پنجشنبه, ۱۷ رمضان ۱۴۴۵هـ| ۲۰۲۴/۰۳/۲۸م
ساعت: مدینه منوره
Menu
القائمة الرئيسية
القائمة الرئيسية

pr header

 

 

هجری قمری نېټه :     30 شوال 1444

میلادی نېټه :     شنبه, 20 می 2023 م

شمیره:      ګڼه: ح.ت.افغ ۰۸/۱۴۴۴

مطبوعاتی دفتر
ولایه افغانستان

مطبوعاتي اعلامیه
امریکا د افغانستان د فضا پر اشغال ټينګار کوي، موږ د خلافت دولت پر تاسیس!

 د امریکا د مرکزي ځواک "سنټکام" قوماندان جنرال مایکل کوریلا د جنورۍ له لومړۍ څخه د مارچ تر ۳۰مې د دوی د څېړنیزو عملیاتو په اړه کانګریس ته وويل چې طالبان د خراسان څانګې له داعش سره د مبارزې لپاره پياوړې اراده لري؛ خو د هغه په وینا د دې وړتیا نه لري چې په راتلونکي کې د دې ډلې د تروریستي بریدونو مخه ونيسي. د همدې لپاره امریکا د افغانستان پر فضا خپل نظارت زیاتوي. د نظارت د زیاتوالي لپاره هغوی د جاسوسۍ داسې هوايي وسایل ازمايي چې د اوږدمهال لپاره په فضا کې پاتې کېدای شي.

پر افغانستان د اسلامي امارت تر حاکمیت وروسته دا څووم ځل دی چې امریکا د افغانستان د فضا د کنټرول خبره کوي. کله چې امریکا د افغانستان د ځمکې پر سر له نظامي ماتې سره مخ شوه، امریکا هڅه کوي چې له مختلفو لارو پر افغانستان خپل نفوذ بېرته ترلاسه کړي.

په افغانستان کې د جمهوریت په راپرځېدو په دې جغرافیه کې د امریکا د استخباراتو کابو ټولې کړۍ وشلېدې؛ د جمهوریت نظام، د امریکا سفارت، امنیتي بنسټونه، نادولتي سازمانونه... دغو ټولو د CIA د رسمي جاسوسانو تر څنګ د امریکا لپاره استخباراتي چارې پر مخ وړلې؛ خو د امریکا نظامي ماتې دا کړۍ وشلولې او امریکا یې اندیښمنه کړه. نو د افغانستان پر فضا کنټرول؛ د تجسس دوام، د هغو کسانو په نښه کول چې د امریکا نه خوښېږي او همدارنګه پر اسلامي امارت د فشار په مانا دی؛ څو له یوې خوا له امریکا سره استخباراتي همکارۍ ته چمتو شي، چې پر ځمکه د هغوی استخباراتي تشه ډکه کړي او له بلې خوا د اسلامي امارت مشرانو ته تل اخطار ورکړي چې د اسلام په پلي کولو، د امریکا د ګټو او سیکولر ارزښتونو د نه پيروۍ په صورت کې به په نښه کړل شي.

امریکا د اشغالګرۍ سیاست ته دوام ورکوي، هر ځای چې خالي فضا پيدا کړي، نفوذ پکې کوي او حریمونه یې ماتوي. پر دې سربېره ځان د ځينو اصولو مدافع هم ګڼي، چې ګواکي بشرپال دي. په دې اړه د سیمې هېوادونه هم خپلو خیانتونو ته دوام ورکوي او خپل هوايي دهلیزونه د امریکا د جاسوسۍ الوتکو ته پرانیستي پرېږدي، ترڅو په سیمه کې امريکا خپلې نظامي او استخباراتي موخې وڅاري او له منځه یې یوسي. د ایمن الظواهري شهادت له همدغو بېلګو څخه یو دی. امریکا خپلو دغو موخو ته «د تروریزم پر وړاندې د مبارزې» تر نامه لاندې ادامه ورکوي، په داسې حال کې چې تر همدغه نامه لاندې امریکا ۲۰ کاله په اسلامي خاورو کې د اسلام او مسلمانانو پر وړاندې وجنګېده.

نو په افغانستان کې اساسي بدلون په سیمه کې په اساسي بدلون پورې تړلی دی. که منځنۍ اسیا او پاکستان د افغانستان پر محور یو له بل سره راټول نه شي، دروغجنې او استعماري پولې ماتې نه شي؛ باید پوه شو چې د افغانستان او نورو مسلمانانو پر وړاندې به د سیمې د هېوادونو خیانت ونه درېږي او همدارنګه له امریکا سره به یې همکاري ادامه ولري. له بلې خوا دغه تغییر باید د اسلام پر اساس وي. که دغه جغرافیه د اسلام او واحد امت د مفهوم پر اساس راټوله شي او په دې جغرافیه کې د خلافت دولت بنسټ کېښودل شي؛ خاینان حذف کېږي او د دې تر څنګ چې د الله تعالی نصرت راجلبېږي، د دغه امت مفکرین او امکانات به هم دې جغرافیې ته راټول شي او هغه مهال به ځمکه او هوا له اشغاله پاکه کړي او حتی دښمن به د هغوی په خپله جغرافیه کې له ګواښ سره مخ کړي.

د حزب‌التحریر - ولایه افغانستان مطبوعاتي دفتر

نظر ورکړئ

اسلامي خاورې

اسلامي خاورې

غربي هېوادونه

ټول لینکونه

د پاڼې برخې