مه څلور اړخیزه ناسته دې واقعیت ته خبرداری ورکوي، چې امریکا د چین پر وړاندې هند د یو ستراتیژیک شریک په توګه تبدیل کړ، په داسې حال کې چې پاکستان لکه اضافي کاغذ ایسته واچول شو. امریکا د پاکستان له ستراتيژيک، اقتصادي او کلتوري قدرت څخه په استفادې سره خپلو ګټو ته پاملرنه کوي، د تحریم له ګواښ څخه ګټه اخلي، تر هغه وخته پورې چې څو په سیمه کې پاکستان د یوه اژدها په توګه خپل ځای هند ته ورکړي.

اې په پاکستان کې د قدرت څښتنانو! امریکا پرېږدئ، لکه څرنګه چې مخکې دوی په ډېره اسانۍ، څو ځله پاکستان یوازې پرېښی و. په افغانستان کې تر غرونو لاندې د امریکا د غرور په خښولو سره، امریکا اوس «د نړۍ زوړ او ناروغ سړی» دی، چې د خپل کمزوري نظامي ضعف د خندا وړ شوی دی. اوس د هغوی د نړیوال نظم د له منځه وړلو ښه وخت دی او له خلافت پرته بل هېڅ هېواد دا کار نه شي کولای. له ځمکنیو بریدونو څخه په ټيټو سترګو وتلو سره، بایډن یوازې پر محدودو هوايي بریدونو واک درلود.

که چېرته د بایډن لپاره ان «بلوار» بندر وتړل شي، په سفارتونو او کونسلګریو کې یې نظارتي پوستې هم تړل کېږي. په دې سره، په داسې حال کې چې موږ د اوسني نړیوال نظم بندګان یو، هېڅکله نه شو کولای چې د امریکا له استعمار ځخه ازاد شو. په واقعیت کې، د حاکم نړیوال سیستم له منځه وړل، زموږ د حاکمیت په راګرځولو پورې اړه لري. دغه نظام دی چې زموږ اقتصاد د بهرنۍ پانګونې، د سود پر بنسټ قرضونو او د ډالرو پورې تړاو مهارولی شي. دا استعماري سیستم دی چې د پیسو نړیوال صندوق، نړیوال بانک، د مالي اقدام ځانګړې ډله، د ژوند چاپېریال پروتوکولونه، نړیوالو بازارونو ته د لاسرسي قوانین، د معنوي مالکیت حقوق او د فناورۍ د تر لاسه کولو قوانین زموږ د استقلالیت د مخنیوي لپاره تبلیغ کوي. دا رژیم عادلانه نه دی چې پر کافرو هېوادونو برید، په سختو موضوعاتو لکه کشمیر، فلسطین، میانمار (برما) او ترکستان متوقف کړي. دغه له سپکاوي ډک امر ان موږ نه پرېږدي چې د هند د ترهګرۍ متفکر مغز، کولبوشان یاداو اعدام کړو. دغه رژیم ويجاړوونکی دی چې د غرب نیمه لیبرال تمدن زموږ پر خلکو جاري کوي، په داسې حال کې چې د رسول الله صلی الله علیه وسلم د عزت ساتلو لپاره له هر ډول اغیزمن اقدام څخه مخنیوی کوي.

اې د قدرت څښتنانو! نور بس ده، راځئ، ځکه چې د نړیوال نظم او قید څخه د خلاصون په موخه حزب التحریر له بشپړې پروژې سره ستاسو په مخ کې دی. افغانستان چمتو دی چې له پاکستان سره متحد شي. د منځنۍ اسیا مسلمانان ستاسو انتظار کاږي، تر څو یې د ظالمانو له ظلم څخه وژغورئ. د پاکستان مسلمان میشتو سیمو اتحاد، افغانستان او مرکزي اسیا د خلافت د حاکمیت تر چتر لاندې د خوړو، انرژۍ او پوځي ځواک له پلوه پر ځان بسیا کوي. فرصت غنیمت وګڼئ او د الله تعالی او رسول الله صلی الله علیه وسلم د غږ په ځواب کې د نړۍ د ناروغ سړي (امریکا) قید او بند مات کړئ. د خلافت پروژه ستاسو د ارادې او پرېکړې ته په تمه ده او په څو ساعتونو کې امت په سم مسیر روانولی شي.  د رسول الله صلی الله علیه وسلم پر منهج د خلافت د بیا تاسیس لپاره حزب التحریر ته په نصرت ورکولو سره د امریکا استعمار او اوسنی نړیوال نظم خښ کړئ. الله سبحانه و تعالی فرمايي:

