د کراچۍ ګډوډ سیاستونه دا قضیه ثابتوي، چې په دېموکراسۍ کې یوازې غوره طبقه د خلکو راتلونکی حکومت ټاکي.

(ژباړه)

دا حقیقت په ټوله نړۍ کې روښانه شوی، چې د دېموکراسۍ تر چتر لاندې ټاکنې خلک د خپلو غوښتنو مطابق خپل استازي نه شي ټاکلی؛ بلکې حاکمه غوره طبقه له ټاکنو وړاندې د خپلو خلکو ټاکنې د ټاکنیز فساد له لارې محدودوي او بدلوي.  هغه ګډوډۍ چې په دغو وروستیو ورځو کې د کراچۍ په سیاست کې روانې وې، داښیي چې دغه واقعیت په ټول پاکستان کې روان دی. په ناڅاپي ډول د دوو جناحو «متحد قومي حزب» (MQM) تر منځ اېتلاف اعلان شو، ځکه د تصور وړ نه و، چې له اتحاد ۲۴ ساعته وړاندې دغو دواړو رهبرانو اعلان کړی و چې مخالف جناح یې له سیاسي پلوه له منځ وړي. که څه هم په ښکاره د لیدو وړ دی، خو  په ډاډ سره ویلی شو چې د دغو دواړو جناحو تر شاه د حکومتي غوره طبقې لاس شته. د ډاون ورځپاڼې وویل: «د دواړو حزبونو مرکزي رهبري د هغو قدرتونو په واسطه چې د غونډې لپاره په دفاع وزارت کې احضار شوي وو؛ دغه اعلان وکړ، چې شخړې یې نور د زغم وړ نه دي».  

په حقیقت کې د دغو ټاکنیزو لاسوهونو لومړی ځل نه دی، چې په پاکستان کې تر سره کېږي. په ۲۰۰۷م کال کې پخوانۍ لومړۍ وزیرې بې نظیر بوټو له نظامي دیکتاتور جنرال پرویز مشرف سره خپل تړون داسې لاسلیک کړ، چې یو ځل بیا واک ته ورسېږي.

د امریکا د بهرینو چارو پخواني وزیر کاندولیزارایس پخپل کتاب د لوړ ویاړ نشت ((No Higher Honor کې د دغه تړون جزیات څرګند کړل. حتی تر دغه وړاندې په ۱۹۹۰یمه لسیزه کې ټاکنې ښیي، چې حاکمه غوره طبقه له ټاکنو وړاندې ډاډه وي، چې که خلک هر څوک ټاکي، نو باید د دوی په خوښه وي. په دېموکراتیک نظام کې حاکم د خلکو د ټاکنو د محدودولو په هڅه کې دی، ځکه کوم کسان چې مجلس ته لاره پیدا کوي، د هېواد د سیاستونو او قوانینو د جوړولو قانوني حق لري.

نو ځکه له هرو ټاکنو وړاندې د سیاسي حزبونو تر منځ سیالي پیلېږي ترڅو غوره حاکمه طبقه تایید کړي، چې مجلس به د هغوی له غوښتنو سره سم قوانین او سیاستونه رامنځته کړي. خو د دغه نظام بشپړ خلاف، د اسلام په سیاسي نظام (خلافت) کې خلک په خپلو رایو سره خلیفه او د امت مجلس استازي ټاکي؛ ځکه چې دواړه یې د قانون جوړلو هېڅ قدرت نه لري؛ بلکې خلیفه مجبور دی، چې هغه قانون، احکام او سیاستونو پلي کړي، چې له قرانکریم او سنتو څخه اخیستل شوي دي؛ په داسې حال کې چې د امت مجلس د اسلام پر بنسټ د قوانینو تطبیق تضمینوي.

