Mnamo Jumamosi, tarehe 7 Rabi’ al-Akhir 1448 H, sawia na tarehe 19/9/2026 M, ujumbe kutoka Hizb ut Tahrir/Wilaya ya Sudan—ukiongozwa na Ustadh Nasser Ridha, Mkuu wa Kamati Kuu ya Mawasiliano ya Hizb ut Tahrir katika Wilaya ya Sudan, akiandamana na wajumbe wa Baraza la Hizb ut Tahrir/Wilaya ya Sudan, Ustadh Mohiuddin Bukhari na Dkt. Ahmed Abdel-Fadil, pamoja na wanachama wa hizb, Ustadh Khalid Al-Jadia’, Fadlallah Ali Suleiman, na Abdel-Wahab Muhammad Abdel-Wahab—ulifanya ziara ya kwanza kukutana na Ustadh Abdel-Hay Safiuddin Najeh, Mkuu wa Baraza la Kabila la Dar Hamar, katika makazi yake yaliyoko mtaa wa Kober, Khartoum Kaskazini.

Baada ya Marekani kusisitiza kumweka Ali Al-Zaidi kama Waziri Mkuu wa Iraq na kumuunga mkono, huku ikimkataa mgombea wa Muungano wa Uratibu (Coordination Framework), Nouri al-Maliki, na kutishia kuweka vikwazo vya kiuchumi, na baada ya jambo hilo kufanikiwa kama ilivyotaka, ilifanya hatua kadhaa za kuboresha taswira yake na kuwashawishi wananchi wa Iraq kuwa yeye ndiye mtu sahihi kwa wakati huu, na mwenye uwezo wa kuiokoa Iraq na kuifikisha mahali salama. Hivyo, ilimwalika Washington kutangaza kuanza kwa awamu mpya kuhusu uchumi wa Iraq, jambo ambalo alianza kwa kampeni ya kuwawajibisha mafisadi.

Inasikitisha sana kwamba Libya—nchi ya ukombozi wa awali na upinzani dhidi ya wavamizi, chimbuko la wanazuoni mashuhuri na mstari wa mbele katika kuhifadhi Qur’an Tukufu, nchi ya Omar Al-Mukhtar na wahifadhi wa Qur’an milioni moja—iwe uwanja wa mzozo kati ya dola za kikoloni, huku kichocheo chake kikiwa ni vijana wa Kiislamu, mali zao, na ardhi zao. Tangu dhalimu Muammar Gaddafi alipoondolewa madarakani mwishoni mwa mwaka 2011 hadi leo, wale wanaowania madaraka wameendelea kuitumbukiza nchi katika machafuko, huku wakitumikia maslahi ya dola za kikoloni.

Katika mahojiano ya hivi karibuni na The New York Times jijini Kabul, waziri wa mambo ya nje wa Afghanistan aliialika rasmi Marekani kufungua tena ubalozi wake na kuwekeza katika sekta za miundombinu na madini za Afghanistan, akisema: "Tunachukulia sura ya vita kuwa imefikia mwisho, na kuanzia sasa, tunataka uhusiano unaotegemea heshima ya pande zote na mwanzo wa sura mpya ya ushirikiano chanya."

Chansela wa Ujerumani Friedrich Merz alitangaza mnamo Ijumaa kupinga kwake Muungano wa Ulaya kuweka vikwazo kwa umbile la Kiyahudi, huku Ufaransa ikitangaza kwamba haitakubali kuondoa vikwazo vilivyowekwa na Baraza la Usalama la Umoja wa Mataifa kuhusu Iran isipokuwa makubaliano yoyote ya mwisho kuhusu mpango wake wa nyuklia yajumuishe kushughulikia mpango wake wa makombora ya masafa marefu na uungaji mkono wake kwa makundi yenye silaha katika eneo hilo.