 (إِن يَنصُرْكُمُ اللّهُ فَلاَ غَالِبَ لَكُمْ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ وَعَلَى اللّهِ فَلْيَتَوَكِّلِ الْمُؤْمِنُونَ)

ژباړه: «که الله تعالی مو مرستندوی وي، نو هېڅ قوت درباندې برلاسی کېدای نه شي؛ که هغه تاسې پرېږدي، نو بیا له الله تعالی وروسته څوک ستاسو مرسته کوونکی کېدای شي؟ نو څوک چې رښتیني مومنان دي، هغوی د یوازې پر الله تعالی توکل وکړي. [عمران: ۱۶۰]

د حزب التحریرـ ولایه پاکستان مطبوعاتي دفتر

 

د مطلب ادامه...

د ډاکترې عافیې صدیقي ناحل شوې قضیه

  • خپور شوی په سیاسي

زموږ د مسلمانې خور ډاکترې، د عصابو د برخې متخصصې او ساینس پوهې عافیې صدیقي ټکان ورکوونکې قضیه؛ هغه څوک چې په امریکا کې د «ترهګرۍ پر وړاندې جګړې» د پوسټرې په توګه اعلان شوه؛ دا هغه څه دي چې په وروستیو کلونو کې د امریکا د وحشت تر ټولو ښکاره بېلګه په ډاګه کوي.

عافیه په ۲۰۰۳م، کال د مشرف د حکومت په وخت کې د پاکستان د استخباراتو (ای. اېس. ای) له لوري وتښتول شوه او وروسته امریکایي چارواکو ته وسپارل شوه، څو د بګرام په بدنومي او رسوا زندان کې وساتل شي. د هغې درې ځوان زامن هم له کلونو راهیسې ورک دي او داسې ویل شوي، چې هغوی هم بندیان دي؛ خو د عافیې د نوي زیږېدلي ماشوم د زیږېدنې په اړه چې چېرته دی، معلومات نشته.

عافیه په نیویارک ښار کې د سپټمبر میاشتې د ۱۱مې، له پېښې سره د تړاو په تور نیول شوې ده او د دې مسالې د شکمن تور له امله تر نیولو وروسته د وحشت کړیو ته لوېدلې، چې تر نن پورې یې زغمي. د «ایوان ریلي» په نوم بریټانوي ژورنالېستې چې د عافیې د اوسېدو ځای یې معلوم کړ او د هغې په اړه یې څېړنه وکړه، هغه یې تر ټولو مظلومه مېرمنه وبلله. هغې عافیه د بګرام په وحشت ناک زندان کې پیدا کړه. عافیې ته د پینځو کلونو لپاره په دې زندان کې سخته شکنجه ورکړل شوې ده. نوموړې له هغو تېریو او شکنجو څخه سخته ځورېده، چې په همدې موده کې یې لیدلي وو.

په بګرام زندان کې د اوږدې مودې لپاره د هغې پر زنداني کېدو یې بسنه ونه کړه، بلکې عافیه په امریکا کې هم له سترې ازموینې او تور سره مخ شوه. په دې اړه چې هغې له القاعده ډلې سره په لوړه کچه اړیکې درلودې، هېڅ شواهد نشته او نه هم پیدا شوي دي. د هغې د نیولو قضیه په نړیواله کچه او د احساساتو د یوې لویې څپې په توګه وغندل شوه او  د عافیې نیول کېدل د امریکا وحشت او ترهګري ښيي.  