نو ځکه، که خلیفه او د امت مجلس د غوره طبقې په هڅو وټاکل شي، دا حق نه لري چې قوانین رامنځته کړي او واکمنه غوره طبقه نه شي کولی چې پر هغوی فشار راوړي چې د دوی له غوښتنو او سیاستونو سره سم قوانین مطرح کړي. همدا راز، هغه غوره طبقه چې په دېموکراتیک نظام کې شته، هېڅ وخت په اسلامي خلافت کې نشته. له تاریخي پلوه هغه وخت چې د خلیفه منصب له اسلام څخه د کمزوري درک له امله په څو کورنیو کې همداسې پاتې وو؛ حتی په هغه وخت کې هم واک له خلیفه سره و، نه له هغې کورنۍ او غوره حاکمې طبقې سره چې په هغوی پورې تړلی و. همدارنګه خلیفه په خپلواک ډول اسلام تطبیق کاوه او د خلکو چارې یې تنظیمولې. همدا راز نامتو خلفاوو لکه د امویانو په دوره کې عمر بن عبدالعزیز، د عباسیانو په دوره کې هارون الرشید او د عثمانیانو په دوره کې مو سلیمان قانوني ولید، چې له خپلو واکمنیو څخه یې د اسلام او مسلمانانو د پیاوړي کولو لپاره ګټه اخیسته. په حقیقت کې خلافت یوازینی نظام دی، چې د خلکو حقوق تضمینوي، ځکه په دغه نظام کې خلک په هېڅ سیاسي حزب او په ټاکنو کې د هغوی په بریاوو پورې تړلي نه دي؛ ترڅو ډاډه شي چې د حاکم تر ټاکنې وروسته خپل حقونه پیدا کولی شي؛ بلکې د خلکو حقونه د الله سبحانه وتعالی د شریعت په واسطه ټاکل کېږي او پر خلیفه لازمه ده چې رعایت یې کړي.

دېموکراسي د پانګوالو او د ځواکمنو سېکولرو حکامو نظام دی او ان ښه حکام یې د دولت تر ټولو لږ سرچینې د خلکو لپاره ځانګړې کوي؛ تر څو هغوی د دغو فاسدو او سېکولرو حکامو پر وړاندې راپورته نه شي. اوس د دې وخت دی، چې د پانګوالۍ له چل او خیال څخه بهر شو، ځکه د دې لامل کېږي چې د خپل راتلونکې لپاره هوډ ونیسو. په دېموکراسۍ کې سېکولر حکام زموږ په اړه هوډ نیسي. په همدې دلیل د پاکستان خلک اوس هم په پاکستان کې د اسلام د پلي کولو هیله لري. که څه هم هغوی اویا کاله وړاندې د اسلام پر وړاندې خپل راتلونکي ته ژمن وو، په داسې حال کې چې د خپلواکۍ غوښتنې حرکت په دوام کې یې داسې شعار ورکاوه: «د پاکستان رښتینې مانا څه ده؛ لا إله إلا الله.» یوازې په راشده خلافت کې موږ د خپل راتلونکي په اړه په هوډ نیولو کې خپلواک یو؛ ځکه خلیفه او د امت مجلس یوازې له اسلام څخه پیروي کوي.

﴿اَلَا يَعلَمُ مَن خَلَقَ وَهُوَ اللَّطِيفُ الخَبِيرُ﴾

[ملک: ۱۴]

‏ایا هغه چا چې موجودات پیدا کړي، له حاله یې نه دی خبر؟! په داسې حال کې چې هغه له دقیق اسرار څخه خبر دی.

د حزب التحریر ـ ولایه پاکستان مطبوعاتي دفتر

﴿فَأَمَّا الْإِنسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ  وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ ﴾

[الفجر:15-16]

ژباړه: خو د انسان حالت داسې دی، چې کله یې رب په ازماېښت کې واچوي او ورته عزت او نعمت ورکړي، نو وایي: زما رب زه(چې د نعمت ارزښت مې درلود) د عزت خاوند کړم او که یې په ازماېښت کې واچوي او رزق یې پرې تنګ کړ، نو وایي: زما رب زه ذلیل کړم.