زموږ خور عافیه صدیقي اوس په ۸۶ کاله بند محکومه شوې، هېڅ باور نه کېږي او په تکزاس ایالت کې د (ایف. ایم. سي) په ستر زندان کې زنداني ده. د دغه امر په ښکاره کولو سره، ټولو مفسرینو ته ښکاره ده، چې د هغې له لوري د جنایت ترسره کولو په اړه هېڅ شواهد نشته او هغه ځورونه چې د امریکا حکومت هغې ته ورکړه، د نورو کسانو د چوپتیا لپاره یوه نښه وه. له بده مرغه چې ځینې مسلمانان په عراق او افغانستان کې د امریکا د هغې ناروا جګړې پیروي کوي، چې د دغو هېوادونو پر اوسېدونکو یې ور تپلې ده.

د امریکا د پخواني ولسمشر «بوش» د حکومت ناوړه پلان په وروستي حکومت کې هم پلی شو. دې اوږدې جګړې دوام وکړ، څو په دې سره د اسلام پراختیا شنډه شي او مسلمانان په نړیواله کچه ډاډه کړي، چې له متحده ایالاتونو سره د عافیې قضیه، کوم احساساتي اړخ نه لري. د «کیچ او جفک» په نوم بریټانیایۍ خیریه موسیسې ډاډ څرګند کړی، چې عافیې په همدې موده کې یو وکیل درلود او د هغې دوسیه یې پیدا کړې ده. همدارنګه د هغې له کورنۍ سره یې اړیکه درلوده او د عافیې په اړه په نړیواله کچه خبر او د هغې په اړه اندېښمن وو.

د عافیې په اړه د خبرتیا لپاره تر ډېرو ترسره شوو هڅو وروسته چې په انفرادي ډول ترسره شوي، عافیه اوس هم د تکزاس په زندان کې د بې هوښۍ په حال کې ژوند کوي. په یو محدود ځای کې د کلونو لپاره ساتل شوې او بندي شوې ده، ډبول شوې او په ډېرو ځورونو او شکنجو سره لېونتوب ته رسېدلې ده. همدارنګه پر نوموړې تېره میاشت د همغه ځای د یو وحشي له لوري برید شوی و، چا چې د هغې پر مخ د کهوې جوش اوبه ور اچولې وې. اوس عافیه د دغو ظلمونو له امله پخپلو پښو له تګه لوېدلې ده.

ډاکتره عافیه صدیقي تر ټولو صادقه او مسلمانه مېرمن ده. یوه ځانګړې مور او غوره دعوتګره ده. نوموړې پخپل مسلک کې ښه رسېدلې او د ټولو لپاره یوه ښه بېګله ده، چې نوموړې پېژني. دا مېرمن د خپلو مسوولیتونو ښه ترسره کوونکې او یوه پرهېزګاره مسلمانه وه، پر دې سربېره نوموړې اسلام ته ښه صادقه او په اسلامي ارزښتونو پوه وه. اوسمهال نوموړې د اسلامي خاورو د رهبرانو له لوري په بشپړه ډول هېره شوې، هغه کسانو چې د هغې د راخوشي کېدو لپاره یې هېڅ هڅې نه دي کړي.

د مسلمانانو واکمنان او د پاکستان حکومت داسې ډپیلوماټیک مسایل لري، چې سیاسي او نظامي ملاتړ یې ګواښلی شي او دوی د افغانستان او پاکستان په سیمه کې امریکا ته ځای ورکوي. پر دې ټولو سربېره هر ملت دا امتیاز لري، چې د خپلو بندیانو د خوشي کېدو غوښتنه وکړي. همدارنګه د نړیوالو قوانینو له مخې د بندیانو خوشي کېدل او د هغوی حق  تامین کړي، چې په ټولنه کې شتون لري او ورکړل شوی دی. یو څه چې د یوه هېواد رښتینولي او صداقت ښيي، هغه رهبري ده چې د خپلو خلکو ساتنه وکړي او امنیت یې تامین کړي. 

نو ولې د اسلامي خاورو حکومتونه د غرب پر وړاندې بې وسه دي؟ کله به له غرب څخه د دوی وېره له الله سبحانه وتعالی څخه په وېره بدل شي؟ ابوبکر صدیق رضی الله عنه فرمایي:

«إنّ النَّاسَ إِذا رَأوا الظّالِمَ فلَمْ يأْخذُوا على يَدَيْهِ أوْشَكَ أنْ يَعُمَّهُمُ الله بِعِقابٍ منهُ»

ژباړه: کله چې خلک پر کوم چا ظلم ویني، خو د هغه دفاع نه کوي، د دې پایله به دا شي چې الله سبحانه وتعالی دوی ټولو ته جزا ورکړي.

پر همدغه اساس، اوسمهال مسلمان بندیان، ټول نارینه او ښځینه له ظلم او بې عدالتۍ سره مخ دي او د یوې سپېڅلې اسلامي واکمنۍ راګرځېدو ته په تمه دي. نو د رسول الله صلی اله علیه وسلم پر تګلاره اسلامي خلافت به د الله سبحانه وتعالی د کلام اړوند ټولو مسلمانانو ته خپل حقونه ورکړي. هغه وخت به داسې یوه رهبري وي، چې ټول ورته لېوال دي. اسلامي شریعت پوځونو ته امر کوي، چې ظالمانو ته خپل زور وروښيي، څو په دې سره زموږ بندیان ازاد شي او هغه څه ترسره کړي چې ورته اړتیا ده. الله سبحانه وتعالی په قران کریم کې فرمایي:

(وَمَا لَكُمْ لاَ تُقَاتِلُونَ فِي سَبِيلِ اللّهِ وَالْمُسْتَضْعَفِينَ مِنَ الرِّجَالِ وَالنِّسَاء وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَـذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا) [نساء: ۷۵]

ژباړه: ولې د الله سبحانه وتعالی په لاره او د هغو نارینه، ښځینه او ماشومانو لپاره جګړه نه کوئ چې د ظالمانو له خوا کمزوري شوي او ظلم پرې کېږي. همغه ظلم لیدونکي کسان چې وایي: اې الله سبحانه وتعالی! موږ له دې ښاره (مکې) څخه چې څښتنان یې ظالمان دي، وباسه. ستا له طرفه موږ ته یو سرپرست وټاکه او ستا له خوا موږ ته یو مرسته کوونکی راولېږه.

نو پر همدغه اساس، دا باید د نړیوال او ستر امت غږ وي چې په قصرونو کې قدرت په دې ډول دی، یعنې خلافت ته دعوت کړل. هغه اسلامي حکومت چې په هغه کې زموږ ټولو دنده د اسلام په اړه د الله سبحانه وتعالی اطاعت کړل دي او دغه دین په پیاوړي ډول رامنځته کوي. دا نظام ډېر بې ګناه خلک ژغوري او ډېر ستر ویاړ دی، چې د پانګوالۍ او امپریالیستۍ ایډیولوژۍ شخصي ګټې له ګواښ سره مخ کوي.

د حزب التحریر مرکزي مطبوعاتي دفتر

لیکواله: ملیحه «فهم الدین»

ژباړه: بهیر «ویاړ»

 

د مطلب ادامه...

له حزب التحریر سره جګړه، له اسلام او مسلمانانو سره د جګړې په مانا ده Featured

  • خپور شوی په قرغزستان

د راپورونو له مخې د سپټمبر په ۱۰مه، ۲۹ ښځې له حزب التحریر سره د اړیکې په تور نیول شوې، وروسته د سپټمبر په ۱۵مه، ۱۰ کسان او په ۱۷مه، ۱۲ کسان ونیول شول. دغه خبر د هېواد د داخلې وزارت پر رسمي وېب پاڼه خپور شو. دغه پېښه له ولسمشریزو ټاکنو یوه میاشت وړاندې او په افغانستان کې د طالبانو په راتګ سره رامنځ ته شوه. یادې پېښې له روسیې یا هم د روسیې له ملاتړو ځواکونو سره په ازبکستان کې اړیکه لري. له روسیې سره یې اړیکه دا ده چې د میرضیایف رژيم باید د اسلام او مسلمانانو پر وړاندې د مسکو د رضایت جلبولو لپاره جګړه کمزورې نه کړي. له همدې امله ښايي د ازبکستان دولت د روسیې د رضایت جلبولو او د ټاکنیزو فشارونو د کمښت لپاره داسې وېروونکي خبرونه خپاره کړي، یا هم کېدای شي د روسیې ملاتړو ځواکونو فشار د ازبیک امنیتي ځواکونو او سیاسیونو په منځ کې وي، تر څو میرضیایف اړ کړي چې په بشپړه توګه روسیې ته تسلیم شي. لکه څرنګه چې د میرضایف رژیم د کریموف یهودي رژیم په کچه قوي نه دی، ځکه چې میرضیایف تر اوسه نه دی توانېدلی چې په کافي کچه خپل قدرت ثابت کړي، په دې دلیل چې د دوی سیاسي حلقه ډېره کمزورې ده، هم امریکا او هم روسیه هڅه کوي له دغه امر څخه د خپل ځان په ګټه استفاده وکړي، یعنې ازبکستان په بشپړه توګه تر خپل کنټرول لاندې راولي.