فَأَمَّا الْإِنسَانُ خو انسان، انسان څرنګه دی؟ إِذَا مَا ابْتَلَاهُ رَبُّهُ کله یې چې پروردګار ابتلا کړي ـ «ابتلاء» د افشا سازۍ، د فرد د باطن د څرګندولو  او په فارسي کې له امتحان او ازموینې سره معادله معنا لري ـ الله سبحانه و تعالی،  انسان له کومې لارې ابتلا کوي ؟

فَأَكْرَمَهُ وَنَعَّمَهُ. «اکرمه» یعنې خوښوي یې  او  نعمت ورکوي ـ «اِکرام» یعنې احترام او «تنعیم» یعنې نعمت بښل ـ د بېلګې په توګه: استعداد او زیرکتیا ورکوي، یا واک او مقام تر لاسه کوي، یا ثروت او شتمني پيدا کوي، کله چې کرامت، مقام، احترام، شتمني او هوساینه ومومي؛ نو  فَیقُولُ رَبِّی أَكْرَمَنِ. فکر کوي، چې ارزښت او وړتیا یې درلوده، چې نعمتونه یې په برخه شول. په داسې حال کې چې الله سبحانه وتعالی وایي: موږ په دغو نعمتونو او اکرام سره هغه ابتلا کوو یا هغه څه یې چې په زړه او باطن کې دي، ورته پر مخ کوو او افشا کوو یې.

او بر عکس: وَأَمَّا إِذَا مَا ابْتَلَاهُ او کله یې چې بل ډول ابتلا کړي. فَقَدَرَ عَلَیهِ رِزْقَهُ نو رزق یې دومره پرې تنګ کړي، فَیقُولُ رَبِّی أَهَانَنِ هغه وخت بیا وایي: پروردګار مې خوار او ذلیل کړم. اهانن له «هون» څخه اخیستل شوی او «توهین» او «اهانت» هم له دغې ریښې څخه دي. ټولې دغه کلمې د خوارۍ، ذلت او  بې پتۍ په معنی دي.

انسان عجیب حالت لري، کله چې الله سبحانه وتعالی ورته نعمت ورکړي، وایي: الله ما سره محبت لري او زه ورته نږدې یم. یا په دې دلیل چې ځانګړی انسان دی یا له ځانګړې قبیلې، نژاد او قوم څخه دی، نو ځکه الله ورته ډېر نعمتونه ورکړي دي. خو که لږ یې د ژوند وضعیت بد شي، وایي: الله ما سره محبت نه لري. په داسې حال کې چې الله سبحانه و تعالی په نعمت او فقر، په لږوالي او زیاتوالي، په استعداد او بې استعدادۍ، په دنده او بې کارۍ، په قدرت او عزلت، په خوښۍ او غم، انسان ابتلا کوي او اصلي څېره یې بربنډوي او له دغو څخه یو هم د ویاړ او حقارت لامل نه دي.

په حقیقت کې د الله سبحانه و تعالی محبت په دنیا کې د بنده له موقف او مقام، له شتمني او مادیاتو سره تړاو نه لري. دغه ټول حالتونه یوازې امتحان او د افشا کولو یوه پروسه ده. الله هر څوک په ځانګړې تګلاره امتحانوي. د بېلګې په توګه: چا ته شتمني یا سیاسي قدرت یا په ټولنه کې موقف ورکوي، چې څرنګه ترې ګټه اخلي: ایا له قدرت او ثروت سره لېونی کېږي او ځان بایلي او  د قدرت او موقف د نه لاسته ورکولو لپاره، خپل اېمان او ارزښتونه پر باطل پلوري او د خلکو پر وینو تجارت او سیاست کوي؟ یا برعکس، خپل قدرت او مقام له باطل سره په مبارزه کې او د الله د دین د قایمولو او د خلکو د خدمت لپاره استفاده کوي او د خپل اخرت لپاره ترې ګټه اخلي. په مقابل کې، پر هغه رزق او سرمایه تنګوي، چې ځان بایلي او له حرامو لارو څخه خپل رزق او پانګه غواړي او د یو موټي پیسو یا د یو بې ارزښته مقام د لاسته راوړلو لپاره د اسلام سرې کرښې تر پښو لاندې کوي او خپل ځان، اېمان، ارزښتونه او عزت پر باطل پلوري؟!

که څه هم د دغو ټولو پروسو او مسلو پایلې لا له وړاندې الله سبحانه و تعالی ته جوتې دي؛ خو دغه میکانیزم یې د دې لپاره جوړ کړی، چې زموږ ذات او اصلي حالت موږ او نورو ته افشا کړي، چې موږ به د دغو اعمالو د ترسره کولو په لړۍ سره یا جنت ته ځو او یا به هم د دوزخ په سوځوونکي اور کې سوځو، تر څو په اخرت کې بنده په خپل جنتي او دوزخي حالت، پخپله قضاوت او قناعت وکړي.

په قران کې د «ص» په سورت کې په پر له پسې د دوو پیغمبرانو کېسه راغلې ده: یو د سلیمان علیه‌السلام او بل د ایوب علیه‌السلام. الله سبحانه و تعالی حضرت سلیمان علیه‌السلام ته بې نظیره حکومت او قدرت ورکړی و، ان تر دې چې بادونه او خورا ستر پېریان(جنیات) یې تر امر لاندې وو. خو ایوب علیه‌السلام هېڅ قدرت او حکومت نه درلود او هر څه ترې واخیستل شول؛ کور، ژوند، مال، اولادونه او ان روغتیا یې هم له لاسه ورکړه.

په داسې حالت کې که له چا څخه وپوښتې چې له دغو دوو امتحانونو څخه کوم یو خوښوې، څه ځواب به درکړي؟ 

له شک پرته چې ډېری به لومړی ځواب وټاکي. په داسې حال کې چې لومړۍ یې سخت دی. که چېرې انسان د هوساینې په وخت کې اسلامي مفاهیم ونه لري، نو لار ورکی کېږي او د الله سبحانه وتعالی له شریعت څخه غافلېږي. په همدې دلیل  (۱۵م ایت) چې په نعمت  او (۱۶ام ایت) چې په فقر امتحان دی، سخت او د ارزښت له اړخه لومړی دی.

همدا اوس په افغانستان کې ډیری داسې کسان پېژنو، چې د جهاد – د سختیو ، ستونزو او خطرونو په دوران کې پر شریعت پابند  او معتقد کسان وو. له هر څه به یې له کفر سره مبارزې ته ترجیح ورکوله او دنیوي، سیاسي او ټولنیز موقف او پانګې ورته هېڅ ارزښت نه درلود، د غیر اسلامي نظامونو او مفکورو پر وړاندې یې تر وروستۍ سلګۍ مبارزه کوله؛ خو دا چې امکانات او څو میلیونه ډالره یې پیدا کړل، وضعیت یې څه ډول شو؟ په فکري او مبارزاتي خط کې یې څه ډول بدلونونه راغلل. خپله تېره مبارزه یې هېره کړه، له اخرته ورته دنیا خوږه شوه او د حق ډګر یې د بې ارزښته موقتي مقام، او څو میلیونه کاغذونو لپاره باطل ته پرېښود. نو د نعمت په حالت کې امتحان ډېر سخت دی.

سلیمان علیه السلام به تل ویل: هَذَا مِن فَضْلِ رَبِّی دغه فضیلتونه مې پروردګار را کړي، لِیبْلُوَنِی أَأَشْكُرُ أَمْ أَكْفُرُ تر څو مې امتحان کړي، چې ایا زه یو شکرګزار او که ناشکره بنده یم؟. ویل به یې: یا الله ما ته الهام وکړه، چې د نعمتونو شکر دې ادا کړم، او پوه شم چې څنګه ترې استفاده وکړم. رَبِّ أَوْزِعْنِی أَنْ أَشْكُرَ نِعْمَتَكَ الَّتِی أَنْعَمْتَ عَلَی وَعَلَى وَالِدَی [احقّاف:۴۶] او ښيې چې څومره د حق امر ته تسلیم دی. هغه د الوتونکو او مېږیانو په ژبه پوهېده، او بې نظیره واک یې درلود، حتی باد  یې تر امر لاندې وه، خو هېڅکله یې خپله بنده ګي نه هېروله او د الله سبحانه و تعالی له یاده نه غافېلېده.

همداسې ایوب علیه السلام. هغه ټولې سختۍ او مصیبتونه زغمل، خو هېڅ کله به د خپل پرودګار له رحمته نه منکرېده. او صبر به یې کولو. تر هغه چې الله سبحانه و تعالی یې په حق کې وایې: نِعْمَ الْعَبْدُ عجب ښه بنده دی! إِنَّهُ أَوَّابٌ او الله ته رجوع کوي.

په پایله کې، نه فقر او نه عزلت د اهانت نښه ده، نه دارایې، نه سیاسي واک درلودل او نه ټولنیز موقف د کرامت نښه ده؛ بلکې دواړه د امتحان وسیلې دي. نو د نعمتونو په وخت کې باید تکبر او غرور ونه کړو او نه د مصیبتونو په وخت کې ناهیلې او مایوسه شو. که د انسان ژوند پر اسلامي مفاهیمو ولاړ نه وې او داسې روښنایې یې د ژوند په کږلېچونو کې لارښوونه ونه کړي، انسان په دې دواړو حالتونو کې طغیان او فساد کوي. نو د یوه مومن کلک او سم موقف داسې وي، چې د نعمت په حالت کې شکر کوي او له خپلې شتمنۍ څخه د خیر په لاره کې ګټه اخلي او د مصیبت په وخت کې صبر کوي. الحق، چې د شاکرینو او صابرینو ځای د جنت ستر باغونه دي، چې پراخوالی یې له ځمکې او اسمان سره برابر دی.

لیکوال: مصدق سهاک

ژباړن: علي عمار

(ژباړه)

د شرق نصارا او د انطاکیا اسقف (مسیحي رهبر) «بشاره بطرس راعي» سعودي ته په سفر کې د سعودي له ولي عهد او ملک سلمان سره ولیدل. د سعودي له خبري شبکې نه په نقل،  د ۲۰۱۷م کال د نومبر پر ۱۴مه «راعي» په خپله لیدنه کې له ملک سلمان سره د اعتدال په ترویج، د افراطیت او ترورېزم د مخنیوي او په سیمه او نړۍ کې دسولې او امنیت په راوستو کې د بېلابېلو ادیانو او ثقافتونو د رول پر اهمیت خبرې وکړې. په دې توګه د انطاکیا د رهبر خبرې د سعودي د ولي عهد له هغه خبرو سره سمون خوري، چې د ۲۰۱۷م کال د سپټمبر پر ۲۴مه یې کړې وې، چې ګویا سعودي غواړي خپل مخکیني حالت (معتدل اسلام ته چې دروازه یې د ټولو ادیانو پر مخ پرانستې ده) وروګرځي. همدارنګه زیاته یې کړه: « دېرش کاله مو له افراطي افکارو سره په تعامل کې نه ضایع کوو او د طبیعي ژوند غوښتونکي یو. موږ غواړو خپل مخکیني حالت ته وروګرځو، چې د ټولو دینونو، رواجونو او خلکو پر مخ پرانیستی اسلام دی.» داسې معلومېږي، چې د سعودي ولي عهد غواړي سعودي د سیکولرېزم خواته بوځي او اسلام ته د دعوت مخه ونیسي او همدارنګه نصراني او نور دینونه له اسلام سره برابر کړي.

له بلې خوا کوېټي اونیزې د ۲۰۱۷م کال د نومبر پر ۱۴مه د انطاکیا رهبر بشاره بطرس راعي لبناني ته د ملک ال سعود له خوا د سرو زرو د یوې ارزښتمنې ډالۍ ورکړې خبر ورکړ. همدارنګه اونیزه زیاتوي: «د راعي لیدنه به پر سیاسي اړیکو سربېره د کلیسا جوړولو په برخه کې د سعودي ادارې لومړی ګام وي، چې قدامت یې ۹۰۰ کلونو ته ورګرځي، چې ویل کېږي د اسلام او مسیحیت د خبرو اترو رمز پېژندل شوې او د اسلام پر وړاندې به قطب شي.

نو پر دغه اساس د سعودي نظام د رسول الله صلی الله علیه وسلم پر وړاندې له هغه څه سره، چې الهي وحی حرام کړي، چې په عربي جزیره کې د کلیسا او یا کفري معبد یا کفر شتون دی، خپله جګړه اعلان کړې ده.

عثمان طه

ژباړن: بشارت