خو ازبیک دولت او لاسپوڅي سیاسي نخبګان د استعماري کفارو د رضایت د تر لاسه کولو په هڅه کې دي او د ترهګرۍ او افراط پر وړاندې د جګړې تر پوښښ لاندې، اسلام او مسلمانان ځوروي او د اسلام پر اساس له ژوند کولو څخه یې راګرځوي، ځکه د اسلامي ژوند د بیا احیا لپاره د ازبیک مسلمانانو لیوالتیا مخ په ډېرېدو ده. د دغه امر لپاره یوه انګېزه په افغانستان کې د امریکا ماتې وه، چې مسلمانانو د قدرت لپاره پر خپل ځان باور پیدا کړ. له همدې امله لکه څرنګه چې حزب التحریر نیږدې ۲۵ کاله وشول، چې په ازبکستان کې د اسلام پر اساس د ژوند د بیا احیا لپاره فعالیت کوي، خو د ازبکستان تر هدف لاندې راځي. حزب التحریر تل له ازبکستان څخه غواړي چې کاذبه ډیموکراسي نفې کړي، له هر کافر هېواد سره خپلې اړیکې پرې کړي، د الله تعالی پر رسۍ منګولې ولګوي، له الله تعالی ووېرېږي، یوازې پر هغه تکیه وکړي، چې د اسلام احکام راژوندي کوي، امت ته د دروغو پر ځای تل رښتیا ووایي.

دغه حزب هېڅکه هم د قدرت تر لاسه کولو لپاره د هېواد په هېڅ ځای کې د زور هڅه نه ده کړې او له خلکو هم داسې نه دي غوښتل شوي. ځکه چې دا د رسول الله صلی الله علیه وسلم له منهج سره په ټکر کې ده. یو حزب څرنګه کېدای شي چې یو افراطي سازمان شي!؟

دا ټول ښيي چې د ازبکستان دولت د حزب التحریر د مفاهیمو او مفکورو پر وړاندې کمزوری دی. دغه حزب د خلافت دولت د تاسیس لپاره خپل کار ته ادامه ورکوي، چې انشاءالله د اسلامي ژوند د بیا احیا تضمین کوي او نه شي کېدای چې د ظالمانو له وېرې، د ګناهکارانو له تورونو  او د مال او شتمنیو له لاسه ورکولو له امله دې دا کار ودریږي. لکه څرنګه چې الله سبحانه و تعالی فرمايي، همدا زموږ لپاره کافي ده:

[فَانتَقَمْنَا مِنَ الَّذِينَ أَجْرَمُوا وَكَانَ حَقّاً عَلَيْنَا نَصْرُ الْمُؤْمِنِينَ] [روم: ۴۷]

ژباړه: بیا چې چا جرم وکړ، له هغو څخه مو غچ واخیست او پر موږ دا حق و چې له مومنانو سره مرسته وکړو.

د حزب التحریرـ ازبکستان مطبوعاتي دفتر

 

 

د مطلب ادامه...

د شانګهای غړو هېوادونو د همکارۍ په چوکاټ کې په روسیه او ازبکستان کې د حزب التحریر د غړو ډله یيز نیول

  • خپور شوی په سیاسي

د سپټمبر په ۱۵مه، سهار مهال د «ځانګړو عملیاتو» تر نامه لاندې، لږ تر لږه ۱۸ مسلمانان د  FBSاو کورنیو چارو وزارت لخوا په مسکو کې ونیول شول. دا راپور د میموریال د بشري حقونو د مرکز لخوا د بشري حقونو د مشهور فعال بخرام خامروف له خوا ورکړل شوی دی.

د نیول شوو کسانو د خپلوانو په وینا؛ دغه تحقیقي عملیات د سهار په پینځو بجو د مسکو په دریو ولسوالیو کې په یوه وخت پیل شول. د دغه پلټنو په جریان کې امنیتي ځواکونو هڅه کوله، چې د حزب التحریر نشرات پیداکړي، ټلیفونونه او الکترونیکي میډیا او همدارنګه د قرانکریم په ګډون چاپ شوي، اسلامي کتابونه یې هم ضبط کړل. همدارنګه دغه ټول نیول شوي کسان ازبک دي، یو له هغو یې د روسیې تبعه دی.

د سپټیمبر په ۱۶مه، د ازبکستان د کورنیو چارو وزارت له تروریزم او افراطیت سره د مبارزي اصلي ریاست د ازبکستان په پلازمینه کې، د دوی په وینا «د نړیوال ترهګریز سازمان حزب التحریر» د ښځو څانګې پر فعالیت د فشار راپور ورکړ. په تاشکند او د تاشکند په سیمه کې ۲۹ مسلمانې ښځې نیول شوې دي. د امنیتي ځواکونو په وینا دوی په فعاله توګه د دغې افراطي حرکت «حزب التحریر» د نظریو په خپرولو او د خلکو په جذبولو کې برخه درلوده. د دغو نیول شوو کسانو په تلیفونونو او کورونو کې د دغې افراطي حرکت مواد پیدا شوي دي. بیا وروسته راپور ورکړل شو چې د تاشکند د المزار په ولسوالۍ کې لس کسان د دغه افراطي حرکت په فعالیتونو کې د ګډون په شک نیول شوي دي. د سپټمبر په ۱۷مه، د ازبکستان د مرکز د داخلي چارو مطبوعاتي خدمت اعلامیه ورکړې، چې د ازبکستان په مرکز کې یې ۱۲ کسان د حزب التحریر د فعالیتونو په تور نیولي دي. دوی له مشهور قرغزستاني وبلاګر محمدجان خالداروف سره د اړیکې په تور تورن شوي دي. په ازبکستان کې له پنځوسو کسانو ډېر د حزب التحریر په فعالیتونو کې د ګډون په جرم د دغه دوه ورځو په موده کې نیول شوي، چې ۲۹ په کې ښځې دي.

په ورته وخت کې د سپټمبر په ۱۷مه، د تاجکستان په مرکز دوشنبې کې، د امام علي رحمان په مشرۍ د شانګهای سازمان د مشرانو غونډه ترسره شوه. د روسیې د فدراسیون V.V. مشر پوتین د ویډیو کنفرانس له لارې په کې برخه اخیستې وه.

دا څرګنده ده چې په مسکو او تاشکند کې نیونې د ۲۰۲۱م، د سپټیمبر په ۱۷مه، د شانګهای سازمان په غونډه کې مشخصې شوې وې. د شانګهای سازمان د غونډې اصلي موضوع تل «د ترهګرۍ او افراطیت پ روړاندې مبارزه» وي. وروسته له دې چې طالبان په افغانستان کې واک ته ورسیدل روسیې، تاجکستان پر طالبانو ووېراوه او د دوی په پوځي اډه کې یې د ځواک په جوړولو پیل وکړ. د ۲۰۱ موتوري ټوپک لښکر چې په دغه هېواد کې دی، غواړي له افغانستان څخه د امریکا له وتلو ګټه پورته کړي او د دوی موقف کمزوری کړي، ترڅو په اسیایي هېوادونو کې خپل حضور پیاوړی کړي. نو په دې توګه، مسلمانان یو ځلې بیا په مستعمره اسلامي هېوادونو کې د نفوذ لپاره د امپریالیستي دولتونو په کشمکش کې قرباني کیږي.

الله سبحانه وتعالي په قرانکریم کې فرمایلي دي:

﴿وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ﴾ [البقره:۱۱]

ژباړه: کله چې هغوی ته وویل شول: په ځمکه کې فساد مکوئ! نو هغوی همدا وویل: موږ خو اصلاحات راوستونکي یوو.

لیکوال: شیخ الدین عبد الله

د حزب التحریر مرکزي مطبوعاتي دفتر لپاره

 

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې